يا صدفً عشنا بعدها حبيبين

٤٤

صدت غيم تخبي وجهها بفشله وحياء من عز للدريشه وقالت سدن:عز شغل لنا اهداء لغيم بالله
غيم صاده وهي خلاص مشاعرها صارت غصب تندفع لعز ولفت نظرها تناظر عز الي يشغل من المسجل وناظرها عز ورفع نظره للطريق
واشتغل

غلاك نقش السومري اللي وسط قلبي إنكتب
كل ما خفق قلبي يطيرلك حمام إن بابلي
غلاك نقش السومري اللي وسط قلبي إنكتب
كل ما خفق قلبي يطيرلك حمام إن بابلي
وإذا سلوني الناس عن حبك أقول بلا سبب
ما هو ضروري أقنع العالم بشي جازلي
غلا ونور وسدن انطربو وصارو يغنون مع المسجل وعز  تكى بيده على الدريشه وهو داخل جو مع الكلمات ومع كل نفحه هواء يهب عطر غيم عليه ويحرك مشاعر  قويه بقلبه
سدن شافت غيم مستحيه وصاده وتعمدت تحرجها وهي تسحب بكف يدها وتحطها بكف يد عز وتوسعت عيون غيم بصدمه وعز الي كان وده يحب راس سدن على هالحركه رجعت سدن على ورى تعطيهم مساحه وكملت مع البنات يغنون وعز الي كان ماسك يد غيم وهي من الحياء والفشله حاولت تفك يدها من يده بس هو كان شاد يدها عشان مايبعد يدها وتوردت خدودها خجل وهي تشوف أصابعه الي يمسح فيها كف يدها بحنيه ومره يناظرها ومره يناظر الطريق وغيم صارت بس تناظر قدام من الخجل والحياء
عند سلمان وثنيان الي وراهم وكأنو بسياره ثانيه وقف عز عند المحطه وقال:تبون شي؟
سحبت يدها غيم من يده بسرعه وابتسم عز بخفيف
سدن:اي تكفى نبي اغراض للسهره برسلها لك وات
غلا:حنا بنرسلك كمان مع سدن
نور:تبين شي غيم
غيم وعز تكلمو مع بعض:اي شي حالي
ناظرو ببعض وابتسم عز وناظرو البنات ببعض وصرخو :اووووووووووووو
نور:اوههه الحب ياناس
توترت غيم وهي تلم عبايتها لنفسها وتتفكر بنفسها:حب لا لا اكيد مستحيل أنا بس فرحانه ان عز واقف بصفي الا الحب مستحيل أنا وعز لألا
عز ابتسم ونزل من السياره وقابل سلمان وثنيان
عز:هاء كيف الوضع معكم
ثنيان:فله بدون البنات
سلمان:اي واضح مره انت وش عندك نازل
عز:البنات يبون اغراض للسهره
سلمان:بعد فيها سهره
عز:ههههههههه تعرف حركات سدن
ثنيان كان ماسك السبحه بيده وصار يتلاعب فيها وهو يتفكر بسدن ويتذكر نظرات الرجال لها وهي طالعه من الفله وحس بقهر بقلبه قاطع سرحانه عز :جوالي طفى بطاريه
ثنيان:خليك انت بشوف البنات
طلع ثنيان وعز وسلمان جالسين يسولفون وعز يعلم سلمان بحمل إيلين واستانس سلمان بفرحه لجابر وايلين
عز:بالي مع عمه مناير ابي اطلع لحايل هاليومين لي كم يوم مشغول بالي فيها
سلمان:نطلع على نهايه الأسبوع حتنى وحشتني
هز راسه عز يلف يقضي اغراض غيم
عند ثنيان الي اتجه ناحيه سياره عز وضرب الدريشه الخلفيه غلا:هلا ثنيان
سدن كانت بالنص وماسكه جوالها وهي ماتبي تناظره ابد ثنيان يكلم اخته وعينه عليها:وش تبون اغراض جوال عز طفى
غلا:اوه دقيقه بخلي سدن ترسلها لي وارسلها لك
ثنيان سحب جوال سدن من يدها بسرعه وشهقت سدن:خيرررر!!
ثنيان:مستعجل مافيني انتظر
دخل الوات على رقم عز يشوف الاغراض وسدن صرخت:عن قله الادب في شي اسمه خصوصيه
ثنيان شافها تصرخ بصوت عالي ومطلعه شوي من راسها من الدريشه والناس بالمحطه يناظرون وسع عيونه ثنيان بحده ورص اسنانه:اقصري صوتك وجع
سدن خافت وهي ترجع تجلس بالنص وتتكتف بقهر منه وراح ثنيان يقضي الاغراض وخلص بدون شعور دخل جوالها بجيبه
عند سدن والبنات
غلا:وش فيك من اليوم مو عاجبتني
سدن بنفخه:وش فيني مافيني شي
نور:كل ذا ومافيك شي
سدن:اووه خلاص لاتشغلين الجزء الفيلسوفي الي فيك
نور:خير تكلمي معي بأدب
سدن تضرب كتفها بقسوه:انقلعي عني ي العمياء
نور بصدمه ناظرت بسدن وشهقت غلا بصدمه وهي تفزع لاختها:خير سدن وش هالكلام انتي تعرفين وضعها وهالشي مو بيدها الله كاتب لها كذا
نور صدت للشباك بزعل وسدن ندمت انها تكلمت كذا وغيم استغربت :وش فيها نور
غلا:وهي صغيره كانت تلعب وجدي كان يتهاوش مع جابر وعز ورمى بالكوره بقوه وجت بعينها وتضررت شوي
غيم لفت علي سدن:اعتذري منها
سدن:لحد يتدخل أنا ونور نتفاهم
غيم ناضرت بحده فيها وسدن قالت:اسفه
نور ماردت وهي صارت تبكي وتكتم دموعها وفتحت باب السياره غلا بصدمه:بنت هي وين رايحه
نور ماردت وشافت العيال جايين وانصدم ثنيان باخته والعيال عصبو وهم مايحبون خواتهم ينزلون بمكان كله رجال كذا بس ارتخى ثنيان من شافها ماسكه بيده وهي تبكي وقالت:بجي معك
عز:وش فيه وش العلم
نور:بعدين اقولك
ثنيان:ليه تبكين وش صاير
نور شدت ذراع ثنيان وكمل كلامه:طيب طيب تعالي
عز اخذ اغراض البنات وركب السياره وقال:وش فيكم وش العلم
غلا جت بتتكلم بس قطعتها غيم:ولاشي بس شوي تزاعلنا
عز:وش السالفه
غيم تشد يد عز الي كان يربط الحزام ورفع عينه لعينها بعد ماناظر بيدها الي تلامس يده وقالت:سوالف بنات نوصل المزرعه نراضيها
سدن كانت خايفه من عز وغيم انتبهت له وتداركت الوضع وغلا زعلت على اختها وهي تتكتف بقهر وعز سكت وكملو طريق للمزرعه اما بسياره سلمان كان هو يسوق وبجنبه ثنيان وعلى الباب نور الي كانت زعلانه من سدن وتتذكر كلام محمد والموضوع حز بخاطرها مره وهي تحاول تكبح دموعها اما سلمان طول الطريق مايناظر ثنيان ومتفشل مره بحكم ان نور معهم وبس وصلو المزرعه
نزلت نور بسرعه ونزلو البنات من السياره وجت غلا بتدخل بس سحب يدها ثنيان :وش السالفه؟
غلا:بنت عمك المعتوه تعاير نور بعينها
ثنيان :وش هو من فيهم؟
غلا:سدن المريضه
ثنيان شد على قبضه يده بقوه وتركته غلا وجت بتدخل وصدم كتفها بكتف سلمان ولفت عليه سلمان:وش فيه
غلا بعصبيه:مو اسف  طير
سلمان ابتسم على عصبيتها ومايعرف وش صار معهم دخلو للمزرعه كلهم
عند اديم ورنيم وريم الي راحو مع بعض مع زيد مر بهم بيت اديم ونزلت اديم وشافت اخوها تو واقف واتجه لها وقال:فشله عنيتي الرجال كان خذتكم أنا
اديم:رنيم عيت إلا اروح معاها
نزلت ريم ومالت اديم تدخل راسها من دريشه رنيم:تجين نكمل السهره
رنيم:لا خلاص معد بعني زيد لكن نتقابل بكره
هزت راسها اديم ودخلت هي وريم للبيت ويسولفون
ريم:يوه تفرقنا كل وحده راحت مع زوجها
اديم:اي صح بس سنت الحياه لازم
ريم:المهم مبسوطين ي حبايبي هم
اديم تحضنها:ياحبيبي انتي أنا حنا ممده فتره السنقله
ريم ابتسمت ترد حضنها ودخلو للداخل شافو ابو اديم وام اديم جالسين يسولفون وجلسو معهم
عند مناير وفارس
دخل فارس شاف امه محتاسه وتصلح اكل لمناير واتجه يمسك بذراعها:يمه الله يهديك اتعبتي روحك خلاص أنا اكمل اطلعي
ام فارس ناظرته وهي تشوف فرحته بعيونه واضحه وابتعدت شوي تشوفه يشمر اكمامه وياخذ التعليمات منها يصلح الاكل بس جهز اخذه بصحن وامه تساعده واتجه لغرفه مناير اما امه طلعت عند ابوه الي جالس بالحوش يسمع الراديو وقالت بفرحه:من درى فارس بحمل زوجته وهو متغير
ابو فارس:اتمنى انه ينصلح حاله مع هالضعيفه لاني مانام خايف اكون السبب في الي هي فيه
ام فارس:لا تقول كذا ان شالله هالمره انه تغير
ابو فارس:ان شالله
عند فارس دخل بحماس بصحن الاكل بس انصدم من شافها نايمه بأمان بوسط السرير حط الصحن واتجه لها با أبتسامه وهو يتأمل وجهها قد ايش لطيفه يتفكر كيف قدرت تتحمله وتتحمل قسوته حتى بضعفه ما تركته حط يده على جبينها يرفع خصلات شعرها عن وجهها وحست مناير باصابع بارده على جبينها فزت بخوف ورجعت على ورى مستنده على يدينها فارس بخوف على فزتها:بسم الله على قلبك اهدي هذا أنا
مناير ما ردت تناظر نفسها فوق السرير خافت يخاصمها وبعدت اللحاف جت بتنزل فارس مسك معصم يدها:وين وين
مناير وتجمعت الدموع بعيونها:والله ماحسيت على نفسي اصلاً ما اذكر متى نمت هنا
فارس تعقدت حواجبه باستغراب وشافها توقف بتمشي ووقف :وش فيك وين رايحه
مناير تلف عليه تلم نفسها:والله اسفه ماقصدت انام على سريرك تكفى لا تضربني والله جلدي معد يتحمل العقال أنا خلاص راضيه اكون خادمه عندك بس لاتضربي
انهارت تبكي بهستريا وهي تلم نفسها فارس عرف انه كسرها كسر جدا قوي اتجه لها ومناير خافت ترجع على ورى وهي ترجف وتحاول تلقط انفاسها من البكي بس مو قادره رجولها من الخوف تهز حتى يدينها تحطها على فمها تخفي شهقاتها حمر وجهها وانتفخو عيونها من البكي فارس شافها بهالحاله كانت تقطع القلب اتجه بسرعه لها وهو يسحبها بكل قوته ويشدها لصدره ويدفن وجهها بعنقه ويمسح عليها:اششش اهدي والله ما امد يدي عليك أنا وعدتك والله لو أموت ما اخون بوعدي اهدي
مناير وهي كانت ترجف حست بحنيته وهو يمسح على ضهرها وهمسه وهو يطمنها وارتخى جسمها وبدت انفاسها تهدى وتطمن بعد موجه بكاء طويله طلعها من حضنه يمسح خدودها بحنيه :معد ابي تخافين مني زين ارجعي مناير الي تحارشني وماتخاف مني
مناير تناظره ولسا تحس برجفه منه ورجعت الدموع تجتمع بعيونها فارس مسحها وقال:ليه تبكين زين خلاص لاتحارشيني المهم لاتبكين كافي اتعبتي قلبك
مناير:ليه انت كذا ؟
فارس:كيف يعني
مناير:ساعات تكون وحش والقسوه ممليه قلبك وساعات احس مافي أطيب من قلبك
فارس ابتسم:اعرف اني مزاجي وصعب فهمي بس الي اعرفه اكثر اني حبيتك من اول يوم شفتك فيه واعرف ان محد يقدر يتحمل مزاجي وعصبيتي نفسك وهالشي الي حببني فيك اكثر ومن اليوم ورايح ابي افتح معك صفحه جديده ابي ننسى كل الي فات ونبدا من جديد مناير أنا عارف يمكن ماتصدقيني بس ابي تعطيني آخر فرصه تكفين
مناير شافته قد ايش صادق بكلامه بس خافت تنخذل مره ثانيه وقالت:اشوف كيف وضعك الايام الجايه واقرر إذا اقدر اعطيك فرصه اولا
فارس بفرحه حضنها :بس هذا الي ابيه
مناير ابتسمت بخفيف ومسك يدها:تعالي معاي كلي سويت هالاكل بمساعده امي بس يوه كيف صار المطبخ حوسه
مناير ابتسمت وجلست تاكل وهي تناظره ياكل شوي ويرجع يناظرها فتره طويله حست بخجل من نظراته وتوردت خدودها ابتسم فارس يقبص خدها بخفيف:اترك الخجل وكلي
مناير ابتسمت:خلاص شبعت بعد
فارس:على وين
مناير:بنظف حوستك اكيد ما بخلي خالتي تكرف وانا متمدده
فارس ناظرها بحب كيف انها حتى بقمه تعبها تفكر بامه ندم من جد على كل الايام الي راحت ووقف يمشي معها طالعين من الغرفه واتجهو للمطبخ جت مناير بتشيل الملعقه بس انصدمت من شالها من خصرها وهي تعتمد بيدينها على كتفه ووو