يا صدفً عشنا بعدها حبيبين

١٣

غلا كانت معها صفاره بسرعه صفرت بوجه سلمان الي رجع على ورى بانزعاج وانتبهت غلا ان مو سدن وتفشلت وقالت بوجهه معفس:او حسبتك سدن سوري
سلمان:انتي وش وضعك مره حضن ومره صفاره وش ناويه عليه
غلا تناظره من فوق لتحت :لاتاخذ مقلب بنفسك ي البواب
سلمان وهو يمسك الباب ويحاصرها ماتدخل :أنا البواب ي بابا سنفور
غلا:سلمانوه عن قله الادب
سلمان وهو كابح الضحكه :اجل أنا بواب تبين تدخلين اعتذري
غلا:اقول تقلع بس
سلمان بحركه سريعه دفعها وقفل الباب بوجهها وشهقت غلا بصدمه وهي ترفس الباب برجلها وصرخت:ي بواب ي انطوائي ي معقد
سلمان:هين راح تعتذرين ٣ مرات
غلا:تخسي
سلمان:خليك برا لمن تخيسين
غلا من القهر لفت لطرف البيت شافت احد الدرايش في الصاله مفتوحه وابتسمت بمكر بس حستها شوي رفيعه ناظرت حوالينها شافت برميل ابتسمت تربط عبايتها على خصرها وهي تطلع على البرميل وتتمسك بالدريشه وبس جت بتحاول ترقى زحلق البرميل وشهقت وهي تتعلق بيدينها ورجولها ماتوصل الارض وحست يدينها تعورت وصرخت:سلمااااانننن
سلمان من الخرشه فز وهو يفتح الباب ماشافها رجعت صرخت واتجه للدريشة وانصدم لمن شافها متعلقه وقال:انهبلتي
غلا:ساعدني بالاول
سلمان تكتف:اعتذري
غلا:مو وقتك ياخي يدي عورتني
سلمان رفع راسه بغرور:قلت اعتذري
غلا خلاص تعبت ويدينها صارت تعورها مره جت بتتكلم بس معد صمدت يدينها وانفلتت وطاحت تحت وجات يدها على حجر وجرحت يدينها وانصدم سلمان وهو ماتوقع بتطيح وطلع لها من الباب ركض اتجه لها يجلس ركبه ونص وقال وهو يناظر يدها:معليش ماتوقعت بتطيحين
غلا نزلت دموعها :عجبك اني طحت انبسطت أصلا انت كنت تبين اتعور
سلمان بصدمه:لا والله ما قصدت كذا
وقفت غلا وهي تحط معصم يدها على عيونها وهي كانت ام دميعه فعلاً وانصدم سلمان من دموعها وحسب انها تعورت مره ومسك معصم يدها يبعده ومسك كتوفها بحنيه:سنفوره والله اسف ماقصدت تكفين لاتبكين
غلا تمسح دموعها وتضرب صدره:انقلع ي شرشبيل
ضحك سلمان:بواب والا شرشبيل حددي
غلا ضحكت:كلهم
سلمان ابتسم يرجع خصلات شعرها على ورى وشعرها الي على كتوفها رجعه ورى وهو يقول:لعيونك كلهم كلهم المهم ماتبكين
غلا توترت من حركته وهي ترجع على ورى وتفك عبايتها وتقدمت قدام سلمان تتجه للداخل بتوتر من سلمان وكلامه وحركاته
اما عز جلس مع ابوه وهو يفاتحه بموضوع غيم
نواف:والله ي ابوك أنا اسعد أيامي ترجع عايلتنا تنلم بس انت تعرف غيم كيف ترادد ابوي اخاف يمد يده عليها وماتتحمل وتشكيه
عز:دامها قويه اكيد ماراح يقدر ياذيها وانا ابيك تحاول معاي نقنعه ي ابوي ذي بنت عمي وعارها يلحقنا
نواف:بنت عمك مو عار ي عز
عز:ماقصدي عار بس هي تجتمع معنا بدم واحد مو قال جدي تبريت معناه يقدر يغير دمها الي يجمعه بها
نواف:زين نهايه الأسبوع نفاتحه بالموضوع
فز عز يبوس راس ابوه:أستأذن أنا
نواف:خليك هنا الحين دنا الليل
عز:ما ارتاح إلا بغرفتي
نواف:بحفظ الله
طلع عز وهو متفائل ويتمنى جده يوافق ويقتنع وهو ناوي يقنع غيم كمان دنى الليل وكان قماري وابتسم ينزل الشباك وهو مبسوط والجو كان نسائمه بارده وتهفف وفاضي مره طاح جواله تحت وناظر ماشاف احد مال ياخذ جواله وبس رفع راسه تفاجأ بجمل قدامه حاول يكبح الفرامل بس تلبك واصتدم بالجمل والسياره لفت على جنب الخط حاول يتمالكها بس ماقدر وتقلبت كذا قلبه ونط عز من السياره وطاح مغمى عليه
عند سمر الي كانت تغسل الأكواب وطاح كاسه من يدها وصرخت :عز
فز سلمان وابوه لها :بسم الله وش فيك
سمر تمسك قلبها:عز عز فيه شي
نواف:اذكري الله مافيه إلا العافيه
سمر بدموع:قلبي مو مرتاح والله صاير شي
سلمان:الحين ادق عليه بس انتي اهدي
دق سلمان مره ومره بس مافي فايده وتوتر مره من صراخ امه وقرر يطلع وراه يشوف العلم
عند ايلين الي كانت نايمه بحضن جدتها والكل جالس حوالين شبه النار فزت ايلين بصراخ:عزززززززز
الجده:بسم الله عليك
ايلين بدموع:عز عز ي جده
الجد:وش فيك حالمه اذكري الله
ايلين تبكي:لا ي جدي عز حلمت فيه يطلبني أساعده مو قادر يتنفس
مناير :هدي بسم الله عليك
جابر قرب لها لمن شاف دموعها يمسك يدينها وصرخت من حست قلبها ينغزها وهي تقول لجابر:تكفى ي جابر والله عز صاير معه شي
الجد:دقو عليه
سحبت جوالها مناير تدق عليه ومافي تجاوب وصرخت ايلين تضرب فخوذها:والله انه في بلا والله قلبي مو مرتاح
ناظر الجد ساعته وهو فعلا حس ان عز تاخر ووقف يدق على الي يعرف عز يروح لهم جابر مسك وجه ايلين يمسح دموعها:خلاص اهدي يمكن راح لسلمان وعمي ينام عندهم
ايلين :مو مرتاحه ي جابر والله قلبي مو مرتاح
وقف جابر يدق على سلمان
جابر:جاكم عز
سلمان:اي وطلع من فتره ما وصلكم
جابر بتوتر:من كم ساعه طالع من عندكم
سلمان:حوالي ثلاث ساعات بس امي قلقت وحست به شي
جابر:انت وين
سلمان:طلعت ادور عليه
جابر:ايلين متوتره والكل هنا قلقان عليه طمني
سلمان :طيب
صباح يوم جديد
سلمان رجع البيت مالقى عز وصحّى يتجهز للمستشفى
عند غيم الي صحت من جوالها الي يرن وبس شافت الرقم تبع المشفى ردت بسرعه وهو يقولون لها:في مريض صار عليه حادث حاولي تلحقينه
غيم بتوتر وقفت وهي تلبس لبسها وشالت بالطوها بيدها ما انتظرت البنات وهي تحس بالم بقلبها وطلعت مسرعه للمشفى
عند رسبشن المشفى رفعو الجوال على الجد جابر وهم يقولون:معنا الجابر
في المزرعه الكل جالس على الفطور وهم قلقانين على عز والتفتو على رن جوال جدهم وهو يفتح سبيكر:أي أنا الجابر
...:حبينا نبلغك ان عز نواف الجابر صاير عليه حادث قوي
شهق الكل بصدمه وصرخت ايلين
الجابر خاف وهو يقول:فيه شي
...:ما نعرف ننتظر الدكتوره تباشر حالته
ايلين من الصدمه مالت وبسرعه مسكها جابر بين احضانه وصرخ:مناير جيبي ماء
فزت مناير بسرعه تجيب ماء ورش شوي على وجهها وفزت بصراخ وهي تبكي:كنت حاسه انه مو بخير كنت متاكده انه في شي
جابر شافها منهاره تبكي والكل انهار يبكي وسحب ايلين يحضنها وهو يمسح راسها ويهديها:باذن الله يكون بخير تطمني وهدي
ايلين طلعت من حضنه تشد يده:تكفى خلينا نروح له تكفى
الجابر:ي الله تجهزو
فزو الكل يلبسون والكل مستغرب انه جدهم رضى يأخذهم لكنهم لاحضو ان الجابر اول مره يخاف ويقلق كذا
وصل الخبر لسلمان واتجهو هو وامه وابوه وأخته للمشفى ركض وهم منهارين
عند غيم الي دخلت ركض للاستقبال وهي تسال عن المريض واشرو لها انه في الطواري اتجهت ركض وهي ترمي شنطتها وبس دخلت انصدمت من شافت وجهه عز وصرخت :عززززززز