يا صدفً عشنا بعدها حبيبين

٢٦

عند عز الي راح لحاره ابو فارس يسأل عن الرجال والكل كان يثني عليه وآخر شي وقف عند راعي البقاله وهو يشري له مويه ويحاسب وساله :تعرف فارس
العامل:اوف هذا مره مو كويس
عز باستغراب:ليه
تو جاء بيتكلم بس تفاجأ بعيال عم فارس داخلين ويناظرون بالعامل بحده وقال:انت يقصد فارس ولد عم فيصل
عز:لا فارس ال...
عامل:اوه هذا نفر واجد زين
هز راسه عز وطلع وتقدمو عيال عمه وهم يسحبون العامل من ياقته
رجال١:لو كشفت فارس عنده كان انت ميت الحين
رجال ٢:اي احد يسألك عنه مره ثانيه ايش تقول
العامل بخوف:واجد زين
فكوه وهم يرتبون ملابسه وقال واحد منهم:شاطر والحين عطني بكت زقاير وخليه على حساب فارس العريس
ضحكو الاثنين وقال العامل:بس فارس صار مأخذ اغراض كثير هو مايجيب فلوس
الرجال ١:اقول خلصني ولايكثر
مد العامل له البكت وطلعو وهو يدعي عليهم مره وبعدها اتجه عز للرياض
عند البنات مناير تبكي منهاره:يا امي تكفين ابوي ليه يعاملني كذا مالي رأي ولا شور هذي حياتي ليه يقرر عني
رحمه :مغلوب على امري وش بيدي اسوي
مناير طلعت بزعل:الله يآخذني ويفكني من هالعيشه
سدن:محد يقدر يوقف هالزواج إلا عز
غلا:او غيم
رحمه:غيم لا كفايه ماجاها مسيكينه مو ناقصه
غلا:البلا عز ماراح يرجع إلا آخر الليل
إيلين:بكلم جابر
طلعت إيلين وهي تشوف جابر تو جاي من سوق الخضار واتجهت له تحط كرتون الفواكه من يده ومسكت يده متجهه للغرفه
جابر:عسى ماشر وش فيك
إيلين دخلته الغرفه وقفلت اتجهت له وهي تجلسه وجلست بجنبه وقالت وهي تمسك كف يده:جدي غصب عمه مناير على ذا الرجال
جابر :كيف!!!
إيلين:جابر لازم نوقف الزواج عمتي ماتبي
جابر:كيف ومتى صار
إيلين:يبي يعقد الليله والعرس بعد اسبوعين احسه مستقصد يعقد عشان عز مو فيه وعشان خلاص تصير زوجته رسمي
جابر يمسك رأسه:جدي ماعد تحتمل حركاته والله
إيلين:جابر تكفى سوي شي اخاف ان عمه مناير من القهر تضر نفسها
جابر:بحاول اكلم عمي نواف يساعدني نبطل هالزواج
إيلين:اي بالله حاول هو خلاص جدي تعود كل شي عنده بالإجبار حتى حنا زوجنا غصب عنا
ناظرها جابر وقال:ان كانك لسا حاسه انك مغصوبه ترا مستعد أحررك و..قاطعته وهي تضرب مبسمه:اص ماقصدت كذا اصلاً إذا ممكن أدين لجدي بشي أدين له انه غصبني آخذك
جابر ناظرها بصدمه:اوف اللسان حليان
إيلين:كيف أعجبك
ابتسم جابر يقرب لها وهو يمسك ذقنها وقال بهمس في أذنها:كلك تعجبيني مو بس حكيك
ارتعشت أيلين من قربه وهمسه وقال :الوعد الليله
إيلين ارتجف قلبها وتوسعت عيونها بصدمه من بوسته الي طبعت بنص خدها وحمر وجهها خجل وقف جابر يشوف صدمتها وحياها وابتسم وطلع
عند سدن الي احرقة جوال عز مكالمات بس مغلق وتوتر الجو من بكاء مناير وهي مو مرتاحه للزواج ذا مره
عند غيم والبنات كان هاليوم مار عادي مافي اي احداث أبدا
ببيت ابو أديم
أديم حطت هيا براسها وصارت تنبش وراها وتحاول تجيب اي شي ممكن يفضحها قدام زيد وهي ناويه تنتقم منه وتوريه كيف انها مو كفو بس عجزت تلقى شي
اما محمد من صحي يدق على عز مايرد وقرر يروح المزرعه يسأل عليه
عند مزرعه الجابر
البنات يجهزون ويرتبون الزل بالمزرعه والي تحط صحون التمر والدلال
دق الباب واتجهت نور تفتح وهي مقهوره على مناير وقفت ورى الباب
:مين
محمد:عز فيه
حست الصوت مالوف لها ومالت على خفيف تناضره وعرفته وقالت:حنا نحاول نتواصل معه ماكلمك؟
محمد:لا بس ليه وش العلم
نور بقهر :جدي يبي يزوج عمه غصب
محمد فكرها تستهبل نفس المره الاولى وقال بطقطقه:ماني المملك
نور بقهر:تستضرف انت
محمد:هههههههههههههه وش فيك امزح انتي تطقطقين
نوردفعت الباب بوجهه بقهر ورجع محمد على ورى بخرشه وهمس:اوف شكلها صادقه
رجع محمد رفع جواله على عز يدق بس كان مغلق ماعرف ايش يسوي وقرر يرجع البيت
عند جابر ونواف:ي عمي مايصير دام عمتي مو راضيه ليه يجبرها
نواف :فاهمك ي ولدي بس انت تعرف ابوي لو نوى لايمكن احد يرده
جابر:إذا ما بيرضى أنا بكلم فارس يتراجع عن الخطبه
نواف شد يده:لا ي جابر اخاف انك كذا تعقد المشكله وان شالله ان نصيبها هالمره خير
جابر بصدمه:وش يعني نسكت ونخليه يزوجها غصب
نواف بقله حيله:وش بيدي اسوي
جابر بقهر:والله ما اقعد دقيقه اشوف دموع عمتي واعجز اوقف زواجها
جابر من القهر رفع جواله يكلم إيلين وقالها تجهز أغراضها وطلع من المزرعه بغضب متجه للمدينه وتحديدا بيت ابوه
بعد المغرب
اجتمع الرجال بالمزرعه ومناير مانشفت دمعتها بدأ المملك يعقد عليهم وبس خلص تقدم نواف ب الدفتر لاخته دخل شفها جالسه والبنات حولها وهي تبكي
تقدم وهو يبوس راسها:سامحيني يا اخوك
مناير بمكابر:مالك ذنب ي اخوي هذا نصيبي وانا راضيه فيه
نواف عطها الكتاب وقعته وهي ترجف ودموعها على خدها والبنات يمسحون كتفها سدن معد تحملت وهي تتجه للباب:والله ماياخذها غصب
فز ابوها يمسكها ومناير خافت ابوها ياذيها وقالت:خلاص لحد يتدخل أنا راضيه
سدن لفت عليها بصدمه وبدموع:عمه ذا زواج مو لعب
مناير:وانا راضيه
سدن زفرت بقهر ووقفت مناير وهي تعطي اخوها الدفتر بعد ماوقعت وقال نواف:تجهزي دقايق واناديك تلبسون الدبل
هزت راسها مناير تاخذ نفس وفعلا دقايق ونادها واتجهت لهم للمجلس وهي ترجف وخايفه مره بس وقف نواف عند الباب وقال:أنا هنا شوي وتعالي
مناير وهي داخلها كله خايب من كل الي حولها عرفت ان محد قادر يسندها الحين إلا نفسها اخذت نفس وهي تفتح الباب ودخلت وهي منزله راسها اما فارس الي كان جالس ورفع راسه من حس الي داخله وهي لابسه فستان ازرق طويل ووعاري الأكمام انصدم مره من جمالها ورقتها ومشيتها وهو ماقدر يرمش يشوف ملامح وجهها المتوتر ومشيتها الي فيها حياء وخوف حتى وصلت عنده وقف فارس وهو يمد يده لها يصاحفها وهي بصعوبه مدت يدها وهي حتى ماشافته او بالاحرى ماتبي تشوفه وكارهه نفسها وهي تحس ابوها غاصبها عليه تحسس يدها فارس الي غرق بتفاصيلها شافها مارفعت راسها ضغط يدها بشده ورفعت راسها مناير تناظره بشهقه وجت عيونهم ببعض وابتسم فارس سحبت يدها مناير بخوف وهي تلمها لصدرها
فارس:بسم الله ليه خايفه
مناير استمرّت تناظره وهي ما ارتاحت له ابد وخايفه منه اخذ الدبله وهو يرفع يده يأشر لها بها لانها لامه يدينها لصدرها اما مناير بس تحت تاثير الصدمه عجز فيها وسحب يدها بقوه وشهقت مناير يمسك يدها بالم تشوفه يلبسها بعنف وبس خلص سحب يدها يحط الدبله بيده وقال:خلصيني
مناير مو مصدقه مو مستوعبه تو بتتكلم إلا سحب يدها وهو يلبس نفسه وماسك يدها مع الدبله وخلص وناضرها وهو يبتسم وقال وهو يفتح ذراعيه:اهلاً بحرم فارس
مناير خافت شافته متجهه ناحيتها واتجهت ركض للباب تفتحه وطلعت بسرعه جري لغرفه البنات وفزو من دخلت شافتهم يناظرونها وابتسمت بمكابر
رحمه:الف مبروك والله يجعلها زواجه الدهر
تقدمو كلهم يسلمون ويباركون لها وفرحانين له وحزينين عليها اما هي تكابر وتحاول توصل لهم انها سعيده وداخلها متاكده انها وقعت على موتها مو زواجها
مرت ساعتين وتعشو واتجهو فارس وابوه لحايل اما فارس كان طول الطريق مسرح بخياله فيها وبنفس الوقت شاكك ان فيها بلاء من ابوها رماها عليه
عند عز دخل من بوابه المزرعه وجزء من البنات يرتبون وجزء يغسلون المواعين والرجال مجتمعين بالمجلس يشوفون مهرها بيد ابوها وهو ناوي ياخذه ويوسع فيه المزرعه ويهضم حقها
شافته نور داخل واتجهت ركض:بنات عز جاء
البنات كلهم التمسو وبسرعه لبسو اغطيتهم وطلعت جدته تحاول تهدي الوضع قبل يعرف اما عز دخل مبتسم وهو يقول:اوه في عزيمه كانت هنا
البنات بتوتر ماردو وقال :وش فيكم
رحمه:مافيه شي انت ابطيت ي جده
عز:على وقتي ماطولت
سدن بدموع طلعت من الغرفه:ليه ماترد وينك عن جوالك
عز لف وهو كان معطيها ظهره وانصدم بدموعها:طفى من البطاريه
اتجهه لها:ليه تبكين وش فيك
راح فكره ان جده ضربها وقال:وش صاير جدي مزعلك
سدن بقهر:كل بكاء ودموع وراه جدك الله ياخذه ويفكنا منه
البنات شهقو بصدمه وعز تاكد ان سدن مادعت إلا من شي كايد وقال بصراخ:وش صاير علموني لاتتركوني حاير بينكم
ناظر بعمته ماشافها وقال:عمتي فين
طلعت مناير من الغرفه على صوته واستغرب :وش فيك ليه تبكين
طلع الجد ومعه العيال :هلا بولدي بارك لعمتك ملكنا لها
عز استغرب وهو مو فاهم وناظر بعمته وقالت سدن:بارك لها لان جدك جبرها ورماها مثل سلعه رخيصه
الجد:اعقبي وانقلعي داخل
سدن دخلت وهي مقهوره وعز ناظر بجده بحده وقال:صحيح الي صار
الجد جلس ببرود:هذا مهرها ودنا نوسع فيه المزرعه و...قاطعه بصراخ:جديييييي انت صاااااحيييي
الجابر:اعقب ولايعلى صوتك
اما عز من القهر يناظره بصدمه يتكلم مع نواف كيف يقسم الفلوس وقال:على دمي ما تاخذه والله ليطلق وهي مو راضيه عليه
وقف الجابر بيضربه بعصبيه بس انصدم من عز الي سحب عصاه وهو يكسرها وناظره بحده يمشي ناحيته ووجه احمر والشرار يطلع من عيونه ورجع الجد على ورى بخوف والكل شهق بصدمه من حركة عز وو