🕯السحر الملعون 🕯
#شيطان زوجي 2
#صونيا
🤍الحلقة 90🤍
******************
متكية في سريرها تستنا فيه احي
اكل عليها ؛ هند جسمها ضعاف بزاف .
زينب شادة لولاد ؛ دخل عليها طارق ودار إشارة بيدو تاع اخرجي نحكي ...
كي خرجو شافاتو قدامها طويل وعريض لحيتو بيضة مداير عمامة ....
طارق : شوفي تقولي نص كلمة نكسرلك عضامك؛ نعرفك مليح كيفاش طبايعك..
زينب : شكون هاذا قول ...
طارق: دخلي جيبي أميرة و محمد أمين نستناك في الجنان ...
تمشي ودور موراها حايرة شكون هاذا او واش بغا في لولاد ...
دخلت هزت كل واحد في جيهة تمشي بيهم ماشي قادرة عليهم في زوج ...
جنة : خالتو نعاونك ...
زينب : هاكي أميرة حبيبتي رفديها ولحقيني...
خرجت ليه قعد يخزر معاهم سورتو في جنة ....
عينيه كبار وكوحل جنة شافت معاه وقعدت تضحك راحت ليه ديراكت حضناتو وقاتلو : جدو عرفتني ولا لالا ....
طارق وزينب نخلعو فيها ...
زينب : تعرفيه هاذا جنة ...
جنة : ايه هو لؤ كان ديما احاوز ذيك لعجوز كي تجي تبغي تضرني وقولي مدامني حي موحال اضروك...
طارق عينيه تحلو دار ليه شاف معاه لقاه يضحك معاها ...
سي حواس : مدام جدو حي موحال احطو يدهم على بنتي ؛ هاتي اميرتي حبيبت جدو توحشها ...
هزها ورجع اشم في ريحتها وعينيه يدعمو ؛ يقرأ عليها في القرآن ويبكي يطلب في ربي يحميهم من هاذ الشياطين لي راهم في عقابهم....
زينب : كون ذرك تقول شكون انت لا صوتي يوصل للبرا وكامل يسمعوني .....
طارق : هاذا جد ميسون وهو لي رايح يلحى حل للوضع لي رانا فيه ...
زينب: عاود واش قلت ؛ يعني هو لي دار هاذ الشيء كامل فينا وانت ......
طارق : ياك قتلك تسكتي ولا تخلصيها غالية ....
سي حواس : انا تبت علابالي ذنبي كبير وموحال تفوت عليا بالساهل مي كل نفس نتنفسو باش نحل هاذ السحر ان شاء الله قبل ما نموت ننقضكم كامل بزايد من الموت بزايد من الشياطين لازم ندير حل ...
ناض باس لولاد وجا خارج طلع راسو لقاها واقفة في الطاقة تشوف فيه وتضحك معاه ...
هند : حسام جيت كنت عارفة بلي تجي قولهم بلي راك كل ليلة تحكي معايا قولهم خليهم اصدقوني ...
غلق عينيه هبط راسو ؛ مشا شوية ودار ليها ...
سي حواس : نوعدك يا مدام نوعدك دمو ماشي رايح اروح هكذاك الشيطان انا لي نحرقو نوعدك ....
هند تبكي وتعيط : حسام ما تروحش حسام ولي ولي ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
