🕯#السحر الملعون🕯
#شيطان زوجي 2
#صونيا
🤍الحلقة 21🤍
****************
سلمى وجها تبدل ما لقاتش واش تقول شافت معاهم آية ....
آية : كون رجعتي عليا ماشي خير ولا خفتي تقوليلهم بلي نعرفو بعضانا ههههه وائل انا نعرف سلمى مليح ممكن على بيها خافت كشما نقول عليها...
وائل: اوووووو راكم مخبيين حوايج علينا مالة ....
آية : قرينا مع بعض من قبل برك ماشي كنا صحابات....
ضحكت سلمى ضحكة صفرة ورجعت تتنفس عادي ....
وائل: انا اليوم حبيت نشكر ماما لي وقفت معايا بزاف وبغيت نمدلها كادو .....
جبد ذيك الGورمات ومدهالها ؛ كي فتحت لابواط حارت شحال شابة وكبيرة وزيد ثقيلة ...
شافت معاه ودمعت فرحت بزاف بوليدها؛ اما سلمى حست بالغيرة وشر باين من عينيها ....
وائل: مزال ما خلصتش ههههه وهاذ الكابوس لسلمى نعرفها غيارة ههه ...
حلاتو ما عجبهاش مي دارت روحها فرحانة سلمت عليه وقاتلو مرسي حتى انها ما لبساتوش ...
هند لبست Gورمات تاعها وتنعت فيها ليهم كامل ؛ وائل غير اشوف في ردت فعل يماه وسلمى وحدة فرحتها ما توصفش ولخرى مكشرة وعاقدة حاجبها ....
مراد : اسمحولي نروح نغسل ونجي ....
راح مراد وسلمى حابة دير حجة باش تنوض بزعت القازوز عليها ....
سلمى : يو توسخت نغسل ونجي ....
ناضت تجري راحت تغسل هي داخلة وهو خارج جبداتو دخلاتو معاها لتوالات ....
سلمى : توحشتك والله توحشتك ....
مراد : اخطيني فهمتي صايي اصلا مكانش بينا حتى حاجة ...
سلمى : علابالي بلي تحبني وشكون هاذ #### لي جبتها سور من كاش بار هكذا ....
جا يخرج شداتو دوراتو ليها جا يهدر باساتو على فمو هنا جن مراد وضربها بكف مكانش حاس بواش راه يعمل ....
ردت فعل ..
خرج طاح ديراكت في آية وسلمى موراه ...
آية غير الخير واش بيكم ...
مراد شدها من يدها وراح ...
قعدت سلمى تبكي في التوالات حتى سمعت وائل: سلمى علاش تبكي علابالي ماشي عاجبك الخاتم صدقيني نشريلك واحد خير منو ...
حلت الباب وترمات في حضنو وقالت : احلف بلي جامي تخليني ولا تسمح فيا قول وائل احلف ....
قاعدة ترعش بين يديه خاف عليها بزاف زاد حضنها وقالها : موحال نسمح فيك انت عمري سلمى ....
************
رجعو قعدو كامل تغداو كملو غداهم ....
وائل: مراد كون نهزو لبنات ونروحو واش قلت ...
مراد : ايه فكرة مليحة ؛ ماما تسمحيلنا معليش....
زينب : ايه روحو مي من بعد عيطولي اكي ...
هند : خليهم ختي رايحة تلصقي يا من ذرك ههههه
خرجو مع بعض ركبو مع وائل؛ سلمى قدام وآية مراد مع بعض لور ....
وصلو واحد البار جيهت شط لبحر دخلو كامل شدو بلاصة ....
وائل: استنو هنا ذرك نجي انااااا ومراد ...
غمزلو وناضو راحو وين اكومونديو....
وائل: انت او آية تاع الصح رايحين تزوجو ...
مراد : لالا غير قلت قدام ماما هبلتني ...
وائل سكت مستغرب من تصرفاتو تاع اليوم ماهوش كيف عادتو ...
رجعو قعدو ولبنات غير ساكتات....
وائل: تبان ما توحشتوش بعضاكم هههه .
آية : ما لقيناش نوضوع نحكو فيه برك ....
مراد هز بورطابلو شاف لي ميساج تاع سلمى ورجع عليها ( يا تقولي انت يا نحكيلو اناااا )
رجع حطو ....
وائل شاف كلشي شافو كي بعث وشاف بورطابلها كي صونا وهنا تأكد بلي يعرفها من قبل حب اقنع روحو بلي مكان والو بينهم سكت ما حبش اقول حتى حاجة .....
سهرو مع بعضهم وائل شرب شوية وقالهم كاين اوتال هنا شباب واش رايكم نكملو فيه السهرة فرحت آية وقالت : فكرة شابة ...
دخلو حكم وائل ريزارفا فيه اوتال شيك ...
قعدو لتحت كانت حفلة ثمة شرب وائل بزاف حتى سلمى وشربت معاه ما حبش اروح قالها كون تقعد معاه حتى لعدوة خافت اذا تقولو لا يزعف ...
طلعها لفوق ورجع عند مراد ...
وائل: واش كاين بيناتكم قول ..
واش بينك وبين سلمى شفتكم...
مراد بلع الريق تاعو جا يحكي زدمت آية : وحنا نقعدو ولا نروحو ...
مراد: كيما تحبي...
آية : خلي نقعدو حنا ثاني حابة نحكي معاك ونتعرف عليك ....
رجع وائل عندك سلمى ترمى فوق السرير...
وائل: كون تجيبي يدك خضرا موحال نامنك فهمتي ....
سلمى شوكات وقربت منو تقول في داخلها ( سور حكالو كلشي )
سلمى : ما فهمتش واش راك تقول ...
شاف معاها وباين باي غضبان وجهو مبدل ...
وائل: قوليلي الصح واش كاين بيناتكم انت و مراد....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
