يا صدفً عشنا بعدها حبيبين

٦٥

رمى عز الخروف وفز لها من صرختها الي أرعبته شافها جايه ركض له تترك باب الشبك مفتوح اتجه لها ركض يقفل الباب بسرعه ولف عليها:وش فيك اهدي
غيم بخوف تمسك بذراعه:خفت منه كان قريب راح يعضني
عز:ذا كبرك تخافين منه بس اطرديه يروح
غيم تضرب كتفه بزعل:خفت طيب وبعدين عضته مسمومه وانا ما اقدر أبعده لانه متوحش والحين رجعني المزرعه معد ابي اجي هنا
عز انتبه لنبرتها الزعلانه وهي تتكتف وتقوس شفايفها بزعل ضرب باصبعه انفها :خير وش النبره الزعلانه ذي وبعدين وين الي لها صوله وجوله بين الحريم وزعيمه الهواش وأي صراخ وراه هي معقول ترجف قدام كلب
غيم بحده:قلت لك طلعني معد ابي اجلس هنا
عز:طيب لا تعقدين حواجبك علي أوكي إذا مو قادره تبعدينه عنك ببساطه ادخلي وقفلي باب الشبك معد يجيك والحين انتظريني أنا بجيب الخروف واجي
غيم تناظره بصدمه لاسلوبه وحارت الدموع في عينها بسرعه لف عز يبي يشيل الخروف لكن استوقفه تنهيدتها ولف عليها وانصدم من منضر دموعها وبسرعه مسك كتوفها بحنيه:بنت وش فيك ليه تبكين مقصدي والله تصيري ما تخافين من شي وكمان أنا ما احب أسلوب الحده بصوتك علي
غيم لسا تبكي:انت ما تحبني لو تحبني ماهانت عليك دمعتي
عز انصدم من جملتها الي هزت كيانه بأسره وقال وهو يسحب خصرها ومسك ذقنها :عمرك لاتشكين بمحبتي لك لانك والله الهوى الي أتنفسه "وبحنيه قال"غيمي أنا كل يوم احمد الله على الصدف الي عشنا بعدها حبيبين
غيم هدت شوي تشوفه يمسح دموعها ويطبطب عليها وقالت:عز اخاف من الكلب طيب
عز مال ياخذ الخروف وسحب غيم تحت ذراعه:مايجيك شي وانتي بذراي ان شاءالله
طلعو من عند الحجز متجهين للعيال في السياره وعطى ثنيان الخروف يمسكه بالصندوق
نور:اوف كان كملتو رومنسيتكم وخليتونا ننتظر شوي بعد
سدن:امحق رومنسيه بشبك الغنم
عز:ودها تسكت اختي الحلوه والا اربطها مع الخروف بالصندوق
غيم بطقطقه:اي خروف بالزبط حدد
ثنيان بصدمه:اعقبي يبنت عبدالله والله لك لسان يقص الحديد
البنات: هههههههههههههههههههههههه
عز بضحكه :اجل يالله خلونا نتكل للمزرعه أبطينا
مناير:بدري والله تو تحس
دفعها عز يركبها ورجعو متجهين للمزرعه وصلو وبدو العيال يذبحها والبنات يجهزون السلطات والصوصات بالمطبخ ودخل سلمان الي كان ماسك الذبيحه وجاء على ثوبه دم الذبيحه البنات جاهلين هالشي بس دخل عليهم جت غلا بوجهه وهي مع الحمل تفوت شوي بس تصادمت معه صرخت صرخه هزت المطبخ ولفو البنات برعب يصرخون من منظر سلمان وجابر وثنيان وعز الي يشوون اتجهو ركض لهم وصحى كل العايله من الصيحه
عز:وش فيكم
ثنيان:وش العلم
نواف بخوف:وش فيه ليه الصراخ صاير شي
لفو كلهم برعب على نواف وسعد والحريم ورى صاحين
غلا مسكت بطنها يوم حست الم خفيف وقالت سدن بسرعه:خفنا من سلمان
عز بيلطف الجو:دام صحينا يالله خلونا نتعشى سوى
هز راسه نواف بتجاوب واجتمع الكل حوالين النار وبدت السوالف والمزوح ونواف كانت عينه تدور على الكل عايلته ملمومه حوالينه كان طول عمره متمني ابوه يلم شملهم صح مكان ابوه خالي وفاقده بس ابتسم من يشوف الكل يضحك ويسولف وابتسم من شاف بسمه امه بجنبه والعيال يطقطقون عليها وباس يدها تحت تاثير اللحضه ابتسمت رحمه تمسح يده في أثناء جلسه الجميع على العشاء الكل لف على غلا الي صرخت بقوه تمسك بطنها:يمامااااااا
فزت امها بخوف تسندها ووقفت رحمه تقول :ولاده جتها الولاده هيا ياسلمان
سلمان من الصدمه وقف والخبزه بيده واتجه يشغل السياره وام غلا وجدتها اتجهو معها يركبونها وطارو بها للمستشفى بسرعه وفي المزرعه الكل وقف وهم شالو همها مره ومعد كملو عشاهم وبعد تعب واتصالات ينتظرون خبر عن غلا فزو بفرحه من مناير الي قالت:أبشركم سلمان جاه بنت
فزو الكل بفرح يحضنون بعض ثنيان الي كان مرتكي :اوف وش ذا البنات صارو كثير في العايله
سدن:اشهد ان البنات زينه الحياه
غيم بغرور:رتويت
مناير:ي الله دام تطمنا الكل على النوم
عند سلمان الي كان واقف مع امه وجدته وطلعت النيرس:خلاص تقدرون تدخلون لها صارت طيبه
ام غلا:والنونو كيفها نقدر نشوفها
النيرس:دقايق واجيبها
دخلو عند غلا الي كانت مستنده بتعب وبس شافت سلمان رمته بالمخده
سلمان فز:هاء وش فيه
غلا:كل السبب منك والله لأطلع روحك كنت بموت
ام غلا ميته ضحك والجده رحمه تهديها:اذكري الله يابنتي عاد الرجال وده بضنا ليه معرس عليك
غلا بقهر:ينطق هو يولد
انفجر الكل ضحك عليها وبكت غلا بقهر من التعب وفز سلمان:والله اسف
غلا بدموع:بدل ما تدخل علي ببوكيه ورد داخل بخبزتك بيدك
انتبه سلمان لخبزته الي من الصدمه ما اكلها وبلعها بسرعه يحط يدينه ورى ضهره
ام غلا بضحكه:سامحيه ي امي شوفي مسكين حتى خبزته ناسيه من الصدمه بيده
غلا تصد:لا ما ابي والحين شيلوه من وجهي
سلمان ابتسم واحترم رغبتها كونه معصبه واتجه يغسل وبس جاء طالع جات بنته وفز قلبه يناظرها كيف نقطه ومال عليها يبوس يدها ومبتسم قال:ارحبي ي قلب بابا
رجف قلب غلا الي تشوف فرحته كيف فيها ونزلت دموعها شوي ناظر سلمان فيها وقال:زعلان منك يابابا عشان تعبتي ماما وخليتها تزعل علي
وهاء ترا بحبك مره بس عاد امك بحبها اكثر
ضحكت غلا مع بكيه وهي تحط يدها على وجهها واتجه سلمان لها يحضنها قدام عمته وجدته ومسكب للكل وهمس بخفيف:اسف أوعدك اجيب لك محل ورد لو تبين
غلا ابتسمت تطلع من حضنه وطلع سلمان مع جدته متجهين للمزرعه
"صباح يوم جديد "
انتشر الخبر عند الكل ان غلا ولدت وغيم بلغت الكل ان اليوم عقد قرانها على عز والكل انتقل لفله عز على اساس يرتبون ويجهزون لاستقبال غلا وكمان عقد عز ومحمد كمان ناوي يعقد على نور
ببيت شهاب ورنيم
دخل شهاب غرفته يشوف رنيم واقفه مقابل الدريشه الطويله وهي اليوم قررت تاخذ اجازه عشان تروح ملكه غيم ونور واتجه شهاب وهو مبتسم وحضنها من ورى:ياكل الصباحات الحلوه
لفت رنيم عليه مبتسمه وقالت:ياكل البدايات الحلوه
شهاب يمسك خدودها :صدقيني البدايات والنهايات الي معك كلها حلوه
رنيم تضرب صدره بخفيف:بعيد الشر الله لايجيب نهايه
ابتسم شهاب يناظر بعيونها وابتسمت رنيم تنزل راسها وقال بهمس:بفمچ حكي قولي ي عيوني
رنيم:ابي اسالك سوال عاد؟
شهاب:إمم تبين ازعل صح أنا كلي فداچ قولي
رنيم :لو دخل طرف ثالث بيننا بتقل محبتك لي
شهاب تعقدت حواجبه:مستحيل احد يقدر يغير مكانچ وحبچ بقلبي لذالك تطمني وبخصوص طرف ثالث بعلاقتنا صدقيني مستحيل اسمح احد يدخل بيننا
رنيم:بس في طرف ثالث
شهاب تعقدت حواجبه زياده وتغيرت نبرته للحده :كيف يعني
رنيم تمسك يده تحطها على بطنها وقالت:هذا الطرف الثالث
شهاب لانت ملامحه بسرعه واعتدل بوقفته:منجدك؟؟
رنيم ابتسمت تهز راسها وتجمعت الدموع بعيونها وبسرعه سحبها شهاب لحضنه وهو يبوسها ويشدها ومن فرحته معد عرف كيف يعبر نزل على ركبته عند بطن رنيم:يأهلا بأول ثمار حبنا
رنيم تبتسم وسط دموعها:خليك قد كلامك مو تاخذ المحبه علي
شهاب يمسح دموعها:والله ان حبچ ماينقص وإنه كل يوم يزيد
ابتسمت رنيم ترجع تحضنه
عند غيم وريم وأديم بالمستشفى يسألون عن رنيم
اديم:خبر حصري رنومي حامل
صرخو ريم وغيم مع بعض غيم بحماس تحضن البنات:ياحياتي أنا بنصير خالات
ريم:وش هالاخبار الحلوه
غيم:عاد ياويلكم اليوم ماتجون
ريم:أنا اول وحده بجي اكثر قصه حب تعبت فيها
غيم ضحكت واتجهو كل وحده بحماس لشغلها
عند عز بالدوام
برق يدق باب المكتب عز وهو يخلص معاملاته:تفضل
برق دخل :وصلنا بلاغ عن إطلاق نار ب....فلازم نتحرك
عز ناظر ساعته وكان نهايه دوامه ومافي وقت لازم يرجع يجهز لكتب الكتاب
برق فهمه:خلاص أنا أتولى المهمه ذي انت عريس الي عقدك
عز:والله ماتقصر يابرق ما ابي اروح اخاف اتأخر على غيمي وهنا راح تجيب اجلي لان صبرها بينفذ
برق:ههههههههههههههه زين خلاص أنا أتولى المهمه
عز ابتسم:وافيني بالمستجدات وخليني معكم على اطلاع بكافه المجريات
ضرب تحيه برق وطلع من المكتب متجه لمكان الحادثه
عند البنات بالمستشفى طلعت غيم وأديم وقابلو ريم
غيم:خير وين لايكون مابتجين
ريم:بطلع اتلاطم مع المدير الخرى منزلني مناوبه
غيم:منجد طيب طول الأسبوع مناوبه حرام
ريم:يا يعطيني بكرامته والا سحبت عليه المهم ما أطوف عقدك
غيم ابتسمت تحضنها:حبيبتي
اديم:حنا بنروح الصالون الحقي بعدين
ريم هزت راسها وطلعو البنات وبس حركو من هنا اتجهت ريم للرسبشن
فؤاد:مناوبه اليوم
ريم:تخيل طالعه أتضارب معه
فؤاد بضحكه:الله يعينك
ابتسمت ريم ماحست الا بيد على كتفها تلفها ناحيته :تعالي معاي
ريم باستغراب كانو رجالين مرسمين ثياب ابيض واشمغه وقالت:عفواً
الرجال وهو يسحب بكتفها :انتي ممرضه؟
ريم تدفع يده من كتفها:اولاً شل يدك لا اكسرها واثنين ماني جايه وش تبي
الرجال ناظر بالثاني وقال:في مريض برا يحتاج مساعده وقالو ادع اقرب ممرضه
ريم فزت تمشي بسرعه وطلعت عند المواقف تناضر :وي...انقطع صوتها من خطفوها يركبونها السياره وهي تحاول تصارخ بس هم كانو محاصرينها وكاتمين فمها سحبت جوالها بتدق على غيم بس الرجال سحب بجوالها ياخذه ويطفيه وقال:اهجدي ماراح نأذيك حنا بس نبيك بخدمه
ريم تحاول تتكلم بس هم مغطين فمها وعضته يبعد يده بالم وقالت:صدقني لتندم انت وهو على خطفي إذا ماسلمتكم للشرطه بيدي
شافتهم قربو من نقطه كانت محاوطه بالعسكر والدوريات وتقدمت بتصرخ بس حاوطها الرجال يكتمون فمها حتى عدو من النقطه
عند برق :وش صاير مافيه جثه الدم هذا دم مين
الرجال:ما اعرف الي شفته رجالين تشابكو بس الي متاكد منه ان في رصاصه طلعت وصابت برجال وبعدها بلغت وانا بنفسي شفت الرجال طايح بالارض
برق:كان ميت؟
الرجال:مدري من التوتر ماحسيت إذا هو ميت او حي
برق:ي الله على العموم بنباشر الحادثه يعطيك العافيه
بدو ياخذون عينه من الدم وناظر برق حوالينه المنطقه معزوله حتى كاميرات في البيوت مافيه وخلص واتجه للسياره يجيه اتصال من عز:هلا
برق:حادثه غامضه مافيها جثه بس اثار دم
عز:اشلون؟
برق:امر البيت ابدل وأمرك اقولك ومنها اشهد على عقد قرانك
ابتسم عز يقفل منه
بعد المغرب
الكل بدأ يجتمع وجاء حضور مكون من عايله شهاب وعائله ابو اديم وزيد وعائله الجابر
عند محمد الي كان برًا ينتظر مجموعه من أصحابه جت غنى داخله كانت بكامل أنوثتها وأناقتها كانت ملفته جداً فهى فيها محمد ينزل الجوال من أذنه واتجه لها وقال وهو مبتسم:غنى مو صح
غنى ابتسمت:اي
محمد يمد يده يصاحفها وعينه بعيونها وفهى بجمالها ومدت يدها غنى با أبتسامه وهي تتحسس يده الخشنه والكبيره بيده وتشوف كيف يناظرها بهيام
سحبت يدها وهي تتجه للداخل استمر محمد يناظرها وهو مصدوم كيف كانت جميله بشكل يعور اتجه للداخل وشاف عز الي واقف بكل شموخ يستقبل ويضيف الرجال ودخل المملك وجلس وتو بيعقّد دخل برق وفز عز يسلم عليه وقال برق بضحكه:جيت بوقتي شكلي
محمد الي كان عينه على عز وواضح وضعه مو طبيعي عز ابتسم له بس استغرب مابادله ينزل راسه بالارض وقطعهم المملك :اعقد لمين بالاول
عز:أنا
تقدم عز با ابتسامه وكان الولي على غيم عمها نواف وبدى يعقد ومع كل كلمه يقولها يرجف قلب عز ثنيان الي كان يصور فديو ويوافي سدن بالأحداث والبنات كانو بالغرفه مجتمعين على غيم ونور الي كانو فرحانات وقلوبهم تدق بقوه
خلص المملك وفز عز والكل يسلم عليه ويبارك له وبس وصل عند محمد سلم عليه بكل برود وهالشي اثار استغراب عز الي قال:ولد بك شي؟
محمد بتحفظ:لا
المملك:تعال ي محمد
تقدم محمد وهو يجلس بجنب المملك الي قال:من وكيل العروسه
سعد:أنا و...قاطعه محمد:بعد اذنك ي عمي واتمنى محد يفهمني غلط بس أنا ناوي أتقدم بخطبه غنى اخت شهاب وانا طمعان بنسبهم لف الكل بصدمه عليهم وثنيان الي كان يصور فديو وضغط على زر الإرسال ووصل المقطع لسدن
عز بصدمه:كيييف؟
كل الناس لفو لصدمه عز الي كانت كلمته بصراخ
سعد ناظر بعز:كيف ياولدي عز قال انك تبي بنتي
ابو محمد فز يوقف محمد:ولد انهبلت وش هالكلام
محمد:الزواج مو بالغصب وانا ما ابي نور
عند البنات الي كانو مجتمعين على غيم وبس فتح المقطع بجوال سدن شهقو بصدمه يناظرون بنور الي انخطف وجهها وفزت سدن تهز كتفها:نور نور
نور كانت من الصدمه مو قادره تتكلم وصارت ترجف ودموعها نزلت بسرعه
اتجهو البنات ينزلون لاسفل وغيم وقفت على الدرج
لفو كل الحريم على الصراخ الي بمجلس الرجال وبسرعه تجمعو كل عايله الجابر الباب يسمعون
محمد:أنا ما ابي اختك ياخي مو غصب
عز:انت بنفسك كلمتني انت مو رجال الرجال تؤاخذ من أقوالها
محمد بعصبيه:عز لاتغلط لو سمحت أنا محترمك وانا صح كنت ابي اختك بس خلاص غيرت رايي
ابو محمد يشده بصراخ:بنات الناس مو لعبه عندك تنوي تخطب وحده بعدين تفاجئنا انك تبي وحده ثانيه
عز:اشهد اني مغشوش بخوتك طلعت مو كفو
محمد:عز انت بنفسك تقول القلب وما يهوى وأختك ما احبها غصب يعني
سحبه عز من ياقتها وسعد ونواف يماسكون جابر وثنيان الي شوي ويذبحونه
وطلعو الرجال للحديقه ولكم عز محمد على وجهه:ولد اصحى انت انهبلت أنا أمنتك على بيتي دخلتك وسط عائلتي آخر شي تسوي فيني كذا
الحريم كلهم طلعو برا يناضرون والي لبست عبايتها وغنى من الصدمه تناظر بالبنات الي حرقوها بنظرهم ونور واقفه معهم وهي من البكى تهي قلبها تهشم كيف كسر محمد بخاطرها كذا
محمد بعد ضربت عز طلع كلامه لا إرادي وقال:ماني مستعد اخذ وحده بعين وحده "قصده عشان المشكله الي بعينها"
شهق الكل بصدمه ومحمد من الصدمه من كلامه طلع معه كذا عز ارتخى وحس كلمه محمد بقلبه ورجع على ورى بخيبه امل وقال بأسى:ياحيف يامحمد ياحيف ي خوي الايام
محمد تقدم لعز :عزعزعز والله ماقصدت عز افهمني تكفى
عز بحده :والله ان اختي تحرم عليك
مسك محمد راسه وهو خساره خويه مو بسيطه وهو يغلي عز مره
ثنيان:انقلع برا
عز ناظر بالحريم وهو يشوف كيف الصدمه فيهم وناظر بنور الي واضح على جنب واقفه والكسره فيها وقال:جعله فدا ترابك ارفعي راسك بشموخ ي نور انتي تشرفين الي يأخذك صدقيني ان هو الخسران
غيم ابتسمت بحب لعز الي يواسي نور بالرغم انها مو اخته بس يشوفها اخته وأغلى
المملك:يعيالي الدنيا قسمه ونصيب ويمكن نصيب محمد مع اخت شهاب ازين خلونا نعقد عليه لو البنت موافقه
ثنيان:وأختي الي كسرها مافكر بكلام الناس وش بيطلعون على اختي من شائعات
جابر:والله لدمرك يامحمد لو بس طلع احد كلمه هذا صغرها على اختي اشهد اني لمسح كل أيامنا اللي راحت
برق اتجه لعز وهو يشوف في عز الكسره غدرة صاحبه فيه قويه مره ومسح كتف عز وقال برق بصوت عالي :أنا يشرفني ويعلي مقامي اني أناسب عز با أخته إذا هي راضيه
الكل لف بصدمه عليه ونور من الصدمه غمضت عيونها بقوه وصارت دموعها شلالات وو