السحر الملعون " الجزء الثاني تابع لشيطان زوجي "

الحلقة 39

🕯السحر الملعون 🕯
#شيطان زوجي 2
#صونيا
🤍الحلقة 39 🤍
**************
حسام واقف عند راسو ماشي عارف واش يعمل لوليدو لي راه يتوجع قدامو الطبيب اشوف في هاذ لحريق لي تعرض ليه وائل بداتلو في كف يدو ورجعت تنتاشر في جسمو كامل ....
الطبيب : صراحة مانيش فاهم هاذ الشيء لي راه صاريلو كون نقولك جرثوم ولا بكتيريا ما ديرش هكذا نديرولو تحاليل ونعيطو طبيب الجلد هو لي يعطينا معلومات ....
خرج الطبيب جاتهم زينب تجري خافت عليه هند لي خبرتها ....
زينب : ماشي حاجة نورمال هاذي لحريق ما ينتاشرش بهاذ الطريقة يا وخذي على ولدي واش راه صاري فيه ...
وائل شاف كوثر وقاتلو : روح عند الشيخ ازرب ...
وائل: شاف ليهم : بابا هايا نخرجو نروح لهاذاك الشيخ لي عاون مراد ...
زينب: ايه صح هو لي يقدر روحو ذرك نلحقكم ...
هزو بلا اذن الطبيب وخرجو يجرو؛ وائل ماشي قادر حتى يمشي طاح ليه في لرض ...
حسام هز راسو لقى طارق واقف عندهم مشوكي كيفاش حتى جا كيفاش صحح وجهو وجا قابلو ...
حسام كان رايح ينطق حبسو طارق ...
طارق : ماشي وقت نتحاسبو فيه قولي وين ماديه نعاونك شوف ماشي قادر حتى يوقف ...
حسام شاف في ولدو وقال : مديه عند واحد الشيخ ممكن يعرف واش بيه ...
هزوه في زوج حطوه ملور طارق اسوق وحسام مع وليدو ؛ أوري الطريق لطارق...
غير ما وصلو خرج هذاك الشيخ وقالهم : كنت نستنى فيكم طولتو بيه ....
دخلو لواحد البيت طارق حاير في الشيخ وحاس بلي يعرفو....
الشيخ : لازم تنحولو قشو كامل خلوه غير ب##### كيف ما قال عراوه لقاو البقع تاع لحريق في جسمو كامل والحمة طالعتلو ؛ .
قعد الشيخ امشي في يديه على جسمو كامل ويقرا في كلام غير مفهوم كل ما احط يدو على بلاصة محروقة شوية وتروح اما هو يقعد اعيط ؛ حارو فيه واش لي راه صاريلو علاش راه اعيط هكذا ....
قعدو تقريب ساعة وهوما بهاذ الوضعية حتى حسام قريب يهبل من الشيء لي صاري ...
كمل الشيخ واش كان يعمل اما حتى طاحو دموعو وجهو تبدل ؛ حتى الهدرة ماشي قادر يحكي ...
قرب ليه طارق حط يدو على ذراعو ؛ كان باغي يحكي معاه حتى للشيخ عيط وقال ايييييي .
هزلو المونش تاع ذراعو لقاه محروق ؛ جلدو محروق ؛ رجع خطوتين لور حار ....
تنهد الشيخ وقال : الشيء لي كان فيه راهو فيا بقات البقعة الأصلية لي في يدو مزالت يعني يقدر تعاود تجيه هاذ الحالة اصبرو عليا منا لغدوة نلقالو حل بإذن الله ...
طارق: مي علاش جاو فيك انت البقع تاع لحريق ...
الشيخ : ربي عطاني هاذ الحكمة كاين انواع من السحر نقدر نمتصو ورجعو في جسمي مي مع الوقت اروح نعالجو ، يرجع مهوش خطير بنفس الدرجة لي كان عند مولاه...
حسام : يعني ولدي زادو سحروه سبحان الله...
وشاف مع طارق ...
الشيخ : ايه للأسف هاذ لمرا حابة تتحكم فيه تملكو؛ ومع اللعنة لي عندكم يتكاثر السحر يرجع خطير للغاية ؛ اي شي يوقعلكم لازم تجو عندي بلا ما تستنو....
اما انت يا طارق راني فرحان لي رجعلك عقلك ورجعت الراجل لي كان يعرفو حسام ....
شافو في بعضاهم حايرين في كلامو ؛ شكون قالو عليه كيفاش يعرفو ....
وائل: معليش تقولي شكون هاذي راني حايب نعرفها ...
الشيخ: لا مستحيل مي اجي نهار تعرفها وحدك اما ذرك لازم تترقى وتشرب ماء مرقي ونعطيك زيت فيه حبة سودة تدهن بيها جسمك كامل وان شاءالله ما يبقى والو ....
اما هاذي مولات السحر انا نتكفل بيها ....
انصدم حسام بكلام الشيخ كيفاش مزالو ناس دير هاذ الشيء كيفاش اروحو اديرو السحر والشعوذة باش يقضو حاجاتهم .....
زادو قعدو ساعة اخرى من بعد سمحلهم يخرجو ....
رجع طارق عندو حايب يفهم كيفاش يعرفو ...
الشيخ : انا لي نقضتك من الموت باباك ربي يرحمو حبيبي وخويا اما نهار عرفت بلي انت قاسك المشعوذ سي حواس د ت كلشي باش ما تروحش بين الرجلين ....
طارق : صراحة ماني فاهم والو مي نتمنى انك تكون انسان صادق ومليح ماشي كيفو هو لي خدعنا كامل ....
الشيخ : بيناتنا ربي سبحانو يل ولدي روح سي كيفاش تعدل الحالة معاهم من بعد كلشي ساهل بإذن الله تعالى....
لحقهم ركب في اللوطو وديمارا ؛ طلب عنوان تاع الدار وصلهم غير لحقو قارا الطونوبيل ومدلو لمفتاح....
حسام : مرسي طارق ....
طارق : نتمنى كاش نهار تقعدو نحكو مع بعض على لي بيناتنا اصلا كاين حوايج لازم نقولهملك؛ اما كي تدخل سلم على ما زليخة حايب نشوفها كاش نهار ...
شاف معاه حسام شاف في عينيه عرف صاحبو لي كان ديما واقف جنبو طارق لي الضحكة تبان من عينيه كي كون صادق في كلامو ....
حسام: انا ما نقدرش ننسى الشيء لي درتو صراحة هكذا باش نكون صريح معاك ؛ اما نسيي نتناساه وان شاءالله مع الوقت تقدر نسامحك ......
طارق فرح لكلامو؛ تمشى ليه وعنقو حتى انو دموعو طاحو من الفرحة ...
حسام رجعلو نفس التعنيقة؛ حسو بلي كلشي فايت في هاذ الدنيا اكثر من 20 عام ما شافوش بعضهم .....
وهوما في حضن بعضهم كيف كانو من قبل كيف الأخوة؛ طارق لمح وحدة طل عليه من الطاقة طفلة صغيرة ماشي كبيرة ملامحها ماشي باينين ؛ كلشي فيها اسود من غير عينيها لي بانو كيف حجر الياقوت ؛ حومر يلمعو ...
شاف معاها وقت لباس بيه حتى حسام قالو : وش بيك طارق ...
طارق : شكون هاذ البنت الصغيرة لي عندكم عينيها حمر كيف حجر الياقوت ....
حسام : ما عندناش حتى طفلة صغيرة هنا طارق ...😮😮😮
#يتبع 😈