يا صدفً عشنا بعدها حبيبين

٦٦

لف الكل بصدمه على برق ووجهو نظرهم لنور وقال عز:الله يرفع قدرك يابرق
سعد وقف بصرامه:بنتي جتك ان وافقت
البنات ناظرو بصدمه لنور إليّ حرفياً انحاست من دموعها ومسكت كتفها غيم تحاوطها بحنيه وهمست:نوري الرأي رأيك
سدن:سلامات محمد مريض وذا انهبل
غيم:إذا كان ماودك به والله ماتاخذينه وعز معك مستحيل احد يجبرك عليه
اديم:نور تكفين ردي صح اخوي غلطان بس لاتسكتين قولي شي
سعد اتجه لبنته والحريم اغلبهم دخلو من تجمعو كل رجال عايله الجابر وهو يغطون على نور الي بحضن غيم وماينشاف الا عقلهم واشمغتهم وقال نواف وهو يمسح دموعها:خذي وقتك ياعمي محد راح يجبرك
عز:والله أنا كلنا عيونك لو خارتك عيونك يانور لايوم تشكين بسندك
نور بكت زياده تحس بحنيه عايلتها وسحبها جابر يحضنها:حبيبي نوري والله محد يجبرك لاتبكين ياعيوني
ثنيان يبوس راسها:ارفعي راسك ي اختي انتي تشرفين كل من يطلبك انتي ابد مو ضعيفه ومعلوله انتي كامله بعيوننا
نور اخذت نفس قوي تحاول تخفف من الهم الي كبس على قلبها وقال نواف:خلاص عطوها فرصه تفكر
جو بيلفون بس صدمتهم نور بردها لمن قالت:موافقه
لفو الكل بصدمه عليهم ومحمد اول واحد الي كن لنور مشاعر بس ماتوقع ابد انها بتتركه كذا ببساطه وقالت بصرامه وعينها بعين محمد:موافقه على برق
برق تفاجئ واصلاً هو كان هاقي بترفضه لانه سوى كذا بس عشان ينقذ خويه عز من الموقف المحرج لف سعد على برق:صامل؟
برق تورط بس ماله إلا يكمل وقال:موافق وانا قايل اني شاري نسبكم ولو دريت جيت بجاهه بس انتم تسدون اللزوم
ابتسم سعد بفخر لبرق وعز الي حس ان برق فعلا رفع راسه واتجه له يبوس خشمه وابو محمد لف عليه وهمس بشده:سودت وجهي الله يسود وجهك
عز انتبه لأبو محمد يهزءه وقال:حياكم الله ياعم وترا وجهك ابيض وعلومك غانمه وان كان به عار فهو يلحق ولدك وبس
محمد من الفشله معد قدر يقول شي توجه لعز بيكلمه بس عز قطعه وقال:نسب شهاب غالي كمان وان عطاك شهاب الله يبارك لك
شهاب وهو منجد تفشل منهم وقال:الرأي لأختي
عز:شاورها وترا محمد رجال ينشد فيه الظهر لكن أنا وياه معد حنا لبعض من اليوم كل منا بدرب
محمد:عز بس اسم...:يكفي يامحمد على الأقل ما اجحد افضالك وما أنسى اني بيوم كنت أشوفك اخو وغالي
دخل عز تاركهم ومحمد من الفشله منقهر انه خسر خوي دربه قلبه عماه عن كل شيء وبنفس الوقت مصدوم من نور الي وافقت بسرعه على برق وهمس:معقول تخطت ونست كل شي
دخل محمد داخل وابو محمد رغم فشلته من ولده الا عن عز اخذه عن يمينه وطيب خاطره وان افعال ولده على جنب وهو ماله دخل بفعل محمد
نفس الطريقه عند اديم الي كانت تتسامح من البنات ًوطيبت خاطرها غلا الي قالت:مالك ذنب ي اديم والحياه قسمه ونصيب ونور الله يوفقها مع برق
غنى تناظر البنات:والله مالي علم ولاذنب يابنات
سدن بقهر:اقل شي تسوينه ترفضينه عشان نحس ان قلبك على نور
نور بكبرياء:ليه ترفضه محمد يستاهل كل خير مو ذنبه ان قلبه ماحبني إذا ودك فيه خذيه لان أنا حرمت عليه ومستحيل اكسر كلمه اهلي ومحمد مجرد عثره وانا راح أتخطاها صدقيني
طلعت نور ودخلت غرفه ثانيه وهي بقمه انهيارها
سدن:نخلص من مزون تجين انتي
تأففت بوجه غنى تطلع ورى نور ووقفت غيم تمسح كتف غنى الي تجمعت الدموع بعيونها وقالت:ماعليه سدن زعلانه على نور وانتي يمكن الله مختار لك النصيب الحلو مع محمد إذا عاجبك لاترفضينه
غنى حضنت غيم:والله ماعرف وليش كذا صار بس أنا أحبكم ومستحيل ابني سعادتي على تعاسه نور
غيم:لا لا نور مو لمحمد كذا الله كاتب وانتي عطي نفسك فرصه فكري في الموضوع ونور شوفيها جالسه تكتب كتابها على برق وبتعيش حياتها
غنى ناضرت برنيم الي قالت:تعالي شهاب يبيك
طلعت غنى مع رنيم وهي تبرر وتحلف لها ورنيم متعاطفه مع غنى وشايله هم نور ودخلو بالغرفه عند شهاب الي وقف واتجه لغنى بحده ومسك بكتفها بقوه:وشلون صار كذا انتي كيف تبنين حياتچ وتهدمين حياة غيرچ
غنى بخوف وبدت تبكي:والله ياشهاب ما اعرف أنا متفاجئه نفسكم مو عارفه ليه اختارني على نور
شهاب :والحين وش رايچ
غنى:ما ابيه دام انت ماتبيه أنا لا
شهاب:اسف بس غصب عليچ راح تأخذينه واعتبريها عقوبه من ربي لچ على الي صار بالمسكينه الي داخل
رنيم شافت شهاب معصب وتبي تهديه مسكت ذراعه بحنيه:شهاب هدي هو...دفع يدها بغير شعوره وقال:لاتدخلين بيني وبين اختي
شهقت غنى بصدمه ورنيم حست قلبها انكسر وبنفس الوقت داخلها عاذره صدت بتطلع بس شهاب مسكها:رنيمي رنيمي اسمع..قاطعته:معك حق الموضوع بينك وبين اختك من انا عشان أتدخل
تركت يده تتجه للداخل وتأفف شهاب من الموقف الي صار بقهر ولف على غنى:كتابج بعد شوي خليج مستعده
طلع من الغرفه تارك غنى تواجه مصير مجهول مو عارفه ولافاهمه اي شي
عند عز الي رغم صعوبه الموقف ماحب يكسر بخاطر غيم واتجه لغرفته فوق من الباب الخارجي وكلمها تجيه تارك برق ومحمد كل واحد يعقد على خطيبته
دخلت غيم الغرفه وشافته صاد وبس سمع صوت الباب لف عليها واتجه لها بسرعه وهو يحضنها بقوه غيم حست انه بحاجه هالحضن وشدت عليه تمسح على ضهره بحنيه دقايق معدوده حتى هدى وبعد عنها
عز:اسف على كل شي صار
غيم:افا عليك ليه تعتذر بالعكس الموقف الي صار علمني اليوم قد ايش عندي ولد عم وزوج يجنن وسند قوي مايميل الي مستعد يحمي اخته من اي اذنى أنا متاكده انه بيكون فيه خير لي
عز ابتسم يمسك خدها بين يدينه:ياحلو كلامك ياغيمي تكفين لاتسكتين
غيم ابتسمت وتبي تلاطفه:اخاف أمدحك ومعد احد يمسك راسك تطير من الغلاف
عز ضحك يبوس جبينها:والله اني اجيك ضايق وارجع سعيد ومبسوط وماكأن دخل قلبي حزن
غيم تحاوط رقبته بجراءه وهالشي غير معتاده منها وقالت:دام اني كذا أسعدك مفروض تعطيني حق أتعابي
عز ضحك يسحبها من خصرها وغمز بعينه:وش قصدك هاء؟
غيم حمر وجهها بفشله وهي ترجع على ورى وتضرب كتفه:يامنحرف ماقصدت كذا اوف منك عز كيف تفهمني كذا
صدت بتطلع بس سحب بيدها يلفها عليه وهو مبتسم:وش فيك أحمريتي طيب
عادي
غيم:انقلع انت وتفكريك الوسخ
عز:ههههههههههههههه زين طيب بعطيك شي
غيم:خباثه ما ابي اعقل
عز يحط يده على خشمه:على خشمي
ابتسمت غيم تشوفه يتجه للدولاب يطلع علبه واتجه لها يفتح العلبه وكان فيها عقد عليه رسمه الغيمه
غيم بفرحه:الله مره يجنن حلووو
عزيطلعه من العلبه وقال :لفي بلبسك
غيم لفت تمسك شعرها وقرب عز منها يحطه على عنقها يقفله وسحب بيدها عند المرايه وهو وراها يقول:مالاق الا لك ي ست البنات كلهم
غيم ابتسمت:شكرا مره بس متى شريته ما امدى
عز:تدرين اني كنت ناوي اعطيك هو يوم حفلتك بس كنت مبوزه وزعلانه وكبريائك كان متعدي حدود خفت ترمينه
غيم بحنيه تناظره بالمرايه ومسكت يده الي على كتفها:اسفه بس تعرف ايش الي صار
عز ابتسم يميل براسه يبوس عنقها:اعتذارك مقبول ولبس العافيه ي غيمة قلبي
توترت غيم من بوسته واقشعر جسمها وهي تفرك يدينها بخجل وتوردت خدودها بحياء وابتسمت بخفيف طلع عز تاركها متجه للرجال يشوف الوضع
برق عقد على نور بس رفضت نور تقابله لانها كانت بقمه انهيارها
ومحمد عقد على غنى ودخل شافها لكن كان الصمت سيد الموقف وغنى ماطولت وطلعت للبيت تحاول تخفف على نفسها من الي عاشته اليوم كل شي كان أوسع من ان عقلها يستوعبه عمرها ماتوقعت انها بتتزوج بالطريقه ذي
عند ريم الي تشوف السياره داخله بقصر جداً كبير وبس وقفت نزلو الرجال وقال واحد منهم:انزلي
نزلت ريم تتلفت حوالينها:وين جايبيني
الرجال:ادخلي وبتفهمين
ريم بحده:مريض بعقلك انت تستهبل ترا انت خاطفني وجايبني غصب عني والحين تبي تدخلني ماني داخله
الرجال معد قدر يتحملها وهو يسحب السلاح من جيبه وحطه على راسها وقال:الحين
ريم بلعت ريقها بوهقه ومشت وهي تهمس:الله يآخذك وياخذ الدرب الي ساقتك لي
دخلت ريم داخل القصر وهي تناظر كبره وفخامه الديكورات وطلعت مع درج طويل بس وصلت مقابل غرفه دق الباب وبسرعه سمع رد الرجال:ادخل
دخلت بجنب الي خاطفها وهي تشوف الرجال الي جالس على الكنب وجنبه مجروح وكمان حوالينه حرمه كبيره شوي واضح امه وثنتين بنات ورجل شايب فز لها:تكفين يابنتي شوفي ولدي كتفه فيه رصاصه
امه:دخيلك يابنتي هو جالس ينزف اخاف يصير له شي
الرجال:يومه الله يهداك هذا كبري تخافين كلها خمشه رصاص ماراح يصير شي
امه:مهاب اش انت وش صاير لك ذا رصاص رصاص ماتفهم
ابو مهاب:تعالي عالجيه ليه واقفه
ريم تتكتف:ذي مفروض ينفتح فيها تحقيق أنا ماراح أعالجه لان فيها مسؤولية علي اعتذر
جت ريم صاده بتطلع بس الرجال رجع حط السلاح على راسها ريم ترجع على ورى:اطلعو من الغرفه وابي ادوات اقدر اخرج فيها الرصاصه
تقدم الرجال يحط الادوات عندها وطلعو من الغرفه ولفت ريم عليه وهي تسحب المقص وتحطه عند عنقه :اجل مرسلي حميرك يأخذوني بالقوه وكمان احرموني احضر عقد صاحبتي عشان أنقذك صدقني ما أعالجك والحين راح تقوم معاي وتقلهم يرجعوني تفهم
مهاب كان يناظرها وهو مبتسم وسحب بيدها يحط المقص عند وريده وقال:هنا ينحط المقص ي غبيه عشان الضربه تكون على الصايب
توسعت عيون ريم بصدمه من بروده وسحبت يدها من يده وقالت:ليه ما انت خايف؟
مهاب:لانك جبانه ماتخوفين
ريم:لاتغلط عشان ما اهفك كف
مهاب:ههههههههههههههههههههههههه
ريم:ماقلت شي يضحك على فكره
مهاب:وش صار على كتفي
ريم تناضره بخزه:راح اطلع الرصاصه وبدون بنج ابي اسمع صوت صراخك عشان ابرد قلبي
مهاب ابتسم يناضر قربها منه وكيف ملامحها معقده وهي زعلانه وتتحلطم وهي تقول:جيبيني غصب عني أنا كنت منتظره بيطلبون فديه وبيسير شي يسوى آخر شي جايبين اداويك اشتغل عند أهلك أنا أنا يكفيني العله المدير الي كل مره ينزلني مناوبه أنا لازم اطلع اجازه لاني معد أتحمله وقريب ارمي استقالتي بوجهه
رفعت المقص بيدها تناظر في مهاب الي كان مبتسم ويناظرها بكل برود وقالت ريم والمقص بيدها تلوح به:الوجه المبتسم ذا لحين يصير حزين يالله وريني قوتك ي بطل
حطت المقص بقوه داخل جرحه تسحب الرصاصه بسرعه وناظرت بوجهه نفس ماهو ماتغير مبتسم وببرود ريم استغربت تحرك يدينها قدام وجهه وضحك مهاب :هاء خيب ضنك
ريم:فاجئني انت متاكد الرصاصه بكتفك ليكون كتف صناعي
مهاب:صرت احس بدوار
ريم:والله محد يحس بدوار غيري والود ودي أنط ببطن الي خطفني من رجالك
لفت جرحه ووقفت الدم وقف مهاب وقال:تقدرين تطلعين
ريم:ترا في اختراع إسمه شكرا
مهاب:مري ابوي يحاسبك
ريم:يلزمك مستشفى لازم تعمل تحاليل
مهاب بتعب وبدى يحس بدوخه يدفع كتفها:روحي روحي
ريم:الشرهه علي بدل ماتقول شكراً جالس تطردني صدق انك مو كفو اح...انصدمت من مال مهاب عليها وكان بيطيح لولا انها فتحت ذراعها تحضنه وطاح عليها يوم حست ثقل عليها صرخت:ساعدونييي
دخلو اهله ورجاله بسرعه وهم يشيلونه من حضنه يسدحونه على السرير
ابو مهاب:وش فيه وش صار له
لف احد الرجال بقوه وضرب بسلاحه جبهت ريم الي صرخت:عمىىى
الرجال:وش مسويه فيه
ريم:ماسويت شي هو اغمى عليه لانه اكيد نزف
ام مهاب:ياويلي على ولدي
اتجهت ركض لريم كانت بتبوس يدها بس ريم سحبت يدها بسرعه وناضرتها وهي تترجاها:تكفين ساعدي ولدي الله يخليك لايروح من بين يديني
ريم تمسح كتفها:ابشري ي خاله بس ليه ماتبون تودونه المستشفى
ام مهاب:لان مانقدر بس انتي حاولي تصحينه
ريم اتجهت تشوف مؤشراته الحيويه نبضه كويس وضغطه كويس وحرارته كويسه اخذت جهاز السكر تقيس له كان منخفض مره وقالت:سكره منخفض جيبو شي حالي
نزلت اخت مهاب ركض تجيب حلى وعطته ريم قربت ريم تميل على مهاب تضرب خده بخفيف:الو هي تسمعني
اخت مهاب(نرجس):اسمه مهاب
ريم ابتسمت لها ورجعت تسند مهاب الي صحى شوي وهي تحاوطه ريم لايطيح وعطته البسكويت صارت تأكله بيدها حتى بدأ يصحصح شوي وبس انتبه لريم الي محاوطته دفع يدها عنه :بعدي عني ماني بحاجتك
وقفت ريم :اي واضح ما انتي بحاجتي
ام مهاب تحضنه:كيفك يا امي طمني
مهاب:يمه تطمنو وروحو ارتاحو أنا بخير بس لاني مو مأكل طول اليوم
نرجس:كل ذا عشانها الله يحرقها ماتستاهلك اتركها
مهاب:نرجس خلصنا
نرجس بصراخ:لا ماخلصنا لإمتى بتحرق نفسك عشانها وهي حتى مافكرت فيك وشفت كيف مرسله لك خطيبها يبي يقتلك اتركها ليه تطارد وراها
مهاب وقف بحده واتجه لنرجس يضربها كف قوي على وجهها وصرخ:انقلعي برا انتي مو فاهمه شي براا
مسكت خدها ريم بصدمه وطلعت نرجس تبكي ووراها اختها وبعدها ابوها وامها مابقى غير مهاب وريم بالغرفه شافته معصب وخافت لايجي الدور عليها مشت بخطوات هاديه بس وصلت لنص الغرفه كان منتبه مهاب لحركتها وقال:اوقفي عندك
غمضت عيونها ريم بقهر واتجه مهاب لها:مالك روحه الليله بتضلين عندي تخدميني وتعقمين جرحي وبكره تقدرين تروحين
ريم تتكتف:نعم نعم نعم شنو امرت والله الدنيا مو على كيفك
رفع يده مهاب وبسرعه لمت نفسها ريم:اوف خلاص مزوح اعتبرني اليوم فترة نقاهه أداوي برى المستشفى
مهاب:اي اعقلي
ريم بهمس:ياحظي الاقشر الي رماني عندك الناس تنخطف عشان شي مهم وانا انخطف عشان أداوي مريض الكرف فيني فيني
مهاب:قلتي شي؟
ريم ترفع يدها:قلت الله بالخير ي ابو الشباب ممكن اطلع من غرفتك لانها جابت لي خنقه
مهاب :ممكن لمن تفكرين تلعبين بذيلك وتهربين أدفنك حيه
ريم ترفع سبابتها:هي عاد لا تهدد لا اكسر راسك
مهاب تقدم بحده لها ورجعت ريم على ورى:يما ما
اتجهت هاربه برا الغرفه وهي تسكر الباب بسرعه وانقفل على طرحتها الي انفلتت من راسها ورجعت تفتحه تشوفه يناظرها وشهقت تسحب طرحتها وقفلت الباب
مهاب الي فقع ضحك على خبالها وهو يهمس:وش هالمجنونه كان ناقصنا مجانين والله
....