يا صدفً عشنا بعدها حبيبين

٥٢

وقفت غيم بصدمه وتجمعت الدموع بعيونها تشوفها صاد وتاركها وحست بصدرها يتهشم وتهمس بخفيف:ليه ليه ي عزي
البنات وقفو كلهم بصدمه وشهقو من سمعو لفظ الطلاق واتجهت رنيم لغيم وحطت يدها على كتفه تدخلها وتسكر الباب ووقف اديم وريم اتجهو لغيم وبس قالت رنيم بهمس:غي...قاطعتها بصراخ ودموع:ليه ليه كذا انت سمعتوه هو طلقني هو طلقني طيب أنا ماسويت شي ليه امس يقول نبدا من جديد واليوم يتخلى عني
رنيم بدموع قربت بتمسك يدها بس غيم سحبت يدها وصارت تصرخ وكل شي قدامها صارت تكسره وتصرخ :كلهم كذابين كلهم يكرهوني أنا صدقته أنا وثقت فيه أنا استاهل أنا استاهل
ريم بصراخ:غيم اهدي
غيم لسا معصبه وتبكي وتكسر كل البيت حوالينها وفزت رنيم تمسكها وتسحبها لحضنها وقالت:تكفين حبيبيتي اهدي
تذكرت غيم حضنه لازعلت من اي شي تلجأ لحضنه ونزلت دموعها ومات على ركبها وبسرعه فز البنات يسندونها حتى جلست ونزلت غيم عيونها للأرض وصارت تضرب الارض بيدها:كنت أقوله اخاف الغدر كنت أقوله لاتتركني ماهقيت انه بيغدر فيني ماهقيت ان اول واحد بيهزمني هو
رنيم بدموع:مايستاهلك غيم تكفين لاتسوين بروحك كذا
غيم بصراخ ترفع راسها للسماء:خذي روحي وراح كسر ظهري ناديته عزي ماهقيت انه بيذلني
البنات كلهم انهارو يبكون وعز منجد الكل ماتوقع منه يسوي كذا واتجهو يحضنونها بحضن جماعي
ريم:اكيد في شي خليني نفهم وش صاير
غيم:لو اخذو روحه منه ماكان لازم يخذلني كذا هو حتى مافكر يبرر راح وتركني واقفه مو فاهمه شي
اديم:حبيبتي ماعليك فيه هو الخسران صدقيني بيندم
غيم وهي تمسح دموعها وترجع شعرها ورى أذنها:ياليتني مت في الحريق والله ان موتي ارحم من الي سمعته اليوم
طبعاً البنات ماكانو يعرفون ان غيم تحبه اديم ماتحملت وهي توقف غيم عن الارض بحده وقالت:خليه يروح مو كفو ليه تبكين عليه انتو زواجكم كان بس انتقام ليه تزعلين عليه
غيم ناظرت بكسره لا اديم الي كانت شادتها من كتوفها وقالت:حبيته
نزلت هالكلمه مثل الصاعقة على البنات الي انصدمو وارتخت يدين اديم من كتوفها وفزت ريم تحضنها وصارت غيم تبكي بنحيب وهي تقول:تونا مابدينا انتهينا قبل نبدا كنت ابي أقوله قد ايش احبه كنت ابي اشد يده وأكمل عمري معه بس هو ترك يدي قبل امسك يده
البنات من قوة كلامها وصدمتهم انها كانت تحبه ماكان منهم إلا يساندونها يبكون معها وريم كانت شادتها بحضنها وهي تطبطب عليها وبعد مرور دقايق طويله هدت غيم وهي تجلس على الكنب وهي تهوجس لكن جالسه تجلد بنفسها ومارحمت نفسها وهي تتمتم بداخلها:انتي السبب ليه توثقين فيه ليه تعطيه نقطه ضعفك ليه تتعشمين فيه كلهم هدفهم كسرك انتي حققتي لهم الي يبون
البنات كانو بس جالسين ويناضرونها وهمست اديم لهم:ودي اروح اتصافق معه ودي اروح اهد حيله مثل ماهد حيلها
ريم:لا اتركوه مايستاهل بعدين غيم قويه صدقوني بتتخطاه بس انتو لاتتكلمون معه وترفعون له
رنيم:بنات والله عز طيب اكيد في سبب
ريم بحده:لو كان عنده سبب كان لازم يوقف يوضح أسبابه مو يسوي عملته ويروح ويتركها
غيم كانت بعالم ثاني عنهم كانت تجرح بنفسها وذبحت نفسها من كثر ماتحط اللوم عليها
عند عز الي بس طلع من عندها شغل سيارته وهو يبكي ويسوق برجفه ورن جواله مسح دموعه بكم ثوبه ورفع جواله :هلا محمد
محمد انتبه لصوته المكسور وفز :وش فيك
عز :تعالي المخيم
محمد :طيب
قفل محمد وبس ركب سيارته وقف جابر عنده ونزل وركب معه وقال:صباح الخير
محمد:وش صاير؟
جابر:عز مو معك صارت مشكله
محمد:اكيد جدك وراها
جابر بقهر:كل الم في حياتنا سببه جدي
محمد يضرب الطاره بيده بقهر:متى راح يفهم جدك يحل عن عز كفايه كل شي صار فيه بسببه
جابر:كلنا تركناه وتخلينا عنه
محمد:حكي وش صاير
جلس جابر يحكيه وش صاير ومحمد مقهور على عز لانه مره عانى مع جده واتجهو لعز الي كان بالمخيم وبس وصلو كان عز بالسياره ومستند براسه على الطاره بس شافهم نزل ونزلو العيال واتجهو له وهم يحضنونه بحضن جماعي وانهار عز بطريقه تقطع القلب وهمس عز بصوت باكي:كسرتها مادري كيف طاوعني قلبي اتركها وراي ماهان علي اشوف دموعها
طلعه محمد من حضنه :خلاص اذكر الله
عز:فتحت لي الباب با ابتسامه كانت فرحانه بشوفتي ماتعرف اني جاي احرمها مني
جابر:شد حيلك ي عز وتعال تريح نشوف حل للمصيبه ذي
عز:وش عاد ينفع راحت من يدي ي جابر والله لو حاولت با ايش ماترجع لي
جلسو العيال وهم يحاولون يلقون حل وقطع سوالفهم جوال عز وكان جده
سحب الجوال محمد بقهر يفتح سبيكر وقال:الله لايجعلك بيوم تشوف الهنا
الجابر ببرود:قول للورع الي عندك ان العقد على مزون الليله وبها دخله بعد
توسعت عيون عز بصدمه وصرخ:انت أنجنيت كيف ؟
الجابر:المغرب ماتكون هنا ودع حبيبه القلب بالسجن
عز:جدي ارحمني تكفى
سكر الخط الجابر ووقف عز بقهر ووقفو معه العيال وقال جابر:عز وش بتسوي غيم ممكن ترجع تخسر وضيفتها وحياتها انت لازم تسايره هالفتره
عز ناظر بقهر وهو يشوف زول ام مزون قدام وجهه وقال بحده وقهر:اشهدو علي اني لانتقم منها اشد انتقام والله اني لدفعهم ثمن كل دمعه نزلت من عين غيم والله لكسرهم اشد كسر
جاء عز ماشي ومسكه محمد:فين رايح
ابتسم عز بقهر:رايح ارحب بمزون وأفتح عليها طاقه جهنم هي وامها وجدي
جابر :وش قصدك
عز:بعقد عليها هم ما يبوني أتزوجها ؟
العيال ناظرو بعز الي واضح وصل اعلى مراحل القهر وعينهم عليه حتى ركب سيارته واختفى عن نظرهم
عند البنات
اديم ورنيم طلعو متجهين لبيت زيد توصل رنيم وبس دخلت رنيم طلع زيد لأديم فاتح بابها ويسولف معها وقال با ابتسامه:هلا بخطيبتي الحلوه
اديم ماردت ووجهها مايتفسر
زيد بخوف مسك كف يدها وقال:وش فيك وش مزعلك
اديم بكت ومال زيد يمسك ذقنها بحنيه وقال:حبيبي وش مزعلك ليه تبكين
اديم تاخذ نفس وقالت:ولاشي رنيم تحكيك بعدين
زيد:طيب بجي معك اخاف تسوقين لحالك وانتي بهالحاله
اديم:لاتخاف أنا طيبه لو تعبت ادق عليك
زيد يمسح دمعتها:طمنيني بس توصلين
هزت راسها اديم واتجهت لبيتهم وزيد دخل لرنيم يفهم منها وش صاير
اما با السكن كانت ريم تجهز لدوامهم اليوم الثاني وغيم متمدده على السرير وسانده يدها تحت راسها وتتفكر بااجمل لحظات عاشتها مع عز ونزلت دمعه عابره من عينها حست بريم تقرب لها وغمضت عيونها تعمل نفسها نايمه
بمزرعه الجابر
دخل عز يناظر بالمزرعه الي محترقه بالكامل بس الإسطبل والبيت سليمين وشاف العمال ينظفون ابتسم بمسخره:هين اجل ناوين ترجعون ترممونها والله لتندمون والله
دخل شاف جده الي جالس وتقدم عز له:وين المملك ؟
الجابر:عفيه على ولدي الي يسمع الكلام
ضحك عز بمسخره ودقايق وجاء المملك وعقد عليه هو ومزون ووقف عز:قضينا اجل ي الله نشوفكم على خير
الجابر بحده:اعقب ياولد وادخل خذ عروسك
المملك تودع منهم وخرج وهو حس في مشكله صايره بس احترم خصوصيتهم
عز:او تبون اخذها اه صح نسيت انها عروستي
طلعت ام مزون:هلا بالغالي
ضحك عز :او هلا بعمتي
تقدم عز يهمس باذنها:جهزي نفسك لحبل المشنقه ياعمتي الحلوه
ام مزون توسعت عيونها بصدمه تشوفه يبتسم يدخل لمزون بس دخل الغرفه حتى ماطالع فيها قال:البسي عباتك والحقيني
مزون تناظره حتى ماطالع فيها وقالت:طيب على الاقل ناظر كيف متجهزه ومتصلحه لك
عز سحب بذراعه بقوه وقال:ابيك تفهمين هالكلمتين بس أنا مافي قلبي غير غيم ولايمكن ان احد ياخذ مكانها واما انتي فمجرد عاله على قلبي لكن أوعدك برجعك لهلك مطلقه بس اصبري علي
مزون انصدمت وقالت:تخسي لو طلقتني راح تدخل حبيبه القلب السجن
عز :لو ماكنتي حرمه دفنتك بأرضك ،
صاد بيطلع وقبل يطلع قال:دقيقة ماجيتي أنا ماشي
مزون فزت بفرح تلبس عبايتها واتجهت وراه وركبت معه وقالت:بنروح الفندق
عز:او فندق يليق بمقامك
ابتسمت مزون جاهله الي ينتظرها وبس طلعو مسك طريق بيت ابوه وصل ونزل وسحبها بقوه ودخل شافهم كلهم بالحديقه ورماها بقوه على الارض وقال:جبت لكم خدامه جديده
مزون توقف:تخسي
سدن:شكراً كنا محتاجين صراحه
عز:عندكم هي لاتقصرون فيها
غلا:افا عليك لاتخاف ازهل
عز:توصو لي فيها بالله
ابتسمت سدن بخبث وهي تسحب بطرحتها تشقها وقالت:افا عليك بندلعها لك وعلى الناعم بعد
مناير وهي وصلت وعرفت وش صار مع عز اتجهت له تحضنه وهي تهمس:الله يعين قلبك ي حبيب عمه
عز هز راسه يبوس راسها
وطلع تاركهم ويفكر وشلون يحل هالمصيبه
"نسرع الأحداث"
مر اسبوع كامل وغيم بدت تشغل نفسها وتاخذ اوفر تايم وتاخذ مناوبات البنات وهي أهلكت نفسها بالشغل عشان ماتفكر ابد بعز وعز الي كان طول هالاسبوع عايش بالمخيم ومهما حاول انه يحلها مع جده ضيقها عليه ومزون الي كانت هي والبنات مطاحنه ببيت نواف والبنات مستلمينها كرف وهي مو مقصره فيهم مره تردها لهم ومره يتكاثرون عليها وتخاف وام مزون والجابر كانو بالمزرعه الي بدأ يرجع لها معالم الحياه شوي والجابر بدى يفقد زوجته ولمة عياله وأحفاده حوالينه وصار ما ينام إلا والضغط مرتفع او نازل عنده بسبب إهمال الادويه اما ام مزون الي كانت تواعد رجال بالسر وهو الي كانت تخطط معه لكل شي صاير وبنعرفه قريب
يوم ملكة اديم وزيد كانت بحديقه ابو اديم والكل اجتمع وعز الي كان رافض يجي وهو معد للفرح بقلبه مكان بس يوم تفكر انه ممكن يقابل غيم فز وتجهز وبدا الحضور كلهم يجون
ام اديم كانت ترحب فيهم والبنات مجتمعين عند اديم
اديم بحزن:غيم ما بتجي
ريم:لا عندها مناوبه وهي ماتبي تحضر
رنيم:مره خايفه عليها جالسه تهلك نفسها بالشغل
سدن:الله لايسامح مزون وامها
اديم:وش السبب حكونا اخوكم سوى عملته وراح بدون يفسر سبب طلاقه
سدن جلست تحكيهم وهي تشوف نظرات الصدمه بعيون البنات وقالت:يشهد الله ان عز يحبها بس كان مجبور وماله ذنب بكل شي صار كل الي همه ان غيم ما ترجع تخسر مستقبلها من جديد
رنيم:الله ياخذها هالمزون
ريم:خلاص اتركوها المهم غيم مو راضيه تسمع اي شي مرتبط بالسالفه وشلون نشرح لها سبب عز
إيلين:انسب حل عز بنفسه يحكيها
غلا:هو قدر يقابلها
إيلين:منجد اليوم جاي متأمل يشوفها بيتحطم لو جاء ماشافها
قاطعهم ام اديم:يالله الزفه يا امي
هزت راسها اديم ونزلو البنات وبدت اديم تنزف على خطوات زفتها حتى وصلت للكرسي ووقفت واتجه الحريم لها يسلمون عليها وجت مزون ممونه نفسها تبي تسلم بس انصدمت من دفعتها اديم بقوه وطاحت على الارض والكل صار يتهامس ويضحك عليها وو