🕯السحر الملعون 🕯
#شيطان زوجي 2
#صونيا
🤍الحلقة 81🤍
********************
قاعد يلعب مع حسام الصغير لي رجع في عمرو تقريب عامين ؛ دخلو ميساج هز شاف بورطابلو ...
رانا لقينا الجبانة لي قلت عليها ....
هزو مدو لهند لي كانت شادة التوأم تاع ميسون نع زينب ...
هند : وين حسام تبان راك مزروب ....
راح باس أميرة و محمد أمين دار ليها ...
حسام : انطهلو فيهم مساكن قللي وجعني عليهم يماهم مزالها راقدة وهوما رايحين يغلقو العام ...
هند : تبالي سقسيتك مالك حسام وليت تهرب من الهدرة بزاف ...
حسام : لا حبيبتي راه طارق يستنا فيا لتحت عندنا خدمة مزروبين شوية ...
باسها على خدها وخرج وصل للباب دار شاف معاهم شغل أودع فيهم قلبو مضغوط بزاف شداتو حمة باردة في جسمو ...
خرج طلع مع طارق وراحو..
مسافة الطريق ووصلو لدوار وين كانت تسكن ميسون؛ راحو لجبانة لي قال عليها طارق غير ما دخلو حسام بدا احس روحو ماشي مليح ؛ تقطع النفس فيه ورجع يسعل بزاف ...
طارق : واش بيك حسام غير الخير ..
حسام ينهج ويحكي : مانيش عارف ذاق صدري عييت نتنفس ....
وقفو شوية حتى رجع يتنفس وكملو المشي ...
غير قربو من لقبر طاح حسام على لرض قعد يتخبط في بلاصتو ..
طارق مخلوع ماشي عارف واش ادير شادو بين ذرعيه الدموع اطيحو على خد حسام ...
حسام مد يدو وقعد ادير بصبعو على واحد لقبر ؛ قاعد ينفض في انفاسو الأخيرة لازم اوريلو لقبر قبل ما اموت لازم ...
في نفس الوقت عيطت زينب لطارق غير ما هز عليها قالت : طارق طارق اجري ليا ميسون فتحت عينيها مي ما علاباليش واش صرا عيطت عيطة وحدة قالت حسام ؛ ذرك ماهيش تتحرك واش لازم نعمل قول ....
هي تبكي وطارق يبكي ماشي فاهمين واش كاين ..
طارق عيط للاسعاف ماحبش اقولها على حسام ..
غير لحقو لسبيطار اعلنو بلي حسام مات في الطريق بسكتة قلبية حادة موحال كانو قادرين يلحقو بيه ..
5 دقايق موراهم لحقت إسعاف أخرى فيها ميسون وزينب ...
مع دخلت لقاتو مرمي على لرض يبكي بحرقة ماشي قادر يرفع راسو ....
راحت ليه تشوف في حالتو ..
زينب: طارق واش كاين ميسون جبناها حالتها حالة وانت علاش راك هكذا ما تخافش ان شاءالله تكون مليحة ...
ما كملتش كلامها دخلت إسعاف أخرى فيها ريان وباباه ؛ لعرق اسيل منو قاعد يبكي على اوليدو دار شاف طارق في لرض راح يجري ليه ..
اب ميسون: وينها بنتي وين ديتها ..
زينب: هاذا وين تفكرتها راهي داخل مع الطبيب ...
هوما بهاذ الحالة وسمعو الأطباء ملور يحكو ماشي مصدقين واش راه صاري ...
طبيب ١: كيفاش 3 ماتو بسكتة قلبية نقول الراجل شوية كبير متقدم في لعمر في هاذو لزوج صغار يعني راهي كاثرة ....
طبيب ٢: انا ثاني حاير مكانش عندنا حتى وقت نلحقو عليهم ....
قرب منهم اب ميسون: كيفاش معناها أولادي في زوج ماتو هكذا راكم تقولو ...
زينب : اصبر اصبر راك تقول ميسون ماتت هكذا كيفاش ماتت كانت حية كي دخلت ما عندهاش 10 دقايق ...
وزيد شكون لوخر لي مات راك قلت ثلاثة علاش ساكتين احكو ....
الطبيب ١: كاين واحد حسام اصلا توفى في الطريق ..
ميسون وهاذا لي دخل ذرك يعني ثلاثة رانا مشوكيين ماتو بنفس الحاجة سكتة قلبية في ثلاثة ...
ماشي مصدقة واش سمعت طاحت ديراكت في لرض داخت ...
هزوها داوها لشومبرة تحت المراقبة وخرجو عند طارق طلبو منو انو اعيط لدار حسام باش اجو اشوفو الجثة تاعو ....
طارق هز بورطابلو وعيط لوائل ماشي قادر اقول لولدو بلي مرتو توفات ...
وائل: عمو طارق ياك لباس على ميسون؛ بابا راه معاك قاتلي ماما رحتو مع بعض ...
طارق : اه اه يا ولدي لازم تجي لسبيطار وجيب معاك هند ومراد خلو لولاد عند سلمى اذا تقدر خير لينا كامل يا ولدي ...
وائل: غير الخير عمو واش كاين ان شاءالله ميسون مليحة ...
طارق : لازم تجو نستناكم ...
وقطع عليه التليفون.
وائل شاف مع يماه وقال : عمي طارق ماشي مليح كامل ما فهمتش واش كاين خلعني....
هند : قلبي مضغوط يا ولدي حاسة بلي شيء ماشي مليح راه صاري ان شاءالله نلحقو نلقاوهم بخير حتى باباك هاذ ليام مكانش في حالو ما فهمتش واش لي صرالو ....
وائل: لازم نروحو يما نخلو لولاد عند سلمى ....
سلمى : يا خاه موحال نقدر عليهم في 4 وائل خلي يماك تقعد معايا ....
وائل: لالا عمي قالي لازم تجي ...
طلعو في اللوطو وراحو قعدت سلمى منشفة لقات روحها بين ربع اولاد ...
غير ما لحقو لقاو طارق قاعد على لرض حالتو حالة الدموع اطيحو ...
هند ماتت بالخوف تحوس على حسام ماشي شايفاتو معاه راحت تجري ....
هند : طارق واش بيك وينو حسام واقيل دخل عند ميسون...
هز راسو وقال : حسام حسام مات يا هند مات ...
بلا ما تفيق هبطت كيف الورقة على راسها ...
وائل عيط من الخوف وقال : يما يما ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
