يا صدفً عشنا بعدها حبيبين

٢

بسم الله نبدأ
في احد أسوار المستشفى الصباح عند غيم الي تلبس بالطوها وتعدل طرحتها وتناظر أديم الي تأفف باابتسامه
أديم:أنا ايش قلي ادخل تمريض لو اني عاطله مو احسن
دخلت رنيم وهي تبتسم:صباح الحب والعسل
أديم:الله يعطيني روقانك ي شيخه
غيم:اكيد كالعاده كاتبك المفضل له دخل بنفسيتك
رنيم ترمي عبايتها وتزبط بالطوها:بنات بموت ليت كل الايام يكون فيها لقاء معه
أديم :الله يلوع كبدك مدري ايش حبك فيه كله كم كلام يكتبه وخلاص اقرفتينا فيه
رنيم بهيام:انتي لو شفتي ملامحه يجنن والله
غيم وهي تلبس الكمامه:ممكن ي العاشقه تخلصينا ورانا دوام نبتدي فيه
أديم:الله ييسر لي هاليوم لا تزق معي واضرب استقاله واطلع
ريم دخلت شايله قهوه لها والبنات:صباح الحب ي بطلات المستقبل
غيم بضحكه:ذي الي كفو وتعرف تحفزك مو انتي"اشرت على أديم"
أديم تقدمت تاخذ قهوتها:اي كلنا عارفين قصدك عشان القهوه
غيم توسعت عيونها واتجهت لا أديم تضربها ورنيم وريم ميتين ضحك
لبست ريم لبس الدوام وطلعو على شغلهم
جلست غيم تشوف السستم وزحمه المرضى والبنات يباشرون الحالات جات رنيم وهي تعطيها العلامات الحيويه لغيم وردت غيم:خذوه للاشعه بقي ننتظر نتايج تحاليله
رنيم:غيم كيف المستشفى ذا معك
غيم:صح لنا شهرين ناقلينا بس الحمدلله ان نقلونا مع بعض صراحه انتو خففتو علي وحشه المكان
رنيم ابتسمت تضمها:أصلا ما أتخيل يجي يوم بدون أشوفك
غيم ترد لها الحضن:حبيبتي
قطع عليهم أديم الي جت ركض :بنات جتنا حاله مغمى عليها وفي دم ينزل من وجهها
فزت غيم ورنيم واتجهو ركض للحاله الي كانت متمدده على السرير وكانت بنت واضح في مقتبل العمر كان في واحد واقف معها وواضح قلقان رنيم دفعته برا:لو سمحت بعد شوي المنطقه معقمه
الرجال بخوف:وش فيها طمنوني عليها
غيم وهي تحط السماعه على صدرها:أديم خذي مؤشراتها رنيم انتي خذي بياناتها
هزو البنات روسهم واتجهو لشغلهم رنيم وهي تعبي البيانات طلبت من الرجال اسمها وهويتها وعمره ورجعت لغيم
غيم:أديم وش صار معك
أديم باستغراب:موشراتها كويسه بس ايش سبب الاغماء
رنيم تنظف انفها من الدم :معقول الي ببالي
غيم ناظرت بعيون رنيم وفهمت عليها لفو على المريضه
غيم:ايش اسمها
رنيم:سدن
مسكت غيم معصم يدها وانصدمت من الكدمات الي بيدها ولفتها على جنب وشافت ضهرها كان فيها ضربات واضح مو بس جديده بعضها مزرقه لها فتره وواضح ضرب عصا الي طازه
شهقو البنات بصدمه وغيم تغير ملامح وجهها وهي تكره العنف ضد المراءه وتكره تشوف حرمه بذا الوضعيه وهي اصلاً متعقده من الي صار معها رنيم انتبهت لها وهي اكثر وحده فاهمه وضعها وتقدمت تحط يدها على معصم يدها وهمست:غيم هدي
غيم بحده ناضرتها:تعرفين أنا وش موقفي من الموضوع والله لو طلع الي ببالنا ان شري ليردهم وكل من تجبر عليها
أديم بهمس:بنات هدو البنت جالسه تصحى
فتحت سدن عيونها بصعوبه وناضرت في المكان:أنا وين
غيم تميل عليها بحنيه تمسح كتوفها:انتي في المستشفى طمنيني كيفك
سدن التمست حنيتها ونزلت دمعتها وهمست غيم:بس قولي لي من مسوي كذا والله أحميك
سدن صدت تمسح دموعها وهمست غيم:انا عارفه انك متعرضه لعنف بس حابه اقولك ماراح تعدين من هنا بدون تأخذين حقك
سدن ماردت وزادت دموعها وطلعت غيم بحده متجهه للي جابها والشياطين قدام وجهها أديم باشرت الحاله ورنيم طلعت ورى غيم لا تسوي مصيبه
وقفت غيم وتشوف الرجال صاد وقالت بصوت يغلبه الحده:ممكن اعرف صلتك ب المريضه
لف عز بخوف:أنا أخوها
تكتفت غيم وهي تحاول انها تكون هاديه وتناظر بعز من فوق لتحت
عز بخوف:اختي فيها شي
غيم بهدوء:ممكن اعرف ليه ضربتها
عز بصدمه تنحنح:مو أنا بس مشكله عائليه
غيم بحده تقرب منه ورجع عز على ورى بصدمه من قوتها وقالت :اختك تعرضت لعنف كذا مره مو اليوم بس وانا ماراح اطلعها من هنا حتى تجي جهة الاختصاص
اختبص عز وهو يقول:ماله داعي إذا هي طيبه باخذها وامشي
غيم قربت بحده ضربت صدره وتقدمت رنيم تمسكها تبعدها وهي تقول :والله لتدفع ثمن الي سويته غالي
عز تعقدت حواجبه بقهر وهو يشوفها توجه اصابع الاتهام له واقبل عندها يقرب وقال:لاتدخلين بشي مايخصك واذا اختي طيبه أنا باخذها
غيم بضحكه مسخره:والله ماتطلع من هنا حتى تواجه مصيرك تفكر ان دخول الباب مثل خروجه اصحى على عمرك ي هوه
عز :انتي مين وش تبين مجرد دكتوره سوي شغلك وعطيني اختي
غيم بضحكه تبعد رنيم وتقرب له وعينها بعينه تقول:من واجباتي ي فاهم ان اي حاله اعتداء تجيني لازم ابلغ وهذا الي راح يصير
عز نزل راسه لبطاقتها وقرأ اسمها وتوسعت عيونه بصدمه وهو يقرأ اسمها بصوت عالي
وو