السحر الملعون " الجزء الثاني تابع لشيطان زوجي "

الحلقة 48

🕯السحر الملعون 🕯
#شيطان زوجي 2
#صونيا
🤍الحلقة 48 🤍
**************
غالق كلشي في ذيك البيت حط صحن فخار فيه الجمر وشعل الشمع في كل زاوية منها ؛ جاب كتب عليها طلاميس وكلام غير مفهوم وقعد يهدر ويستحضرهم .
اب ميسون حايب اكمل المهمة تاع باباه ؛ عايلتو راهي في خطر ومازر ماشي طالقو حتى انو قتلو خوه لي من لحمو ودمو ....

جاب بيدون حمر وصب فيه ماء وبدأ ارش فيه الملح.
رش المرة الولى وقال : يا من عاش معي كل ايام حياتي أظهر...
زاد رش الملح للمرة الثانية وقال : أظهر وعليك الأمان يا من انت معي ليلا نهار ....
وزاد رش الملح للمرة الثالثة وقال : اعاهدك باني سابقي عليك .
شوية هكذا بدات النار تشعل وتطلع من الشمع عرفها بلي راه جاي ليه ...
حكم جاجة وهز مو.س وذب.حها  ؛ وهز ذاك الد.م وقعد يكتب في رموز على وجهو وذرعيه باش يقدر يحكي معاه .....
مازر : علاش ستدعيتني؛ كشما درت حاجة ...
اب ميسون : يا سيدي عيطتلك باش تسامحنا وتسامح بابا لي غلط معاك ودارك حارس لهاذاك السحر ...
مازر : انت تعرف العاقبة يا هو لي فكو يا كل واحد مربوط بيه اموت ؛ ولا تمدو اللعنة لجيل لي بعدكم ؛ كامل عقدتو معايا ؛ اما لي يرفض القبر هو لي لمو ....
ميسون جات غير بالشوية قربت وقاعدة تشوف من ثقب الباب شافت غير ظل كبير وطويل وباباها يهدر ....
اب ميسون: حنا ما عندنا حتى ذنب ....
زعف مازر : يا طبق يا روحك هي النتيجة ...
شافت شغل عاصفة صغيرة ريح قوية طفات كل الشموع ...
وباباها طاح من حيلو ما لقاش واش يعمل ؛ حتى انها شافتو يبكي وبالصوت.....
هربت وغاضها بيها كي شافاتو هكذا وقررت انها تتعلم هي وتستحضر الشيطان وتطلب منو انو يديها هي في بلاصت عايلتها ....
***************
دارو لي طوعو باش امدولو كلية مي الله غالب مكانش واحد فيهم مطابق معاه زينب قريب تموت ؛ تشوف فيه اخرج في الروح مي ماشي قادرة دير اي حاجة ؛ منا راجلها ومنا وليدها ؛ في دقيقة تقلبت حياتهم إلى جحيم؛ كابوس وهي فايقة ....
هند : قوليلهم اعاودولي التحليل انا خالتو ممكن غلطو برك ....
زينب : موحال يغلطو ختي نعرف خدمتهم حتى الطبيب راه زميلي ما يقدرش اخبي عليا حاجة؛ يا ربي كيفاش ندير انا ذرك كيفاش نعمل باش نشوف ولدي واقف من جديد على رجليه .......
قاعدين يحكو وائل عاود صونا بورطابلو....
خرج برا باش يحكي على راحتو....
ميسون: كاش خبر قولي ....
وائل: ميسون مكانش حتى واحد يقدر امدلو والله رانا نشوفو فيه اموت قدامنا .....
هو يحكي معاها هز راسو وهنا كانت مفاجأة كبيرة ؛ سلمى جاية لسبيطار. 
وائل: ميسون راهم جاو المشاكل من بعد نعيطلك ....
فهمت بلي سلمى لي جات وعارفة بلي هي رايحة دير المستحيل بأس وائل ومراد يسطادمو على جالها ....
لبست خيمار باش واحد ما يعرفها وراحت لسبيطار....
************
وائل: واش لي جابك هنا قولي ياك رحتي لدار باباك مزالكي ديري في رأيك....
سلمى : سمعت لخبر جيت نطل عليكم حتى ماما ويسمين نخلعو راهم مورايا شوف.....
ما تقوليش ليل كامل وانت هنا واقف ؛ يا خسارة ليلة عرسك فوتها في سبيطار ؛ وينها المدام راهي في الدار تستنى....
وائل: راهي لفوق تستنى فيك قاتلي نستنى سلمى تجي ....
حست النار تخرج من نيفها خلاتو واقف وتمشات شوية ودارت ليه ....
سلمى : باين انا لي رايحة نمدلو كليتي 😏😏😏😏 تولي حاجة مني مغروسة فيه ....
قالت زوج كلامات وراحت خلاتو جن جنونو منها .....
لحقت يماها وختها لقاوه واقف ثمة ....
ام سلمى سلمت عليه وقالت : يا وخذي واش صرا فيكم يا لطيف شغل واحد بات يدعي فيكم واش هاذ الزهر ....
مشات ومزالت تهدر ماشي باغية تسكت ....
يسمين : ما تشوفش ليها راهي زعفانة ؛ سؤ نورمال مكانش ام ترضى الشيء لي صرا لبنتها .....
وائل: والله انا عطيتها زوج حلول هي لي راهي راضية بهاذ الشيء تتحمل كلشي مالة ما تقدرش تلومني ذرك ......
#يتبع 😈