🕯السحر الملعون 🕯
#شيطان زوجي 2
#صونيا
🤍الحلقة 79🤍
********************
تقشر في لبصل ؛ الدموع يهبطو من عينيها ؛ شغل دارتها بالذمة باش ما اشكوش بلي راهي تبكي صح .....
دخل عليها حسام تخطف من واش شاف ؛ قرب منها وقال : ميسون رايحة تفضحينا؛ واش تفاهمنا قولي ياك حلفتي على المصحف بلي ما تخلي حتى واحد احس واش كاين ...
ميسون: مانيش قادرة نشد هاذ لكلام ليا سامحني والله واعرة بزاف قلبي رايح يتفلق ....
حسام : اتخيلي هند تسمع تقعد غير تبكي ؛ الوقت لي بقالي معاها مانيش حايب نفوتو وانا نشوف فيها تذبل يوم مور يوم فهمتي ...
مسحت دموعها وقالت : صايي وعدتك خلاص نسكت ...
مع قالت هكذا دخل مراد وسمع كلامها ...
مراد : امممممم سوكري بينكم واش وعدتي صايي انا سمعت لازم تقولولي ...
حسام : شريت كادو لهند وشافاتو ميسون قلتلها تسكت ؛ بلاك تحكي انت ثاني ....
قعدو يضحكو والحزن باين في عينيهم ..
مراد : وانت علاش راكي تبكي قولي ...
هزت البصلة وقاتلو : هاذي سبابي هههههههه
خرج حسام وقعد اشوف معاها باش ما تفضحوش...
مراد : مالك ماكيش مليحة كامل فهميني ...
ميسون: ولدك ولا بنتك لي عياوني هههههه بقالنا يومين ونروحو نشوفوه ...
مراد راني مامني يلحق هاذاك النهار ما تصدقيش كيفاش قلبي يخبط وحدو ....
خلاها قاعدة تكمل في الماكلة جا يخرج سمع حاجة طاحت ...
دار لقاها في لرض دايخة ؛ راح يجري ليها ما قدرش انوضها رجع اعيط على يماه باش تجي تشوفها ....
غير لحقت زينب شافتها تنزف من فمها ...
زينب : لازم ذرك نعيطو للاسعاف موحال واحد اقيسها ....
لحقو الإسعاف داوها لسبيطار؛ خرج ليهم الطبيب وجهو ماشي مليح كامل ...
زينب: فاتح واش بيها بنتي علاش داخت قول ...
الطبيب: صراحة ما علابالناش واش بيها دخلت في غيبوبة مي الأعضاء تاعها كامل يخدمو عادي حتى لي بيبي راهم ملاح ....
مراد : كيفاش هاذي لي بيبي واش قصدك ...
الطبيب: راهي عندها توأم يعني نقدرو نراقبوهم حتى وهي في غيبوبة تحتاج عندي كبيرة مي نقدرو ماشي اول حالة تصرا هاذي ....
مراد قلبو تقطع ماشي فاهم واش بيها ميسون ما لقا لا يفرح ولا يزعف....
وهوما في هاذ الحالة مقهورين ماشي عارفين الشيء لي صاريلها ؛ اب ميسون كمل خدمتو من الجيهة لخرى ...
اب ميسون: صايي كملت خدمتي ؛ وذرك واش نديرو .....
هو: راه عندها توأم لازم واحد نديه والا ندي أولادك في زوج ...
اب ميسون: لا خلي أولادي ادي واحد فيهم ما اهمونيش هوما انا اهمني ميسون وريان خليهم واش ذنبهم ...
هو : دبر راسك لازم تقعد هكذا حتى يلحق الوقت تاع حسام ؛ دبر راسك القبر لازم ما يلحقوش ليه فهمت ولا رايحة تكون اخرتك ....
اب ميسون: اديني انا قابل خلي أولادي؛ مزالو صغار ما شافو والو من هاذ الدنيا يكفيهم انهم يكرهوني قابل المهم خليهم عايشن .....
قرب ليه شدو من رقبتو : انتوما كامل ملك مازر مكان حتى هدرة خرى ...
غير ما اختفى بانت رقبتو محروقة شغل حط حبل من خمر عليها ......
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
