يا صدفً عشنا بعدها حبيبين

٥٦

كملت طريقها غيم تطلع من المشفى واتجهت على المطار على طول وحجزت اقرب طياره على لندن وجلست تنتظر بساحات المطار وهي تتذكر اول لقاء لها مع عز لمن سحب بيدها فتحت كف يدها تنزل عينها تناظر بكف يدها ونزلت دموعها ورجعت تتذكر يوم أعطاها المهره واول حضن لهم بالإسطبل ورجعت تتذكر دفاعه عنها ووقوفه بوجه جده وانتهت بتذكر القبله الي صارت بالغلط وحطت يدها على وجهها تبكي وشافتها احد الحريم الجالسات بالمطار وهي تتجه لها وتبوس راسها:بسم الله عليك ي اومي وش يبكيك
غيم بعدت يدها عن وجهها وابتسمت بمجامل:ولاشي بس مسافره وببعد عن اهلي
الحرمه:ماعليه يبنتي كلها كم يوم وترجعين لهم ملهوفه
غيم بدموع:بس هي سنتين مو كم يوم
الحرمه تحضنها وتطبطب على ظهرها:ي حبيبتي انتي قوي نفسك انتي رايحه لبلد مايرحم وبلحالك وبعدين زوجك وين هو ؟انتي متزوجه؟
غيم طلعت من حضنها تمسح دموعها:كنت متزوجه وتطلقت
الحرمه :اخ كل بلاء بنا ي الحريم من هالرجال دامك رايح برا اخترعي لنا كوكب خاص بنا يالحريم بس
غيم ضحكت بخفيف وشدت يدها الحرمه:يابنتي مهما كان حزنك ادفنيه بجوفك وسرك خليه ببطنك ولايوم تطلعيه ولاطلعتي للناس اطلعي بكل قوه وهيبه ولا توزيتي لحالك ابكي كثر ما تقدرين
غيم:بس تعب ي خاله
الحرمه:دامك بتتعبين في كل الأحوال حافظي على صورتك قدامهم واطلعي لهم القويه الي محد يكسرها والا على القلوب فهي ارق من الريشه اي شي يخدشها
ابتسمت غيم وهي تبوس يد الحرمه:مره شكراً لك ياخاله
الحرمه:افا عليك أنا مثل امك وهذا رقمي لا رجعتي للسعوديه تواصلي معاي
وبشريني انك رفعتي روسنا واسم السعوديه
هزت راسها غيم تشوف النداء الاخير للطياره واتجهت للبوابه بس قربت تحط جوالها بالفحص صار زحمه اتصالات وسدن تدق ورنيم وريم وايلين حتى ام عز تدق شافت جوالها وقالت:اكيد يبون اجلس
جلست تدور اسمه بين الاتصالات وانكسر قلبها:لين آخر لحضه ياعز وانا معطيتك فرصه
تقدمت تدخل وهي تسحب شريحه جوالها وتكسرها وترميها بالزباله واتجهت تركب الطياره وجلست بجنب الدريشه تناظر في المكان وهي تحس قلبها يعورها وتحس بضيقه الدنيا كلها فيها نزلت دموعها وهي تسمع الكابتن ينوه بربط الاحزمه ربطت حزامها وشافت الي جالس بجنبها يناظرها ومد لها منديل
صدت غيم تتركه ماتاخذ المنديل منه
الرجال:خذي تحتاجينه
غيم لفت بحده عليه:ما ابي منكم شي اصلا كل وجع بالدنيا سببه الرجال والحين جاي تسوي فيها انك حنون
الرجال عقد حواجبه باستغراب:وش بلاك
غيم:بلاي انتو وجودكم بالحياه كلها مضايقني
الرجال الي بجنبه قال:سلامات ننقرض يعني
غيم بحده:ياليت
تركتهم تصد على الدريشه وهمس الثاني لخويه:اتركها ذي مهبوله نفسيه
غيم تركت حزامها واتجهت له وهي توقف عند وجهه:على اي اساس حكمت اني نفسيه هاء
كل الي بالطياره ناظرو فيها بصدمه
غيم :النفسيه الي قدامك قتلو امها وابوها وزوجها عشمها انه بياخذها عشان تنتقم ولمن صار وقت الصحيح تخلى عني وتركني الي قدامك جدها تبرى منها من هي طفله عشان ماتعرف انه سبب موت اهلها الي قدامك انخذلت من كل الي حوالها برأيك الحين أنا نفسيه والا الي فيني طبيعي
الرجال تبلكم معد عرف ايش يقول ومالت غيم تناظره:لاتحكم على الناس من برا وانا اختك لان الي جوه محد يعلم فيه إلا الله الي برا بس شي بسيط من صراعات داخل محد يشوفها تعلم تلتمس العذر للناس لان ماتعرف وش يمرون فيه من اوجاع وخيبا...انقطع صوتها من خنقتها العبره وطاحت دموعها وناظرت كل الي حوالينها يشوفون الي متاثر معها والي بكت والي تدعي لها وهمست غيم:إلا الشفقه ياغيم تكفين
رجعت تقعد لكرسيها وهي تربط حزامها وانطلقت الطياره للندن وطول الطريق كانت غيم تقوي نفسها وترمم نفسها وقررت ماينزل دمعه من عيونها على عز ولايمكن عاد تعطيه فرصه وتهيأ نفسها لرحله جديده وحياه جديده جاهله مصيرها فيها
عند عايله الجابر الي كانو كلهم بالمستشفى وحالتهم يرثى لها من وصلهم خبر حادث عز وام عز تبكي:ياويل قلبي عليه هالولد من يوم يومه حظه قليل
ريم بهمس لسدن:غيم شكلها سافرت جوالها مقفل وارسلت لي انها بتسافر
سدن:ياويلي عليهم مو راضي يكمل معهم شي
ريم:هي ماتعرف عن وضع عز اكيد فكرته خذلها وماجاها
سدن ببكي:وش هالمصايب
مزون:وينها غيم ليه ماتجي تباشر حالته وتطمنا عليه
ريم:غيم راحت
الكل لف عليها بصدمه رحمه بخوف:وين
ريم:سافرت بعثه
ام عز:كيف تركنا وحنا بحاجتها
سدن:يماما هي ماتعرف عن حاله عز والا ماكان تركته
مزون تخصر:وش قصدك
نور:وقتها ذي بعد
الجابر:طمنونا عنه وش صار
سدن:السبب منك انت الي وصلته لهالحاله ان صار بعز شي والله ما اوفرك وبعدين انت وام شحوم وش جايبكم هنا عز تبرا منك وش تبي جاي
نواف ببكي:كسرتني بولدي يا ابوي كسرتني وخليتني أوقف حاير بين ولدي الي ينازع وابوي الي سبب علته
ام مزون:بس هذا الدكتور طلع
ام عز:بشرنا
الدكتور:المريض عملنا له عمليه ظهره والحمدلله عدت بس
سدن:بس ايش كمل كمل
ريم اتجهت تدخل للداخل عند عز وتسال عن حالته
وناظر الكل للدكتور لمن قال:المريض دخل بغيبوبه بسبب الضربه الي جت براسه
شهق الكل بصدمه رحمه تضرب راسها:يويلي عليه ياويل قلبي ياجده ياويل قلبي ياحبيبي انت
نواف:مافي امل يصحى
الدكتور:علمها عند الله
سدن انهارت تبكي ونواف تلطم بشماغه يبكي بزاويه وام عز تحضن رحمه وتبكي وايلين بحضن جابر وهي حزينه على عز الي ماشاف يوم حلو والمستشفى قلب بكاء وصراخ
"نسرع شويتين"
بعد مرور اسبوع كان جابر مرافق مع عز وكان يصلي الفجر وبس سلم فز من صوت الاجهزه الي صارت تطلع أصوات قويه وخاف واتجه ركض لعز وشافه يحاول يفتح عيونه وطلع للسيب يصرخ:دكتور دكتور
جو الدكاتره والممرضين ركض وهو يشوفون عز الي بدى يصحى وابتسم الدكتور:صحي الحمدلله ماطول
عز بالم يمسك راسه ومو قادر يتحرك:دكتور وش فيه وش جابني هنا
جابر:عز انت طيب المهم انت طيب بطمن اهلي ببشرهم
عز بتعب:وش فيني ماقدر احرك ضهري
الدكتور:لان ضهرك مكسور وأجرينا عمليه لك عشان كذا شهر ما راح تقدر تتحرك
عز:كم الساعه الحين؟
الدكتور:٦
عز بفرحه:الحمدلله لسا ماجاء موعدنا عطني جوالي او وقفني ابي اكلم
دخل جابر شافه يكلم الدكتور يسأل عن جواله وقال الدكتور وهو يحط له مسكن بالمغذي:احتمال يكون فيه شوي الم برأسك وتنسى بعض الامور بس عادي طبيعي لانك كنت بغيبوبه أسبوعين
عز ناصره بصدمه وصرخ:كيففففف!!!
جابر عرف ان عز بينهار لانه عرف من إيلين باتفاقه مع غيم واتجه لعز :عز اهدى أنا بشرح لك
عز بصراخ:وش تشرحون لي غيم وين جيب لي غيم خلني افهمها
جابر:طيب بناديها بس دوامها لسا مابدا
الدكتور:إذا قصدك دكتوره غيم راحت ابتعاث مو موجوده
جابر بقهر من الدكتور:الله يقطع لسانك
عز بصدمه:كيفف وشهو سافرت جابر كيف سافرت احنا كنا متفقين نتقابل
عز بدأ ينهار :لا يجابر تكفىىىىىى ي جابر لاتقول انها فهمت اني خذلتها تكفىىى ياجابر جيبها لي والله ماخذلتك غيمم تكفين والله اني غصبب عني والله ياغيمي ماابي ذنبببب تكفين سامحيني ياحياه عز وهواه تكفين سامحيني
جابر نزلت دموعه مع عز وهو يحاول يهديه :عز تكفى ضهرك العمليه لازم يكبر مزبوط
عزبصراخ وبكي:وقلبي من يجبره راحت وهي تفكرني تركتها راحت وهي تضنني خذلتها ياليتني مت ولاصحيت كذا عاجز
دخلو اهله في هالاثناء وشاف الكل موجود وجلس يدور بعينه بينهم عله يلقى طيفها او زولها بالغلط وعجز يلقاه وشد راسه بقهر:ليه تركتيني ادور طيوفك بين الناس ليتك صبرتي اخخخخ ي ضهري الي انكسر كسر مايجبر ابد
الجابر:لا ماعليك بطل بتشد حيلك وترجع قوي
ام مزون:اكيد لازم يرجع لنا
عز ناظرهم بحده:هذول ايش جابهم هنا طلعوهم ما ابي أشوفهم بعدهم
الجابر:اعقب ي العاق
عز :والله لنتقم منكم اشد انتقام والله لنزع كل الرحمه الي بقلبي والله لخليكم بس يطري اسمي ببالكم ترجفون
سدن دفعت ام مزون:انقلعو ماتفهمون
ام مزون:تعال ي اخوي الشرهه علينا جايين لو ميت احسن
طلعو ومزون وقفت بعيد تشوف الكل يحضنه ويسلم عليه ويمسح دموعه ويحاولون يخففون عنه وهو بقمه انهياره