🕯السحر الملعون 🕯
#شيطان زوجي 2
#صونيا
🤍الحلقة 41 🤍
**************
فوت الجنازة تاع يماه ؛ حسام ما شي كيف مالف ؛ رجع جسد بلا روح عايش وصايي ؛ فقد بزاف ناس احبهم في حياتو يعني كيف اي انسان وهاذي سنة الحياة ؛ اما الشيء لي وجعو انو يفقدهم بهاذ الطريقة.
هند : حبي فات شهر على وفاتها ربي يرحمها كانت نعمة الام موحال تلقى وحدة كيفها ؛ اما انت لازم ترجع تعيش كاين انااا وابنك رانا نستنو فيك ..
حسام : راني مليح حبيبتي ما تخميش عليا ...
هند : المشكل تاع وائل لازم نطرقو ليه مرتو كثر من شهر وهي عند يماها ماشي حرام مسكينة حتى انو شافها مرة وحدة برك ....
حسام : انا ما تحبش ندخل في مشاكلو اذا هو ما طلبش مني ؛ اما راني نشوف فيه ماهوش باغي ارجعها ؛ بالنسبة ليا هكذا خير ما اعذبها معاه ولا يظلمها ....
هند : راه عندو وحدة خرى على بيها مطيش مرتو ...
حسام: احنا ما نعرفوش خير منو كيفاش راه باغي اعيش ؛ هند نحذرك انك تدخلي بينهم ...
سكتت تشوف معاه غايضتها سلمى ...
******** *********
سلمى من جيهة أخرى عيات تعيطلو عيات تحوس عليه مي حسام هاملها نهائيا ...
قررت تكتبلو برية وتمدها لحماتها توصلهالو بويسك هو غالق كلشي في وجها ....
سلمى تقول فيها : { اتصلت بك مرة ... مرتين ....3 مرات ...لا أدري كم مرة ... لقد اتصلت كثيرا لكنك لم تجب ....
لم أستطع منع دموعي من السقوط ... لا أريد بعدك ... فتحت حسابي على الفايسبوك وأرسلت رسالة...
تبا ... لقد قمت بحظري ... انهمرت الدموع على خدي ... رميت هاتفي وتلكمت على نفسي ...
أرجوك ... لا تتركني ... لن أخطأ مرة أخرى ... أعدك بأنني سأتوقف عن عنادي ... سأعدك بأنني سأسمع كلامك وأنصت لك ...
فقط إبقى معي ... فبعدك يقتلني ... وهجرانك يميتني ...لم أستطع تمالك نفسي أكثر ... وضعت يدي على فمي أكتم صوت شهقاتي ...
قلبت الصفحة ... اليوم مر شهر على فراقنا ... أكاد أصاب بالجنون ... لماذا يتجاهلني؟! ... أريد أن أعتذر...
لقد قمت بحظري على الفيسبوك ... ووضعت رقمي على اللائحة السوداء.....
لماذا يا حبيبي....
كانت تكتب فيهم ودموعها طيح على الورقة حاسة روحها تخرج منها الف مرة في الثانية ماتت الف موتة بعد ما سمح فيها وطلب منها الطلاق }....
ما قدرتش تكمل طبقتها وحطتها في اوفلوب وبعثت ميساج لهند : لازم نشوفك اذا تقدري ...
هند لبست قشها وجات خارجة من الدار ..
حسام : ما قلتيليش وين رايحة ....
هند : سلمى حبت تشوفني وانا وافقت ؛ اذا ماشي مشكل نحب نشوف كنتي ...
حسام : تحبي نجي معاك ...
هند : لا نحب راسي براسها ...
دارت خلاتو اتبع فيها بعينيه ....
وصلت لكفيتيريا لقاتها تستنى فيها سبحان الله كيفاش ضعافت؛ هند قلبها وجعها كي شافتها هكذا ...
ناضت سلمى سلمت عليها وقعدو كومونداو قهوة كيف كيف....
هند : علاش يا بنتي ديري هكذا في روحك ضعفتي بزاف بزاف ...
سلمى : ولدك رماني كيف الزبل كيفاش حبيتي نولي ...
خرجت لبرية من صاكها ومدتهالها ...
سلمى : مديلو هاذي معاك اصلا كي نعيطلو والو ما تفوتش لبال ....
هند : سلمى وائل عندو وحدة محامية في حياتو كون تقعدي هكذا موحال ارجعك رايحة ترفدي ورقة الطلاق راني متأكدة ....
سلمى شوكات عينيها تغلغلو بالدموع ...
سلمى : واش تحبيني نعمل اصلا رماني وخلاني ...
هند : انت غلطتي كي رحتي بلا ما تقوليلو يعني تعامل معاه كان غالط ؛ انا عندي حل .
سلمى : احكي راني نسمع ...
هند : رفدي قشك ورجعي لدارك ياك ما رماش عليك يمين الطلاق هو مزالو راجلك وهاذيك راهي دارك خوذي رأيي....
خمت مليح شافت معاها ...
سلمى: هايا نروحو من بعد نطلب منهم اجيبولي حوايجي ....
هند فرحت بزاف وحسبت روحها دارت عفسة مليحة ....
غير ما وصلو لدار كان وائل قاعد مع باباه في الجنينة يحكو ....
سمعو المشيء ضحك وائل: جات ماما تكركر في رجليها كيف مالفة ههههه .
غير دار شاف سلمى وقف عقد حواجبو ....
وائل: انت واش جابك قولي اه علاش جيتي ...
ناض حسام وعيط عليه ..
حسام: احتارم روحك ماكش في سوق هنا هاذي مرتك وهاذ الدار مزالها دارها اذا رجعت ماشي انت لي رايح تحاوزها....
دار وائل شاف معاهم زعف بزاف منهم : موحال تحطوني قدام الأمر الواقع فهمتو ...
حسام شدو من ذراعو ودزو قعدو بسيف فوق الكرسي ...
حسام : مدامني مزالني حي تسمع كلامي نهار تحطني تحت التراب دير لي قالك عليه راسك فهمت ...
حشم وائل من كلامو باباه وطلب منو السماح ...
حسام : تفضلي بنتي خير ما جابك ....
سلمى : ازيد فضلك بابا انا خممت مليح وعيطت لماما هند وطلبت منها تجيبني لداري كنت خايفة اذا تحاوزوني.
حسام : مرحبا بيك يا بنتي كيفاش نحاوزوك موحال تصرا ...
وائل ناض شاف فيها : انت مرحبا بيك في دارك وانا باي منها ...
تمشى جاي خارج من الدار لحقاتو هند وتعرفو بلي موحال يرفضلها اي طلب ...
هند : هاك هاذي حبيبي على خاطر يماك لي عندها غير انت في حياتها خمم مليح يا ولدي ما تتسرعش...
باسها وائل على راسها هز ذاك لنفلوب وراح ....
هند : ربي يهديك يا ولدي وتولي لدارك مع مرتك ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Terrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
