🕯السحر الملعون 🕯
#شيطان زوجي 2
#صونيا
🤍الحلقة 64🤍
.
********************
رفد بنتو وروح بلا امها .....
وائل رجليه يرجفو وهو قاعد حاكمها بين يديه : انت جنة امك لي سماتك كانت تحبك حتى قبل ما تخلقي كل مرة تقولي يا درا كيفاش رايحة تكون بنتي ؛ نحبها تشبه لبوها في حيلتها وذكائها ؛
اما تشبه لمها في عينيها وشعرها ؛ تجيب طيبت جدتها وقلب جدها .
كل مرة تتمنى انو هاذ الصفات اكونو فيك يا بنتي ....
حسام اسوق ويسمع في وليدو واش اقول الدموع يهبطو ما حبوش احبسو....
وائل اشم في ريحتها وضمها لقلبو حاس بموس ينغرز فيه .
ملي عرفها مكانش نهار خلاتو مقلق منها ؛ مكانش خطرة زعف وخلاها وحدها كانت ديما واقفة بجنبو حتى في اوقات لي كان هو كيف المجنون كانت هي تمتص الغضب تاعووووو ....
سمية كانت الشخص الوحيد لي تخلي اجمل حاجة فيه تبان ؛ مي ذرك راحت وخلات وائل وحدو الحقد لي فيه رايح يتضاعف اما شكون لي رايح اخلص .....!!!!؟؟؟؟؟؟؟
شاف مع بنتو وقعد أخبر فيها : شمس باباك غابت للأبد يا بنتي اما شمسك انت هاذا وين شرقت موحال نخلي اي واحد اقيس شعرة منك الحب لي كان داتو يماك رجع كلو ليك رجعتي انت حياتي وانت هدفي في هاذ لحياة ....
حسام كل ما يسمع كلمة من وائل قلبو يتقطع ماشي عارف كيفاش اواسيه وخفف عليه موحال احس واش راه احس ولدو ....
وصلو لدار وائل نزل مع قطعة من روحو ... شافاتو هند خرجت تجري ليه هزت الطفلة منو ...
هند : ادخل يا ولدي ...
وائل: ما نقدرش راني نشوف فيها في كب مكان هنا يا ماما راهي واقفة قدام الطاقة الفوق موحال نقدر نقعد دقيقة هنا راح خلاهم واقفين هند دموعها ما حبسوش....
تشوف فيها وماشي مصدقة انو سمية صايي راحت ؛ فارقتهم للأبد.....
خرجت سلمى شافتها في يدها قلبها تزعزع كانت متمنية لوكان حتى هي ماتت معاها ...
قربت ليها نحاتها لهند باستها وقالت : انا هي ماماك ذرك انا رايحة نربيك كيف بنتي ....
هند شافت معاها ونحاتلها الطفلة...
هند : انا واش راني ندير هنا هاذي بنت ولدي انا نربيها .....
دخلت لدار بيها منها فرحانة لي راهي بين يديها و منها زعفانة على موت يماها خلقت اتيمة مسكينة ....
حسام راح دوش نحى هاذاك القش لي فيه د.م سمية ....
مابين قاعد تحت الما جاه واحد مور الريدو تاع الدوش وقال : ديت وحدة فيكم ذرك الدور على شكون انت خير .....
هز الريدو حسام مالقا حتى واحد كان متأكد بلي شاف عبد مور الريدو ......
كي خلص الدوش هز منشفة لف روحو وراح عند لمراية وهنا كانت الخلعة الحقيقة ليه ....
كان مكتوب : وائل هو التالي ....
رجع احوس كيف المهبول على شكون لي كتب هاذ العبارة مكان حتى واحد معاه شوية هكذا سمع ضحكة تخوف هاهاهاهاهاها .......
حسام خاف على ولدو هز التليفون عيا اعيطلو مي والو ما ارجعش هبط عند مراد وقالو اذا يعرف لبلايص لؤ يقعد فيهم ....
مراد : عمو حسام انت اقعد هنا انا نعيط لطاكسي نروح نحوس عليه ذرك راني نقدر نتمشى بالعصا الحمد لله....
حسام : كون نجيبو معاك يا ولدي ....
مراد: لا خليني معاه وحدي احسن والله حالتو صعيبة بزاف كان احبها سمية لدرجة ما تقدرش تتصورها ذرك ماتت ربي اجيب الخير برك ....
خرج احوس عليه مراد؛ اما حسام قلبو ماشي مرتاح كامل خايف بزاف عليه ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
