🕯السحر الملعون 🕯
#شيطان زوجي 2
#صونيا
🤍الحلقة 91🤍
******************
قاعد يتوضى باش يلحق على صلاة الفجر ؛ كيف كل صباح ؛ غير كمل دار باش يمسح لماء لي فيه شافهم واقفين قدامو ؛ هوما لي واقفين ....
ريان ؛ ميسون كلهم مجروحين ؛ كلهم د.م ومجروحين وجهم يخلع ....
سي حواس رجع يستغفر ويقرا في القرآن؛ علابالو بلي راهم مستعدين اديرو كلشي باش هو يقعد حي ...
كلشي مربوط بيه وبحياتو...
خرج تمشى ؛ في طريقو للمسجد شاف راجل كبير في لعمر يطلب ؛ وقف شاف معاه وضحك ...
سي حواس : حتى انك عملتها من قبل يا مازر ؛ نعرف كلشي قادر تعملو من قبل كنت خايف منك وغلطتني كي عملت هاذاك السحر وخليتني ندي بزاف رواح ناس مي ذرك بقات فرد روح لي لازم نديها ويكل كلشي ...
شاف معاه مازر وقف رجع طويل طويل بزاف ..
وقف قدامو وقال : سي حواس نوعدك اذا تخلي الشيء لي في رأسك نخليهم كامل عايشين من خلف لي زيدو لولين هوما لي نحبهم فهمت اما الباقي نخليهم اعيشو حياتهم عادي ...
ضحك ضحكة صفرة وقال : مستحيل نخليك تزيد تدي اي واحد ؛ كيما بديتها انااا نكملها اناااااا ...
رجع يستغفر ويمشي حتى وصل قدام باب المسجد رجع دور راسو ما لقاهش ثمة راح ...
دخل باش اصلي مي اليوم طول في المسجد قعد يطلب ربي يغفرلو ذنوبو وكلشي عملو معاهم ؛ الظلم الشعوذة كلشي صراله وكلشي دارو ...
علابالو بلي مستحيل يغفرلو ربي بهاذ السهولة لازم يتعاقب على الشيء لي صرا...
يبكي وهو قاعد في وسط المسجد حتى شاف واحد صغير في لعمر قرب ليه وقعد حذاه ...
سي حواس : انعم ولدي ...
الراجل : ربي يغفر الذنوب كامل من غير لي تكون بينك او بين انسان اخر ؛ انت دير لي عليك وقعد في التوبة تاعك ؛ مي لازم تعرف بلي راه أوجد في واحد خلاف يدي بلاصتك يعني يا تزرب يا كلشي اضيع منك ...
هبط راسو سي حسام دموعو ما حبسوش عارف بلي قريب اموت ؛ ماشي خايف من الموت قد ما راهو خايف من عذاب ربي ...
هز راسو ما لقاهاش قعد باهت شكون هاذا موحال هوما يدخلو لبلاصة طاهرة كيف المسجد ؛ يعني هاذا الراجل لي جاه وقعد معاه شكون سي حواس يعد غير اخمم فيه ؛ وخمم في طريقة اعجل بيها فك هاذ السحر بلا ما اجيو يدوه ويخفوه على الغاشي كامل ...
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Ужасыحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
