السحر الملعون " الجزء الثاني تابع لشيطان زوجي "

الحلقة 61

🕯السحر الملعون 🕯
#شيطان زوجي 2
#صونيا
🤍الحلقة 61🤍
********************
الايام رجعت اسابيع ؛ والاسابيع رجعت شهور ....
سلمى ما قدرتش تهز روحها من الصدمة تاع يماها وختها ؛ حاكمة شومبرتها ما تشوف حتى واحد قاعدة هي والكوابيس لي عايشتهم؛ حتى انها حست بلي هبلت تاع الصح ...
سمية حست بلي جسمها يتبدل وانها رجعت ترقد بزاف وقلبها يوجعها ؛ راحت عند طبيبة دير فحص حتى خبرتها انها حامل وعندها 3 سمانات.....
فرحت بزاف ومن فرحتها خافت تقولهم وسلمى بهاذاك الوضع خيرت تسكت سع حتى تلقى وقت مناسب وتحكي ......
**********
مراد خرج من سبيطار مي مزال ما يتمشاش راه بالكرسي مي خطرتين في السمانة عندو رياضة تعاونو يرجع يوقف على رجليه ......
زينب كل يوم تروح تزور راجلها لي راه في غيبوبة من نهار الحادث ماشي عارفين وين المشكل وعلاش ماهوش افيق قعد مبرونشي باش يقدر يتنفس ....
زينب كل يوم تروح تحكيلو على واش دارت هي ولدها هكذا ممكن راه يسمعها ويعرف واش كاين في غيابو....
************
ميسون دارت كلشي باش ترجع تقرا اما باباها غاضب منها تاع الصح حطت لاني سانباتيك يعني ضيعت عامها مي قررت انها ترجع العام الجاي بربي ......
************
سمية لحقت شهرين من الحمل وقالت ذرك تبدى اعراضو لازم تخبرهم وتخبر وائل هو لول ....
راحت شرات تقاشير صغار مع بيجامة وحوايج تاع لي بيبي غلفتهم وحطتهم فوق السرير وكتبت افتحني وائل....
خرجت راحت تخدم كي روح هو لقاهم فتحهم ما فهم فيها والو اذا صح ولا لعبة من كاش واحد عيطلها ....
وائل: قولي بلي صح قولي انت لي حطيتيه فوق السرير....
سمية : ايه صح مبروك حبيبي رايح تولي اب .....
وائل ميت بالفرحة هز ذوك لحوايج وهبط عند يماه وباباه وحطهم قدامهم ....
حسام: معناها رايح نولي جد هكذا ياولدي ....
هند : يو مبروك عليكم سلمى حملت ثاني ياه هكذا تنسى همها مسكينة...
وائل: سمية لي حامل ماشي سلمى ماما ....
هند : والله او تسمع سلمى تزيد تهبل كثر من قبل يا ربي اللطف بيك ....
وائل: انا نحكي معاها لازم ترجع تعيش كيف كانت موحال تقعد هكذا ....
خلالهم لحوايج وهوما ميتين بالفرحة وطلع ليها أخبرها واش صرا ....
غير ما دخل لقاها قاعدة في الظلمة تحكي وحدها دارت شافت فيه قالت : مبروك عليك جاياتك بنت شابة ....
وائل: اه واش راكي تقولي انت ....
سلمى : خبروني بلي راهي اونسانت 😈😈😈 وقالو بلي بنت مي رايح تحزن بزاف بزاف يا وائل اذا تخليها تزيد هاذ البنت ....
قرب ليها لقاها مسارنيا حالتها حالة زادت ضعافت كثر من لي كانت .....
وائل: انت لازم نديك ترقي موحال تقعدي هكذا ....
قربت ليه باساتو وقالت : يما قتلوها بويسك كانت حابة تنتاقم منك حبت تسحرك باش تتحكم فيك ؛ كوثر انتاقمت مني ومنها ....
وائل: انت هبلتي صايي ....
سلمى : غير انا لي نقعد معاك حبي كامل اروحو ....
عاودت باساتو وعضاتو حتى جرحاتو من شاربو ....
وائل: شوفي واش عملتي سلمى صافي انت ما تحبينيش....
سلمى : لا نحبك ...
وائل: مالة كون تحبيني البسي قشك نروحو لواحد لبلاصة ونجو ....
لبست شعرها طالع في السما وجها يخلع مي راحت معاه وهي بهاذاك المنظر ....
وصلو عند هاذاك الشيخ: اهلا بولدي ادخل ....
دخلو حطها في ذيك البيت كتفها باش ما تضرش روحها ....
قعدت تشوف فيه وتضحك : اه انت هو لي راك تعرقلي في خدمتي كامل موتك رايح اكون على يدي ....
الشيخ : كون تسهل عليا المهمة وتقول واش اسمك ....
سلمى : علاش ما تجيش انت تخليني نقولو ههههههههه
الشيخ طلب من وائل يخرج بويسك الوضع رايح يرجع أخوف بزاف ؛ خرج وائل وقعد يسمع في عياطها.....
الشيخ: هايا قولي على اسمك .....
سلمى: انا داسم بعثوني باش نخرب الدار عليهم ......
الشيخ : شكون لي بعثك قول مازر هو لي بعثك ....
سلمى : مدامك تعرف علاش راك تسقسي ...
بدا الشيخ يقرأ في القرآن وهي تعيط حتى طاحت داخت وائل ما قدرش يتحمل دخل شاف خيال تاع واحد يتحرق في الحيط وسلمى في لرض مغمية عليها .....
الشيخ تعب من واش كاين ادير قعد أشد في جبهة قلبو ....
قرب ليه وائل شدو يدو وقعدو ...
راح عند سلمى من بعد انوض فيها كي فتحت عينيها حارت كيفاش جات هنا كيفاش حتى وصلت عندو ؛ ياك كانت في سبيطار كي دارت فوص كوش ....
عنقها وائل: خلاص حبيبتي صايي راح هو لي كان أضر فيك ....
شافت سلمى في هاذاك الشيخ وضحكت ضحكة مستفزة 😏
#يتبع 😈