السحر الملعون " الجزء الثاني تابع لشيطان زوجي "

الحلقة 6

🕯#السحر الملعون🕯
#شيطان زوجي 2
#صونيا
🤍الحلقة 6 🤍
************
طلع لبيتو جبد هاذاك لنفلوب قعد اقلب فيه من فوق لتحت خايف يفتحو ....
تشجع وفتحوا قعد يقرا فيه وفتح عينيه على لخر .....
الراقي : اخي العزيز السحر لي راه عندكم حوست عليه ولي أقرب ليكم راه يدي جزء من اللعنة تاعكم واصل السحر مرطابت بزوج عايلات لازم تحوس عليهم ....
اما على المشعوذ الأصلي اذا كان هو لي حكيتلي عليه سور تلقى حجاب عندو ولا عند فرد من عايلتو لازم يتحرق والا سور راه مدفون في كاش قبر هكذا واحد ما يوصلو وتأكد اللعنة لي راكم فيها انتاقلت لأكثر من عايلة حتى انا وتقست منها شحال من مرة يتهجمو عليا وعلى أولادي....
نصيحتي خويا لازم تحصنو رواحكم مليح وبكل الطرق ومن الأحسن تعرفو اصل السحر وتفكوه ولا تحرقوه مع راقي .....
والاخطر من هاذا كل ما راكم تتفارقو وتحسو رواحكم ضعفاء هوما يقواو ويضهرولكم اكثر من قبل ....
اجمع عايلتك وحصنو أنفسكم والله هو الاقوى ....
حسام تشوكا من كلامو من هاذ اللعنة لي هدمت بيوت ماشي غير هوما ....
مالقاش كيفاش يبدأ ومنين يبداها اصلا ....
لي كانو يعرفو حقيقة الموضوع كامل ماتو ....
فشل قعد في سريرو اخمم في كلامو طلع عينيه لسقف لمح نقطة كحلة وهاذ النقطة تتحرك من بلاصة لبلاصة ...
قعد اتبع فيها وهي تكبر بالشوية حتى رجعت قد راس انسان ....
تشكلو فيها عينين وفم فقط ....
حسام اثبت فيها مستغرب واش لي راه صاري ....
كان حايب انوض ما قدرش راه شغل مربوط مكتف من جسمو كامل ؛ حب اعيط على هند تجي ليه ما قدرش ...
قعدو غير عينيه لي يقدر احركهم .....
نطق هاذاك الوجه لي في السقف ..
####: تحوس تفك حاجة راحت من عند اجدادك يعني مستحيل وهاذا لي راه احرضك عليا دا جزائو هاهاهاهاها....
حسام حايب يهدر مي والو تقلق من هاذ الشي ....
######: انا لازم ندي الشيء لي راني هنا على جالو من كل عايلة ندي منها أفراد لي ادير معايا عقد الد.م نخليه اما الباقي يرجعو ملكي ولي اجي احوم فوق حاجتي تضربو اللعنة ....
دخل وائل لقا حسام فاتح فمو وعينيه اشوف في السقف بلا حتى حركة ولا كلام راح ليه يجري احرك فيه والووووو ....
وائل يخبط في باباه حتى شهق ورجع يتنفس ويتحرك تخطف حسام وناض ورجع اقول : وينو وينو وين راح علاش ما كملش كلامو ....
وائل: على من راك تحكي قول او شكون هاذا بابا ....
حسام وجهو ما يتفسرش وشاف القلقة في وجه بنو رجع تكالما وقال : في بالي كنت نحلم ولا كابوس ما كان والو ....
وائل: لازم نلقاو حل يا بابا كل يوم يصرالنا حاجة راك فاهم.....
حسام هبط راسو : لازم راقي اكون مجهد نرقو الدار وحنا معاها ....
وائل دار براسو ايه ....
هبطو عند هند لقاوها قاعدة في الجنينة تشرب في قهوة شافت معاهم عرفت بلي صرات حاجة ناضت عند حسام شافت الد.م في وذنو ...
هند : واش صرالك وذنك تنزف غير قول مكان لاه تخبي .....
حسام : لازم راقي هند اناااا عييت من كلشي ...
هند : سمعت كاين في لمدينة وقالو بلي هايل راه عندي العنوان تاعو كون نحب روح شوفو .....
حسام : هاتي والله نطلع ذرك موحال نزيد دقيقه هكذا ....
هز اللوطو مع ولدو وراحو عشر دقايق لحقو ليه طبطب الباب حسام خرجلو راجل كبير في لعمر لحيتو بيضا كيف الثلج عينيه كوحل ودايرين كيف الذيب ...
شاف معاهم وضحك ....
حسام : غير الخير يا الحاج راك تضحك ....
الشيخ : حسام ولدي طولت باش جست ليا علاش....
حسام حار وجهو تقلب قال سور هاذا مشعوذ آخر رجع زوج خطوات لور  ...
الشيخ : مانيش واش راك تخمم يا ولدي فهمت انا صح عندي مي صالحين وحبو الخير حكاولي عليك بزاف بزاف وتمنيت انك تلحق ليا وراه جابك ربي حتى لعندي وذرك تقدر تسلمني ذيك لبرية نفهم الشيء لي راه صاريلك وبالتفصيل .....
#يتبع😈