🕯السحر الملعون 🕯
#شيطان زوجي 2
#صونيا
🤍الحلقة الأخيرة 1 🤍
******************
فاتو عوام وسنين ؛ كبرو لولاد لي رجع راجل ولي رجعت مرا ...
جنة: طبق الأصل على سمية ؛ حتى انها تقرا محامات حابة تخلد ذكرى امها ؛ حنينة وشاطرة ..
من لي صرا لسلمى ذاك الشيء وهي تعتني بيها كيف امها تحن عليها تغسلها تمشطلها شعرها يعني الام وبنتها ....
حسام : واش نقول عليه طويل وعريض جايب شكل جدو تاع الصح مي حاجة برك تختالف عليه انو اخب مجمع النسا ههههه تبالي جابها من عند عمو مراد ؛ حسام هو الذراع ليمن تاع وائل شاطر بزاف واعي لواش راه يعمل حتى هو دا طريق هند وائل حايب يخرج كونتابل باش اكمل واش دار جدو ....
وائل: سوفرا على خاطر اولادو دار عليهم المستحيل من واش صرا لسلمى حلف على النساء مزالو عازب ما حبش ازيد محنة على روحو ...
أميرة: عاقلة ورزينة وشابة بزاف جايبة امها في الزين كون جات ميسون حية كانت فرحانة بزاف بيها ...
محمد أمين: طبق الأصل على باباه مراد احب الزهو شاطر يعرف يحكي لبنات كامل موراه وهو ثاني ماشي مقصر معاهم ....
مراد : قعد مدة كبيرة بعد موت ميسون مؤ الله غالب ما قدرش اكمل وحدو عاود زوج بفرح طفلة عاقلة اطهلات في لولاد وكبرتهم بطبيعة الحال كاين مشاكل بينها وبين زينب مي كيف اي دار كنة وعجوزتها مي الحمد لله كلشي فات على خير حتى انها جابتلو طفل وسماتو رضوان ....
****************
جنة قاعدة مع سلمى لي تشوف فيها برك معلوم عندها شلل كامل تمشطلها في شعرها وتحكيلها واش دارت اليوم مع الجامعة ....
جنة : ماما سلمى تعرفي شحال نتمنى كون تنوضي وتخرجي معايا نديك تحوسي في اللوطو لي شراهالي بابا تهبل داتلي عقلي ؛ اه نسيت نقولك ثاني سمير حايب يخطبني مي قتلو ماشي وقتها هاذا عامي لخر كي نبدأ نخدم اجي واش رايك إذا قابلة ارمشي مرة وحدة باش نفهمك ...
سلمى رمشت بعينيها؛ يعني راهي موافقة على كلامها ...
جنة : صحيتي يا ماما علابالك حكيتلك غير انت جتى ماني مزال ما قلتلهاش ؛ او زيد راهم لاهيين بحماية أميرة وحسام ههههه كامل فاقو بيهم و جدو طارق قال البارح انو متمني خويا يزوج أميرة واش رايك انت ...
سلمى قلبها رجع يخبط بزاف حتى رجعت ماشي قادرة تتنفس شافت معاها جنة لقات عينها تقلبو هرجت تجري عيطت للفرملية ....
الفرملية هزتها من ظهرها تنفست بصعوبة ورجعتها كيف ما كانت ..
الفرملية : بنتي ماماك تعبانة كون تخليها تريح شوية غدوة ارجعي كسف كل نهار اكي ....
جنة طاحو دموعها على سلمى وكيفاش تتعذب هبطت لتحت لقاتهم كامل قاعدين قدمت لعند هند ....
جنة : والله شفتني ماما مسكينة...
فرح : صح راهي تسوفري بزاف كون غير ربي اخفف عليها ؛ الموت ارحم الف مرة من هاذ العذاب ...
أميرة: علاش تتمنايلها الموت انا كون جات ماما حية مام هكذا نقبل المهم نشم ريحتها ونشوفها ....
فرح : بنتي ما قصديش هاذ لكلام مي كي نشوفها كيفاش تتعذب ....
أميرة: تبالي ماشي مشكلك هاذ الشيء ....
زينب : أميرة واش هاذ لكلام قولي اعتاذري منها ذرك ...
أميرة: اسفة ...
راحت وخلاتهم وعينيها كلهم حقد عليها ...
خرجت للجنان لقاتو قاعد يشرب في قهوى ...
حسام : أميرة ارواحي واش بيك ...
أميرة: حسام كي نزوجو ياك ما نعيشوش هنا كرهتها هاذ الدار حابة دار لينا وحدنا ...
حسام : منا لهذاك الوقت ربي اجيب الخير عمري ما تبكيش برك ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
