يا صدفً عشنا بعدها حبيبين

٥٣

طاحت مزون وصارو البنات يضحكون ويتهامسون فيها وقفت مزون تكابر دمعتها وهي تبعد عنها وقالت ام اديم:فشله يمه كان سلمتي حرام
اديم:اجل ذي كفو وتقارن نفسها بغيم
سدن تهمس لمزون:هذي جزاه كل وحده ترمي نفسها على واحد مايبيها يصير الكل يستنقصها اتمنى تفهمين هالشي إذا عندك شويه كرامه
غلا:اح بردت كبدي اديم
إيلين:خلاص اتركوها تعالو نساعد خالتي
البنات جزء منهم يساعد ام اديم تباشر بالضيافه وجزء يرقص بفرحه لأديم الي كانت فرحتها ناقصه بعدم وجود غيم والكل منتبه وفاقدها مره
عند غنى الي جت متاخر وهي تدخل وتتجه على طول لأديم تسلم عليها وتبارك لها وتعطيها هديتها وجلست بجنب رحمه الي قالت:بسم الله صلاتي على النبي من بنته انتي ؟
غنى ابتسمت:أنا اخت شهاب خطيب رنيم
رحمه:ماشاءالله الله يحرسك ي بنتي
غنى:تسلمين ياخاله
رحمه:متزوجه؟
غنى بضحكه:لسا ماياء النصيب
سدن كانت ماسكه صينيه الحلى بقهر وهي فهمت مقصد جدتها مزبوط وخافت ان جدتها تفكر فيها لثنيان
ومدت بالصينيه بقوه قدام وجهه غنى الي ارتعبت لاتضرب الصينيه بوجهها وقالت سدن با ابتسامه مجامله :تفضلي حلي
اخذت غنى حلى وصدت سدن من عندها متجه للمطبخ وهي تضرب بالصينيه بقوه على الرخام وفزت نور:بسم الله وش فيك
سدن:أبفهم وش وضع الي ترمي نفسها على واحد مايبيها ودي افهم عقليتها بس !
نور فكرتها تقصد مزون:عادي ماعندها كرامه
سدن:وحنا لازم نعلمها وش تكون الكرامه يعني
نور:ليه معصبه مافهمت؟
سدن:اوف نور كلي وانتي ساكته
طلعت سدن وهي توقف عند باب الحريم تستنشق هواء وهي معد تتحمل غنى
اما نور طنشتها وهي تاكل حلى وتتقهوى ودق باب المطبخ الخارجي ومسكت الحلى بطرف شفتها ويدها الثانيه ماسكه بوحده القهوه وفتحت بالثانيه الباب وتوسعت عيونها بصدمه من شافت محمد بوجهها وارتجف محمد من قرب وجهها ومن منظرها الي كان غايه باللطافه
محمد:هذا انتي وانا دايم مصادمه معك
نور تمتم بكلام مو مفهوم بسبب الحلى الي على طرف شفتها وقال محمد باستغراب:وش تقولين؟
نور رجعت تمتم وواضح معصبه سحب محمد الحلى من فمها وتلامس اصبعه طرف شفايفها وشهقت ترجع على ورى بخوف محمد:بسم الله وش فيك مطيوره مدري ايش تقولين
نور:لا ولاشي
جت هاربه وبسبب ضعف النظر بأحد عيونها ما انتبهت لدرج الدولاب الي كان مفتوح وصكع براسها ورجعت على ورى بالم:اوف ايييييي
ضحك محمد عليها ولفت نور عليه :مافي شي يضحك على فكره
محمد:هذا كبر الدرج ماتشوفين
نور وهي معد تتحمله اتجهت له بغضب في ضل صدمه محمد الي تخدر جسمه من حس بيدها تضرب كتفه :احترم نفسك وتكلم مزبوط والي ماتفهم فيه لاتكلم عنه وكمان وش دخلك ان شاء الله اصفق بالجدار مالك دخل تفهم
محمد:هدي طيب ليه تحسستي عادي اصفقي براسك محد رادك بس ودي تشغلين عيونك عشان لاتهدين لنا البيت
"قال كلامه بضحكه مسخره "
نور تجمعت الدموع بعيونها وقالت:بس أنا عندي مشكله بعيني
محمد بضحكه يفكرها تمزح:صح بذي صادقه
نور بجديه ودموع:أنا عندي مشكله بعيني ما اشوف فيها مزبوط عشان كذا صكعت بالدرج
محمد كبح ضحكته يشوف ملامحها الجديه وقال:صادقه؟
نور بدموع:عمري ماراح أسامحك لانك ضحكت علي وصدقني اني مو حقوده وأنانيه مثلك والا كان دعيت عليك
صدت نًور بتمشي وقال محمد:لحضه نور
نور انصدمت انه يعرف اسمها ولفت:كيف عرفت اسمي
محمد:مو مهم ألمهم أنا اسف مادريت والله
نور:لو اسفه تمحي اثرالكلمه عذرتك بس أنا ما بسامحك
طلعت نور تاركته ومحمد ضرب راسه بيده:غبي يامحمد الحين كيف الدبره اووففف
طلع محمد لمجلس الرجال وهو يشوف عز الي جالس ويهوجس وهو مو حول الناس ودق كتفه:وش فيك
عز:ماجات ي محمد
محمد:اصبر إلا مايجي يوم تجتمعون فيه
عز:تهقى تسمع مني وتصدقني
محمد يربت كتفه:ان شاء الله
غمز ابو اديم لمحمد الي فز ياخذ الكتاب تواصل مع اديم طلبها تجي الغرفه الجانبيه وفعلا جات اخذت الكتاب توقعه بغير نفس محمد بملاطفة:وش لايكون مجبوره على الزواج
اديم تبتسم تضرب كتفه:مو وقتك
محمد:كل هالزعل عشان غيم
اديم:اي
محمد:يالله العرس أوعدك اتلها من شعرها واجيبها لك
هزت راسها اديم ووقف محمد:بنادي زيد خليك
طلع محمد وأديم رفعت جوالها تشوف رساله غيم الي كان مضمونها"اسفه لك ي صاحبه دربي اني ماقدرت اشاركك يوم مثل هذا"
تجمعت الدموع بعيون اديم وبس سمعت صوت الباب صدت تمسحها ودخل زيد  مبتسم وبس وصل شافها وقفت ولمح الدمعه بعينها وقال:اوف كل هذا فرح فيني يابختي
اديم رفعت يدينها تحاوط رقبته وسحبها زيد يدخلها بجوفه بقوه وقال بملاطفه يهمس باذنها:بديت أغار من غيم ترا
ضحك اديم تطلع من حضنه وابتسم زيد يمسح خدها بخفيف:اي اضحكي يبعدي ماحنا مأخذين من الدنيا شي
ابتسمت اديم تلتمس حنيته وجلسو يسولفون مع بعض شوي
بعد العشاء وبدا الكل يفرق
سدن رفعت جوالها:عز يالله
فزت مزون:أنا بركب قدام
إيلين:يوه بنات ما اخفها
سدن:والله لوريكم فيها اصبرو بس
لبسو البنات عبايتهم وطلعو يشوفون مزون تركض تبي تركب بجنب عز بس سدن عرقلت لها وطاحت على الزفت وفزت تركب بجنب عز
البنات ضحكو وقالت نور:شكلي بتبرع بنظارتي لو لقيتها لان في ناس يحتاجونها اكثر مني
مزون بصراخ:خليها لك ي العمياء
عز بحده:اقصري حسك جعل مالك حس
مزون:هي بدت خليها تستاهل
نور بلعت غصتها وانتبهت للي يناظرها وشافته محمد بس ركبت مع عز ورى هي وغلا ومزون
واتجهو لبيت نواف عند غيم الي رجعت بتعب للبيت وهي ترمي أغراضها ودخلت تتحمم وشافت رساله جت على جوالها وقالت :لا يارب مو حاله مافيني ارجع
مسكت جوالها وانصدمت بالرساله الي تقول:تمنيت شوفتك تعنيت لجلك عيوني ما تدور إلا انتي
رجف قلب غيم وكتبت ومسحت ورجعت تكتب وتمسح وجتها رساله ثانيه:ادري قلبك مو مطاوعك تجرحيني بس أنا راضي المهم تردين علي
غيم طلعت من الوات تاركته وهي تمدد تنام وتتفكر كيف هانت عنده يتخلى عنها بسهوله كذا ومن التعب نامت وهي بالها فيه
"بعد مرور شهرين بدون اي احداث مهمه إلا ان عز صحت ضهره بدت تدهور شوي وغيم قررت تقدم ابتعاث عشان تبعد عن عز وتنساه بشكل نهائي بس منتظره تحضر زواج رنيم وأديم الي كان بنفس اليوم "
يوم الزواج تحديداً بعد صلاة العشاء
كل البنات جاهزين ومتحمسين وسدن ترقص على الكوشه ومزون غصب إلا ترقص معها بس سدن تتعمد كل شوي تدفعها وغلا ونور يشوفون سدن كيف تجاكرها والحريم كانو مره يضحكون على مزون ومره يناظرون بسدن ورقصها الي قمه بالروعه
غلا:اختك ذي مجنونه
إيلين:منجد حطتها في راسها خلاص
رفعت نظرها ام عز بفرحه:غيممم
لفو الكل على غيم الي كانت داخله بفستانها الاحمر القصير للركبه وماسك على خصرها وشايله شنطتها السودا وكعبها الاسود وروجها الاحمر الملفت وهم يشوفها تمشي بكل فخامه وهيبه وغنج وسدن الي كانت فوق الكوشه وقفت تناضر بصدمه واستغربت مزون وقفتها معد ترقص ولفت تناظر وين تناظر وانصدمت بغيم الي كانت فاتنه بكل ماتعني الكلمه لدرجه الكل في القاعه يناظرون غنجها مشيتها جسمها شعرها وحتى ميكبها الي كان ولاغلطه
واتجهت سدن ركض لها ومعها البنات وهم يحضنونها ويسلمون عليها سدن:يوه وحشتينا ياشيخه
غيم :حبيبتي مايوحشك غالي
ام عز:ياعيوني انتي رحتي وخليتينا
غيم:هذا النصيب
مزون تشمق:وش جابك ي المطلقه
غيم ناظرت فيها من فوق لتحت:عفواً مكان الخدم بالمطبخ
غيم قالت كذا لان فستان مزون كان لونه اسود وابيض
ضحكو البنات وضربت غلا كتف غيم بخفيف :ياروحي اي اجلديها
سدن ناظرت بمزون:ي الله دزيها
مزون:أصلا أنا ما أتكلم مع مطلقه
سدن:لاتخافين كم شهر وتصيرين مثلها
البنات: هههههههههههههههههههههههه
غيم:يالله طسي ماتفهمين
راحت مزون تاركتهم
رن جوال إيلين الي كان عز يبي مسكن لان ظهره يعوره وقالت إيلين :خليك معي بسلم على غيم
فز قلب عز بفرح وهو مو مصدق وقربت إيلين تسلم عليها وسمع صوتها وهي تقول :طيبه انتي كيفك
قاطعهم نور الي تعلق على مزون وعز يسمع من سماعه الجوال وهمه بس يسمع صوت غيم
نور:بحياتي ماشفت وحده عديمه كرامه مثلها
سدن:البلا من بنت عمك والله
الكل ناظر با استغراب غيم:أنا ؟؟؟
سدن:اي انتي شفطتي الكرامه كلها مابقيتي لها شوي
غيم انفجرت تضحك على هبال سدن وهي تحضنها والبنات بعد انفجرو ضحك حتى عز الي كان ساكت فز قلبه من سمع ضحكتها وهو يبتسم
قفلت آيلين وتمنى انها ماقفلت واتجهت تدور له مسكن اما عز بسرعه رسل لسدن:ابي أقابل غيم دبري لي طريقه
سدن ابتسمت بخبث:وش عندك هاء
عز:سدن مو وقتك
سدن ضحكت وقالت :اسمع جناح العروس فاضي البنات كلهم بجناح العريس بفتح لك الباب الخارجي وبدعي غيم هناك وانت تعال
عز:ي الله الحين جاي
فز عز يدخل بسرعه من الباب الخارجي لقسم العروس وهو يطفي انوار الغرفه وترك بس النجفه شغاله وقلبه يدق بسرعه مو مصدق انه بيشوف غيمه مو متخيل ردة فعلها بس المهم عنده يشوفها
عند سدن الي مسكت بيد غيم :تعالي نبي نتصور صوره للذكرى
غيم:البنات مو بجناح العروس
سدن:لا بالجناح الثاني بنروح هنا عشان الزحمه
هزت راسها غيم تمشي معها ودخلتها سدن لنص الجناح وقالت:دقيقه بدعي المصوره
طلعت سدن بسرعه وقفلت الباب بالمفتاح استغربت غيم صوت المفتاح وناظرت الجناح مظلم بس جت بتمشي تشغل الانوار انصدمت من حست بيدين احد يحاوطها من خصرها ويسحبها لصدره وارتطم ضهرها بصدره وشهقت بخوف بس شدها عز وهو يهمس باذنها :بسم الله على قلبك
غمضت عيونها غيم بقهر وحست برجفه في قويه بقلبها وهي تشم ريحه عطره وتحسس قربه منها وتجمعت الدموع بعيونها بس شدت يدها تخبي دموعها لايشوف انكسارها وسمعت همسه باذنها:والله اني اشتقت لك يا غيمي
ارتخى جسم غيم من نطق غيمي ومالت بتطيح وشدها عز ولفها بسرعه يناظر وجهها وشاف عيونها المليانه دموع وقال وهو يمسح خدها بحنيه:بعدني الكتف الحنون الي تستندين عليه
غمضت عيونها غيم تطيح دموعها بقوه من سحبها يدفن راسها بصدره ووو