السحر الملعون " الجزء الثاني تابع لشيطان زوجي "

الحلقة 49

🕯السحر الملعون 🕯
#شيطان زوجي 2
#صونيا
🤍الحلقة 49 🤍
**************
طالعة في الدروج تخمم واش من طريقة تخليه يهبل قدامها ...
هزت راسها تشوف فيها واقفة لابسة اونسومبل هازة شعرها ....
قربت ليهم شافتها هند وقفت ليها ....
سلمى : يا ماما راكي مليحة ياك ما صرالك والو ....
سمية غير تشوف معاها كيفاش تحكي مع هند ....
دارت ليها قالتلها : صباح الخير ولا نقولك النحس ما ربحوش عليك كامل ...
هند : بنتي ماشي هنا وماشي قدام الناس عيب هكذا ....
سمية بقات ساكتة خلاتها تحكي كيف حبت ....
وصلت يماها وختها مع سلمت عليهم هند قالت يماها : امممممم شفتو لي يظلمو الناس كيفاش تكون اخرتهم ....
هند : تبالي ختي ما ظلمتكمش ولا عندك كلام اخر ...
ام سلمى : هي لا مي انت ايه ظلمتي بنتي وجبتيلها ضرة ومزالك تحكي وتشركي في فمك ...
هنا سمية جلت قدام هند وقالت : الهدرة معايا انا يما هند ما دخلهاش واذا عندك كاش كلام راني تسمع فيه ....
سلمى : تبعدي قدام ماما لا نجي نمسح بيك لرض فهمتي .....
هند : صايي اسكتوا كامل كون كل واحد أشد دارو هنونا مانيش ناقصتكم...
سمية طلبت السماح من هند ....
اما سلمى قالت : جيت نمدلو الكلية تاعي وهاذا من حقي راه كيف خو راجلي يعني خويا ....
هند : غير انت لي موحال نقبل مكان لاه حتى تجربي ....
ام سلمى : وانت شا دخلك هي دير لي بغات ...
وهوما هكذا يدابزو جاهم الطبيب....
يا جماعة والله عيب تعيطو والناس راهي مريضة وتموت هنا اذا عندكم مشاكل تفضلو برا حلوهم....
وصايي لقينا متبرع ورانا رايحين نقومو بالعملية اليوم لانو ما بقالوش وقت بزاف....
هند : وشكون لي تبرع قول ....
الطبيب : راجل وما حبش اقول على اسمو قال دارها صداقة لله يعني احمدو ربي لي لقينا كلية قبل ما نفقدو المريض ....
قعدو مشوكيين ؛ دخلت هند عند زينب خبرتها مي حارو شكون هاذا وكيفاش عرف بالحالة تاع مراد .....
*****************
اب ميسون قعد نهار كامل غالق على روحو في ذيك البيت قعد يخدم في حروز ....
جاه ريان طبطب الباب ....
اب ميسون: راني خدام ما نقدرش نفتح ....
ريان : قولي واش عليا نعمل مانيش فاهم ....
فتحلو الباب ومدلو بزاف حروز ومدلو اسم واحد لقبور وقالو في كل واحد منهم تحفر وتحط وحدة راني مركيتهم كامل فهمت لازم قبل المغرب تكون كملت كلشي ولدي ....
ريان : حاضر راني رايح ذرك ....
اب ميسون: وينها ميسون هي ثاني عندها حاجة ديرها ....
ريان : راحت عند خالتي خمرية عيطتلها قبيل قالتلها نحتاجك....
اب ميسون: خلاص ذرك نروح انا في بلاصتها .....
كل واحد راح في طريق باش يدفنو الشيء لي عملو ....
وصل ريان عند لقبر لول بدا يحفر فيه حتى حس بحاجة وجعاتو في رجلو طلع سروالو لقاها عضة(لاطراس تاع أسنان ) رجع اقول كون تبعدوني ماشي خير لا اليوم نعيط للملك تاعكم .....
كمل من لول راح للثاني وصراتلو نفس الشيء ....
كل ما يحفر قبر اعضوه...
كيما كمل لقا سروالو معمر د.م طلعو لقا تقريب 20 عضة حتى سالو بالد.م ....
ريان : شحال نكره نجي لهنا كل مرة اديرو فيا حاجة ....
رجع لدار مي كي كان يمشي حس بالدوخة ؛ حتى انو قريب طاح برا....
دخل باباه لقاه ماشي قادر يوقف سطحو على الزربية تاع الصالو وقعد اشوف في الشيء لي صرالو في رجلو .....
اب ميسون: عملت الشيء لي طلبتوه مني علاش تتهجمو على ولدي وانتوما علابالكم بلي العضات تاعكم مسمومين.....
قعد يسمع في اولاد يضحكو ويجرو مع انو غير هو ولدو في الدار .....
هز الحنة وزاد فيها واحد الما كحل وقعد اخلط ويقرا في كلام غريب وعجيب وشد رجل ولدو وقعد اطلص فيها من بعد شد كتانة وغلفها وقالو : اقعد ما تتحركش واحد السعتين والسم يخرج منك تولي نورمال كيف ما كنت ....
ريان : علاش يا بابا يصرا فينا كل هاذا جدي غالط وحنا نخلصو فيها ....
اب ميسون: راني ندير في كلشي باش تقعدو عايشين هاذا لي قدرت عليه يا ولدي ....
خلاه يرتاح وهز تليفون عيط لميسون....
ميسون : انعم بابا راني مع خالتي وراهي مريضة بزاف نقدر نبات عندها الليلة....
اب ميسون: معليش يا بنتي انطهلي فيها وفي ختك الصغيرة .....
غير قطع عليها رجع لذيك البيت وعاود غلق الباب على روحو؛ خرج ورق والحيبر ورجع يكتب كيف قبيل ......
#يتبع 😈