🕯السحر الملعون 🕯
#شيطان زوجي 2
#صونيا
🤍الحلقة 43 🤍
**************
هو راقد في بيت مراد تعب من هاذ النهار والمشاكل تاعو ؛ دخلت عليه رفدت تليفونو وخرجت راحت لبيتها ؛ قعدت تحوس في لي نيميرو لي عيطلهم هاذ اليوم .
مزية تعرف الكود تاعو ؛ شافت اسم سمية ؛ عرفتها بلي تكون ٨اذي هي لي حكا عليها ...
هزت النيميرو ورجعت البورطابل لبلاصتو وهو لا خبر ...
راحت لبيتها ودارت النيميرو وعيطتلها ....
سلمى : الووو انت سمية ...
سمية : انعم مدام وانت !!؟؟؟
سلمى : انا مرت لي راكي دايرة معاه علاقة ؛ كون تبعدي على راجلي احسن لا ...
سمية ضحكت : اه هاذي انت طولتي باش عيطتيلي كنت حاسباتك تعيطي كي سمعتي لخبر ...
سلمى دمها رجع يغلي : يعني احب اقول راه علابالك بلي مزوج وزادمة...
سمية : نعرف كلشي عليك حكايتك بالتفصيل الممل ؛ نعرف كيفاش خدعتيه مع ولد خالتو وكيفاش زوجك ...
يعني مام تحكي مكانش حاجة رايحة تبدلي رأيي ....
سلمى: مانيش مستعدة نخليهولك ورايحة ندافع على زواجي ...
سمية: انا ثاني وائل نحبو ورايحة نحارب على خاطرو ومستحيل تقنعيني باش نخليه مكان لاه تعبي روحك اكي .....
سلمى : مالة حكالك على اللعنة لي راهي لاحقتهم ولا مزال ولا راه يستنا حتى يدي من عندك الشيء لي بغاه باش اقولك ...
سمية سكتت كيفاش هاذي لعنة ....
هنا سلمى لقات الفرصة : امممممم نفهم بلي مقالك والو اكي ....
سمية : ما اهمنيش واش عندو قابلك حتى لوكان نتحرق في جهنم المهم نكون مرتو وحلالو....
قطعت التليفون سلمى ورجعت كيف البركان تغلي وحدها ماشي قادرة تتمالك روحها ....
سمية تخمم في كلامها : يعني واش لي قاصدة تاع اللعنة ممكن راه مخبي عليا حاجة ...
هزت تليفون وعيطتلو مي ما رجعش عليها ...
خلاتلو ميساج (كي تقعد عيطلي ) .
نزلت سلمى تبكي عند حماتها وحكاتلها على واش دارت ...
هند : كون غير ما عيطتيش ذرك مع لخر تجي غير فوق راسك انت ...
سلمى : كيفاش يحكيلها عليا كيفاش اه حياتي رجعت برا بين الناس...
هند : هاتي النيميرو نحتاجو.....
هزت النيميرو وعيطتلها ....
سمية : الوووووو أنعم...
هند : مرحبا بنتي ان شاءالله تكوني مليحة ...
سمية : مرحبا أنعم مدام شكون معايا ....
هند : انا يمات وائل طنت حايبة نتلاقا بيك اذا ما عندكش مشكل حابة نتعرف على لي خلات ولدي اطلق مرتو على خاطرها ....
سمية بلعت ريقها وحكمتها الفشلة من كلامها ...
سمية : ايه نتلاقو قوليلي ويكت برك نجيك ....
هند : ذرك او نبعثلك لادراس ...
خلات سمية قاعدة وجها مقلوب وراحت هزت صاكها وخرجت ....
وصلو كيف كيف لشط لبحر ثمة كاينة كافتيريا شابة....
هند : في بالي انت سمية هكذا....
ضحكت وسلمت عليها...
سمية :مرحبا بيك تفضلي ...
هند: ازيد فضلك بنتي ؛ جيت نحكو في موضوع وائل.....
سمية قاطعتها : شوفي راكي في عرض يما ربي يرحمها ؛ انا تلاقيت بيه وهو خارج من عند المحامي كان مدمر على لخر حكينا في موضوع طلاقو يعني ماشي انا السبب فيه او ماشي ذنبي اذا حبيتو ....
كنت كل هاذ المدة نقنع في روحي ما نقبلش مي الله غالب ما قدرتش حتى اني رضيت نكون الزوجة الثانية بلا ما أطلقها قتلو معليش وانا لي قنعتو انو اقولها تخير اذا حبت تقعد معاه تقعد المهم اكون معايا حتى واذا كان معاها ؛ عارفة ممكن كلامي اجيك بيزار مي صدقيني تالمو حبيتو من اول نظرة ممكن نتقبل كلشي غير باش نكون معاه ....
كون انت في بلاصتي واش تعملي !!!؟؟؟؟؟.
هنا هند تفكرت الشيء لي فات عليها باش زوجت مم حسام تفكرت صوفيا وعمايلها...
هزت هند راسها وشافت فيها ....
هند : انا حسيتك صادقة في كلامك من عندي ربي اهنيكم ومحال نوقف في طريقكم مي نوصيك فرد حاجة ما تخليهش يظلمها المخلوقة ...
سمية : وعد مني حتى اني مستحيل نمنعو عليها علابالي هاذ الشيء اضرني بزاف وفي كرامتي مي نتحمل كلشي على خاطرو ....
هند بالها مطمن ما فهمتش علاش وكيفاش هاذ الطفلة خلاتها مرتاحة من جيهتها ....
روحت هند وماشي قادرة تشوف مع سلمى ؛ ما لقاتش واش تقولها ؛ غير دخلت هجمت عليها سلمى شدتها من يدها ...
سلمى : ها خبريني واش قاتلك كيفاش دايرة شابة ولا لالا ... قولي خالتي راني نستنا قلبي رايح يخرج ...
هند : ما قدرتش نقنعها؛ قالت قابلة حتى وان يقعد مزوج بيها ؛ يعني مام اجي ليك هي قابلة ماهيش رايحة تمنعو ....
سلمى : انا ما نحبهاش تجي اصلا ؛ انت يسمعلك وائل احكي معاه ازعفي عليك اعيشك حياتي رايحة تتخرب في جرتها ....
هند : هي ما دخلهاش كون ملول سمعتي لراجلك ماشي توصلي لهاذ لمواصل...
شافت فيها سلمى وقالت : تجي هنا تزوج بيه نرجع حياتكم جحيم صدقيني ...
خلات هند مشوكية من كلامها حالة فمها ....
هند تحكي مع روحها: يعني لهاذ الدرجة كنت مخدوعة فيك يا سلمى اه منك مالة تستاهلي الشيء لي راه صاري فيك ....
ناضت توجد لغدا ومقلقة من كلامها دخل عليها حسام ...
حسام : واش بيها حبيبتي زعفانة....
هند : حسام والله لا راني مشوكية من كنتك.
حسام : قتلك ما تدخليش بينهم حتى اقولك وائل...
هند : عندك الحق صايي ربي أسهل هو يعرف احلها بينهم ....
طلعت سلمى عندو دخلت لبيت مراد ...
نحات حوايجها ودخلت في فراشو ؛ قعدت تعنق فيه وكل مرة تنحيلو حاجة ...
فطن وائل ماشي فاهم والو واش راهي قاعدة دير ....
سلمى : انت بغيتني نرضى بالأمر الواقع مالة انت ثاني مدلي حقي وهكذا نقدرو نعيشو مع بعض كامل ...
شاف معاها حتى وان ماشي مصدق كلامها مي هو ثاني جاتو على قلبو وقالها : اكي ما اكون غير خاطرك ....
قعدو تحت لغطا حتى كملو ###### سلمى فرحت لي رجعلها راجلها مي ذرك لازم تلقى حل باش تخلي لخرى تخرج من حياتو ...
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
