صرخت أديم:زيدددددد
بس دخلت شافته جالس يطيح على ركبه وجنبه ينزف وصرخت واتجهت ركض له وبس جلست طاح راسه بجحرهاواغمى عليه صرخت أديم:ليييههه ي زيد ليه كله مني أنا ليه تركتك لحالك ليه
رفعت جوالها تدق على الإسعاف سحبت مخده تحط راسه على المخده وهي تتجه تحاول تشوف عمق الرصاصه بكتفه ماكانت عميقه حاولت توقف الدم وتمسح على كتفه شافت جبينه يتصبب عرق مدت كم بالطوها تمسح جبينه وهي تبكي وتحس بالذنب عليه وتحس انها السبب بالي صار له دقايق وسمعت صوت الإسعاف بسرعه دخلو الإنقاذ والناس تجمهرو طلعت أديم معه بسياره الإسعاف وهي تحاول توقف الدم وتركب له المغذي وزيد مابين صاحي ونايم وقالت أديم:بسرعه تواصلو معهم جهزو العمليات الرصاصه بكتفه لسا
تواصلو مع العمليات فعلا وبس وصلو المشفى نزلو بالسرير وزيد فتح عيونه شوي ورجع غمض وأديم عرفت انه خلاص تعب لانه نزف واجد وهي تدفع الكرسي مسكت يده تشدها وتضرب خده بخفيف:زيد شد حيلك خلاص هذا حنا وصلنا تكفى خليك قوي
زيد بدى يغمض ويطول وضربت خده بقوه متوسطه وفتح زيد بسرعه أديم بدموع:تماسك وصلنا خلاص
بسرعه فتحو جناح العمليات ورنيم وريم اتجهو ركض رنيم بس شافت اخوها صرخت :زيددددد
ريم حضنتها تهديها وناظرت با أديم الي تبكي
ريم:خليك مع رنيم أنا ادخل
أديم جت بتمشي ناحيتهم بس أوقفها من حست يد زيد تشد يدها لفت بجسمها عليه تناظر عيونه اللي يحاول يفتحها بس عاجز ريم انتبهت ليد زيد الي ماسك أديم وقالت:خلاص أنا مع رنيم
دخلو العمليات وبدو الكل يقوم بشغله وانتشلو الرصاصه من كتفه وبعد ساعه أديم الي كانت لسا بمرحله عذاب الضمير انهد حيلها رغم بساطه العمليه إلا انه إحساسها انها السبب بالي صار اتعب قلبها وانعكس على حيلها الي يشوفها يقول انها تعبانه بسبب مجهود العمليه
جلست على طرف الكرسي بصعوبه وهي مابين تناظر زيد وتجلد بنفسها وقفت بمساعده النيرسات طلعت للبنات وطمنوهم ان الرصاصه طلعت وماكانت خطيره عمليته ومافي اي مضاعفات اما ريم شافت أديم الي مهدوده مره اتجهت تحضنها وهنا أديم كانت تنهار بقوه وهي تقول:أنا السبب لو صار شي كيف بيرتاح ضميري أنا تركت السلاح عنده هو كان منهار كان لازم اخذ السلاح اقل شي
رنيم تمسح راسها:لا يعيوني مالك ذنب هذا نصيبه
ريم:لاتشيلين هم ي حبيبي انتي هو طيب والحمدلله عدت على خير
أديم طلعت من حضنها تمسح دموعها واتجهو للمكتبه يبون أديم تريح شوي لانها تعبت مره
اما عند غيم الي كانت عند مهرتها الصغيره وهي تمسح على راسها ونزلت دمعه عابره منها حست على احد وراها عرفت انه عز مسحت دمعتها وهي صاده وقالت:وش تبي
عز بأستغراب:كيف عرفتي انه أنا
غيم بدون تركيز:قلبي حس
عز كان متكتف ابتسم بخفيف يفك تكتيفته وأتجه لها وغيم عرفت انها جابت العيد جات بتمشي بس عز كان اسرع ومسك معصم يدها ووقفت غيم لف بجسمه عليها وقال:ودك تفرغين غضبك
غيم:ودك أضربك يعني
عز :ههههههههههههههه لو بترتاحين والله ما اقول لك لا
غيم رجف قلبها من كلامه وهو صار جريء بكلامه معها وقال:تعالي معاي إذا ماغيرت نفسيتك
اتجهو لاحد الخيول وغيم عرفته انه يبغي يركبها غيم :عز لا انت تعرف اني اخاف منها
عز:لاتخافين بكون ماسك الخطام
غيم:لا والله بتعور
عز وهو يسحبها قريب الحصان:مستحيل اسمح لشي يعورك
غيم بس تناظره وهي صارت ترتاح بوجوده صارت تحس بمشاعرها تجتاح ناحيته قرب عز يمسكها يرفعها من خصرها وارتعش جسمها وعز الي كان يتلمس خصرها النحيل وداخل قلبه يرجف واثنينهم كانو حابسين نفسهم من شعورهم الي يقسى على قلوبهم ركبت غيم ومسك رجولها عز يحطها على حدايد السرج وقال:بمشيه شوي شوي لاتخافين
حرك الحصان وارتجفت غيم:يماما
عز با ابتسامه:نبهتك طيب
غيم ابتسمت وبدت تشوف الخيل يتحرك وهي عليه وتحس بشعور غريب وبدا مودها يتغير لمن طلعت لحجز الخيل وبدا عز يسحب الخيل ويمشي شوي شوي ناظرها حسها تطمنت وخف توترها من الخيل ترك الخطام لها
غيم بخوف:يماما عز اخاف خليك جنبي
عز:أنا جنبك بس انتي لازم تكسرين حاجز الخوف
اخذت نفس غيم وبدت ترفس برجلها الخيل الي صار يمشي معها بكل هدوء وصارت تصول بالميدان وهي مو مصدقه انها على ظهر الخيل وبلحالها واستمرت ١٠ دقايق وعز يتأملها وهي تمشي به ومره تبتسم ومره تعقد حجاجها بخوف غيم حست انها تعبت :عز خلاص وقفه
عز دخل الحجز:شدي الخطام بس بشويش
بدت تشد غيم شوي شوي حتى وقف الخيل وابتسمت بفرح انها عرفت له وقالت بفرحه:الله فرسك مطيع
عز ابتسم اتجهه ناحيتها يمسكها من تحت ذراعها ينزلها وهو يشوف كيف مبسوطه وبس نزلت ناظرته لسا ماسكها وهي كبحت بسمتها من قربه نزلت راسها وحمر وجهها وابتسمت بخفيف عز وهو يناظرها بهيام وبدون احساس:حتى بخجلك تجنني
رفعت راسها غيم بصدمه:هاء
عز ابتسم وقطع لحضتهم أيلين ونور:احم احم نحن هنا
غيم بتوتر بعدت عن عز ترتب نفسها
إيلين:اسفين قطعنا عليكم
غيم:مافي شي من الي ببالكم
نور بخبث:مافي بالنا شي انتي وش في بالك
غيم توترت ترجع شعرها ورى اذنها واتجهت للداخل تاركتهم
اما عز لف الحصان يفك السرج
إيلين با ابتسامه:عز وش صاير هاء؟
نور تعدل نظارتها با أصابعها:اخخ المشهد كان كانه مسلسل تركي
عز يطق راسها بخفيف:بنت اعقلي لاتفهمون غلط
إيلين بخبث:علينا ي عز
عز ابتسم وهو يتجهه بالحصان للداخل ونور لقت خبر تحكي فيه وبسرعه طارت لسدن تقول لها اما إيلين كانت تشوف لمعه الحب بعيون عز وصارر يبتسم واجد عكس قبل قطع سرحانه بوسه على خدها ابتسمت من شافت جابر يحاوطها:حبيبتي وش عندها تهوجس
إيلين ابتسمت:لا ولاشي
لفو يكملون طريقهم للمزرعه وهو محاوطها يقضون وقت مع بعض
عند مناير
كانت بالمطبخ تجهز قوة العصر وام فارس تحكيها فرحتها عن فارس الي صلى بالمسجد اخيراً وهو زمان ماصلى الصلاه بوقتها دخل فارس بشكل مبهذل وواضح انه يفحط تفشل من امه واتجه لها يبوس راسها:كيفك يمه
ام فارس:تحب الكعبه ي امي أنا طيبه انت كيفك
فارس :طيب الحمدلله
لف على مناير:الحقيني
مناير اتجهت وراه ودخل الغرفه فارس اخذ ثوب رماه عليها:اكويه
مناير ببرود:عفواً من انت اكوي لك
فارس ناضرها باستغراب:وشو
مناير رمت الثوب عليه:يوم تكون تعنيني واهتم لأمرك اكوي لك بس انت مو...سكتها كف طبع على خدها قبل تكمل كلامها بس مناير اعتدلت تناظره بدون اي ردت فعل طلعت من الغرفه بكل برود وهي ماعارت عملته اي اهتمام هنا فارس جن جنونه وطلع وراها بالعقال شافها واقفه بالحوش مع امه واتجهه لها مناير رجف قلبها وهي تشوف الغضب بعيونه سحبها وضربها بقوه على كتفها وعلى ظهرها منتظر يشوف دمعه منها او بكي ابد مابكت زاد بضربه لها بس امه تدخلت وهي تبعده وهو من القهر دفع امه وطاحت هنا شهقت مناير وهو توسعت عيونه بصدمه اتجهت مناير لخالتها تسندها وفارس فز بيساعدها بس هي دفعت يده :بعد عني انت مو ولدي
بكت امه بقوه وهالشي اتعب فارس الي على كل صفاته السيئه كان يغلي امه بالحيل مابعد وهو يقرب يساعدها بس هي رفضت واستندت على مناير ودخلت البيت وهو من قهره ضرب الباب وطلع وو
![](https://img.wattpad.com/cover/374166420-288-k407381.jpg)
أنت تقرأ
يا صدفً عشنا بعدها حبيبين
Adventureاربع صحبات مقرابات لبعض يجتمعون داخل أسوار المستشفى كل وحده فيهم له قصه مختلفه عند بطلتنا الي تكون قصّتها مؤلمه نوعاً ما تتقابل مع وحده فيهم ويكون قصه معاناتهم قريبه لبعض راح نغوص مع بعض بحياه كل وحده فيهم وراح يكون عندي بطلتين في الروايه وهذا شي...