يا صدفً عشنا بعدها حبيبين

٧١

نرجس نزل كلامه على قلبها مثل سكين انغرست بقلبها ودفعته بقهر بعيدودموعها بعيونها:انت على ايش شايف نفسك وبعدين من قال اني احبك هاء انت تنسق الأفكار براسك وتكذب الكذبه وتصدقها بس تدري انت أصلا حياتك كلها وهم بوهم وانت تفكر (فرح بنت عمه)تحبك صدقني هي همها فلوسك بس وصدقني قريب تغدر بك وانت خليك مثل الخروف تركض وراها
ناصر ببرود:على الأقل اركض ورى وحده حلوه وتسوى اركض وراها
نرجس تناظره بصدمه مو مصدقه الي قاله وتحس قلبها ينعصر وهي مو مستوعبه انها حبت واحد قاسي كذا ناضرته بأسى وقال:اسفي عليك ي ناصر
ناصر ابتسم:ليه عشان احبها ما احبك عادي لاتكونين حقوده تمني لي التوفيق
وبعد بكره تحضرين زفافي عليها
نرجس ناظرته بصدمه:كيف؟!!!
ناصر ابتسم يحاوطها على السياره وارتجفت نرجس ترجع على ورى زياده بس السياره خلفها وقال:كيف فاجأتك صح المهم نوريني ي بنت عمي لان يهمني تكون البنت الي تحبني موجوده
نرجس ابتسمت بعكس داخلها الي يغلي:أوعدك اكون اول الحضور
ناصر تبسم يناظرها من فوق لتحت وعينه غالباً تقر بعيونها لان نرجس كان يميزها عيونها الخضر وبعد دقايق من طول النظر بعيونها بعد عنها يناظر جواله وقال:بطلب فزعه من العيال يجون لي
نرجس:بتركبني مع اخوياك اوو معليش ناسيه ان انت مافي راسك حميه
ناصر يلف عليها:صدقيني محد يدور عليك لاتاخذين مقلب بنفسك
نرجس وهي من القهر معد تتحمل كلامه صدت تبعد عنه تنتظر احد يجي لهم وهي قرفت منه تبي البيت
بعد نص ساعه
جت سياره أخوياء ناصر وفيها أربعه من اخوياه وطلعو روسهم من الدريشه:ي ولد وش صاير معك
ناصر:سالفه طويله
خويه :انقز انقز
لفو على نرجس الي تلثمت وتشد عبايتها بخوف وفتح الباب خويه الي ورى:ذي المزيونه جيبها تركب معاي ورى
ناصر ركب قبل بجنبه :بعد بعد وأقصر نظرك
خويه ابتسم:ليه ما اتفقنا نتشارك كل شي
ناصر:اعقب اشاركك محارمي ؟! بعد لا اثور فيك
نرجس كانت ترجف من الخوف وهمس ناصر:تعالي
نرجس بخوف:لا ما ابي
خويه:ي مزيونه تعالي لو ماشالك الكرسي أشيلك بحضني
ناصر تعقدت حجاجه بقوه وهو يسحب سلاحه من جيبه ويضرب خويه على انفه وطاح على الثاني مغمى عليه وفزو اخوياه وقال ناصر بحده:إذا ما تحشمون أرواحكم تقلعو ماني جاي معكم
خويه السواق:خلاص اركبو مافي طريقه ترجعون البيت ومعليش على الي بدر منه
ناصر سحب بيد نرجس يجلسها بجنبه وقفل الباب كانت نرجس ترجف بخوف وهي لاصقه بناصر وتسمع سوالف اخوياه وضحكهم ولف واحد على ناصر وقال:وين نوقف بكم
نرجس من التوتر من نظراته مسكت بكف يد ناصر الي على فخذه وهي تشدها بخوف وتعلقت بصدره تسند راسها فيه بخوف وناضر ناصر خويه وقال:مر بيت عمي ابو مهاب وياليت تناظر قدام
لف ناصر على نرجس وناظر برجولها الي ترجف ويدها الي شدتها على يده وهو يحس بخوفها وربكتها ورفع يده من ورى كتوفها يحاوطها وكانه بهالحركه يبي يطمنها ونرجس الي رغم زعلها من ناصر إلا ان قربه منها حسسها بالأمان مره ودقايق ووصلو لقصر ابوها وفتحت الباب ونزلت ركض بدون تكلم ناصر وهي مجروحه منه قد الدنيا وتحاول انها تكرهه بس عجزت لكن قررت تدوس قلبها وتكابر على حبها بس فتحت باب القصر طلع بوجهها مهاب الي ناظر وشاف ناصر وراها وتعقدت حواجبه بصدمه وقال بحده:وش تسوين معاه ؟
ناصر:لاتخاف الي مثلها ما يناسبني
مهاب بصراخ:اقصر لسانك جعل مالك حس
نرجس انقهرت من ناصر وكلامه عليها ومسكت ذراع اخوها وقالت:اعترض طريقي يامهاب آهان اختك وقلل من قدرها وين اخوي ومحزم ضهري
مهاب ناظر بنرجس بصدمه وهو يحط يده على راسها وقال:ابشري بي
سحبها ورى ظهره وقال:ادخلي داخل
نرجس بحقد الدنيا:ابي اشوفه وهو ينهان
اتجه مهاب له بكل حده وهو كل شي ممكن يمشيه لناصر إلا انه يمس شرفه لو بكلمه وبس قابله ضربه كف قوي لدرجه مال ناصر من قوته ورجع مهاب يعدله وهو يمسك بياقته وقال:إلا الردى ياولد عمي ماهقيت بيوم امد يدي عليك عشان كذا بس خذ"ضربه بقوه على فكه لدرجه طاح على ظهره "
نرجس رفعت راسها بفخر تشوفه طايح عند رجول اخوها وبس ناضرها ناصر واستقرت عيونها بعيونه ارتخى جسمها من منظره الي كسر قلبها وهي تحط يدها على عيونها تخفي دموعها وابتسم ناصر لانه عرف انها مهما بلغت من القسوه إلا في الاخير تحبه سحبه من الارض مهاب وهو يوقفه وقال:بيتنا ممنوع تدخله وأي شي تبيه من ابوي تقابله في المكتب ان شفت بس طرف زولك حول البيت دمك مهدور
سحب سلاحه ناصر وهو ينصبه ناحيه مهاب وقال:لعبنا كثير ي ولد عمي والدنيا ماتوسعنا اثنينا لازم واحد فينا يموت
صرخت نرجس بخوف واتجهت ركض لهم لكن بس وصلت طلعت رصاصه من سلاح ناصر واسقرت ببطن مهاب ووقفت نرجس وعيونها متوسعه وقلبها يرجف ورجولها تسمرت في الارض تشوفهم قريبين من بعض بس مو قادره تميز الرصاصه بمين وبس رجع ناصر على ورى ناظرت مهاب الي طاح على ظهره وماسك بطنه بيده ومسكت اذونها تصرخ:مهاااااااااااااببببببب
-عند البنات
بس وصلو قريب المخيم وقفو بعيد وهم ميتين ضحك وبس يتخيلون ردت فعل البنات
غيم:جاهزين نعيشهم أصعب ليله بحياتهم
البنات:جاهزين
وقفو السياره بعيد ونزلو وطلبو رنيم تضل في السياره وتسوق بس يعطونها الاشاره البنات لبسو اسود بأسود لدرجه ماينشاف إلا عيونهم وقالت غيم :الخطه كالتالي
سدن ونور وايلين انتم عندكم الألعاب الناريه ابي المتفجرات تنزل عليهم مثل وبل المطر
رنيم:انتي شغل الميوزك المرعب
اديم وريم عليكم طفايات الحريق ابي الدنيا كلها تصير ابيض لدرجه مايشوفون شي
نور بتلبك:تهقون برق هنا؟
اديم:هاء وش مناسبه السوال
نور:سوال وش فيكم عشان ما اتعب روحي على الفاضي
البنات:اوووو بدينا حركات العشاق
نور:عشاق وش وانا عمري ماشفته إلا مره وحده ومن بعيد
غيم:خلاص خلاص ي الله خلونا ننفذ
اتجهو البنات كل وحده تنفذ المطلوب منها رنيم ركبت السياره جاهزه تشغلها
اما بقي البنات اتجهو للخيمه وبس وصلو سحبو طرفها من فوق يناظرون فيها شافو العيال مجتمعين وصوت الطيران عامر وريحه القهوه والعود وأصواتهم تصدح وناظرت غيم عز الي متوسطهم وضحكه عالي وقالت:اي تضحك وعندي بس تبوسم هين
إيلين:بنات تكفون جابر لاتعورونه
ريم:ازهلي إذا ماخليته يدور مايعرف ارضه من سماه
البنات بضحكه :ههههههههههههههههههههه
سدن:كفو
إيلين تضرب ريم:انقلعي
غيم:ايش اتفقنا؟
البنات بصوت واحد:الانتقام وبس
غيم :ي الله استعدو بربط طرف الخيمه
اتجهت غيم تربط أطراف الخيمه وهي تسمع دق الطيران والعيال يرقصون وهمست بضحك:اي ارقصو والله لخليكم تقولون اخ وش سوينا بحالنا هههههههههه
بسرعه سحبت الحبال واتجهت لرنيم وهي تقول :تم بس اعطيك اشاره نفذي
رنيم :تمام
راحت للبنات المسؤولين عن الطفايات وقالت:يالله بس تشتغل الميوزك استعدو
هزو روسهم وبدت الموسيقى المرعبه تشتغل وهم يناظرون من طرف الخيمه
ويشوفون العيال الي كان طق الطار عالي ومايسمعون وقالت ريم:و السوات مايسمعون
ريم:خلونا نبدا نخوف حقين الطار
سدن:كيف
ريم :نبدى نرمي عليهم من كل الاتجاهات حجاره صغيره حتى يهدى طق الطار
غيم:حبيت
انتشرو البنات على حدود الخيمه وبدو كل شوي وحده ترمي حجاره بحضن الي يطقون وبدت تعقد حواجبهم يشوفون الحجاره ويتلفتون يمين ويسار من فين جايه وبدأ فعلا طق الطار يهدى حتى وقف ولف عز الي كان يرقص:وش فيكم
جابر:يعيال كانه في صوت
ثنيان الي حط كاسه القهوه من فمه:صح أنا سامعه من اول
سدن بهمس:عمري الي سمعه قوي
غيم تضربها:اشش
اشرت غيم للي معهم طفايات الحريق وبدو يحطون الخراطيم من تحت الخيمه بكل هدوء
وبدو الرجال يتلفتون يمين ويسار للصوت الي كان يجيهم من كل الاتجاهات ووقفو برعب
الرجال ١:يارجال شكل الجن حضرو
ثنيان:كيف!!!
عز:اذكرو الله باذن الله واهمين
شهاب:إذا حنا واهمين هذي منو
لفو كل العيال للشي الي يمشي اسود بأسود وكانت غيم لكن من الرعب الي دب قلوبهم رجعو على ورى بخوف غيم تماسك الضحكه لاتضحك وتحوسهم
وبسرعه اختفت ورى الخيمه
زيد:لا إله إلا الله وش العلم
عز:خلونا نمشي معد بها سهره
بس تقدمو الرجال بيمشون تفاجأو بالدخنه البيضاء الي دخلت عليهم من تحت الخيمه وصار المكان كله ضباب ومعد يتشاف شي حتى العيال بنفسهم ضيعو بعض والبنات براً ميتين ضحك واشرت غيم لرنيم الي سحبت الخيمه وطاحت الخيمه على العيال وبدت تسحبها رنيم وهنا صارت الألعاب الناريه تنزل على العيال بقوه وصارو يحاولون يتفادونها بأي طريقه وبسبب الضبابيه معد يشوفون مزبوط ورمت غيم بمتفجرات "أتوقع تعرفوها الي كذا تطلع الوان في السماء مره كبيره" وجت وحده عند رجل عز وخافت تعوره وصرخت:عززز
عز انتبه للصوت وانتبه للقنبله الي تحت رجله وفز بسرعه وانفجرت ورفع نظره لغيم وهو عرفها من صوتها وبسرعه سحب بكتف جابر:البنات الي هنا بسرعه كلم العيال بالسر لحد يعرف خلونا نبعدهم قبل ينفضحون
سدن ضربت غيم:فضحتينا ي غبيه
غيم بخوف تشوف عز جاي ناحيتهم :اهربوووووو
البنات من الخوف جزء هرب ورى رنيم وجزء راحو يمين وناس اتجهو لليسار
عز وهو منطلق ورى غيم جاء وراه برق الي قال:وش فيه وش صاير
عز:شوف البنات الي ورى العلم بسرعه غط الوضع وشوف نور اكيد معهم
برق هز راسه بيمشي بس قال عز:برق انتبه نور ترا عينها تعبانه تشوف بوحده بس مزبوط والوضع ضلام انت...قاطعه يضرب كتفه:بعيوني
عند غيم الي كانت تبي تلحق رنيم بس رنيم هربت بالسياره ولحقوها سدن وايلين وريم وأديم ركبو معها ولحقهم جابر وثنيان وشهاب يركبون الصندوق وزيد من الصدمه شغل سيارته ووراهم
نور بسبب الظلام والفوضى الي صارت صارت تحاول تبعد ماتدري فين تروح بس جرت كذا وهي طاحت نظارتها في الطوشه وقفت بعد ما أبعدت عن مكان الخيمه تلقط انفاسها وارتعش جسمها تخدر من حست بيد على كتفها وهي تبلع ريقها بخوف وصارت تمام وشاده يدينها بخوف وماتبي تلف بس غصب لفها وهي تفتح عيونها تفاجئت ...