السحر الملعون " الجزء الثاني تابع لشيطان زوجي "

الحلقة 17

🕯#السحر الملعون🕯
#شيطان زوجي 2
#صونيا
🤍الحلقة 17🤍
****************
الوووووو وينك يا صاحبي راهي مخلطة عندكم في الدار ولقيت روحي وحدي ماني فاهم والو عليهم .....
وائل: واحد الساعة ونجي ياك رايحين تقعدو تتعشاو معانا ....
مراد: مانيش عارف ماما طلعت تريح ولخرين راهم يحكو المهم نستناك .....
قطع التليفون وقعد اشوف معاها ...
وائل: ويكت تحبي نديرو العرس قولي ...
انا قلت نديرو خطبة هاذ اليومين والعرس بعد شهر هكذا نتهنو واش رايك ...
سلمى : كيفاش لامزلي وقت نوجد روحي ماشي هكذا وائل حنا لبنات لازم نوجدو الشورة وبزاف صوالح ....
وائل: عندك شهر في يدك هاذا هو اذا ما حبيتيش خلاص ما نزوجوش ....
سلمى زعفت منو ذبلت عينيها ودارت ليه .
سلمى : اصبر شوية خليلي وقت نشاور ماما على الاقل توجد روحها شوف نديروها من نهار الخطبة شهر من بعد اكي ....
ضحك وقبل وقالها : صايي ذرك نوصلك تروحي حنا عندنا ضياف في الدار ....
سلمى : انت ديما تسمح فيا هكذا علاش عليك ديما داركم خير مني ....
وائل: والله كاين خالتي ووليدها وجداتي في الدار ....
هنا سلمى ما فهمت والو : كيفاش خالتك وجداتك ياك قتلي يماك غير وحدة مع خوالك وجداتك توفات ...
واش راك تحكي انت ...
خلي وقت آخر ونحكيلك كلشي هايا ذرك نروحو .....
ديمارا باش اوصلها لاحومة تاعها ...
********* 😈******
زينب تشوف وتعاود سبحان الله شكون لي واقف لهيت ...
زينب : غير خرجي راني نشوف فيك ما تخافيش مني .....
شافت خيال يتحرك بالشوية حتى رجع على شكل طفلة تكون في 17 عام .....
البنت : خالتي زينب انا لي سمحو فيا ومدوني يا درا انت تسمحي ولا لالا ....
زينب : تقدري تقدمي نشوفك مليح راهي ظلمة ثمة نشوف غير خيال برك ....
الطفلة : لا هنا احسن ليك وليا ؛ من قبل وصيتهم اخلو كل واحد في حالو مي هوما ما يسمعوش....
زينب : واش راكي تقولي انت مانيش فاهمة والو ....
الطفلة : كون تقعدي هنا اصيبك ويقتلك غير اهربي .....
تفزعت من كلامها وناضت تشوف شكون هاذي حتى لقات هند في وجها .....
هند : جيت نشوف كيفاش حالتك ان شاءالله تكوني مليحة ....
زينب: مانيش حابة نحكي هند اصلا رايحة نهز يما ونروح ....
هند : علاش تروحي قولي ماكيش فرحانة كي عرفتي بلي انا ختك اه تحرمت منك طول حياتي وكي لقيتك ما فرحتيش حتى بيا.....
زينب : تعرفي احساس تاع واحد رماوه طيشوه ما يحتاجوهش انا هكذا حتى واني فرحت لي انتي ختي الصغيرة مي من لي نشوفك نتفكر بلي انا وحدة ما عندها حتى فايدة رماوها والديها الحاجة لي ما فهمتهاش علاش انا ماشي انت اه علاش اناااااا ....
هند : انا راني نتعذب من وانا صغيرة ومزالتي نتعذب شوفي حالتي كلشي مقلب على راسي ماكيش وحدك لي تتعذبي ؛ اصلا انا واش هو ذنبي زينب قولي ماشي انا لي رميتك ماشي انا لي خليتك كي عرفت حليتلك ذرعيا اسقبلتك وفرحت بيك ....
زينب : اه صحا شوفي راسي كيف خبشتيني شوفي وجهي كيفاش درتيلي ولا نسيتي قولي تحكي عليا ختك انا لي كثر منك بعاد دات منك طريحة وخليتك باش تفرغي قلبك فيا بلا حتى ما نحل فمي .....
هند : هاني قاعدة ديري الشيء لي تبغي ختي اضربيني طيحيلي ؛ ديري لي تبغي المهم فرغي قلبك خلي نعيشو الوقت لي بقالنا مع بعض ....
زينب شافت معاها وقعدت تبكي وتعيط تقول علاش انااااااا علاش رماوني علاش ....
طلع حسام لقاهم يدابزو طل عليهم ولا رجع منين جا قال في بالو : خليهم خير هكذا تهدى النفوس ....
#يتبع 😈