🕯#السحر الملعون🕯
#شيطان زوجي 2
#صونيا
🤍الحلقة 28🤍
****************
راقدة في فراش الموت ماشي حاسة بالشيء لي راه صاري برا سلمى ما حملتش واش دارلها وائل؛ حاولت تنهي حياتها قالت انو العيشة بلا بيه ماشي معيشة ....
هكذا كانت تقول ختها لطبيب قدام الناس الكل زادت دارت ليه وقالت : انت سبابها وائل انت روحها معلقة في رقبتك فهمت ..
رجعت تبكي والديها اشوفو في وائل ومراد بطرف العين ...
مراد : وائل هايا نروحو ياك ما ماتتش من بعد ونرجعو .
وائل: نقعد هنا ومحال واحد احركني ...
لحقت هند وزينب اطلو عليها ...
ام سلمى : واش جيتو تستشفو في بنتي اه بعد ما وليدكم لعب بيها والناس كامل سمعت بالزواج رماها كيف الورقة في الزبالة....
هند : مانيش فاهمة واش قصدك مدام انا جيت نطل على بنتك عيب تحكي بهاذ الطريقة....
زينب: ختي الحمد لله على سلامتها ان شاءالله توقف على رجليها ...
دارت عند هند وقالتها هايا نروحو مي هند ما بغاتش ...
وائل: غير تبرى ندير العرس انا ما تخليتش عليها هب لي غلطت معايا...
ام سلمى : وهكذا سلكت غلطتها هكذا انت بغيت تعذبها ماشي بعيد انت لي عمرتلها راسها ...
زعف وائل تقدم ليها وقال : راهي في فراش الموت اليوم ماما تخطبها منك واذا صح كنتي تحبيها تقبلي بلا مشاكل ...
ام سلمى : قابلة واذا يصرى فيها كاش حاجة نجرجرك عند الشرطة ....
جات الفرملية تسكت فيهم : عيب تعيطو هكذا احكو بالشوية...
مراد جبدو من يدو : كيفاش هاذي تزوجها قول واقيل هبلت انت ...
وائل : تعرف واش حسيت كي شفتها على لرض حسيت قلبي وقف مراد ما نقدرش نخسرها الله غالب ...
مراد غير اشوف معاه ما يقدرش اقنعو موحال يسمعو ....
مراد : انت تعرف خويا من عندي ربي اهنيك المهم انت تكون مليح وراضي ...
دارت هند شافت آية ...
دزت مراد وقاتلو شوف .
راح ليها مراد جا اسلم عليها شاف رقبتها زرقة كامل هزلها شعرها ...
مراد : واش هاذا اه شكون عمل فيك هكذا....
آية : خويا هو لي ظربني كنت محتمة نبعد عليك ايامات فاق بلي كنت في الاوتال على بيها ...
انت قتلي تحتاجني غير الخير ....
مراد : كنت مقلق عليك برك والله وتوحشتك بزاف ...
حشمت آية وهبطت راسها ....
قربت زينب ليها سلمت عليها ...
زينب: اه مالك غير الخير آية شكون ضربك ...
آية : اسمي الحقيقي ميسون مي كامل اقولولي آية ذرك انتوما خيرو كيفاش تعيطولي 😌
مراد : ميسون احلى انا هكذا نولي نعيطلك اكي ....
قعدو كامل يستنو في سلمى كي خرج الطبيب خلاهم اشوفوها مي غير مدة قصيرة واصلا رايحة تفوت على طبيب نفساني ...
دخل ليها وائل زعفان عاقد حواجبو غير شافاتو رجعت تبكي ....
وائل: صايي علاش راكي تبكي قولي تفرطي في روحك سلمى حرام عليك ...
سلمى : واش قيمة روحي وانت بعيد عليا قول دخلت يماها وهند شافت معاهم وهبطت راسها..
ام سلمى : راهم خطبوني فيك اليوم وانا و باباك قبلنا غير تريحي نديرو عرس ...
هند حلت عينيها كي سمعت هاذ لكلام وهي لا خطبت لا والو؛ شافت في ولدها دار براسو ايه وخلاها ...
ماتت بالفرحة بالفرحة سلمى ما لقاتش كيفاش تعبر على فرحتها وحشمت منهم ....
ام سلمى: واش يا حمات بنتي مكانش حتى مبروك ....
هند : ربي يشفيها سع ان شاءالله كي تخرج ونتجمعو كامل ثمة نهنيوهم ونباركو ولولادنا...
ام سلمى : مي ما حكيناش في الشرط ديالها ...
سلمى: ماما ماشي وقتها ...
وائل: خليهم يتفاهمو مع بعضاهم انت لازم تريح اكي هكذا اخرجوك في أقرب وقت .
شاف معاهم وائل وقال : معليش نحكو برا ....
غير خرجو دار لمها: لي تطلبيه انا قابل بيه حتى إذا نخدم ليل مع النهار ...
هند : ولدي ماشي هكذا الناس يخطبو في الديور ماشي هنا ...
ام سلمى : ياك انت تزوجتي في سبيطار ولا حلال عليك وحرام على بنتي اناااا نحب شرط بنتي اكون غالي كيف قيمتها ومن عاداتنا نفس الشيء لختها وديرو حاجة لوالديها وحق الحمام والحفافة ثاني تحطوه....
وائل: اكي خذي راحتك ....
ام سلمى : نسيت الخاتم انا نخيرو شفت ذوقك ماشي شباب كامل ...
هنا هند رايحة تتفلق جات تهدر قطعها وائل: معليش نخرجو من بعد خيري خاتم يا خالتي ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
