السحر الملعون " الجزء الثاني تابع لشيطان زوجي "

الحلقة 45

🕯السحر الملعون 🕯
#شيطان زوجي 2
#صونيا
🤍الحلقة 45 🤍
**************
لابسين كامل جاو حطة  ؛ مي الله غالب مكان لا غنا ولا زغاريت؛ جداتو ما عندهاش بزاف ملي ماتت .
سلمى : انا رايحة لدار بابا موحال نحضر عرسو ...
هند: صح واعرة وانا ما نقدرش نقولك اقعدي مهما واش كاين تبقى هاذي دارك يا بنتي ...
قربت منها سلمى وشدت يدها : ماما هند غير انت لي في صفي وغير انت لي واقفة معايا موحال ننسى خيرك ...
هند : كنت متمنيا طفلة ؛ انت كيف بنتي ما تنسايش هاذ لكلام ...
طلعت لقاتو بكوستيم فرحان ...
قربت منو جات فاص افاص....
سلمى : تعرف وائل انت اليوم قتلت أجمل حاجة كانت فيا ؛ قتلت سلمى لي كانت تحبك ومستعدة دير اي حاجة غير باش انت ترضى ؛ حتى اني كنت حابة نموت على جالك ...
وائل: هاذا وين حسيتي بيا واقيل ؛ شفتي واش راكي تحسي ؛ انا فات عليا الف مرة من نهار فقت بيك خدعتيني ؛ ثمة وائل قالتيه انت بيدك اما اليوم؛ وائل رايح يولد من جديد ؛ كنت حاسب جامي نعاود ندير الثيقة في مرا ؛ مي ربي ورالي العكس ....
قربت ليه حطت شواربها على شواربو ؛ باساتو ؛ من بعد عضاتو حتى تجرح شاربو ونزف منو ....
وائل ما تحركش من بلاصتو خلاها دير لي تبغي ؛ عارف انها تسوفري وحايبها تسوفري وشوفها كيفاش تتعذب .
جبدت راسها ود.مو كان في فمها ....
سلمى : ذرك بيني وبينك دم وراني بلعتو يعني رانا مرطرابتين للأبد مهما واش دير نقعدو مع بعض تفرقنا غير الموت ...
وائل : امممممم رجعتي سحارة هكذا راني نشوف ...
سلمى : اتوقع كلشي مني ياك قلتهالك....
رفدت صاكها وجات خارجة قعد اشوف معاها وعلى شفايفو ذيك الضحكة الخبيثة....
نزلت لقاتها هند خارجة ...
هند : بنتي راكي رايحة ...
دارت سلمى : ايه رايحة بعد ما ديت من عندو لي نبغي ....
حارت هند في الدم لي في فمها وهي خارجة بيه ....
هزت سلمى محرمة وبزقت فيها خرجت الدم لي كان في فمها كامل وخباتها ....
رفدت طاكسي وراحت .....
غير ما وصلت لدارهم حتى يماها رجعت تندب على زهر بنتها .
ام سلمى : يا وخذي رجعتلي بنتي ؛ يا وخذي راجلها اليوم يزوج عليها وهي قابلة ؛ يا وخذي واش ندير لزهري الكل.ب انا ذرك يا يما طلي عليا .....
سلمى : هاو ليك ماما واش طلبتي مني ...
وخرجت ذيك لمحرمة ومدتهالها .....
ام سلمى : نخليه كيف المهبول يجري برا ....
ولد ال###### ماشي مربي .
سلمى : انا تعبانة رايحة نرقد ...
دخلت لبيتها وقعدت تخمم هزت البورطابل وعيطت لمراد بالماسكي ...
مراد : الووووو أنعم شكون معايا ....
سلمى : شفت وين وصلتني ؛ نوكل عليك ربي مراد اليوم عرسو وانا في دار بابا مدمرة ؛ خليتو اهيني لهاذ الدرجة ؛ وانت ثاني ندعي عليك موحال تربح ....
قعد غير يسمع فيها بلا ما يحكي هز عينو شاف وائل مجروح من شاربو مي الفرحة باينة من عينيه .
وبلا حتى حرف قطع عليها وخلاها ؛ موحال اعاود يحكي معاها وعد نفسو بهاذ لكلام هي مرة خره ذرك صاييي ....
سلمى قريب تهبل من تصرفات تاع مراد ....
تغلي وحدها في لاشومبر ؛ دخلت عليها يسمين ...
يسمين : انت لي رضيتي كون ملي سمعتي راكي طلقتي منو وشفتي حياتك ....
سلمى : موحال هو زوجني باش ينتاقم مني مالة حتى انا نقعد وننتاقم منو ؛ حتى ويذا نموت في النهار الف مرة نعاود نتخلق من رمادي كيف طائر الفينيكس...
ما نخليهمش  نهار اعيشوه مليح نولي انا الكابوس ديالهم ....
يسمين : علابالك عندي ايامات نحكي مع مراد طلع حنين بزاف كون غير زوجتي بيه طار بين يديك كيف لحمامة هاذا ....
سلمى : علاش ما تخدميهش انت قولي نعرفك قافزة ...
يسمين: راني موراه باينة هاذي وحتى تقولي انت هههههه
************
خارجة من دارهم لابسة غوب بيضة سانبل ؛ يدها في يد خوها ؛ هي يتيمة الاب والام ؛ كانت متمنية في هاذ اليوم اكون باباها لي خرجها ....
وائل واقف تحت مع باباه يستنو فيهم يهبطو....
زينب ؛ هند ؛ مراد واقفين وراهم .....
زينب : كنت متمنية ماما تكون حاضرة معانا ....
هند: الحمد لله حضرتلو في زواجو مع سلمى ربي يرحمها ....
خرجت سمية كامل لعيون عليها حتى انو حكاو وقالو كيفاش شافوها يتيمة زوجوها بهاذ الطريقة مي سمية ما همهاش كلامهم قبلت بكلشي ....
غير ما قدمت ليهم ناض البارود يدوي تخطفو كامل ؛ شافت زينب مع حسام رجعلها بضحكة خفيفة ...
وائل شد يد مرتو وطلعو في اللوطو لحقت ختها والغاشي ديالهم ....
كي ركبو كامل ديماراو للبيتزيريا باش يتعشو ....
في الطريق مراد اسوق والطنوبيل تزيGزاGي بيهم حتى فقد السيطرة عليها وخرجت على الطريق اما الباقي كملو ما شافوش لاكسيدو لي صرا لمراد ويماه .....
#يتبع 😈