يا صدفً عشنا بعدها حبيبين

٦٠

ام مزون:مصيبه ياسعيد مصيبه
سعيد:وش السالفه انطقي
ام مزون:سمعت عز يتكلم انهم لقو دليل عن حادثه عبدالله وحرمته
سعيد:وشلون كيف
ام مزون:ما اعرف
سعيد:انتي لازم تاخذين الدليل قبل يشوفه عز ان شافه رحنا وطي أنا وانتي
ام مزون:وانا وش دخلني مو انت الي قتلتهم
سعيد:من الي ساعدتني بهالشي مو انتي
ام مزون:الله يأخذك ي سعيد ان انكشفنا راح تعبنا كله
سعيد:والجابر متى ناويه تذبحينه وتفكينا منه
ام مزون:اصبر علي بس شوي
سعيد:من عرفتك اصبر اصبر لإمتى بصبر ان شاءالله والدليل الي جاي لعز لازم يكون معك قبل يشوفه عز
ام مزون:بحاول
سعيد:مو تحاولين لازم تاخذينه
ام مزون:طيب لقانا بكره الساعه ١٢ نفس العاده بالمزرعه
رفعت جوالها غيم تصور الرجال وهي تسجلهم من البدايه للنهايه واتجهت ركض للداخل وهي تهوجس معقوله ام مزون بهالشر وليش تبي تذبح الجابر ومن يكون الي معها قطع تفكيرها سدن:بنت هي تعالي قطعي الكيكه
ابتسمت غيم واتجهت ناحيه الكيكه وعينها على ام مزون الي دخلت ووقفت نور تصورها وهي تقطع الكيكه ومبتسمه والكل جلس يصفق والبنات يصرخون واتجهو يوزعونها على الحريم وسدن نشبت لغيم إلا تذوق الكيكه وغيم عينها بس على ام مزون وقالت:بنت اهجدي خلاص ما ابي
سدن:قطعه بس
اخذت قطعه غيم وشدت يد سدن تسحبها:اسمعي راقبي لي ام مزون وين ما تروح قولي لي
سدن:ليه وين بتروحين
غيم:ما ابعد دقايق وراجعه
اتجهت غيم ناحيه مجلس الرجال وشافت رجال داخل وواضح فيه هيبته واتجه لعز يتكلمون وعطاه ضرف ابيض وتحاول غيم تسمع ايش يقولون بس عجزت
وشافت عز يدخل الضرف بجيبه وجت بترجع بس سمعت خطوات احد وبسرعه تخبت وشافت ام مزون تناظر لعز وهو ماسك جيبه وقالت :ي أنا ي انت ياعز مستحيل اسمح لك تاخذ تعب السنين كله
رجعت ام مزون وغيم خلاص اكلها الفضول وهي تبي توصل للدليل قبلها ورجعت وراها وقابلت سدن غيم بحده:ماقلت راقبيها
سدن:راقبتها بس ماعرفت كيف أتواصل معك
تأففت غيم تاخذ جوالها تكتب رقمها عندها سدن باستغراب:طيب ليه تراقبينها وش مسويه
غيم:ممكن تنفذين بدون اسئله
سدن تتكتف:لا مو ممكن لاني ما احب امشي على عماي
غيم بنفخه:خلاص ما احتاجك
دخلت غيم تاركه سدن الي تناظرها بصدمه وانتابها فضول وش فيها قلبت كذا رجعت تجلس وبس حطو العشاء غيم عينها على ام مزون الي لبست عبايتها
وفزت غيم وراها وفزت سدن وراهم
ام مزون اتجهت لدوره المياه وهي تكلم سعيد:قرب السياره بستدرجه واخذ الدليل ونهرب
سعيد :طيب خلصينا
ام مزون قفلت وهي تأفف وحطت ابره المخدر بشنطتها وطلعت من الحمام ورجعت غيم على ورى وشافت سدن الي وراها ومسكت راسها غيم وبسرعه سحبها:وش جابك؟
سدن:جايه اعرف وش تخبين عني انتي وام مزون
غيم:وش لغه الجمع ذي
سدن:والله جالسه اشوف في مؤامرة تنحاك
غيم:اش بعدين اشرح لك
سكتت سدن وطلعت ام مزون وهي تدق على عز وسدن وغيم يراقبون بصمت دقايق وشافو عز الي طلع وبس وصل عندها هجمت عليه ام مزون وهي تضربه بالابره بعنقه وطاح عز مغمى عليه وصرخت سدن بخوف واتجهو ركض وشافو ام مزون الي تسحب ضرف من جيب عز وهربت ركضت وراها غيم بس عجزت تلحقها وركبت السياره واتجهت العيال فزو على صراخ سدن وشافو عز مرمي بالارض وغيم رجعت ركض وهي تقول:من فيكم خوي عز ؟
برق وهو صاد :أنا وش صاير
غيم :بسرعه الحقني
اتجهت ركض غيم تلبس عبايتها واتجه وراها برق وجابر ركب معهم وانطلقو ورى سياره سعيد وبقي العيال التمو على عز
سدن دخلت تصرخ وهي تقول:الحقو عز تكفون
فزو كل الحريم بخوف واجتمعو كلهم عليه وام عز تصرخ وقالت سدن:ام مزون ضربته بهالابره وطاح
اخذت ريم الابره تناظرها وشافوها رنيم وأديم معها
اديم تطمنهم:لاتخافون هذا مخدر وبعدين ماحقنته كامل بسيطه الحين ينتهي مفعوله ويصحى
نواف:تساعدو فيه يعيالي شيلوه
تساعد الرجال يشيلونه وثنيان مغطي سدن ورى ضهره ودفع الحريم كلهم يدخلهم قسمهم
عند برق الي يسوق وغيم تصرخ:تكفى لاتضيعه ان ضاع راح كل شي
برق:وش السالفه ماني فاهم ليه الاحقه وليه ضرب عز
جابر:وش فيك غيم صاير شي
غيم بتوتر:مو وقته انت لاحقه الحين
برق استسلم يطارد ورى سعيد وسعيد يضرب الطاره بيده ويهوش في ام مزون:الله يآخذك كان انتبهتي وراك وانتي تاخذين الضرف
ام مزون بصراخ:ليه تدعي علي كله منك انت الي وصلتنا لهنا
سعيد:لا يشيخه أنا وصلتك لهنا من الي طمعانه بالمزرعه وهمها بس الفلس
ام مزون:على اساس انت ما ذبحت عبدالله عشان تكسر اخوي وتاخذها
سعيد:انطمي انطمي
سكتت ام مزون وهي متوتره وتضرب فخذها بخوف وهي تشوف برق مره لازق فيهم
سعيد:بطلع طريق رملي
ام مزون:سو اي شي المهم ضيعهم
سعيد شد الطاره بيده وقال:افتحي الدرج عطيني المسدس
ام مزون هزت راسها تفتح الدرج تعطيه المسدس وفتحه يحط الرصاص فيه
وقال:امسكي الطاره بحاول افجر كفرهم
ام مزون مسكت الطاره وطلع راسه من الزجاج سعيد وانتبه برق له وهو يصرخ: الرجال مسلح انتبهو
نز راسه جابر وبرق يحاول يتلافى الطلقات وغيم تصرخ كل ما ضربت رصاصه بحديد السياره وكذا طلقه يحاول سعيد يصيد فيها الكفر
عند عز الي صحى وهو يفز ويمسك راسه بالم ومسك كتفه نواف:بسم الله عليك يا ولدي
عز:وش صاير لي وش فيه
سعد:انت وش صار لك لقيناك مغمى عليك وسدن تقول ان ام مزون خدرتك با ابره وش صاير
عز ناظر عمه بصدمه ودخل يده بجيبه بسرعه يتحسس الضرف ماحصله وقف وصرخ:ام مزووووووننننننن والله لذبحك والله لكفر فيك
ثنيان:اهدى وش فيك
عز:وين راحت وينها
سلمان:راحت وطلع وراها جابر وبرق وغيم
عز لف بصدمه:وشلون؟؟؟كيف غيم تروح وليه!؟؟
نواف:وش بلاك وش العلم
ابو فارس:وش نوحك ي وليدي وش صاير معك
عز طلع بسرعه من عندهم وهو يقول :لألا والله لو صار لغيم شي اني ذباحك ي ام مزون
البنات فزو من صراخ عز وشافوه وهو طالع من البيت وبقمه عصبيته وركب سيارته ورفع جواله يدق على برق
عند برق وجابر رمى برق الجوال على جابر:رد على عز
هز راسه جابر يفتح سماعه الجوال وقال عز:برق انتو فين غيم كيفها ؟
غيم ناظرت بالجوال وعقدت حواجبها بحنيه تشوف كيف اول ماسال عنها
جابر:حنا نطارد ام مزون بالمكان .... والحين جالس يطلق علينا بالرصاص
عز توسعت عيونه بصدمه :كيفف؟؟
جابر تو بيفتح فمه رفع راسه على صراخ غيم لمن رمى سعيد الكفر ولفت السياره بقوه وصار برق يحاول يثبتها ويسيطر عليها بسبب السرعه لفت لفات عديده وضرب راس غيم بدريشه السياره واغمى عليها ولف جابر عليها يشوفها طايحه وصرخ :غيمممممم
طاح الجوال من يد جابر وانقطع الخط عند عز الي صرخ :جابببببررررر رد غيممم فيها شي جابر
رمى جواله يضرب يده بالطاره بقوه وقلبه يرجف لانه سمع صوت كفر السياره وصرخت غيم وشد بأسرع مافيه وهو يقول:لا غيم تكفين تونا ما اجتمعنا تكفين لايصير لك شي
بفله نواف كل المعازيم راحو لبيوتهم مابقى إلا اهلهم وصديقات غيم وهم متوترين يبون يعرفون اي شي عنها وسدن احرقت جوال عز مكالمات مايرد وايلين نفس الطريقه تدق على جابر بس محد يرد والوضع صار حوسه ورحمه تدعي وتفرك يدينها ببعض وام عز تضرب بيدها على صدرها وهي تهمس:يارب تحفظهم
عند عز الي وصل لمكان ما وصفه جابر وشاف السياره الي كلها رصاص ونزل ركض يشوف جابر وبرق يحاولون يصحون غيم الي بالسياره وقال عز:غيممممم
فزو جابر وبرق وبعدو واتجه عز يدخل راسه داخل السياره وهو يسحبها ويسندها يطلعها من السياره ويجلس على الارض ويسندها على رجله ورأسها على صدره وصرخ:غيممم تكفين ردي علي غيمممم
برق:لاتخاف بسيطه ان شاءالله بس شكلها ضرب راسها واغمى عليها
جابر عطاه علبه المويه :خذ حاول تصحيها
عز هز رأسه واخذ المويه بسرعه وصار يرش بالمويه على وجهها وغمضت عيونها غيم وفتحتها وصرخت بسرعه عز يمسح خدودها بحنيه:بسم الله عليك أنا عز انتي معاي لاتخافين
غيم ناظرت بعز ووجهه القريب منها وتحس ضربات قلبه وملامحه الواضحه الخايفه ونزلت نضرها لقلبها الي صار يدق بسرعه وهي تهمس :لا تكفى ما ابغى الله يخليك لاتدق
عز عقد حواجبه:ما تبغين ايش
غيم وقفت تدفع عز وهي ترتب نفسها ومسكت راسها بالم وفز عز يمسك كتفها بحنيه:نروح المستشفى انتي تعبانه
غيم تدفع يدينه عن كتوفها:لا ما آبي أنا بخير
جابر:ضيعناهم
غيم بقهر تضرب برجلها كفر السياره ولف عز عليها وقال:ليش تطاردين ام مزون وش تبين منها هاء
غيم :مالك دخل
عز بحده :غيمم ردي انتي تعرفين عن الضرف
غيم ماردت تتجه للسياره تاخذ جوالها وتدق على اديم :اديم تعالي لي الحين برسلك اللوكيشن
برق وجابر بعدو شوي جابر يطمن إيلين وبرق يسوي تحرياته عن ام مزون وسعيد
عز بحده لغيم:وشلون عرفتي عن الضرف
غيم ما ردت تتكتف وضرب كتفها عز وهي بدت تستفزه ولفت غيم عليه عز بقهر:لاتطنشين وقولي وش تعرفين
غيم:مالك دخل
عز بقهر يقرب لها والعصبيه بوجهه وقال:اجل اسمعي ان حاولتي تقربين حول قضيتي ذي راح تندمين تفهمين أنا عارفه انك عرفتي عن موضوع الدليل لكن انبهك للمره الثانيه لاتدخلين بشغلي
غيم ماردت وسحبها عز يركبها السياره وقال للعيال:مشينا
ركبو العيال وغيم تسمع عز الي راكب معها ورى وقال:برق عندك نسخه من الدليل
برق:لا ما عندي إلا ذا
عز ضرب بيده بقهر وتوجهو لبيت عز وكانت اديم تو محركة ونزلت غيم متجه لها بتروح معها توصلها السكن بس عز سحب بيدها:على وين ؟
غيم تترك يدها منه :خير رايحه بيتي
عز:ذا بيتك
غيم:ذا بيتك مو بيتي
عز بحده:طالما حشرتي نفسك في القضيه فا أنا ما اقدر أثق في ام مزون ما تسوي لك شي
غيم تتكتف:بس أنا مو بحاجتك اقدر أدافع عن نفسي
عز:الموضوع مو مرتبط بخوفي عليك الموضوع اكبر من ما تتخيلين
غيم:ماني جايه معك وتقلع
عز:اجل اسف لانك بتجين من ورى خشمك
مال عز يشيلها على ضهره ورأسها بنص ضهره وماسك رجولها يدخلها داخل البيت والبنات واقفين بصدمه يناضرون اما صحباتها لمن تطمنو عليها راحو بيوتهم و مزون الي كانت شايفه عز كيف شايل غيم كذا وولعت من الغيره وهي تصرخ :احشم وقفتي ي الردي
لف عز عليها ونزل غيم واتجه لها وقال:أوعدك بس كذا يوم وترجعين لامك مطلقه وهاء بلغيها ان نهايتها قربت
مزون:طالما انا على ذمتك انت مجبور تحترمني وتبعد عن ذي الي ماتستحي
غيم:عفواً منو الي ما تستحي ترا ماجيت راضيه زوجك هو الي رامي نفسه علي
عز ناظر غيم وابتسم:انتي خيط مهم بقضيتي لازم تكونين قدام عيني
سدن:وناسه غيم بتكونين معنا
غيم:بس اليوم ومن بكره راجعه بيتي
عز:أنا الي اقرر مو انتي
غيم تخصر:والله مو على كيفك
عز:دزيها نامي وانتي هالاتك وصلت ركبك تقول باندا"قال كذا لان شاف التعب فيها مره واضح"
غيم تفتح فمها بصدمه والبنات انفجرو ضحك عليها واخذت مخدة الكنب ترميها عليه وقالت :من زينك انت شوف نفسك ياشليويح
سدن:ههههههههههههههه حبيت شليويح
عز ناظر بحده لغيم:عن الغلط
غيم تركته تطلع فوق واتجهو البنات وراها دخلت غرفه سدن وبدلت فستانها تلبس مع سدن من بجايمها وتمددت تدخل بنومه عميقه
اما عز ضل طول الليل يفكر كيف يمكن يرجع الدليل او يمسك شي عليهم وقرر يراقبهم بالليل لمن تقابله ام مزون
"صباح يوم جديد "
غيم الي كانت تدور بالغرفه وهي تبي اي شي ممكن يعرفها عن الرجال ذا وصح انها سجلتهم بس هذا مو دليل كافي على انهم ذبحوه طلعت من الغرفه وهي تناظر ماشافت احد صاحي واتجهت لغرفه عز تفتح الباب بهدوء وشافته نايم ودافن نفسه باللحاف واتجهت تمشي بخطوات هاديه ناحيه راسه وهي تشوف جواله سحبته بهدوء وهي تفتحه على بصمه وجهه وابتسمت لمن فتح وجلست تصفحه تحاول تلاقي اي شي ممكن يعرفها على سعيد هذا ومن يكون او شي يساعدها توصل للدليل بس عجزت تلقى وزفرت بضيق تحط الجوال وبس جت بتلف تصنمت من سمعته يقول:اسأليني وانا بجاوب حركات المحققين ذي ما تناسبك لانك تطلعين اصوات عاليه
لفت غيم عليه :ما احتاج رايك
عز وقف يناضرها من فوق لتحت :زمان ما صبحت صباح حلو كذا
غيم :انتبه لكلامك
عز ابتسم:وش قلت قلت وش هالزين واقف قدامي فيها شي
غيم:ارجع اقولك لاتلطش بالكلام عشان ما الطشك بكف
عز يرفع حاجبه:اوف والله مسويه قويه
غيم:مو مسويه قويه واقوى منك بعد لاني مستحيل اخون او اخذل ومستحيل اكسر عشم او أخيب ضن احد فيني
عز ناظربعيًونها :فاهم قصدك مزبوط
غيم تبعد خصلتها من على وجهها:زين انك تفهم لان ماني ناقصه أتورط بغبي
طلعت غيم من الغرفه واتجهت لتخت تشوف الأغلب بدأ يصحى وعز الي لبس بدلته بحماس ناوي يروح للظابط الي كان ماسك قضيه وفاه عمه
الكل مجتمع على السفره يفطرون وجاء عز بروقان يقول:صباحكم عسل كلكم
غلا:اوه مروق اليوم زمان عن المزاج الزين
عز:شفتم كيف ان مزاجي يفرق معكم
سدن:افطر ياشليويح
غيم كانت ماسكه الكاسه تقهوى وطشرت القهوه من فمها وضحك البنات على عز الي توسعت عيونه بصدمه وعلى غيم الي انفجرت تضحك
عز غصب ضحك من ضحكتها ومزون تناظرهم وهي محترقه مو عارفه ايش تسوي
عز:يالله باي عندي شغل
طلع عز ووقف البنات يلفون السفره وغيم فتحت جوالها تتبع شريحه الجي بي إس الي حطتها بجوال عز وتشوفه رايح مكان مو للقسم وبسرعه اتجهت تلبس عبايتها وبس جت خارجه من الغرفه تصادمت بسدن:على وين؟
غيم سحبت بيدها:البسي عبايتك وتعالي اشرح لك بالطريق
قاطعتهم نور:هاء مسوين فريق بدوني على وين
غيم:اوكي تعالي معنا انتي واتمنى اني ما اندم صراحه
سدن :وش فيك وين بنروح
غيم:اشرح لكم بالطريق
ركبو البنات السياره وانطلقو وغيم جالسه تحكيهم كل شي صار وتوريهم تسجيل الصوت
سدن:يماما كيف ماخفتي وبعدين ليه ماتعلمين عز بالي صار وتوريه هالتسجيل
غيم:لان ذي قضيه ماما وبابا وانا ما ابي احد يتدخل فيها مابي احد ينضر من وراي
نور:بس عز هذي شغلته
غيم:لاتخلوني اندم اني استفزعت بكم
سدن تربت كتفها:افا عليك حنا معاك وعلى الموت بعد
ابتسمت غيم يوقفون قبال البيت وشافو سياره عز سدن بصدمه:كيف خطر لك تحطين تتبع بجوال عز
نور:يوه والله انتي خطيره
غيم:كيف احول من الطب للتحقيق
سدن بضحكه:يلوق لك ي الباندا
نور:ههههههههههههههههههههههه
غيم:ترا مسختيها وانزلي وانتي ساكته
نزلو البنات يناظرون بالبيت كان بسيط وعادي جداً سدن:الحين كيف ندخل بدون نلفت الانتباه
غيم تبوز :ننط السور
نور:لا اخاف يماما لو انكسرنا
سدن:غيم موجوده تجبرك المهم يالله خلصونا قبل احد يشوفنا
هزت غيم راسها تربط عبايتها على خصرها وهي ترفع نفسها فوق الحوش وناضرت ماشافت احد ولفت للبنات :هيا تعالو
بدت تمسك يد سدن ترفعها وبعدها نور ونطت بالاول سدن وبعدها نور وبعدها غيم الي لفت عليهم با ابتسامه:الحمدلله كانت ميسره بدون كسور
ناظرت باستغراب ملامح البنات الي واضح متوهقين ويناظرون خلفها وبلعو ريقهم بورطه لفت غيم بسرعه تناظر وووو