السحر الملعون " الجزء الثاني تابع لشيطان زوجي "

الحلقة 2

🕯#السحر الملعون🕯
#شيطان زوجي 2
#صونيا
🤍الحلقة 2 🤍
************
دخلت هند لقاتو يحكي وحدو ما فهمت والو ....
هند : وائل راك في الدوش مع من راك تحكي ....
طل عليها وضحك .
وائل : واه ماما راني هنا ؛ ما نحكي حتى مع واحد باين عليك تعبتي نلبس ونجي .....
دات في شمبرتو تخملو في حوايجو لقات فوطو تاع طفلة سمرة زينونة في وسط حوايجو هزتها وقعدت تشوف في راسها سور هاذي ما تكون غير سلمى .....
وائل خرج لقاها هازة الفوطو حشم دار روحو ما شافهاش ....
وائل: ماما هايا راني ميت بالجوع وخرج خلاها ....
دارت لقاتو مكانش مي شافت حاجة دخلت لدوش حارت هو خرج هبط لتحت ولا دخل لدوش قعدت حايرة ظربت طلة على الدوش ما شافت حتى واحد فيه ؛ حايرة في روحها كيفاش مزالها تتخايل لحد هاذ اليوم مع انها دارت الشيء لي طلبو منها الراقي ....
هبطت لحقتهم لتحت ......
قاعدين في الجنينة يشربو قهوتهم مع الحلوى حتى جاتهم وحدة .....
دارو لقاوها هي كامل فرحو بيها وتوحشوها.....
هند : اه يا زينب ختي شحال توحشتك طولتي بزاف بزاف هاذ المرة ....
زينب : والله يا حبيبتي الخدمة مع المرضى ماشي حاجة ساهلة ها شوفي مزالني بفاليزتي فت عندكم قبل حتى ما نروح لدار .....
وائل ترمى عليها احضنها ...
وائل: توحشتك خالتو عندي شحال ما شفتكش ....
زينب : اه يا واحد العفريت رحت للجامعة نسبت خالتك قول باين كاش بنات ثمة داولك عقلك ....
شداتو من خدودو وبساتو .....
هند : زينب قوليلي كيفاش حالتك والله تباني عيانة ختي سورتو الخدمة مع المرضى لي ناقصين في رأسهم ماشي ساهلة ....
زينب : كون الواحد ازيد شوية تولي كيفهم صدقيني ماشي ساهلة كامل .....
هند ؛ حسام كنت في السرفيس تاع أمراض العقل والجنايات وتلاقيت بطارق حالتو ماشي مليحة غير يبكي وقول راني ندمان في بالي راه ضميرو ماشي مريحو وممكن صح ندم .....
حسام غير سمع هاذ لكلام ناض من بلاصتو شاف معاها وقال : مرحبا بيك ختي زينب مي كي تجي مكان لاه تحكي عليه في داري ....
رفد روحو وراح زعفان حالتو حالة من كلامها .....
وائل: شكون هاذا طارق واش حكايتو مع بابا كون تفهموني وتختاصرو عليا التعب تاع التخمام.....
هند : انت ما تدخلش في هاذ الموضوع اكي حكاية قديمة وفاتت ؛ زينب تباتي معانا الليلة ياك والله توحشتك حابة نقصر معاك .....
دارت براسها تاع ايه ودارت تحوس على حسام ندمت لي جبدت حكاية طارق ....
وائل  خرج هز اللوطو تاع باباه وطلع عند صحابو....
هو قاعد اسوق صونا التليفون تاعو ....
وائل: الووووو وي ...
سلمى : مي انت ما تحشمش من قبيل انا نعيط تقلقت عليك بزاف ....
وائل : هاذا وين قعدت كنت مع دارنا وجات خالتي ثاني ايا هاذا وين خرجت .....
سلمى : باين يماك لصقت فيك كيف مالفة ما تخليكش حتى تتنفس ....
وائل: بديتي ثاني بديتي في هدرتك العيانة ياك قتلك غير ماما لي اخطيها اه بديتي تخلطي في الطيسان.....
سلمى: لا ما قصديش عمري ما تزعفش انا غير بغيتها تخليك على راحتك فهمت لازم تحط في راسها بلي انت كبرت ذرك صايي ....
وائل: راني وصلت عند صحابي من بعد نعاودلك ....
قطع عليها في وجها ما خلاهاش حتى تكمل هدرتها ......
سلمى زعفت بزاف منو وقررت تنتاقم منو غلقت تليفونها وقالت : خليه احوس عليا نشوفو يا سي وائل شكون لي تحكم انا ولا يماك ....
هبط وائل لشط لبحر لقا صحابو يستنو فيه اتاي قهاوي شيشا مشعلين نار وقاعدين في رحبة مجمعين يضحكو وغنو انحو على قلوبهم هم هاذ الدنيا .....
مراد : قرب قرب وائل اليوم طولت شوية غير الخير خويا .....
وائل: هاذا وين قدرت نخرج جات خالتي قعدت معاها شوية.... راك تعرف عيب نوض في وجها .....
دار للباقي وقالهم : سلام كي راكم لي جان .....
حكاية تجيب حكاية ضحك ولعب قصرة ....
طاح عليهم الليل زادت حلات ذيك القعدة راهم في 5 كل واحد واش يحكي على حياتو على حبيبتو على مستقبلو....
لحق دور وائل  قعد ساكت .....
مراد : احكي صاحبي فرغ قلبك ....
وائل: منين نبدا صحبي من ماما لي تمدلي الدوا تاع لمهابل ولا من قرايتي لي عييت نلحق عليها ؛ ولا حبيبتي لي من ذرك حاطة راسها برأس لعجوز ؛ ولا من هاذيك الطفلة لي من كنت صغير لليوم كل وين ندور نلقاها تبع فيا كيف الجن ......
مراد حار في كلامو هاذي اول مرة وائل اقول الشيء لي في قلبو اول مرة خرج قاع لي في داخلو .....
وائل: كلشي نقدر نتحملو صدقوني اما اني نشوف الخوف في عينين يما هاذا لي عييت نتحملو مانيش نحكيلها والو وقريب تموت من الخوف عليا كون نحكيلها مانيش عارف واش ممكن يصرالها ....
مراد : احكي ممكن نلقاو حل معاك صاحبي ....
قعدو كامل اشجعو فيه يحكي حكايتو .....
وائل: من لي كنت صغير كنت نشوف طفلة صغيرة تقولي انا كوثر ختك لي ماتت كي سقسيت يما شوكات حسبتني هبلت داتني عند طبيب وهاذ الطبيب مدلي دوا رجعت كيف المهبول كون ماشي بابا راني هبلت ....
قعدت مدة رجعت ما نشوفهاش حتى وصل عمري 14 عام رجعت ليا كل مرة تقولي انتاحر باش تجي معايا خطرات نرقد نلقا روحي في لرض مرمي ...
نلقا على جسمي بلايص زورق ولا يد كاملة زرقة على لحمي او بزاف صوالح هكذا ......
مراد : مي لازم تروح ترقي ....
وائل: رقيت بزاف مي ذرك راك تعرف الواحد يشرب ما تصلحش في بالي نرقي ....
خلي نحبس عليا هاذ السم قبل من بعد ساهلة .....
قعد يحكي ودار قعد اشوف فيها واقفة جيهت الما تتمشى غير بالشوية دارت ليه تضحك وضحكتها يا لطيف تروع .......
#يتبع 😈