يا صدفً عشنا بعدها حبيبين

٧٨

مال عز بيذوقها الكيكه بس وقفه يدها الي مسكت ذراعه تلفه ناحيتها ولف عز لها وقالت غيم وهي شاده كف يده :عز
عز ابتسم يمسك يدها الثانيه:عيونه
غيم با ابتسامه مصحوبه امتنان:مره ايلافيو
عز ابتسم وهو فهم معناها بس استقصد يغبي روحه وعقد حجاجه:وشو ذا
غيم ضحكت:ايلافيو ماتعرف معناها
عز:لا ذي وش اكله؟
غيم انفجرت تضحك عليه ضنن منها ان عز فعلاً مايعرف معناها وقالت بوسط ضحكها:يعني احبك يا غبي
عز ابتسم يحط يده ورى خصرها يشدها له توترت من حركته يشدها زياده له حتى توسطت حضنه وهمس باذنها:ترى اعرف معناها بس كنت ابي اسمعها بالعربي
غيم شهقت تطلع من حضنه بس هو لسا محاوطها وقالت:ي غشاش أنا كنت اضنك منجد ماتعرف ليه تسوي كذا؟
عز ابتسم يضرب انفها بخفيف:لانك عبيطه ماقد قلتي لي احبك
غيم:تخصر ولا انت قد قلتها لي بصريح العباره
عز ابتسم:بس اعبر بفعلي
غيم تصد بوجهها:وش فيها لو قلتها بدون فع...قاطعها يقول:احبك
لفت غيم بصدمه لوجه وتقابلت عيونهم ببعض وفهت فيه وشدها عز الي لسا ماسكها من خصرها وضحك:اقولك احبك وش فيك تخدرتي
غيم بفشله تنزل راسها وانحرجت مره واحمرت خدودها ورجعت ترفع راسها وهي تبعد عنه وقالت:تحرجني كذا تقولها فجاءه
عز :وش هي الي أقولها فجاءه؟
غيم بضحكه :لا عاد الذيب ماينقرص مرتين عارفه تبي تغلطني عشان اقول لك احبك
مسكت فمها غيم انها قالتها بدون تنتبه وانفجر عز يضحك:هههههههههههههه شفتي كيف ان الله كبير نطقتيها بدون مجهود مني
غيم:اصلاً عادي
سكتت لحضه تفكر وقالت:عز تتذكر اول لقاء لنا لمن رجعت من لندن بعد ماتزاعلنا
عز زفر بقهر:اخخ غيمي لاتذكريني قد ايش كنت متحمس للحضه لقاك بس ما انسى قد ايش عيونك ذبحتني وهي تعاتبني وقد ايش حسيت ان حنا بعاد رغم قربنا من بعض وبنفس الغرفه
غيم تبوز:ماقصدت اني اذكرك بشي مو حلو بس كنت بسالك تتذكر القصيده الي قلتها
عز:اي اذكر ليه؟
غيم:لامست قلبي مره وحابه تقولها مره ثانيه
عز ابتسم يتنحنح:
التقينا والهوى ماله أمان...والخجل عم المكان وعمني
والسوال الي عجزت ارميه كان...انت ماعندك يدين تضمني؟
خلص شعره وتفاجئ بغيم الي انطلقت بقوه وبحركه سريعه ترفع رجولها وهي تعلق يدينها برقبته وتحضنه ضحك عز يحتويها بيدينه حتى يحسها ضاعت بحضنه من شدة ماهي لامته وقالت:كنت متمنيه بذيك اللحضه أضمك كنت محتاجه كتفك الحنون كنت منجد فاقده أمانك وحنانك
عز يشدها بيدينه:هذا أنا عندك ي غيمه قلب عز انتي بس تحسين نفسك محتاجه كتفي ثقي انك راح تلاقينه متاح
غيم تطلع من حضنه تناظر عيونه :مره شكرا انك جالس تسعدني حقيقي انت عوضتني عن أشياء مره كثير
عز يمسك ذقنها بحنيه:حبيبي ما ابي اسمع شكراً لان هذا واجبي لحبيبتي
غيم بحرج تبتسم وقال عز مسترسل كلامه:يازين الصدف الي عشنا بعدها حبيبين
غيم:يازينها والله
عز يحاوط كتفها يجلسها على كرسيها ورجع يجلس وتقدمو يأكلون من الكيكه ومد يده عز على الطاوله يبي يمسك يدها ومدت يدها غيم يلتقون بيديهم وقال عز:ان شاء الله كل عام حبنا يزيد وكل عام نحتفل مع بعض
غيم:أنت ماتبي تحتفل بيوم ميلادك ؟
عز:لا ما احب هالاشياء
غيم:ليه مسوي لي؟
عز:دام هالشي يسعدك أسويه لك
غيم تبتسم وهي تحس عزّ فعلا أحرجها بكرمه وحنانه وزاد حبها له زياده وقالت:يقولون في اسطوره صح مو حقيقيه بس يقولون لو طفيت الشمعه الي على الكيكه وقبلها تمنيت تحقق هالامنيه
سحب عز يده من يدها يرجع ضهره على ورى وناظرت غيم بيدها الي على الطاوله وقال عز:تمني طيب
غيم ناظرته:اتمنى ماتترك يدي بيوم وماتتخلى عني اتمنى نعيش مع بعض للابد
ابتسم عز يناظر يدها الي تسحبها بعد ماترك يدها ووقف يمسك بيدها ووقفها يقول:عمري ما اترك يدك تطمني مهما كانت قوة الظروف حبنا اقوى ان شاء الله
غيم:وعد
عز:وعد العز لغيمه
ضحكت غيم وهي تشهق وتصرخ بسرعه من حملها بين ذراعيه واشتغلت مدافع النار وابتسمت غيم بفرح :الله
صار عز يدور فيها وغيم ترفع يدها بفرح وحماس ونزلها غيم وهو يمسك يدها اليسار يلبسها الدبله وغيم مبتسمه تناظره وبس خلص سحبها يبوس جبينها ونزل عيونه لوجهها:صار لازم نمشي
غيم:ليه مستعجل تقابل حبيبة القلب
عز ضحك يقبص خدودها الثنتين بيدينه:وزينوه الغيورين ترا هي مجرد وحده تبيني اخلص معامله اخوها
غيم:الله وتجيك لين بيتك ؟
عز سحب بيدها يركبها السياره وركب معها :البسي عباتك
غيم وهي تلبس:كان بخاطري نجلس لسا ماتونست
عز:كنت بقول ابشري بس عندي دوام لازم نرجع وبعدين لنا ساعه ماقصرنا
غيم:طيب ممكن جوالي بشوف من عايدني من البنات
لفت عليه بسرعه:عز كيف عرفت عن يوم ميلادي
عز ابتسم وهو يسوق:الفضل بعد الله لرنيم
غيم :اووه شكيت ان في احد قال لك وكمان رنيمي دايم هي اول وحده تعايدني هالبنت اخت قلبي منجد خوية قلبي ودربي
عز تذكر محمد وتذكر موقفه معه وهو عمره ماتمنى ان محمد يجرحه بهالطريقه ومد يده للمسجل يشغل لغيم أغنيه ليوم ميلادها مسك يدها يخلل أصابعهم ببعض وكمل طريقه يهوجس بخويه اما غيم صحيح مبتسمه وفرحانه بس كانت متاكده ان عز يفكر بمحمد ماعلقت على الموضوع كملو طريقهم للبيت
بس دخلو سحبها عز لفلته غيم باستغراب:بروح انام
عز:تعالي بس شوي بوريك شغله
استسلمت متجه معه وبس دخلت لوسط البيت واشتغلت الانوار وصراخ البنات معبي المكان وطلع عز يتركها ياخذون راحتهم فزت رنيم بسرعه تحضن غيم وهي بطنها برز مو نفس قبل ودخلت بالثلث الاخير وتجمعو بعدها البنات يحضنونها ويباركون لها واخرهم نرجس الي ابتسمت تسلم على غيم وتبارك لها واجتمعو كلهم حوالين الكيكه والسوالف عامره
سدن:نرجس معليش انتي حالفه إلا تتعرفين عليها وتدخلين حياتنا بأحداث اكشن بالاول المخيم والحين حفله غيم يعني دخله طبيعيه عاديه مافيه
البنات بضحكه:نتفق
نرجس:بالعكس مره حلو وانا منجد حبيتكم
ريم:قلت لك الشله ذي بتوسع خاطرك يعني ابد لاتضايقتي شلي شلك وتعالي لهم
غيم:منجد حياكي الله بأي وقت
نور:اوه بنات حدث مهم فاتكم
الكل باستغراب:وش
نور تغمز لغيم:طافكم شكل غيم وهي غيرانه على عز
الكل بصراخ :كيفف
رنيم:غيم والغيره يومه ما اصدق كيف؟
نور تربع تحكيهم وش صار والبنات مندهشين مره وكلهم يناظرون غيم الي كانت مره منحرجه بس تكابر
سدن:احلى والله الغيره البطله وعسى ضربتيها
غيم:لا بس دفعتها بس المره الجايه ناويه اكسرها تكسير
سدن:بعد المره الجايه حبيبي المره الجايه اذبحيها اجل ذي كفو تاخذ عز منك
غيم ترسلها بوسه:ذي الي فاهمتني
نور:بديت اخاف على اخوي
غلا:حقيقي الله يعين ثنيان
سدن:ياويله لو بس يفكر يناظر اخليه يمشي بدون عيون
البنات: هههههههههههههههههههههههه
نور الي شوي التمست من الكلمه وهي صايره حساسه مره قطعها تفكيرها برق الي ارسل :اطلعي عند الباب خذي الاغراض
نور:اغراض وش وبعدين من وين جايب رقمي
برق:يشيخه اطلعي بعدين نتفاهم على موضوع الرقم
وقفت نور تتجه تفتح الباب وشافت باقه ورد كبيره بجنبها كوب قهوه مكتوب على الباقه:لو تزعلك كل ألدنيآ أنا برضيك
باخر الورقه مكتوب برق ابتسمت نور بحب تاخذها تتجه لغرفتها ساحبه على البنات وبس وصلت رن برق ابتسمت نور ترد عليه:هلا
برق:عسى عجبك ؟
نور:والله جاء بوقته منجد
برق:افا عسى ماشر
نور تنحنح:لا بس كنت متضايقه شوي
برق:ماعاشت الضيقه اجيك؟
نور بصدمه:خير وش تجي شايف الوقت
برق بضحكه:أتسلل بالخفاء محد يشوفني
نور:اي عشان يذبحني عز أنا وانت
برق:ليه احسك تحكين عن عز اكثر من ثنيان وسلمان وجابر
نور ابتسمت تنسدح على السرير:شوف العيال كلهم حنونين وفيهم الخير بس عز سبحان الله له مكانه عندي غير احسه حنون غير عن الكل يعني مهتم فينا بذات حنا البنات مستحيل يرضى وحده فينا تزعل ورغم اني بنت عمه بس مايناديني إلا اختي قريب منا حيل ويحب جلسه البنات وصايد مؤذنا مره يعني حقيقي الله لايخلينا منه ومن وجوده بحياتنا
برق:إح بديت أغار منه ترى إذا هو مأخذ هالمساحة من قلبك أنا وش بقا لي
نور:لا لاتخاف كل واحد له مكانته بقلبي
برق ابتسم:يعني برق لقى مكان بقلب نور
نور انحرجت وهي متاكده ان برق ماقال كذا إلا شاك انها لسا بتحب محمد وقالت:لك مكان ي برق بس احتاج فرصه ارتب وضعي
برق:خذي راحتك أنا مااضغط عليك ابد
نور ابتسمت:شكراً
برق :عفواً
استمرّت سوالفهم مابين مزوح وطقطقه وخالطه قليل من الغزل لنور ونامو الاثنين على أصوات بعض عند البنات الي بعد سهره كانت مليانه سوالف ووناسه وفرحه ومزوح كل وحده اتجهت لبيتها والبنات اتجهو ينامون
عند سدن الي دخلت تشوف ثنيان بقمه وعمق نومته اتجهت له وهي مبتسمه وتفتح ذراعه وتدخل بحضنه ابتسم ثنيان يسحبها لحضنه زياده وقال:وحشتيني
سدن:مو كثري اكيد
شدها له يحاوطها بيدينه وكملو نومتهم
عند ريم الي رجعت للمشفى تنزل عبايتها ورمت بالطوها بدون تقفل ازاريره واتجهت لغرفه مهاب وهي تدخل تشوفه على جواله وضحكت:هاييي
ابتسم مهاب ينزل جواله:اهلين أبطيتي؟
ريم:اشتقت لي شكلك
مهاب بطقطقه:لا
ريم:مع نفسك وهذا أنا جايبه لك حلى وقهوه
مهاب:امزح مت من الشوق
ريم:اي بطيني ما الومك
مهاب ضحك وتقدمت له وضربت ساقه:لم نفسك بطلع معك على السرير
جلس مهاب يتربع ويترك لها مجال وجلست ريم بتربع تحط الحلى وتصب القهوه وهي تناظره وقال :كيف جمعتكم
ريم:اوف تجنن مره وعز ياخي ياخذ العقل رومنسي مره مع غيم يهبلون يهبلون
مهاب:وش صار مهم
ريم:ابد سوالف وحش ورقص وكل شي وأي صح نرجس جت مره انبسطت
مهاب :ماشاءالله هي انتبهو تهبلون باختي تراها عاقله
ريم:كانك تلمح لي
مهاب:والله الي فيه ابره تخزه
ريم تشيل قطعه من الحلى وهي تحطها بفمه بسرعه وضحك مهاب يشوفها تقول:الاكل طيب كل وانت ساكت
مهاب :انتي ليه دفشه
ريم:هذي شخصيتي عجبك ماعجبك طق براسك بالجدار الي وراك
مهاب :وش فيك معصبه؟
ريم :أنا اعصب لا بالعكس مافي أروق مني
مهاب:جاني الدكتور عطاني خروج يقول لي انك قلتي له ان عندي ممرضة
من وين جبتي لي ممرضه
ريم تنحنح:امر عليك أنا أغير جرحك
مهاب ابتسم وهو كان متمني تقول كذا:إذا كذا زين تفكيني من حبسة المشفى
ريم تنزل من السرير:تصبح على خير
مهاب كان يتقهوى وهو يشوفها تمدد على الكنب وتنام بسرعه بتعب وابتسم ينزل من السرير يشيل الحلى والقهوه واتجه يغسل ورجع يشوفها بدون غطاء سحب لحاف يغطيها يشوفها كيف نايمه ورجولها مرفعه وحده على طرف الكنب ويدينها كل وحده بجهه وضحك يهمس:حتى بنومك دفشه
صد السرير وتو بيطلع على السرير لف بخوف من صوت الدبجه وشهق يشوف ريم متمددة على الارض ووقفت تمسك راسها بالم:وش فيه وش صار
مهاب :ههههههههههههههههههههههههههه ي مجنونه فجعتني
ريم توقف تنفض ملابسها:وش صار كنت احلم اني اطيح
مهاب:لا انتي ماتحلمين انتي فعلاً طحتي
ريم تمسك ضهرها وبفشله:ماحسيت بنفسي
مهاب:ولايهمك تصير عادي
صدت ريم تطلع من الغرفه وهئ متفشله مره ومهاب بس طلعت انفجر ضحك بقوه عليها وعلى منظرها كيف طايحه اما هي توجهت لأقرب كرسي بغرفه المستودع ونوم عليه
عند رنيم الي رجعت بيتها وهي تضحك على غيم وغيرتها وقابلت شهاب بوجهها وبسرعه مسك بذراعها بحده:من وين يايه ليه لين هالحزه برى البيت
رنيم بخوف:اسفه كنت مع البنات
شهاب:مره ثانيه حدچ للساعه ١١تتاخرين تشوفين تصرف ثاني
دفعها من كتفها وطلع من الغرفه رنيم من الصدمه ما استوعبت الي صار توجهت تبدل وهي تمدد على السرير بتعب وتتفكر فيه عمره ماخاصمها او حسب حساب سهرتها مع البنات انتظرته يجي بس طول ماحست بنفسها إلا نايمه
عند نرجس الي رجعت مع ريم نزلت البيت وبس جات داخله حست بركض وراها دخلت بسرعه وهي تمشي ناحيه البيت ماحست إلا بيد تحاوطها وصرخت بخوف تشوف شخص ملثم حوالينها وهو يقول بحده:نزلي الي لابستيه
نرجس بخوف صارت تصرخ وفز ناصر الي كان اصلاً شاك بوجود احد بالحديقه بس ماعار الموضوع بالاول ونام لكن صحي من صرخت نرجس وفتح باب الملحق يشوف الرجال الملثم الي محاوطها ومهددها بالسكين واتجه ركض لها:بعد يدك ي كلب
الرجال فز بخوف وهو يتوجهه هارب برا الحديقه انطلق ناصر وراه ركض بس مالحقه ورجع ركض لنرجس وهو يوقف قبال وجهها:صار لك شي انتي بخير
نرجس ببكي:منو ذا من كان
ناصر:حرامي بس راح لاتخافين
نرجس:ابي البيت تكفى وصلني خايفه
ناصر مشى بجنبها:تعالي لاتخافين أنا معك
انطلقو يمشون ناحيه الباب تبع البيت لكن صرخت نرجس بخوف وتمسكت بذراع ناصر من سمعت صوت وراهم وو