ننساه هدا وش حاولت ندير سمانة وانا في شمبرتي ضو الشمس ما شفتوش هو رجع لخدمتواً ثلاث ايام وعاود جا للدار بصح يديه الليل يجيبو الليل نشوفو على تاقة يخرج من الخمسة تاع الصباح ويرجع على الوحدة تاع ليل . تقوليلي جوليا شكون لي وقف معاك شكون راه مؤنسك ومنسيك في همك حتى كملتي سمانة كاملة مخرجتين من شكبرة نقولكم مسلم ووسيم وريمة هاذو الثلاثة كي نقول خاوتي بمعنى الكلمة نوض نلقاهم معايا نرقد نلقاهم معايا كون مش هما كون راه حكمني اكتأب حاد . فاتت السمانة الثانية كيف كيف غير نشوفو في التاقة بصح يبان رجع لحياتو عادي ساعات نسمعو يحكي في التلفون ولا معاهم عادي بالاك البعد صح ينسي . رجعت القراية وانا كنت رتحتً شوي من وجهي وراحت الآثار تاع الضرب جا عندي مسلم قالي صاي ارجعي لقرايتك كملي عامك طلعيه بالشي لي كان . لغدوة صبحت نوجد في روحي ونشوف في روحي في المراية جمرة وطفات حياتي طافات راني عايشة برك هكاك ما عندي حتى حاجة نعيش علجالها . هبطت لتحت لقيتهم يفطرو ملمومين وش راح بخصهم كل واحد فيهم عايش حياتو بالطول والعرض طبعا غير أنا . معليش لي كاتبة من عند ربي هذيك هيا. قعدت حدا مسلم قالي نورتينا تبسمت معاه . سربالي لحليب وحطو قدامي طلعت راسي ليهم نشوف معاهم وانا سرحانة نخمم في الدوا فضلي لازم ليوم نتلاقا بعليلو يمدلي بصح معنديش دراهم منعرف كيفاش راح ندير . كنت شاردة حتى نشوف فيه جا من برة قعد في بلاصتو تاع ديما كان مقابلني بصح وجهي ماشافش فيه حسيت على يد مسلم فوق يدي خزرت فيه تبسملي يكون علابالو وش راني نحس درك وانا خسرت كلشي . تنهدت وعاودت تلفتت لقيتهم كامل يخزرو فيا بالاك كي تنهدت بالصوت هبطت راسي هزيت الفنجان تاع الحليب شربتو على نفس واحد ووقفت . قتلهم أنا رايحة عندي تيدي بصحتكم . جبت خارجة حبسي وسيم قالي نوصل قتلوا ايه وصلني للجامعة هو راح وين يقرأ وانا روحت نقرا كملت على 12 وعيطت لعلي هز عليا ملهوف قالي كيفاش حتى عيطيلي وانا عندي سمانتين نعيطلك متهزيش عليا قتلوا محتاجاتك في حاجة قالي وش هيا قولي قتلوا محتاجة دوا بصح معنديش حقو ادا تقدر دبرلي حتى خمسة ولا عشرة حتى نشوف كيفاش نفكر دراهم قالي معليش بصح راح نجيبلك اخف واحد باه تقدري تحبسي هذا الرهج ، ضحكت قتلوا راك تخمم عليا علاه شكون لي سبابي باه راني ناكل في هاد الرهج ياك انت قالي ندمت جوليا وراني باغية تحبسي قتلوا علاه قالولك نعبز على قفلة نحبس راني مدمنة تعرف وش معناها مدمنة يعني كون منكوسوميش نهبل فهمت ادا تقدر تجي للجامعة وتجيبلي وش قتلك راني نستنى فيك قبل ما يجي وسيم قالي معليش ً. بقيت نستنى نص ساعة جا مدلي خمس حبات في ساشي قالي هذا ما قدرت نجيبلك درك ملقيتش . قتلوا معليش المهم روح درك قبل ما يجي وسيم قالي علاه راكي خايفة يشوفنا وانا مخطوبين ما عندو ما دخلو قتلوا عليلو تعيش روح منيش ناقصة مشاكل ياك قتلك خالي ميحبش هادو لعفايس قالي معليش مبقاش بزاف وتكوني في داري معليش نصبر علجالك . هو راح وانا قعدت ستنيت وسيم حتى جا رجعني للدار طلعت لشمبرتي خبيت الحبات هذوك وشربت وحدة وهبطت تحت بيسك كان وقت الغدا . تغديت وطلعت رقدت بصح تقول ما شربت والوا جسمي دخل في مونك وليت نخبط في راسي مع الحيط من وجاع عيطت لعليلو طيحتلو حتى شبعت قتلوا تمسخرت بيا قالي لالا بصح قتلك راه خفيف ميحكمش فيك بزاف اصبري باه تتهناي . كوبيت عليه وعاودت شربت زوز باه حكم فيا شوي وترخيت . دخلت للفايس بقيت ندخل في القروب نحوس على واحد نقدر نشري من عندو حتى طحت في وحدة قاتلي أرواحي بريفي نفهمك حكيت معاها قاتلي فك عليك من دوا ما عندو حتى فايدة نعرف حاجة تنفعك اكثر منو قاتلي هيروين ليكيد قتلها كيفاش هذا مفهمتش قاتلي ليكيد تضربيه كيما الابرة في العرق تاع يدك راح ينفع معاك اكثر من دوا ويبقا فيك من نهارين حتى ثلاثة ونقدر نفكرهولك بسومة ارخص من الدوا . قتلها جامي جربتو نخاف . قاتلي علاه تخافي أنا راني بيه عندي ثلاث سنين جامي واحد فاقلي راني قتلك خير من الدوا قتلها بصح معنديش دراهم دوك قاتلي دوزة لولة من عندي باطل جربي وادّا عجبك مرة الثانية خلصي قتلها وقتاه تقدري تجيبيلي منو راني داخلة في مونك مدابيا في اقرب وقت قاتلي غدوة نتلاقاو درك نبعثلك لبلاصة ميساج قتلها معليش . وحطيت التلفون خايفة بصح معنديش كيفاش ندير لازم الله غالب حاجة فوق جهدي عليلو جبد بيا البساط قالي مبقيتش نجيبلك وانا اميوسيبل نبقا نهار بلا بيه لازم نعول على روحي . وصل وقت العشا هبطت قعدنا نتعشاو كامل حاضرين حتى اصيل قاعد مفهمتش كي كنتً أنا من شمبرتي كان نهار كامل في الخدمة وليوم كي خرجت أنا ظهرتوا هو ميخدمش .
