يا صدفً عشنا بعدها حبيبين

٧٣

نادو البنات بصدمه:نرجس؟؟
نرجس لفّت بدموع عليهم واتجهت بسرعه تحضن ريم بقوه وناظر عز وثنيان باستغراب البنت الي تبكي وحطت يدها غيم على صدر عز الي فهم وبعد هو وثنيان شوي واتجهت غيم تمسح راس نرجس :بسم الله عليك حبيبتي وش فيك
ريم من الصدمه مو قادره تتكلم تشوف نرجس الي متعلقه فيها وتبكي
غيم:اذكري الله تعالي
أخذوها البنات يجلسونها وجلسو غيم وريم على ركبهم عندها وسدن جابت مويه تديها
نرجس بصوت مليان بكي:ناصر ناصر
ريم:ياليل الزفت ذا
غيم:سوى لك شي
سدن:لا عاد وربي لادفنه هالمره صدق
نرجس ببكي مليان شهقات:نا ناصر ذبح ذبح
ريم بدى جسمها يرتخي وفهمت نرجس بس بداخلها ينفي الي تسمعه وهي تقول بداخلها:لا يارب مو الي ببالي
غيم:ناصر ذبح مين؟
نرجس:ناصر ذبح اخوي مهاب
ريم هنا انخطف لونها والبنات شهقو بصدمه وهم عرفو قصه مهاب وناصر من ريم ريم من كثر ما الخبر نزل عليها مثل الصاعقه فزت بخوف تدور في الاسياب على مهاب غيم ضربت كتف سدن:خليك معها
انطلقت غيم تمسك ريم:بنت وش فيك اهدي
ريم بدموع:مات تقلك مات ذبحه ناصر
غيم:طيب انتي اهدي ليه تبكين
ريم تهز كتوف غيم بصراخ:ناصر قتل مهاب تفهمين والا لا
غيم فزت بخوف من ريم وهي تحسها بحاله مو طبيعيه وقفت تناظر صاحبتها بكل صدمه وهي تسال كل الدكاتره بطريقها حتى اكتشفت ان مهاب بغرفه العمليات بسرعه رمت عبايتها وطلعت ركض من الغرفه وجالسه تلبس البالطو وهي تركض وقابلت ابو مهاب الي مسك يد ريم وبصوت باكي:تكفين يابنتي طمنيني على ولدي
ريم وهي مستعجله ضربت كف يده من فوق بخفيف تطبطب عليه:ابشر ي عمي
فتحت غرفه العمليات ببطاقتها ودخلت تشوف الدكاتره كلهم عليه ووقفت بصدمه من المنظر قدامها مو قادره تخطي خطوه وحده ماكانت تشوف مهاب من تجمع الدكاتره وبعد صعوبه قوة قلبها ومشت بخطوات مره ثقيله ناحيته ووقفت عند راسه وهي تشوف كيف يحاولون يطلعون الرصاصه والدم معبي المكان والدكتور واضح تعب من كثر ماهو دقيق في العمليه لبست قلفازتها ريم ومدت يدها تبي تلمس جبينه بس رجف قلبها وهي تشوف مهاب بمنظر غير كان يختلف كثير لمن يكون صاحي لمن يكون صاحي يظهر عليه ملامح الحده والهيبه والشموخ اما هو نايم كان لطيف جداً وهادي حتى ملامحه مسالمه نزلت دمعه ريم وهي تمد يدها لجبينه وهي ترجف حتى حطتها على جبينه وهي تهمس:مهاب خليك قوي ارجع لأهلك تكفى هم مره محتاجينك
صارت تمسح على خده وعلى عيونه ودموعها تنزل بغزاره وبداخلها تدعي مايصير له شي وعينها تترقب للدكتور الي بعد فتره طويله رجع على ورى وقال:الحمدلله طلعنا الرصاصه بس اخترقت جدار المعده شوي
زفرت ريم براحه وقالت:مافي مضاعفات ان شاءالله
الدكتور لف لريم:لا ان شاءالله هو جسمه قوي وهالشي ساعده
مسحت ريم على راس مهاب با ابتسامه خفيفه وفزت من شافتهم التمو حوله يبون ينقلونه غرفه الافاقه وهي تساعدهم وفتحو باب العمليات والتقت بنرجس وابوه وامه وتقدمت ريم:ابشركم الحمدلله ولدكم بطللل قدر يقاوم الرصاصه وعدت على خير ان شاءالله
ام مهاب حضنت ريم لا إرادي:الله يبشرك بالخير
نرجس تبتسم بوسط دموعها تحضن ريم
سدن وغيم ابتسمو يناظرون ريم الي قلبت وروّقت مو نفس قبل قليل كان لونها ونفسها مخطوف
عز يقاطع البنات:غيمي نمشي
لفت غيم وهي التعب الف وقال:نمشي
عند سدن وثنيان الي كانو بسياره ثنيان لف يناظرها صاده وسرحانه وقابضه يدينها ببعض ومال ثنيان بحركه سريعه يبوس خدها الي معلم عليه اثار اصابع عز ولفت سدن عليه من حست شفته على خدهاوشافته مبتسم وابتسمت بخفيف تنزل نظرها ليدها ومد يده ثنيان ليدها يمسكها ويخلل اصابعها با أصابعه ويرفعها لمبسمه يبوسها وقال:معليش على اللي صار
سدن هزت راسها:عوافي صار عندي حصانه ضد الضرب
ثنيان با ابتسامه:يوه كلامك وراه زعل مره كبير
سدن هزت راسها تنزل عيونها لتحت وثنيان يناظرها وبس رفعت راسها رفعت يدها تمسح دمعتها بطرف اصبعها وتصد للدريشه وقالت:أنا آسفه لو متعبتك حتى معد تقدر تتحملني
ثنيان:اوف سدن مو لهدرجه كلمه كانت بوقت غضب وانتي تعرفين ان تعبك لي عسل على قلبي والله
سدن ماردت تمسح دموعها الي تنزل وسحبها ثنيان يحاوطها ويخليها تستند على كتفه ورأسها على صدره وباس راسها وكمل طريقه بيد وحده
عند غيم وعز بس وصلو الفله
نزلت غيم وهي تحسها مره تعبانه ومسكت ذراع عز وقالت:عز اسفه حقك علي
عز:مو ناسيها لك وبعاقبك بس على طريقتي
غيم:عزو خلاص لاتكون مره معقد
عز:اي غلطي فيني زياده عشان تكبر العقوبه
ابتسمت غيم ترفع يدينها:خلاص استسلام
ضحك عز:اي اعقلي
غيم:ابشر على خشمي
عز يحاوط كتفها:عليه الشحم
دخلو وكل واحد اتجه لغرفته وغيم بس دخلت قابلت نور الي طالع من الحمام وقالت نور:قالو لي البنات عن اللي صار كيفك الحين
غيم تمسك نور وتجلسها ودخلت سدن الي قالت:هاء تسولفين بدوني
غيم مسكتها تجلسها وقالت :بنات بقولكم شي بس بيننا
البنات:وش
غيم:أنا فيني انهيار عصبي احيانا يكون شديد واحيانا بسيط والي صار اليوم بسببه لان تذكرت جدي لمن كان يعنفني وضربه لي
سدن:ياحياتي انتي ليه ماقلتي من قبل
غيم:هذا أنا قلت لكم عشان الايام الجايه بس عز لايعرف
نور:ليه
غيم:لان مو حابه ينشغل باله
سدن:يوه ليه انتم رقيقين بسرعه تنهارون شوفي علامه الجوده بخدي وراجعه لكم مروقه
نور:ههههههههههخخهه انتي منجد تستاهلين تسجلين بموسوعه قينس لأكثر وحده متمردغه ومع هذا صامده
سدن ترفع يدها:القوه القوه لابارك الله في الضعف
غيم ضحكت تتجه للحمام تتحمم وسدن تمددت تنتظر غيم تخلص الكل كان جاهل وجود عز الي كان عند الباب وسمع كل شي لانه كان جاي يراضي سدن وانصدم بالي سمعه ورجع لغرفته وهو يتمدد ويتفكر بغيم ونام وباله مشغول فيها وهو يبي ينسيها الي صار
عند غنى ومحمد
غنى صحيت من النوم تنزل تحت ببجامه النوم وشعرها المتناثر على وجهها بطريقه عشوائيه ودخلت المطبخ تشرب مويه وطلعت من المطبخ وهي ماسكه الجوال بيدها الثانيه تصفحه ورفعت الكاسه تشرب وجمدت يدها تناظر محمد الي بنص الصاله يناظرها وهو مبتسم وتوسعت عيونها بصدمه ورجعت على ورى تشرق بالمويه واتجه محمد ركض لها يضرب ضهرها:صحه صحه
غنى بصدمه:وش جايبك؟
محمد:في وحده تستقبل خطيبها كذا وبعد ثلاث ايام بيصير زوجها
غنى:والله خطيبي ياي باخر الليل شنو تتوقع بآخذك بالاحظان
محمد بمزح يفتح ذراعيه:فكره حلوه تعالي
غنى بصدمه وخوف ترجع ورى:ولد أشفيك اعقل
محمد:اوف غنى جيت أراضيك ممكن مانزعل من بعض
غنى :اسفه بس رضاي وايد صعب
محمد:طيب شوفي جبت لك ورد وقهوه
ابتسمت غنى وهالشي يرضيها مره وابتسم محمد :هاء رضيتي
غنى تبوز:لا مارضيت
محمد:منجدك طيب ليه ابتسمتي
غنى:مو ضروري إني إذا ابتسمت معناه رضيت يمكن تذكرت شغله حلوه وابتسمت
محمد يمسك بكتفها يلفها ناحيته وحط يده ورى ظهرها يشدها له وارتعشت غنى بخوف من قربه وحركته ورمشت عيونها بتوتر وقال محمد بهيام من قربها:وش يرضيك
غنى الي كانت مفهيه بمحمد القريب من وجهها وسارحه بضربات قلبها الي صار يرجف بقوه ومسك ذقنها محمد يرفعه بهدوء:ماقلتي وش يرضيك
غنى بفهاوه:اءءء
محمد ابتسم:لو قلت احبج ترضين
غنى رمشت بعيونها ورى بعض وشد ذقنها محمد يصحيها من الفهاوه وقال:غنى اقولك اني احبج واحبج وايد بعد
غنى احمر وجهها خجل ورجعت على ورى تبعد عنه تهوي نفسها من الكتمه الي صابتها وتنحنحت:صايد اللهجه هاء
محمد ابتسم:عشانك والله
غنى:خلاص رضيت
محمد يتجه لها يمد يده يمسح على راسها وقال بحنيه:روقي على قهوتك وما ابي اشوف هالعيون الحلوه زعلانه مره ثانيه
غنى بس تناظره وهي تحس كلامه مره حلو ويجذبها غصب ومد يده محمد لجبينها وقال:خذتي أدويتك؟
غنى:لا تو صحيت
محمد:خذيها مو تنسين
هزت راسها غنى ومسح كتفها محمد:توصيني بشي ؟
غنى كانت متمنيه تقوله اجلس بس ماقدرت وقالت:سلامتك
محمد:تصبحين على خير
غنى:وانت من اهله
مشى محمد متجه للباب ووقفه صوتها الي قال:محمد
محمد ناضرها :سمي
غنى تبتسم:سم الله عدوك شكرا على القهوه
محمد :عافيه على قلبك
غنى تبتسم تنزل راسها للأرض وكمل محمد طريقه للسياره وركب واتجه لبيتهم
وغنى الي دخلت بمود احلام مره حلوه وهي تتخيل حياتها مع محمد وصارت تتذكر كلمته وهو يقول احبج وايد وغطت وجهها بحياء وابتسمت تدفن وجهها بخداديه الكنب
بغرفه رنيم وشهاب
كان شهاب جالس منتظر رنيم تطلع وهو ناوي عليها وطلعت ريم من الحمام وهي تفرك يدينها ببعض ووقف شهاب:تفسير للي سويتيه عشان ما افصل عليچ
رنيم تنحنح:نقول كيمرا خفيه
شهاب:رنيم لاتتمسخرين لان الموضوع وايد جدي
رنيم توترت:بروح انام تعبانه
جت بتعدي من عنده بس هو مسك بذراعها يرجعها قبال وجهه وقال:وش أعاقبك فيه هاء الي سويته مو جنان الي سويتيه يفوق مراحل الجنان ي رنيم
رنيم بدت تقوس شفايفها بتبكي وغمض عيونه شهاب بقهر يقرب منها يمسك وجهه بين يدينها:خلاص مو تبچين
خلص كلمته وانفجرت رنيم تبكي وهي مع الحمل صايره مره حساسه وانصدم شهاب بكميه الدموع الي نزلت وقال بخوف:يابنت وش فيچ هذا وانا ماخاصمتچ چذي بچيتي اجل لو خاصمتچ وش بتسوين
رنيم ببكي:ما احبك بعد من وجهي
شهاب يقبص خدودها:بس أنا احبج وما ابعد عنچ لو ايش مأسويتي
رنيم تبتسم وسحبها شهاب لحضنه ومسح شعرها يقول بحنيه:رنيمي تكفين اعقلي بطلي جنان اخاف يصير للنونو شي
رنيم ابتسمت تسحب يد شهاب تحطها على بطنها وقالت:تتوقعه ولد او بنت
شهاب:بنت او ولد اي شي منك وايد حلو
ابتسمت رنيم تتجه معه للسرير ينامون وشهاب كان منجد معصب وناوي يهزمها بس دموعها هزمته وماقدر يقسى عليها ابد
"صباح يوم جديد"
فزو كل عايله الجابر مستنفرين من ثنيان الي قرر يكون العرس بكره وبفله ابوه ومحفوفه بين الأهل والقرايب
بغرفه غيم وسدن فتحت عينها غيم بانزعاج من الأصوات الي تحت وكانت اصوات العمال الي يرتبون ويركبون الكوشه وفزت بخوف تشوف عز جالس عند راسها وقالت بخوف:بسم الله انت وش تسوي هنا
صارت تتلفت في الغرفه وقال عز:لاتخافين بغرفتك بس حبيت اكون اول وجه تصبحين عليه
غيم ابتسمت:معليش انت كذا كانك جاثوم طيرت حتى الكلام
عز:هههههههههههعهههه طيب اسف بس كانت النيه انو أتاملك وانتي نايمه
غيم تبتسم تقرب من وجهه:اي وش شفت
عز يقرب من وجهها كمان:شفت أميرتي كيف تجنن وهي نايمه وحابه اقولك بعد اسبوع استعدي راح تنامين بحضني
غيم تعقد حواجبها:خيرر ليه مستعجل
عز:هذي عقوبه الشي الي سويتيه البارح
غيم :غش والله
عز:مالي دخل دبري روحك
قبص خدها بخفيف:معد اقدر اصبر على بعدك
غيم تحمر خجل تناظره باحراج ومال عز يبوس خدها:صباح الخير يكل الخير
غيم ابتسمت:صباح النور
طلع عز من الغرفه مبتسم معطي غيم طاقه عجيبه وحلوه من الصباح وفزت بكل حماس تجهز وترتب للدوام تنزل تشوف الأوضاع تحت وتخبرها جدتها عن قرار ثنيان ألي حرفياً حاس الجميع والكل برا البيت يجهز
عند ريم ومهاب
كانت ريم طول الليل صاحيه والتعب هاد حيلها بس شافت مهاب صحي فزت وهي كانت تركب المغذي وشافته يميل يبي يجلس وفزت تمسك كتوفه:ارتاح ماينفع تقوم لسا جرحك طري
ناظر مهاب بريم وقال:وش جابني هنا
ريم:اهلك جابوك مصاوب من ناصر وعلى فكره فتحنا تحقيق بالي صار
مهاب يبعد يدينها :قفلو المحضر ما ابي اشكي احد
ريم تخصر:والله مو على كيفك
مهاب رفع نظره برفع حاجب يناظرها وقال:اجل بكيفك انتي ؟
ريم:اي أنا هنا النيرس المسؤوله عن حالتك وواجبي اني ابلغ على ولد عمك الزفت ذا
مهاب:كلامي ماينعاد المحضر يتقفل
ريم:مها...قاطعه البنت الي دخلت تمشي بغنج وشايله بوكيه ورد كانت جميله وحتى جسمها ومشيتها كانت ملفته وناظرت بمهاب الي انخطف لونه وواضح الزعل بملامحه وقالت :هلا بولد عمي ان شاءالله يكون هالمره صحصح فيك ناصر وتبعد من دربي لاني ما اطيقك
مهاب يبلع الغصه يصد مايكلمها وقالت ريم:اجل انتي الي ماخذه وضعيه السندريلا هاء
فرح ترفع حواجبها بغرور:يحق لي
ريم:ويععععع أنا قلت متقاتلين على شي يسوى طلعتي قردة
مهاب ابتسم بخفيف على ريم وفرح من القهرتقرب وقالت:من انتي ايش دخلك بمهاب هاء
ريم تبي تقهرها ترد بنفس نفختها:ايش دخلك من اكون له انتي مو تحبين ناصر طسي له يالله وعلى فكره ترى مهاب تخطاك يعني لاتفكرين نفسك البرنسيسه الي مافي مثلك وانتي حتى الجني مايطالع بوجهك المخنز
فرح بصراخ:احترمي نفسك ولاتدخلين بيني وبين مهاب
ريم:اييي اهجدي انتي لاتتدخلين بمهاب ويالله تقلعي
فرح:ولد عمي مالك دخل وحبيبي السابق كمان
ريم:إذا هو حبيبك السابق فهو حبيبي الحالي
ناظر مهاب بصدمه لريم وفرح ماتوقعت معقول مهاب كذا نساها وهي تعرف ان مهاب لاتعلق بشي مستحيل يتركه بسهوله وقالت :مهاب الي سمعته صدق
مهاب ببرود يناظرها:اي نعم ريم حبيبتي وباذن الله راح تكون زوجتي
ريم ارتجف قلبها وهي تسمع الكلام ولكن كان بس هدفها تكسر شوكة فرح الي من القهر رمت الورد على السرير وطلعت بغضب من الغرفه وسحبت الورد ريم ترميه وراها يضرب بالباب ويطيح على الارض وقالت:صدق بجيحه
لفت على مهاب:وش ذا الذوق الخايس ماشفت تحب إلا ذي الخايسه ذي حتى راجو راعي البقاله الي متزوج ٤ ونسونجي مايطالع بوجهها يعععع كريهه
مهاب :هههههههههههههههههههههههههه
ريم ابتسمت من ضحكته وقالت:اي اضحك منجد تضحك هي ومشيتها كانها زرافه(صارت تقلد مشيتها)
مهاب انفجر ضحك زياده وهو يتمدد على آلسرير وقال:خلاص اتركيها صدق انك مجنونه
ريم تزفر بقهر ترجع تركب له المغذي ومسكت كف يده تشوف جالسه تمشي بس تفاجأت من شد كف يدها مهاب قريب منه ومالت ريم تشهق بخوف ووو