يا صدفً عشنا بعدها حبيبين

٦٣

ابتسم عز يطلع متجه للإسطبل
عند غيم الي كانت عند راس مهرتها وهي تمسح على راسها وجلست تستند بضهرها على طرف جدار الإسطبل وهي تبكي ومليون شعور وشعور تحسه ولكن أهمها الصراع الي تحسه بداخلها مني ودها تسامح جدها ومن ناحيه ثانيه كل ما تتذكر كل شي صار بسببه تتراجع وتكره زياده وحطت يدها على وجهها تكتم شهقاتها عند عز الي دخل وبوجه على مهره غيم وهو عارف انها عندها بس وصل وقف يتكتف يناظر غيم الي تبكي وتكتم بكاها ماتبي احد يسمعها استمر واقف دقايق يشوفها تشد قبضه يدها مع كل عبره تخنقها وشعرها الي صار طويل ويميل على وجهها كل مامالت براسها تدفن راسها بجحرها
بعد دقايق طويله رفعت راسها غيم تلقط انفاسها وحست بزول احد ولفت تناظر بعز الي كان متكتف ويناظرها وواضح ان له فتره طويله موجود صدت تمسح دموعها ووقفت تنفض بنطلونها من عشب الخيل وطلعت وجات بتمشي من بس وقفها صوت عز :لا متى بتستمرين تصدين عني ؟
غيم لفت عليه:حتى تمل وتبطل تلاحقني
عز تقدم بخطواته ناحيتها يوقف قبال وجهها وقال:اجل صدقيني ماراح امل واني لك مثل ضلك
غيم:صدقني انك بس تضيع وقتك وتهدر طاقتك خليك مع مزون وعيش حياتك
ابتسم عز:طلقت مزون
غيم تعقدت حواجبها با استغراب وقالت وهي تصد بنظرها:طيب والمطلوب؟
عز:المطلوب تناظريني اول
غيم:قول الي عندك وانا صاده
عز وهو ماسك السبحه بيده مسك ذقنها بحنيه يلف وجهها ناحيته:بس أنا احب أناظر عيونك وانا اسولف
غيم رجف قلبها وبدت توتر وماردت تناظر بعيونه وابتسم عز يشوف التوتر واضح بوجهها ومن حركه عيونها الي مو ثابته بعيونه وقال:تبين تسمعين سبب خذلاني لك
غيم تتكتف:هذا انت قلته خذلاني لك
عز:هذا الي انتي مفكرتيه بس أنا عمري ما أخذلك يا اول من خفق قلبي لها
غيم زاد توترها وبدت انفاسها تعلى وتهبط وقرب عز زياده منها وقال :غيمي انتي بس اسمعيني
غيم رفعت نظرها بعيونه من نطق غيمي وتجمعت الدموع بعيونها وشدت طرف لبستها بقوه ونزلت عيونها تخفي دموعها ونزل عز نظره يشوف يدها الي شادتها وتقدم بهدوء يفتح ذراعينه ويسحب غيم يدفن راسها بصده ويحاوطها من ورى ورجف قلب غيم بقوه وتسارعت انفاسها وبدت ترجف وانهارت دموعها وهنا ضعفت أمام حضنه ماقدرت تقاوم ابد وهمس عز:لازم كل مره اقول لك كتفي موجود ياويلك تبكين لحالك ويدك لو تشدينها مره ثانيه ياويلك مني صدري موجود وكتفي لك سند
غيم انهارت بقوه وصارت تصرخ :ليه خذلتني ياعز ليه يوم عطيتي فرصه تركتني وماجيت كانت أناديك عزي وصرت كسري كسرت ثقتي بنفسي كسرت كل شعور كنت احسه تجاهك
شدها عز لصدره بس غيم دفعته بقوه حتى تركها يرجع على ورى ويشوفها تتجه له بغضب :ليه تحدني أكرهك ليه تعشّمني فيك وانت ناوي تخذلني ليه تعلقني فيك وتتركني بنص الطريق كل يوم كنت اجلد نفسي أنا ليه طاوعته أنا ليه عطيته فرصه
بعدت غيم تصد عنده تمشي خطوتين وقال عز:غيم بس اسمعي ...قاطعته ترجع له بعنف وقالت:وش اسمع وش عذرك جدي جبرك ما تجيني محد كان يعرف انو بنلتقي إلا أنا وانت وريم الي حكيتها وانا فرحانه ومتعشمه فيك كنت أقولها عز مستحيل يخذلني هالمره عز اكيد راح يجيني عزز انت خليتني قد الكمشه حتى عيني ماقدرت احطها بعين ريم واشوف كيف كنت رافعه سقف توقعاتي فيك بس انت بكل بساطه تركتني انتظر ولاحتى كلفت نفسك ترسل رساله وحده
عز:بس أعطيني فرصه اتكل...قاطعته:تعبت اعطي فرص معد ابي انجرح منك كافي الي جاني منك لحد الحين كفايه يعز من عرفتك ماعرفت إلا الخذلان والحزن والدموع من دخلت حياتي مااهتنيت بيوم والحين جاي بكل بساطه تقول عطني فرص..قاطعها
عز بصراخ:صار لي حادث وانكسر ضهري
تخدرت غيم بصدمه تناظره وكمل عز:ماردني عنك احد والله مااحد يقدر يردني بس أراده الله منعتني صار لي حادث بيوم العرس وانكسر ضهري ودخلت بغيبوبه اسبوعين وصحيت اول ما دورت عليه انتي واول اسم نطقته انتي
غيم بصدمه تناظره وبهمس:حادث
عز:والله مازليت عليك ياغيم بشي هذا الي صار وحتى طلاقي جدي وام مزون اجبروني أطلقك واخذ مزون والا كانو بيشكونك بسبب الحريق الي سويتيه خفت تخسرين عملك ومستقبلك ماتحملت اشوف دموعك مره ثانيه انجبرت ابعد عنك وانا قلبي معك
غيم بس تناظر بصدمه مو قادره تستوعب معقول كل الي يقوله صح معقوله سلمت عز كان يحلف لها وملامحه أبدا ماتقول انه يكذب وتفكر بعقلها هو منجد ضحى بكل شي عشانها هي حتى ماعطته فرصه يتكلم لو سمعته من الاول ايش كان ممكن يصير عز شافها تهوجس وقال بحنيه:والي زرع حبك بقلبي اني ما اكذب عليك وان السبب بكل شي هو جدي وأخته جدي الي للحين ماسامحته ولا أفكر أسامحه لانه خذى روحي يوم خذاك من يدي جلست عند رجوله أترجاه واحلفه مايكسرني بك بس كان بقمه قسوته ومن ساعتها وقفت من عند رجوله بس وقفت عز ثاني الي حلف مايسامح ولايرحم كل من آخذك مني
غيم تجمعت الدموع بعيونها وهي تناظره كيف مقهور وتذكرت براسها لقطه الي دخل المستشفى مغطى بدمه وفيه ضربه براسه وحطت اصابعها بفمها بصدمه :لألا اكيد ماكان هو لا أنا تركته
عز استغرب يشوفها كيف مصدومه وتاكل باصابعها وقال:غيمي وش فيك
غيم بصراخ تضرب وجهها:انت كنت عندي كنت قريب لي لمن دخلت المستشفى كنت شايفه الي وجهه مليان دم ورأسه مضروب وصديت تاركته مادريت انه انت والله مادريت ياعز والله ماكنت تركتك والله ماكان سافرت وخليتك هذي اول مره اصد واترك مريض تعبان وكان هذا انت كنت انت ي عز "انقطع نفسها من كثر ما تشاهق"
فز عز يسحب بيدها يدخلها بحضنه:خلاص اششش اهدي ولايهمك مو زعلان منك عادي
غيم بدموع تدفن راسها بصدره وهي تحس براحه عميقه افتقدتها فتره طويله وارتخى جسمها تحس بأمان بحضنه وتشد بيدها على ضهره وابتسم عز وهو فقد هاللحضه من زمان شد بيدينه ضهرها يمسح راسها وقال بهمس في أذنها:والله اني اشتقت لك ي روح عز ونبضه
ارتجف قلب غيم بقوه واقشعر جسمها من همسه وكانت تحس انها بقمه راحتها وما تبي تبعد عنه وهي تحتاج قربه اكثر من اي شي استمر عز حاضنها دقايق طويله حتى انتظمت انفاسها وهدت وطلعها من حضنه وهو محاوط خصرها ومال براسه يقرب وجهه من وجهها ومسح دموعها وقال :راح وقت الزعل ي عيوني جاء وقت الفرح اوعد عيونك الحلوه الي بكت كثير ان ترجع تضحكك وكثير بعد
ابتسمت غيم بخفيف وابتسم عز من بسمتها وقال:وش كثر بكيتي من بعدي
غيم بتنهيد:اوووه كثير
عز ابتسم يمسك شعرها يرجعه عن كتوفهاورى ظهرها وقال بهمس:حبيت شعرها الطويل اكثر
ضحكت غيم تطلع أسنانها وقالت:ما احب الطويل بس اهملته بسفرتي
عز:من كان شاغل بالك حتى أهملتيه
غيم تناظره وعينها بعينه وقالت:اكيد مو انت
عز ضحك يقبص خدها بخفيف:اح يعني كشفتيني ؟طيب سلكي لي شوي
غيم :ههههههههههه طيب ي الله عيد بغير جوابي
عز ضحك من ضحكتها وتنحنح وقال:من شاغل بالي حتى أهملتي شعرك الحلو مع اني أشوفه يجنن بكل أحواله؟
غيم ناظرته :اكيد مو انت
فتح فمه عز بصدمه وضحكت غيم تهرب منه وركض عز وراها يسحب بيدها يرتطم صدرها بصدره وقال:يانذله ليه كذا
غيم:خلاص بغير جوابي
عز بعد عنها متجه لخيله وهو يطلعه ويثبت السرج وينطيه غيم:خلاص بغير جوابي اقولك
عز:معد يهم خلاص
غيم:الصراحه محد شغل بالي غيرك والله
ابتسم عز يميل من ظهر الحصان ناحيته وقال:ياحبيبي انتي
ابتسمت غيم واحمرت خجل تنزل عيونها بالارض ومد يده عز ليدها وقال:تعالي
مدت يدها غيم تركب قدامه وحاوطها عز من ورى وقال:جاهزه نطير كل أحزاننا
غيم ضحكت:جاهزه
انطلق عز بقوه لميدان الخيل وصار يشد على الخيل وهو يركض فيهم الخيل وضحكت غيم بقوه وهي فقدت ركوب الخيل مره وصرخت بقوه وهي تسحب بيد عز تحطها على بطنها ورفعت يدينها على الجنب وصارت تتمايل مع الخيل وعز مثبتها وملصقها بصدره حتى ما تطيح وشعرها يلف مره بوجهه ومره في الهواء كان مبتسم عز وهو يفوح عليه ريحه عطرها ويشوف فرحتها وكيف تغير مودها وكان الحياه رجعت لها من جديد
سمعو البنات صراخ غيم واتجهو ركض نور وايلين ومناير وسدن وصرخو سدن ونور بفرحه يحضنون بعض ورفعت جوالها سدن تصورهم وعز كان مبتسم يشوف سدن توثق اللحضه ومناير ابتسمت:ياحبايبي يجننون
أيلين:الحمدلله انهم تصالحو على الاقل صار شي حلو يخفف عنا ثقل هالايام
سدن:يعمري يهبلون
نور صرخت :اوووو حنا هنا
شافهم عز واتجه لهم ووقف عندهم:وش عندكم
سدن تغمز:انتو ش عندكم وبعدين وش حركات الوساخه ذي ماسكها من بطنها
شهقت غيم بحياء واتجهت بتنزل بس شدها عز:بنت انهبلتي بتتعورين اصبري
سدن تناضر بنور وناضرو فيهم وقالو:عشتووووو
نور:يع يعني قلك خايف عليها
سدن:ماش ماش ضاع عز الثقيل
ابتسم عز ينزل ومسك غيم من خصرها ينزلها ولف على البنات:وشلونهم الأمهات
مناير:كويس انتبهت لنا
إيلين ابتسمت:منجد
ضحك عز:افا عليك انت عاد مالي غناه عنكم والله انك عيوني الي اشوف فيها
سدن:ي العيار إذا هم عيونك غيم وش بقى لى
ضحك عز يسحب غيم تحت ذراعه وقال:هم عيوني بس غيم قلبي
حمرت غيم خجل وهي تنزل راسها ترفع شعرها ورى انها وابتسمت بخفيف
نور:لا لا قلبي معد يتحمل جيبولي حبيب
عز يضرب راسها بخفيف:ولايهمك موجود
سدن:ما اضن احد يتزوجها على فلسفتها لانه صراحه يبي له طوله بال مره
البنات: هههههههههههههههههههههههه
غيم بضحكه:عادي شوفي رنيم متحمله كتابات زوجها ولا تحبه بعد
مناير:صح وشوفي عز متحمل مصايب غيم ويحبها كمان
غيم ناظرت بصدمه لمناير الي ضحكت تصفق بيد عز الي قال:صح انتي صح
غيم ابتسمت تعض شفتها بمنظر اسر عز الي فهى فيها وهي قريبه منه وتحت ذراعه وقالت:ودي أهاوشك بس انتي صادقه
عز ابتسم :جعلني فداك وش حببني فيك غير كثرة مصايبك
نور:الله ياخي ابي اعرس خلاص
عز:والله صادق ترا انتي محمد حكى لي عنك وده فيك
نور ناظرته بصدمه وصرخت سدن:الله اخيراً احد بيفكنا منك
نور استحت شوي وسكتت تناظر بالارض وقال عز:وش قولك ؟
ثنيان من بعيد:قله موافقين مره بس يجي ياخذها يفكنا منها
نور:خير ثنيانوه
ثنيان:وانا صادق من كتبت كتابي على الخبله الي بجنبك وانا ابي اعرس وهي رافضه تبي تجلس معك ولا طول وقتها معك يختي طسي عنا خلي زوجتي ترجع لي
نور تشهق بصدمه وتمثل الزعل:اصلاً بوافق دام تبون الفكه مني
ثنيان:اما زعلتي
سدن تدقها:زعلتي
نور تمثل البكي:اي زعلت وش مفكرين ماعندي احاسيس
سدن وهي كاتمه الضحكه:اما طلعتي حساسه
نور نزلت دموعها ووقفت سدن بفجعه وفز ثنيان يسحب نور يناضر بوجهها لمن رفع ذقنها:والله تبكي لا ي عيوني نمزح ترا
نور زاد بكاها وانفجع عز يبعد عن غيم واتجه لثنيان يضربه على كتفه وقال وهو يمسح راس نور من بعيد:والله لو ماتبينه ماتاخذينه ماعليك منهم أنا هنا احتزمي بي
نور تمسح دموعها وترجع طبيعي :اي كفو
سدن:يومه منك والله احسبك زعلتي
ثنيان يضرب راسها بخفيف:فجعتينا يبت وقع قلبي
نور:اي عشان تعقلون
ناضر ثنيان بسدن وناضرتهم نور ودفعت سدن عليه ومسكها لاتطيح:خذها وتقلعو لان رومنسيتكم تجيب المرض
مناير:عقبال نشوفك انتي وحمودك
نور خجلت تتركهم وتتجه للداخل واتجهو البنات كلهم عند الحريم
آخر الليل والكل دخل ينام والعيال بالمجلس
رفعت راسها سدن :اوففف بنات الوضع جوع
نور:منجد
مناير:من قال جريش ؟
إيلين:تم
غلا:أنا ودي بس خلاص معد اتحمل بطني بتنفجر ابي أولد وأخلص
سدن:معليش جريش آخر الليل نبي إندومي
مناير:بكيفك مشتهيه جريش أنا وايلين بنسويه
إيلين :تم
وقفو الكل وناظرو بغيم الي تناضرهم سدن تكلمها:ودك اندومي او جريش
غيم:مو جيعانه مره
نور:انتي متاكده انك بشر مثلنا؟
غيم عقدت حواجبها وسدن إنفجرت تضحك وقالت غيم:ليه
نور:لاني اشك انك عايشه على الطاقه الشمسيه
البنات: هههههههههههههههههههههههه
غيم بضحكه:خلاص اندومي وجريش باكل من الاثنين
فرحو البنات انها قررت تاكل ونطو سدن ونور يسحبونها وقالت غلا:والبطريق الي مو قادره تقوم من يقومها
إيلين:ههههههههههههههه ي عيوني هانت تعالي أنا أقومك
مالت إيلين تساعدها توقفها واتجهو البنات للمطبخ يبون يطبخون ورقت غيم على الرخام وبس شافت الفرن تذكرت الفطور الي سوته مع عز تذكرت البيض والعجين وابتسمت بحب ناظرو فيها البنات
غلا:البدايات عندك والنهايات عندي
غيم ناضرتها وضحكت غلا ترفع يدها:لا لاتضحكين لان اخرة المحبه حمل وولاده
البنات: هههههههههههههههههههههههه
سدن:ماعليك دام نهايه المحبه دبلتين وطفل يازينها
غيم:اتفق
تنحنح عز وهو يدخل المطبخ
سدن:شكل الوضع جوع نفسنا
عز:ايو الله
مناير:اندومي او جريش
سدن:اكيد اندومي لان غيم تبي اندومي
ناظر عز بغيم الي على رخام المطبخ:منجدك صايمه واخر أكلك اندومي
نور:احمد ربك انها قررت تاكل لان شوي نشبكها بالكهرباء شكينا بوضعها انها مو نفسنا
البنات انفجرو ضحك وغيم انحرجت:طيب يعني عادي مو جوعانه مره
عز:اتركو كل شي من يدكم والبسو عباياكم بنروح العزبه نجيب ذبيحه ونسوي شوي
مناير:باخر الليل
عز:وش فيها
سدن ونور وغيم:تم
عز:الثلاثي المرح ذولي كفو
غلا:الله ي الدنيا صرت مهمشه
عز ابتسم يشوف غلا جالسه على البلاط باخر المطبخ بالضلام وقال:انس ولا جان
غلا:عزيز ترى ما ابي اقوم عليك
غيم:انتي بس حاولي تقومين لان الواضح انه بينتظر لمن بكره عشان توصلين له صلاتي على النبي
غلا:اي حبيبتي طقطقي الوعد بكره لآصار كرشك قدامك
شهقت غيم بخجل ووقفت غلا:بجهز لكم عدت الشوي أنا وجابر
طلعت واتجه البنات يلبسون عبايتهم وغيم جت متحمسه تبي تلحقهم لانها عارفه عز بيستلمها طقطقه بس جت بتخرج سحب بيدها عز يثبتها ماتطلع وراهم وو