يا صدفً عشنا بعدها حبيبين

٥٥

توسعت عيون عز بصدمه وغمض عيونه وانقطع احساسه
عند البنات بالقاعه بدو البنات يطلعون معلنين انتهاء الفرح واتجهت رحمه مع نواف ومعها ام عز وسعد راح معه زوجته وغلا ونور وجابر اخذ أيلين ومناير وبقي ثنيان وسلمان يساعدون بترتيبات بعد الزواج عند سدن كانت تتوقع ان عز موجود وكانت تنتظر هي ومزون سدن حست بخنقه ماتدري وش سببها
طلعت من القاعه توقف عند البوابه وهي تمسك قلبها الي كان يرجف وتحس كان شي طبق على قلبها تقدمت لها مزون من شافتها واضح تدور بغير وعيها ومكتومه
مزون:وش بلاك بك بلاء
سدن بقهر وهي ماتتحمل روحها:طسي عني مو رايقه لك
مزون:ادق على عز مايرد
سدن:حتا أنا ادق مايرد
مزون شافت ثنيان جاي وقالت:هذا ثنيان خلينا نسأله
تو بيمشون إلا شافو ثنيان يعترض طريقه غنى الي كانت ايه بالجمال وهي مو متغطيه وتنح ثنيان يناظرها بصدمه غنى ابتسمت:كيفك ثنيان
ثنيان تلبك:هلا هلا
غنى:شدعوه ماتعرف اسمي وانا اعرف اسمك
ثنيان:مو انتي غنى ؟
غنى:اي غنى تشرفت فيك
ثنيان ابتسم بخفيف وشافها تمد يدها تبي تخامسه مد يده ثنيان بمجامله يصافحها وسدن هنا تجمدت وتوسعت عيونها من شافت غنى تحط يدها على ذراع ثنيان تمسح كتفه وقطع نظرها مزون الي قالت:الله لايقين لبعض
سدن ثارت وهي تدفع كتف مزون:لاقت لك الحمى
اتجهت بغضب ناحيتهم وهي من الضيقه الي تحسها معد تعرف تسيطر على نفسها وكمان موضوع غنى زادها وبس وصلت انتبه ثنيان للغضب الي بًوجهها ومسكت يد ثنيان تفصلها من يد غنى وتوقف قدام وجهه وقالت:هلا غنى اشوفك مممونه روحك مره مع خطيبي
غنى بصدمه:خطيبك؟!!
سدن:اي خطيبي وحاولي ما تقربين له المره الثاني عشان ما اثور فيك لاني بالقوه متحمله نفسي
غنى:مادريت والله
ثنيان تفشل من سدن الي كانت مره معصبه وتحسب كلامها وقال:عادي غنى ولايهمك بسيطه تسير لاتواخذين سدن
سدن تبعد عنه وتناظر وجهه وقالت بصراخ:لا تعال حبحبها بعد وقدام وجهي
غنى تناظرها بصدمه وثنيان تنرفز من صراخها ومال يرص اسنانه ويهمس لها:اقصري حسك
سدن بصراخ :ماني مقصره صوتي والي تقرب لك والله لدفنها تفهم والا ماتفهم
مزون كانت مرفعه حواجبها تناظر بغيره سدن ويوم شافت ثنيان معصب واضح من صراخها استغلت الوضع وهي تتجه لهم:وش الصيحه عيب لسا في رجال وانت "ناظرت بثنيان"طول بعرض ما تعرف تحوى بنت عمك يا حيف بس صح انك شبيه رجل
سدن بصراخ اندفعت عليها:انتي كلي تبن تفهمين مالك دخل
مسك بيدها ثنيان وهو يحط يده على فمها :اششش خلاص
سدن تدفع يده بعيد عن فمها وقالت:ماني ساكته جالسه تسبك وتبيني اسكت والله لهين كرامتها
ثنيان بصراخ:خلاص احترمي وقفتي ماني معبي عينك
سدن بعدم انتباه:انقلع بس
شهقت غنى بصدمه وناظر ثنيان بوجه غنى المصدوم من كلمه سدن ومزون الي كانت تستصغره بنظراتها ورفع يده بدون احساس وضرب سدن كف قوي على وجهها ومسكت سدن خدها بالم وتوسعت عيونها بصدمه اما غنى شهقت تحط يدها على فمها وقالت بحنيه تمسك كتف سدن:أنا اسفه كل السبب مني
ثنيان ناظر بسدن الي تجمعت الدموع بعيونها وشد قبضه يده بقهر ودفعها من كتفها:تعالي معاي
سدن تدفعه بعيد:ما ابي بعد عني
ثنيان :تمشين بالطيب والا أغصبك
سدن جت عينها بعين مزون الي تبتسم وهي تخصر بفرح لسدن الي انكسرت شوكتها ودفعت ثنيان بعيد وهي تتجه لداخل القاعه ثنيان وراها يصارخ:سدن بنت اكلمك اوقفي
سدن ماناظرته حتى وبسرعه دخلت احد الغرف الي بالقاعه وقفلت الباب عليها
ثنيان يضرب الباب:سدن افتحي الباب
سدن تبكي بصوت مخنوق عشان مايسمعها وناظرت بالمرايه الي بالغرفه وهي تشوف اصابع ثنيان مرسومه على خدها ومسكت خدها الحار وزاد بكاها
ثنيان كان سامح شهقاتها المكتومه وصرخ:سدن معك دقيقه لو مافتحتي والله لكسر الباب
سدن ماردت عليه وشوي لفت على الباب الي يضربه برجله وعرفت انه ناوي يكسره بسرعه مسحت دموعها وهي تسحب جزء من شعرها تنزله على خدها
واتجهت للباب تفتحه بس سمع صوت المفتاح ثنيان فز وهو يدفع الباب ودخل بعصبيه:ساعه لين تفتحين ؟
سدن تكابر دموعها ولفت تلبس عبايتها وتحط أغراضها في شنطتها وسحب بيدها ثنيان وانتثرت أغراضها على الارض وشد يدها ناحيته وقال:أنا ي سدن تخلين من أشكال مزون يتكلم عن رجولتي أنا تعسفيني بهذي الطريقه تخلينها تناظرني بنظره دونيه واني مو عارف احواك
سدن ماقالت شي تناظر بس بعيونه الغضبانه وقال وهو شاد معصمها:ردي ليه سكتي الحين وبرا لي ساعه احاول اسكتك ما سكتي ولا بلعتي لسانك وتصرخين بعد
سدن طاحت دمعتها وبرضو ساكته ماردت بس تفرك يدها تحاول تحرر يدها من قبضته ثنيان حس ان جسمه تخدر من دمعتها وهو نقطه ضعفه بكاها ترك يدها ونزلت سدن تلم أغراضها وهو يناظرها كيف ترجف يدها وهي تلمها
شد على سبحته يدخلها بجيبه ومال على ركبه يمسك كتوفها ووقفها قدامه وتو بيفتح فمه انصدم من صارت ترجف كتوفها بين يدينها وصارت تبكي وهي تحط يدها على وجهها وقال بسرعه:لألا سدن اسمعيني والله كله من الحماره الي برا هي السبب والله ماقصدت امد يدي عليك
سدن وهي تمسح دموعها تاخذ نفس وبعده يدينه عن كتوفها:عز وين بروح
ثنيان:تروحين زعلانه؟
سدن :مايهم
ثنيان:بس أنا يهمني
سدن:لو يهمك ماكان سمحت لغنى تلمسك لو يهمك كان مامديت يدك علي وكسرت شوكتي قدام مزون
ثنيان ابتسم:يابنت الحلال غيرتك مرعبه
سدن بقهر:طلعت مو كفو ماتستاهل حتى حبي
ثنيان ابتسم وارتخت ملامحه :حبك؟؟
سدن عرفت انها جابت العيد ولفت عبايتها عليها وبسرعه دخلت أغراضها الشنطه وجت بتهرب بس ثنيان سحب بيدها بسرعه وهو يحطها على الجدار ويحاوطها وهمس:بدري عليك تروحين وانتي ما اعترفتي لي بحبك مزبوط
سدن:لاتكون واثق بالغلط قلت كذا
ثنيان ابتسم:عادي اكذبي علي واغلطي راضي
سدن توترت من قربه:وش تبي
ثنيان:غرتي لانك تحبيني؟
سدن صدت بوجهها ومسك فكها ثنيان يرجع وجهها مقابله وقال وأصابعه تلمس خدها الي ضربه:ردي علي
تأوهت سدن بالم لان الضربه قويه وهمس ثنيان من شافها تتألم:حقك علي ي عيوني ماقصدت أوعدك ما تنعاد مره ثانيه اصلاً ليتها انكسرت قبل تجرح خدك الحرير
سدن:والله انها اخف من الم قلبي وانا اشوف غيري تلمسك
ثنيان انصدم من كلامها وابتسم بقوه :اوف وكل ذا مو حب
سدن:اي مو حب
ثنيان :اجل لو حبيتيني وش بتسوين
سدن:بذبح غنى الي تتلزق فيك
ضحك ثنيان:هههههههههههههههههه متوحشه يابنت ما انتي بسيطه
سدن:بعد عني طيب بروح
ثنيان:عز مو هنا بتجين معي
سدن:بصفتك مين ان شاءالله
ثنيان قرب لها وتوترت سدن وغمضت عيونها بخوف وهمس باذنها:بصفتي زوجك ي الغيوره
بعد شوي يشوف انفاسها الي تعلى وتهبط من قربه وعيونها المغمضه وابتسم وقرب يبوس خدها مكان الضربه وانحبست انفاس سدن من حست بأنفاسه قريبه منها ولمست شفايفه بخدها وبعد ثنيان عنها يشوف وجهها الخجلان والمتورد وقال:هيا
سدن شدت عبايتها تمشي وراه وهي تهوي نفسها من التوتر وركبو مع سلمان تاركين مزون الي تواصلت مع امها تجي لها
عند غيم الي كانت تحكي ريم انها بتروح تقابل عز بكره
ريم:متاكده تبين تعطينه فرصه بترجعين له؟
غيم:بسمع وش عنده بعدها اقرر موقفي
ريم:وبعثتك
غيم:جتني رساله بكره بروح بس اسلم اواراقي للمدير وبطلع بعثه بعدها
ريم:وعز ؟
غيم:بكره اشوف لو أقنعني ضليت هنا وألغيت البعثه
ريم ابتسمت:واثقه من عز
غيم:مدري بس الي اعرفه ان قلبي واثق فيه حيل
ريم:اجل كنسلي البعثه
غيم:خليها بكره اشوف الوضع
ريم تربت كتفها:الله ييسر لك
ابتسمت غيم تمدد تحاول تنام لكن قلبها يدق بسرعه منتظره الصباح يطلع عشان تروح تقابل عز
"صباح يوم جديد"
فزت غيم بحماس تجهز وترتب نفسها وحطت ميكب خفيف وهي فرحانه وتحس ان عز راح يقنعها تكون معه ريم كانت تشرب قهوتها وتشوف غيم الي تفر في البيت من الفرحه تزبط نفسها وترتب شعرها وبداخل ريم تهمس:ياويلي من الحب إذا يسوي كل هالشي
غيم :هههههههههههه ترا سمعتك
ريم:والله الحب هبل بكم
غيم:عساك تذوقينه
ريم:فال الله ولافالك خليني سنقل كذا سعيده ومبسوطه بلا حب وبلا وجع قلب
غيم انعفس وجهها ووقفت قدام ريم:ريم تهقين هالمره عز ما بيخذلني
ريم:لا حبيبتي هالمره باذن الله ما راح يتركك
غيم ابتسمت تلبس عبايتها وبسرعه طلبت سياره وعلى المكان الي اتفقو عليه هي وعز وقفت تنتظر وتنتظر ومرت ساعه وساعتين وبدت غيم تتعب وهي تهمس:لا باذن الله بيجي اصبري كمان
انتظرت غيم ثلاث ساعات كامله كانت متمنيه انه يجي كانت تتلفت حواليها علها تشوف زوله بس عز ابد ماكان له اثر نزلت دموعها بقهر وهي تضرب قلبها وتعاتب نفسها:ليتني ماصدقتك ليتني ماوثقت فيك
وقفت بصعوبه تنتشل نفسها واتجهت للسكن لمت شنطة سفرها وهي تبكي وتصرخ:المره الثانيه تخذلني فيها ياعز ليه تعشّمني فيك ياليتني ماعرفتك ولادخلت حياتي
مسحت دموعها بقهر:أوعدك اني احاول أكرهك أوعدك اني أنسى كل شعور عشته معك
طلعت من السكن ترسل لريم أنها مسافره وبسرعه اتجهت للمستشفى دخلت مكتب المدير تحط اوراق البعثه
المدير:بالتوفيق وان شاء الله نكون اول ناس تشتغلي معنا بس ترجعين للسعوديه
غيم ابتسمت بحزن :اكيد
المدير:ادري انك حزينه انك بتفارقين ديرتك وناسك بس تذكري يوم ترجعين لهم رافعه راسك واسم بلدك
هزت راسها غيم وهي تعرف ان المدير جاهل الي فيها وطلعت من مكتبه بس جت طالعه وفي احد الاسياب لمحت المريض الي يدفعونه الممرضات والدكاتره حوالينه ووجهه كله دم ناظرت فيه مو واضحه ملامحه من الدم وصدت تكمل طريقها لخارج المستشفى وو