يا صدفً عشنا بعدها حبيبين

The end💔

رجع عز لهم وهو مقرر يعيش هاليوم بفرحته ويترك هالموضوع على جنب وينبسط معهم وفعلاً بدت السوالف والطقطقه على غيم وام عز مكسره الدنيا بكبر وهي فايزه عليهم ومستلمتهم كل ماجاء احد حكته وهي تطقطق على عز الي منجد كان يضحك بحب وهو يشوف امه وغيم قريبين لبعض حيل ويمزحون معه كانت تجتاح قلبه مشاعر مره جميله في شي بطرف قلبه يذكره بموضوع الدوره بس كان يكابر ويضحك معهم وهو من قلب فرحان ومبسوط مره
جو العيال من العزبه وبدت موجه الضحك والاستهبال من العيال وهم يشوون وفز ثنيان يشغل مسجل السياره سامري

ياذا الحمام اللي سجع بالحون=وش بك على عيني تبكيها

ذكرتني عصرٍمضى وفْنون=قبلك دروب الغي ناسيها

مسك ثنيان يد عز وسلمان وجابر ماسك المهفه يهف على الفحم وابدو يعرضون والبنات واقفين على جنب يصفقون ويعززون لهم ودخل نواف وسعد معهم وابدأ الصراخ والبنات يعززون
وكمل الشطر الي حكى وضع عز وهو يقول

لا تطري الفرقى على المحزون=مااحب أنا الفرقى وطاريها

يا من ينادمني على الغليون=والدلة الصفرا مْركيها

أنتم تلوموني ولا تدرون=والنار تحرق رجل واطيها

عز من القهر وهو انحط بين نارين نار فراق غيم ونار مستقبله ويعرف انها بتخدمه هالدورة حيل وهو يحب شغله مره حط حرته كلها بالرقص كان يرقص بشكل جداً متناغم وحماس يهز بقوه لدرجه انفاسه بدت تعلى وضربات قلبه تزيد كانو العيال متحمسين هم والبنات لرقصه وهم من زمان يعرفون عز يحب السامري كانت الصدمه لغيم الي تحسه يرقص برعب ويبذل مجهود مره كبير
غيم:ايلين وش فيه احد يوقفه احسه تعب
ايلين:حماس والله
غيم خافت عليه مره وتشوف الكل متحمس معه صح رقصه قمه في الروعه بس واضح انه يرقص بغير وعي معد تحملت وهي توقف تتجه له وهي تمسك كتوفه وقف عز يناظرها وهدى جسمه وحتى أعصابه تراخت وابتسم لها
غيم:وش فيك تخوفني عليك كذا
عز:ارقص فيها شي
غيم حطت يدها على قلبها:مدري ليه قلبي عورني ما ارتحت
عز يحاوط كتفها:بسم الله عليك وعلى قلبك مافيه شي تعالي ارتاحي
مسك يدها يتقدمون يجلسون بالجلسه ورجعو العيال للشوي وهم يغنون با انطراب ويضحكون واستمرت جلستهم بين السوالف والضحك
وكذا عدى عليهم اليوم الاول والثاني وعدى اسبوع وعز قد مايقدر يكون مع غيم وقريب لها يشبع منها ومن حسها وبعد اسبوع وتحديداً بيوم زواج ناصر ومهاب

بقاعه الزوج وبجناح العرايس كانت ريم جداً متوتره وهي بدت تستوعب الزواج وكانت ماخذه المساله قبل بطقطقه الحين بدت تحس انها خلاص تزوجت
نرجس كانت عايشه بحلم وردي مع ناصر الي تغير جداً معها وقدر يكسب قلبها وندم انه من اول ماكان حاس بحبها ومقدره
رفعو روسهم العرايس من دخلو البنات بحماس يتدافعون
سدن:لو مو كرشتي توطيتكم
غلا:اقول اهجدي ما انتي قدنا
غيم:احلى عرايس والله
ريم :احد يصفقني كف استوعب
ماخلصت كلمتها إلا جتها ضربه على كتفها من اديم:وجعاااههه هديتي كتفي
البنات: هههههههههههههههههههههههه
غيم:استوعبتي
ريم :خايفه
رنيم:بعدو عنها تعالي معاي
تقدمت ريم تجلس مع رنيم الي منجد ساعدتها تطبطب عليها وتهديها وتشرح لها ان الحياه الجايه حلوه دامها اختارتها مع الشخص الي تحبه وأنها لازم تستأنس بهاليوم وفعلاً قدرت تسحب توتر ريم شوي وهي كانت محتاجه احد يخفف عنها لان ماعندها ام او اخت او أخ