السحر الملعون " الجزء الثاني تابع لشيطان زوجي "

الحلقة 53

🕯السحر الملعون 🕯
#شيطان زوجي 2
#صونيا
🤍الحلقة 53🤍
******************
دخلت لدار بعد ما قعدت يومين عند خالتها ؛ ميسون وجها شاحب باين عليها  التعب ؛ غير ما شافها بوها قالها : وش بيك بنتي علاش راكي تاعبة هكذا .
وينها اختك جات معاك ياك ....
ميسون : ايه راهي في الكوزينة قاتلي جيعانة حابة تاكل ...
راح ليها يطمن عليها لقاها كيف ميسون تاعبين في زوج ....
اب ميسون: وش بيكم انتوما علاش راكم في هاذ الحالة .....
ميسون : خالتي مريضة وكلشي علينا تعرف دارها كبيرة وهي عندها غير الرجال .....
اب ميسون: صح كون غير تبيع وترحل في دار تقدر عليها ...
ميسون: بابا عندي هدرة معاك إذا تحب مي وحدنا ....
راحت معاه في بيتها وغلقت الباب ....
ميسون : حبيت نتعلم شغلك صح علمتني حوايج مي انا نحب نتعلم كلشي ....
شاف معاها حاير من لي كان هو لي احاول فيها ما بغاتش ذرك هي لي تطلب فيه ....
اب ميسون : واش بدلك رايك قولي ؛ كنتي تبكي وتقولي غير هاذي لي موحال تصرا وذرك حابة نعلمك ....
ميسون: انت قتلي يا حنا يا هوما وانا خيرت صايي مالة ما عليك غير تعلمني ...
اب ميسون : بعد العصر وقبل المغرب ارواحي وتشوفي كلشي .....
خرج خلاها تخمم في من بعد ...
زربت تكسلت على السرير عيات توقف من لعيا ....
غلبها النعاس ؛ غلقت عينيها وحست بالدوخة راسها داير عليها ماشي عارفة علاش ...
كي عاودت فتحتهم شافت غابة كبيرة اشجال عالية كثيفة حتى نور الشمس ما قدرش يختارقهم....
تمشي وهي تشوف في كل الاتجاهات ...
صادفت مراية كبيرة كبيرة بزاف كب وقفت قدامها جات اقل من نصفها؛ حطت يديها في زوج على لمرايا وقعدت تتأمل فيها حاسة بلي بداخلها ظل رايح جاي يجري بسرعة كبيرة .....
ميسون: انت يالي تجري مالك كون تحبس وتفهمني انا وين ....
حبس ذاك الظل وقف قدامها وقال : في بالي تعرفيني ميسون حتى انك حبيتي تقابليني ؛ وتتعلمي كيفاش تحكي معايا في الواقع ...
ميسون : انت مازر كنت متوقعة ولكن وعلاش هنا وفي هاذ لمرايا ....
مازر : الشيء لي حاباتو مستحيل يصرا مكان لاه تعبي روحك انا يا نديهم كامل يا نخليهم اجيبو لولاد باش تستمر لحكاية ...
ميسون : حياتي مقابل حياتهم ومانيش نضحك ....
شاف معاها عينيه حمر كيف الجمر لي شاعل : لا حبيت اكثر من هاذ الشيء ...
ميسون : واش حبيت قولي انا موافقة....
مازر : الصفقة معايا ماشي بهاذ الطريقة....
لازم........
ما خلاتهاش ختها تكمل منامها فيقتها.....
ميسون راكي تنزفي شوفي ...
شافت كشها لقات الد.م في تريكوها ناضت تجري بدلت باش باباها ما اشوفش حتى حاجة ....
اخت ميسون: كون افيق بينا تعرفي واش رايح ادير ؛ يدفنا وحنا حيين والله ما رايح يرحم وحدة فينا ....
ميسون : اوووووشت هاذا سر بيناتنا بلاكي تنطقي بحرف واحد سمعتي ....
اخت ميسون : ان شاءالله اكون يستاهل هاذا ؛ رانا عصينا أوامر بابا على جالو....
ميسون : ايه يستاهل غلطت معاه خطرة قريب مات وكنت مجبورة نديرها قدام بابا مي ذرك لالا نتمنى الموت تديني ولا هو اموت ؛ نحبو يا ختي نمدلو روحي لا نقدر ....
ارواحي عاوديلي البونداج نخاف لا جرحي يلتهب من بعد نحصل والله ....
جابت دوا وضمادات وبدات تنظف فيه وميسون تتوجع غالق  فمها خافت لا يسمعوها......
وهوما غارقين في كلامهم دخل عليهم ريان بلا حتى ما اطبطب الباب شاف البونصمو لي فيه الد.م قدم ليهم وهوما ساكتات....
ريان : واش هاذا شكون لي مجروحة فيكم احكو .....
ميسون : انا البارح كي كنت نظف عند خالتي جرحني حديد كان في السطح ما حبيتش نقول لبابا ياك تعرفو ما ازيدش اخليني نروح ليها .....
ريان : وجهكم ما اقولش هكذا مي معليش ميسون بابا راه اعيطلك روحي وين علابالك ....
ناضت هزت كلشي رماتو وراحت ليه دقت الباب ودخلت لقاتو موجد كلشي الشمع الجمر حتى البيدون لحمر وفيه الماء زادا....
قالها : اقعدي قدامي وطبقي الشيء لي نقولو ...
قعدت دير واش يملي عليها بالحرف ...
حتى شافت دخان كثيف فوق راسو ؛وفي وسط الدخان زوج عينين اشوفو فيها حومر كيف الد.م نطق باباها: يا سيدي هاذي بنتي ورايحة تكون وريثتي في خدمتي حايبك تمدلها صنعتي .....
سمعو مشي في البيت وضربات جاية من داخل الحيط رجع كلشي يترعد فيها الشمع طاحو ونار الجمر شعلت ...
سمعت صوت جاي من زاوية مظلمة تاع البيت مي صوت مرا وخشين شوية ...
موحال تكون هي الوريثة جسمها نظيف لازم دنسو لازم تعمللها حاجة تخلي السحر ينتاقل ليها ....
اب ميسون : واش لازم دير خبروني.....
الصوت : لازم تاخذ الروح لي نقضتها هاذا هو شرطنا....
رجع كلشي كيف ما كان شاف معاها وقال : ذرك تقولي واش عملتي.
ميسون : واش رايحة نعمل مانيش فاهمة واش صرا اصلا سمعت غير لولاد يضحكو .....
ناض ضربها بكف وقال : يا تعتارفي يا الليلة تموتي. وعيط لولدو شاف معاه : اديها لهيت حتى يرجع مخها في راسها وتحكي واش عملت .....
#يتبع 😈
هاذ الفوطو خدمتهالكم Jôû Jîïtä 💗🤍🌹💋