يا صدفً عشنا بعدها حبيبين

٦٤

مسك بيدها عز يثبتها ماتطلع ورى البنات توترت غيم وهي عرفت انه بيستلمها
عز لف عليها وقرب وجهه من وجهها وقال:العقد بكره راح اكتب كتابنا وراح تصيرين حرمي رسمي والزواج بعد شهر
غيم تسحب يدها وتخصر وترفع حاجبيها:ماشاءالله أنا رجل كرسي مالي راي هاء
عز ابتسم لشكلها ورجع يعقد حواجبه:أنا قلت الي عندي وبكره خليك جاهزه لانك راح تكونين لي أنا وبس
لف عز بيطلع بس وقفه همسها لمن قالت :ماعمري صرت لغيرك وماراح أكون إلا لك
ابتسمت بخفيف ولفت لعز الي وقف ولف بصدمه لها واتجه لها بسرعه يمسك كتوفها:هاء وش قلتي ؟
غيم ابتسمت:شنو ماقلت شي
عز:ماراح تكونين إلا لي هاء
غيم تربت كتفه:دزها اقولك البنات ينتظروني
ضحك عز يقبص انفها :لبى التصريفه بس
طلع عز يضحك وطلعت غيم وراه وهي قلبها يدق ومو مصدقه ان اخيرا رجعت قلوبهم توالفت من جديد خفق قلبها بحب ووقفت تتأمل عز الي يسولف مع ثنيان وجابر وسلمان ومن شدت مافهت فيه مالت براسها وابتسمت وواضح هايمه فيه وبحركاته ومزحه مع الشباب عز ضرب بكتف سلمان :لعد تخرب بنت عمي مسكينه صار لازم احد يوقفها ويجلسها
سلمان ضحك يهمس له:عليك عيون ناظر خلفك
استغرب عز ولف يناضر وشاف غيم الي واضح مو حاسه بنفسها وهي مفهيه فيه وحركتها جداً لطيفه وهي مايله له بهيام وابتسم عز ينزل راسه يحك انفه يشوفها كيف غارقه فيه ورجع رفع راسه شافها مبتسمه من بسمته وهز راسه لها بمعنى:اش فيك
حست غيم على نفسها وبسرعه اعتدلت بجسمها وانطلقت ركض للغرفه بفشله وبس جت بتفتح الباب فتحته نور وشهقت غيم وهي تطيح على نور ونور طاحت على سدن وانفجرت أيلين ومناير يضحكون ويسمعون ضحك العيال برى وقفت غيم بسرعه :اسفه اسفه
نور:وش فيك انهبلتي من مين هاربه
سدن:بعدي عني كتمتوني
وقفت نور تبعد عن سدن وبسرعه لبست غيم عباتها وطلعو يشوفون العيال فاطسين ضحك سدن وهي تمسك ضهرها:كسرت ضهري المهبوله ذي وش مسوين لها
نور:منجد فجعتني ما مدا استوعب إلا طاحت علي
غيم وجهها احمر من الفشله والموقف ومعد تقدر تتكلم
سلمان:والله بنت عمي طلعت خفيفه وخاقه على اخوي طافكم وجهها وهي تناظر بعز
البنات مع بعض:اووووووووووووووووو
لفو على غيم الي سحبت طرحتها ترميها على وجهها عشان محد يشوف الخجل فيها
نور بنذاله تسحب الطرحه:ورينا وجهك بالله
إيلين:طلع اخوي جايب راسك هاء
سدن:ماش لازم تاخذين عندي درس بالثقل
ثنيان:حبيبي الثقيل
سدن ابتسمت ترسل له بوسه في الهواء
غيم:اي مره واضح الثقل
الكل: هههههههههههههههههههههه
غلا:يالله تقلعو أنا وسلمان وجابر بنجهز عدت الشوي
عز:ي الله بنروح بالددسن
سدن:خير زحمه كيف بنجي كلنا
عز:في مجال يالله بس
ثنيان:وانا وين اركب ان شاءالله
عز يضرب كتفه ويركب يسوق وقال:الصندوق الله يحفظك
ضحكو البنات عليه وركب ثنيان وعند البنات ركبت سدن وبجنبها نور وبعدها إيلين ثم مناير وقفت غيم تتكتف:خير وانا وين اركب ان شاءالله
نور:الصندوق مع المطرودين
غيم:خير غش بعدولي
مناير:اسفه بس مالك مكان
إيلين:اجلسي ساعديهم بعدت الشوي
سدن:اسفين من سبق لبق
بوزت غيم تناظرهم بكسره وقال عز:افا والله تجين تعالي اركبي بجنبي وعلى الباب بعد
ابتسمت غيم تسوي حره للبنات واتجهت ركض تشوف عز يفتح بابه لها وركبت بجنبه وقفلت الباب
سدن:خير عزيز مو مفروض أنا على الشباك وجالسه بجنبك على اساس يجي لي هواء
غيم تسوي لها حره من قدام وجه عز الي ابتسم عليها ومدت يدها سدن تقبص فخذ غيم الي بعدت عز وهي تميل قدام وجهه وهي ترد القبصه لسدن الي صرخت بالم
سدن:اهبي محد يتخارج معك
غيم :حححم اعقلي ما اجي ناحك
عز:نمشي
مناير:يالله
سدن:بنات ي الله نغني في الددسن
نور :قدام
بدو البنات يصفقون وعلت اصواتهم وهم يغنون:
حارس البستان بالله اسقني ...لي ثلاث ايام مع الخط الطويل
موتري ددسن وعيا لايسير...لي ثلاث ايام مع الخط الطويل
غيم كانت تصفق وهي تذكرتها من أغاني طفولتهم يوم كانو يروحون فيه مع جدهم وبعد موجه غناء انفجرو البنات يضحكون على انفسهم ورجعت السوالف والمزوح بينهم غيم حست انها ضايقت عز بكتفه فتقدمت شوي عشان ماتعوره بس ارتخى جسمها من رفع يده عز اليسار يحاوط كتفها وبيمينه كمل سواقه رفعت نظرها غيم له تشوف كيف قريبه مره وبحضنه ونزل نظره عز يبتسم لها ورجع يكمل طريقه للعزبه وهو حاس انه مالك الدنيا كلها با احتواءه لغيم البنات كانو لاهين ويسولفون حتى وصلو العزبه وبسرعه فتحو الباب يبون ينزلون وبسبب الحشره والضغط وحماس البنات طاحت مناير وحاولو البنات كلهم فوقها وصرخت مناير من قوة البنات لمن وقعو عليها شهقت غيم وتفتح الباب تبي تساعدهم ومالت هي بتطيح بس لان عز محاوط كتفها ثبتها وهمس:انتبهي
نزلت غيم تركض ناحيتهم وثنيان الي مات ضحك على شكلهم غيم لمن شافت مافي شي خطير انفجرت تضحك عليهم وعز نزل يقول:الحمدلله على نعمه العقل الناس تنزل بهدوء وانتو كأنكم رايحين مداهمه
نور:كل السبب منك لو ماخذين سيارتك مو ازين ضاغطتنا بها الددسن
عز:حبيت اجدد ذكريات فيها
سدن:قصدك تختبر رشاقتنا فيها صح
عز:اي بس فشلتو طلعتو كلكم بطاريق
شهقو البنات بصدمه وانطلقو ركض وراه بس ثنيان ثبت سدن قبل تروح وهو يعرفها تتحس بشي متعلق بجسمها او شكلها لفها عليه يمسك وجهها بين كتوفه:حبيبتي حلوه بكل حالاتها معليك فيه
سدن ابتسمت:مازعلت ترا اعرفه يمزح
ثنيان:اعرفك بكره الا تجين تشاهقين انا متنت ابي أضعف جسمك حلو ياويلك تقربين له
سدن تبتسم تلتمس حنيته معها وغلبت عاطفتها وهي تحاوط رقبته بيدينها تحضنه وتهمس:الله لايحرمني منك
ثنيان ابتسم يشدها :ولأمنك
عند البنات الي انطلقو ورى عز وحاوطوه
عز يرفع يده باستسلام:ي ويلي وش كثركم خلاص امزح
مناير تقبص اذنه:أنا عمتك وجب تحترمني
إيلين:وانا اختك كمان
نور:خير وانا بنت عمه وشعره من وجهه
ناظرو الكل بغيم الي ساكته تناظرهم
عز:وانتي
مناير:ماعليك فيها ذي خلها خارج التشكيله
نور:اي نعم مالها فيك
غيم تخصر:عفواً انتي عمته "اشرت لمناير"وانتي اخته"اشرت على إيلين"وانتي بنت عمه بنت عمه يعني بعيده مره
مناير تتكتف:خفي علينا انتي وش مو بنت عمه بعد
غيم ترفع شعرها بغرور:أنا قلبه ي عيوني وزوجته ان راد الله يعني أنا اقرب منكم
عز ناظرها بصدمه وهي اول مره تكون جريئه كذا
نور:اوخسسس كلام كبير والله ما انتي هينه
عز:وهي صادقه هي اقرب لانها القلب
مناير تضرب كتفه:اثقل ياعمه ترا الثقل صنعه
إيلين تضرب بيدها اليمين على الشمال على خصرها:والله عشتي وشفتي اخوك مخفه ي إيلين
غيم:اقول دزوها انتي وهي واتركونا لحالنا
نور:هي استحي يبت بقي ماصار زوجك
عز يضرب نور بخفيف:بيصير ان شاءالله يالله تقلعو
راحو البنات يضحكون عليهم ومصدومين من غيم الي فاجئتهم وقابلو سدن يحكونها الي صار
عند غيم وعز كان يناظرها ومشت غيم لشبك الغنم تتقدمه واتجه وراها يسحبها تحت ذراعه:ايوه كملي
غيم تدفع يده عنها :اكمل وش؟
عز:تغزلي فيني
غيم:الصدق طلعت مخفه
عز:أفا أنا كذا
غيم:ايوه انت كذا
عز:هين مردك لي ي قلبي
غيم:تقلع جيب الخروف
عز هز راسه يفتح باب الشبك وقال:امسكي الباب بجيب الخروف
دخل عز وغيم واقفه عند الباب تنتظره يمسك الخروف وشهقت بخوف من سمعت صوت الكلب وصرخت:ياماماااااا
عز متجه لها بالخروف:وش فيك عادي كلب
غيم :مابيجينا
عز:انتي دلوعه مره
رجع الكلب ينبح قريب منهم وبس لفت على ورى تشوفه قريب منها صرخت بقوه تترك باب الشبك وتدخل عند عز الي رمى الخروف بالارض وو