يا صدفً عشنا بعدها حبيبين

٥٠

طلعت مزون وامها على صراخ غيم وشافتهم غيم وانفلتت من يد عز واتجهت ركض لهم وهي تصرخ:والله لذبحك مثل ماذبحتيهم
تعلقت غيم برقبه ام مزون وهي تخنقها بقهر وصرخت مزون وهي تضرب كتف غيم تبيها تبعد عن امها بس غيم من شدة القهر ماكانت بوعيها وهمها بس تاخذ روح ام مزون وماكنت تحس بضربات مزون على كتفها البنات شهقو بخوف يشوفون ام مزون بدت تختنق ويحمر وجهها واتجه عز ركض لغيم وهو يسحبها بصعوبه عن ام مزون الي طاحت على الارض تكح وتلقط نفسها
الجابر:ساعدوها بتموت افزعو لها
ام مزون جاز لها الوضع وهي تمثل انه اغمى عليها وتطيح حالها شهقو الكل بصدمه واتجهو العيال والبنات لها وغيم تناظر وهي تشوف انها تكذب مو مغمى عليها من حركة رموشها الي كانت تتحرك وجفونها وهي تدفع عز بعيد :مسوي مغمى عليك كمان والله لخليه يغمى عليك صدق
الجابر كان مايل على اخته يضرب خدها بخفيف:يااختي ردي علي انتي طيبه
نواف:عمه تسمعينا
ثنيان:اقرب السياره نأخذها للمشفى
عز الي كان ضايع مابين ام مزون الي خاف أن فعلا تعورت هو ماخاف عليها قد ماخاف ان غيم تنضر لانها واضح مو بوعيها من قهرها على اهلها انصدم من شافها تسحب لي المويه وهي تتجه وتصبه بقهر على ام مزون الي فزت من خنقها المويه والكل بعد عنها لمن طشرت عليهم
مزون اتجهت بقهر على امها لغيم وهي تسحب بكتفها بقوه وتدفها وصكعت غيم بالجدار بقوه واتجه عز ركض لها وهو يمسكها من كتوفها:غيم غيم انتي بخير
غيم وهي حست بالم براسها من الضربه وجت بتروح على مزون بس مزون خافت ورجعت على ورى ومسكها عز وهو يشوفها بدى ينهد حيلها وحط يده على خدودها بحنيه وقال بهمس:غيمي تكفين اتعبتي نفسك اهدي شوي أنا بحلها اصبري
هزت راسها غيم وهي تعبت فعلا واشر عز على سدن الي جت وسندت غيم ولف عز على عايلته وقال:جاء وقت تعترفون بالحقيقه
الجابر بصراخ:حقيقه وش ان..قاطعه:جدي حد وانا لسا محترمك ياليت تعترفون لاني أوعدك اني أنا لآخذ حقها منك انت واختك
الجابر بحده:لا واضح ذي لاعبه بعقلك
ام مزون:اكيد انها مسممه عقله بافكارها
سدن:عز أنا سمعتها مو بس غيم
مزون:انتي انطمي
عز:انتي تسكتين يوم يتكلم الكبار تصفين على جنب
لف على سدن يمسح راسها:أنا بنفسي سامعك ي جدي وانت تتكلم مع الي تسميها اختك وانتو تتكلمون بالموضوع جدي ترا لعبتكم صارت مكشوفه وغيم والله ما تمسون شعره من راسها وهي بحمى الله ثم حماي والحقيقه الي انتو تخبونها راح تكشفونها والحين قدام الكل
ام مزون تشد يد اخوها:اي حقيقه انت مريض بك بلاء تسمع لهبال الي وراك
عز:انتي تسدين فمك أصلا كل البلاء منك انت وانت يالي مسمي فيها جدي من اليوم وطالع لا انت جدي ولا يربطني فيك اي دم وحق غيم راح اخذه من عيونكم تسمعون
نواف بصدمه:ي ابوي الي يقولونه صدق
الجابر صد مارد
سعد:ي ابوي رد منجد الي قالوه رد علينا انت ذبحت اخوي
عز:أنا آخر ليله لي بهالمزرعه والي يبي يصدقني يجي معي والي مصدقهم يصف معهم وتراه عدوي من هالساعه
الجابر شهق بصدمه:انت وش تقول انهبلت تبي تشتت عايلتي من انت تقسمنا على كيفك
عز:الي عندي قلته وانا من اليوم ورايح ماني حفيدك ولايربطني فيك اي صله انت من اليوم وطالع غريمي
ام مزون بصراخ:هي انت توك ورع تكلم جدك كذا
عز بحده يوسع عيونها فيها وقال:انتي مالك كلام العايله عايلتنا ننجاز بيننا
الجابر اتجه بغضب بيضرب عز بعصاه بس انصدم من مسك عز عصاه بيده وهو يدفع جده على ورى صح ماكانت قويه الدفعه بس الجابر انصدم وهذي اول مره عز يسويها وقال:تمد يدك علي ي عز
عز:حديتني على الردى ياجدي وانا ماني ردي وانت بنفسك تعرفني
ام مزون:اتركه ي اخوي هذا مو عز الي نعرفه الي وراه ساحرته
غيم نزلت دموعها وبعدت عن سدن واتجهت توقف بجنب عز ومقابل الجابر وقالت ببكي:كان عندي امل اني بيوم اقولك جدي كان عندي شويه امل اني بيوم أسامحك بس بعد الي سويته با بابا وماما لو تموت قدام عيني لايمكن تطيح دمعه من عيني عليك
عز يناظرها كيف تبكي وترجف وهي تتكلم وبعدت عن الكل تتجه لآخر المزرعه ولف عز على ام مزون الي تقول:كله منها هي الي فرقتكم الله لايوفقها
ابتسم عز بمسخره وقال:ابي اقولك حاجه وحده قد ما تقدرين تطغي أطغي بس آخرتك حبل المشنقه وانت ياجدي شد حيلك وأدعمها حتى تذبح عيالك وأحفادك وعينك تشوف
طلع عز من عندهم وام مزون رجف قلبها من تخيلت انها بتنشنق وصارت تتلمس رقبتها بخوف والجابر جلس بقلة حيله وهو حس انه تدمر ومايعرف ايش يسوي كل عياله وحريمهم والبنات اتجهو الكل لغرفهم يرتبون اغراضهم وناوين يطلعون من المزرعه الصباح
عند عز وغيم
شافها جالسه وهي لامه رجولها لصدرها ومعتمده على النخله وهي تبكي واتجه يجلس بجنبها ويعتمد على النخله بجنبها وكتفه بكتفها وقال:ادري ان جرحك كبير وادي اني مهما حاولت أواسيك مستحيل اقدر اخفف عنك بس ابيك تأخذين مني وعد رجال اني لآخذ حقك من كل من اذاك
غيم لفت عليه وعيونها :عز قلبي يعورني ماني مصدقه اني كل هالعمر عايشه بكذبه كنت أتفكر معقول تبري مني عشان بس رغبتي بالوظيفه وبعدها قلت اكيد عشان لساني طويل واخر شي اكتشف انه قاتل اهلي
عز ناظر فيها وفتح ذراعه يسحب راسها يسنده عليها وقال وهو يمسك كف يدها:ادري ان كل شي تمرين فيه صعب بس بوعدك اني اكون معك
غيم ناظرت بعيونه ووجهها قريب من وجهه:عز توعدني ما تتخلى عني ؟؟
عز ابتسم:أوعدك
غيم:تدري اني اخاف ال..قاطعها:الغدر
ابتسمت غيم بخفيف وابتسم عز من بسمتها وقرب يبوسها قريب من شفايفها بوسه طويله ورجف قلب غيم الي كانت بحضنه وهي تتحسس شنباته بوجهها وريحه عودته الي مخترقه قلبها وكانه ببوسته ذي يطمنها انه معها وقريب حيل لها
بعد عز عنها وهو يناظر بعيونها ورموشها الذبلانه بدموعها جفونها الحمر وقال:ليت الحزن ما انخلق عشان مايزور عيونك الحلوه
غيم ابتسمت وهي تبعد عنه شويه وقالت:خاطري اجلس لحالي
عز كان متمني يكون بقربها بس احترم رغبتها وقال:طيب بخليك لكن بس عشر دقايق
غيم هزت راسها تشوفه متجه للبيت ودخل عند العيال المجلس يرتب شنطته وهو مطنش جده الي جالس بالجلسه هو وأخته وبنتها
بعد مرور عشر دقايق بس لف الكل بصدمه على المزرعه الي ولعت بطريقه تفجع والنار تمشي فيها بسرعه غريبه جداً وصرخت مزون:حرييييقققققق
طلعو كلهم من الغرف وهم يشوفون النار جالسه تقرب من البيت وصرخ الجابر:راح تعبي راح تعبي
نواف فز يسحب ابوه وقال:اطلعو اطلعو بسرعه برا المزرعه
اتجهو الحريم يهربون وصرخ عز:غيم فينها مو معكم
سدن:غيم شوفها تركض
ناظر غيم والي بقي ماطلع من المزرعه وشافو غيم وهي تركض هاربه من الحريق بس تعرقلت رجلها والتوت وطاحت والحريق جالس يقرب منها وصرخ عز يركض لها:غيمممممم
سدن بدموع وصراخ:عزززز
ام مزون:من ولع في المزرعه من حرقها
عند الجابر الي طلع مع ولده وسعد شال امه يساعدها والحريم يركضون مع بعض ويسندًون بعض وجابر سحب إيلين يحاوطها يطلعها
عند عز الي وصل لغيم وشافها خايفه ومسك بيدها:قومي معاي يالله
غيم بدموع وبكاء:رجلي تعورني ما اقدر امشي
عز مال يحط يده تحت باطن ركبها ومال يرفعها والتمس ظهره وحس كانه انكسر مره ثانيه انتبهت غيم لوجهه الأحمر وهو واضح تعور وقالت:خلاص اتركني روح عز تكفى لاتعور نفسك
عز وهو يمشي بها وهو حاملها وبصعوبه يمشي بسبب الم ظهره وضربت صدره غيم تشوف النار قريبه وقالت:اتركني ماتفهم بعد عني خلاص
عز شدها لصدره:وشلون اترك روحي صاحيه انتي
غيم بكت خوف عليه اكثر من عليها وسدن شافت ان النار قريبه منه وهي لسعت كتف عز شوي وتأوه بالم وصرخت سدن تدخل داخل المزرعه بتساعد عز بس ثنيان اسرع وهو يسحب بيدها وقال:وين رايحه انهبلتي
سدن ببكي:ثنيان اتركني بشوف اخوي
دخل الجابر مسرع:طلعها بسرعه أنا بساعد عز
ثنيان سحب سدن بصعوبه يخبيها تحت ذراعه وطلعها برا المزرعه وجابر اتجه لعز وهو يسنده من وراه وابتسم عز لجابر الي منجد سنده بأكثر فتره كان محتاج فيها سند وساعده وهم يطلعون برا المزرعه وحط عز غيم على الارض وصرخت غيم تضرب صدره بقهر:تبي تموت ليه ما تروح ليييهههه
عز وهو يمسك كتوفها:اش خليني اشوف رجلك
البنات اتجهو لها وجدتها تسمي عليها وسدن بعدت عن ثنيان واتجهت لعز تشوف كتفه محروق وقالت:عز انت محروق
شهقت غيم وهي تناظر بكتفه وقالت:ليه ياعز ليه تعذبني
عز مارد يشوف رجلها بس انصدم من شافها تعلق يدينها برقبته وتحضنه بقوه وهي تبكي وتعتب عليه وبنفس الوقت ترجف من الخوف عليه اكثر من عليها مسح على ضهرها عز:خلاص اهدي عدت لاتخافين
غيم بعدت عن حضنه:ظهرك كيف يعورك صح؟
عز ابتسم بمكابر وهو ميت من الم ظهره:لا بسيطه
بدأ يساعدها يفك التواء رجلها ودقايق ووصل الإطفاء والإسعاف والمكان صار محاوط عسكر و