يا صدفً عشنا بعدها حبيبين

٥٩

عند سدن ونور الي كانو بالغرفه ويضحكون وهم يجهزون لفو بصدمه لمزون الي دخلت وقالت:السلام عليكم
لفو البنات بصدمه يناضرونها وهمست نور:ذي ايش جابها
سدن:مدري
مزون:ترا رد السلام واجب
سدن::عليكم السلام
مزون:وش عندكم وش صاير ؟وش هالاستنفار
سدن:عز مسوي عزيمه
مزون بحماس:لمين ليه ماقلتو لي هاء
سدن:مدري جمعه كذا مسويها وعازم الجيران
مزون بحماس:بروح أتجهز عشان يشوفون زوجه المحقق
طلعت مزون بفرح وحماس تتجه لغرفتها تجهز وابتسمو نور وسدن
نور:حرام عليك ليه ماقلتي لها الصدق
سدن:خليها بس متحمسه اشوف وجهها لاشافت غيم داخله
نور:ما اخبثك
سدن تضحك:فاقعه قلبي هي وامها السبب بكل شي صار بينهم
نور:حتى جدي ترا ماقصر
سدن:شيلينا منهم خلينا نجهز
دخلت أيلين:بنات خذو عز لبسوه بروح أتجهز مابقى شي على وصول البنات
سدن:هاتيه عزو الحلو حبيب خاله
شالته سدن تلبسه واتجهت إيلين تجهز
على المغرب
في قسم الرجال كان مجلس جداً كبير ووسيع بدو الرجال يتوافدون وكان باستقبالهم نواف وسعد وجابر وثنيان يقلطهم من برا وسلمان يباشر بالقهوه
في قسم الحريم
بدو الحريم يتوافدون وأصوات الديجيه شغاله ترحيب فيهم ورحمه وام عز وام جابر واقفين بجنب رحمه يرحبون فيهم ودخلت من بين الحريم مناير وخالتها وفزو البنات يسلمون عليها ويشيلون منيره ويحبحبونها ولفت مناير على مزون الي واقفه بجنب البنات وسلمت عليها
واتجهت توقف بجنب سدن:ذي وش فيها متشققه كذا
سدن بضحكه:تقول زوجة المحقق لازم ترزز
نور:تكفون مره ما اصدق يوم بتشوف غيم وش بيصير
مناير بصدمه:منجدكم ماتدري
غلا:الثنتين ذول خبيثات ماقالو لها
مناير:اخاف تحوسنا
سدن:خليها عشان منجد عز مايوفرها هالمره
عند عز الي كان بغرفته يتجهز ولبس ثوبه الاسود وشماغه الاحمر ولبس ساعته الفضيه واخذ سبحته يرش بعطره القوي واتجه نازل لجمعه الرجال والابتسامه شاقه وجهه وهو مو مصدق لسا انه لقى غيم وداخله حالف ماعد يخليها تروح من يده طلع من الباب الخلفي عشان جمعه الحريم الي كانو بالبيت
وقف في الحوش يناضر مجموعه البنات الي داخلين وكان من ضمنهم غيم الي كان تمشي وفاتحه عبايتها ومع كل حركه يتحرك الفستان وواضح ساقه كامل وشد عز قبضه يده وهو يشوف حتى وجهها كاشفته وطرحتها منزلتها على كتفها وهو ولع مره واتجه ناحيتهم وقال بحده:غطي وجهك تستري ما انتي شايفه جموع الرجال
غيم ناظرته من فوق لتحت تشوف وجهه المعصب وقالت:عفواً من انت عشان تتآمر
عز:ولد عمك
غيم:سابقاً بس الحين معد يربطني اي شي بك وانا جيت احترام لأبوك لانه يعز علي فقط
عز يرص علي اسنانه:احشمي عمرك وتستري
رنيم تمسك يد غيم:خلاص غيم ي الله
غيم بعدت يدها من رنيم واتجهت توقف بكل جموح قدام وجه عز وقالت:لاتفكر انك بتخوفني بتعقيدة وجهك او لاتفكر ان غيبتي عنك أضعفتني ترا بعدني غيم الي تعرفها وعصبيتك ماتهز فيني شعره لذلك ريلاكس ياااا....ولد عمي
"ضحكت بمسخره"
البنات واقفين يناظرون غيم الي منجد بارده وعز شوي وينجن منها وشهقو بصدمه من سحب بمعصم يدها عز وقرب وجه من وجهها بس هي صدت وقال بحده وهمس:والله لعقلك
سحبت يدها غيم بقوه منه وقالت وهي تهجى:ت خ س ى تخسى تعرف معناها والا اشرح لك ؟ وياليت تحترم نفسك ولاتلمسني بدون اذني
صدت غيم تاركته يغلي بقهر والبنات وراها وتقدم عز للرجال يحاول يهدي نفسه ويرجع يفرد وجهه دخل المجلس بكل شموخ وهيبه وسلم على الرجال وكل من سلم عليه بارك له ببعثة غيم
وصل عند شهاب وزيد الي قالو:مبروك رفعت روسنا جميع ومنها للاعلى
عز:تسلمون
زيد:ماودك ترجعها على ذمتك
شهاب ابتسم:هاء طار الحب والا بعده موجود
عز:موجود وزاد بعد
ضحك شهاب:هههههههههه الله يصلح حالكم ويجمعكم وياء بعض
زيد وعز:امين
وقف عز يضيف الرجال القهوه وجاء جابر بالعود يبخرهم والسوالف عامره واغلبها بغيم الي كانت مكتسحه المجلس وعز كل ما احد سال عن اسمها ولع غيره وهو يحاول يتمالك نفسه لا يغلط على احد