🕯السحر الملعون 🕯
#شيطان زوجي 2
#صونيا
🤍الحلقة 74🤍
********************
لابسة غوب بيضة ماشي طويلة ما قصيرة ؛ هازة شعرها لكحل كيف لحرير ؛ خصلات منو طايحين على كتافها ....
ميسون جات كيف القمر شابة نهار عرسها ؛ مكياج خفيف كلشي سامبل فيها ...
دخلت عندها زينب حارت كيفاش جات تهبل ...
زينب: هايا يا بنتي راح الحال ..
ميسون : خفت يا خالتو والله ويسمع بابا نروحو فيها كامل ....
زينب: انت ذرك كبيرة ماكيش ترضعي في صبعك وزيد ما تحبيش تكوني معاه وتدي ذنب كبير ؛ الله يهديه قبل ما يديه ....
ميسون : كنت متمنية اكونو معايا في يوم هاذا ختي وخويا ..
الله غالب ما كتبش ربي ..
هزت صاحكها الصغير وخرجت مع زينب لقاتو قدامها بكوستيم نوار ؛ راجل بمعنى الكلمة.
ذاك الزين ؛ ذاك الطول ...
خرجو على بعضاهم مراد وميسون اليوم زواجهم مكانش بزاف الناس باش ما تلحقش الهدرة لباباها ...
حتى وائل وسلمى مكانش.
سلمى مع تقدمها في الحمل ما تقدرش تتحرك بزاف والشيء لي فيها زاد هلكها كل مرة رقية كل مرة جسمها يتعب اكثر واكثر....
جنة جات تحفونة أميرة صغيرة تشبه ليماها ...
فاتت الحفلة عادي مكان لا مشاكل حتى انهم استمتعو بيها كامل ؛ حسام وهند عجبتهم ميسون كيفاش جات سامبل حتى انها فكرتها في روحها ونهار زوجت حسام .....
حياة جديدة قدامهم بعيدة على عالم السحر والشعوذة...
مابين هوما يتعشو في البيتزيريا طاحت عليهم الشرطة دورية كامل جاو بعد ما تلقو اتصال على خطف ميسون ؛ وتزويجها بالغصب من مراد ...
الشرطة قبضت على مراد وطارق وداوهم للمركز ...
مراد متاهم بالخطف؛ اما طارق متاهم بمساعدة الخاطف .
من لي كانو فرحانين تحولت فرحتهم لمأسات...
ميسون ثاني راحت مع الشرطة باش تمد الإفادة تاعها انها لازم تقولهم اذا صح راهي مجبورة على الزواج ولا لالا ...
كامل راهم في مركز الشرطة كل مرة يدخل واحد حتى وصل باباها وخوها ...
الشر باين في عينيهم ؛ الحقد .....
حسام : انت ما تخافش ربي انت واحد زنديق ؛ حسابك عند ربي غالي ورايح تتعذب في الدنيا قبل الآخرة...
اب ميسون: تخطفو بنتي وتحبوني نسكت هكذا ....
حسام : انت تعرف على واش راني نحكي يا عدو الله ...
الشرطي: كون ما تسكتش نحطك في الحبس ايا كل واحد أشد بلاصتو واسكتو عليا فهمتو ...
خرجت ميسون من عند ضابط الشرطة مع مراد وطارق ؛ هنا شافت باباها وخوها ....
ريان : كنت نحسب فيك مرا وفحلة مؤ انت بهدلتينا؛ طيحتي بينا ؛ راسنا رجع تحت التراب تفوووووووووه عليك انا لي رايح نخليك تخلصيها غالية.
قربت منو حكماتو من ذراعو ...
ميسون: انت توأم تاعي وتعرف الشيء لي نحس بيه قولي بلي كلشي عادي واش راه صاري ريان حرام الشيء هاذا ....
نحالها يدها: انا لي رايح ندي بلاصت بابا وانت رايحة تخلصيها غالية فهمتي ...
دخلو عند الضابط واحد نص ساعة خرجو ...
الضابط : سي طارق ومراد تقدرو تروحو مع ميسون ؛ الاب راه تراجع على القضية وسمحلكم اما المرة الجاية لازم تعلمو اهل البنت لي تهرب وتجي ليكم فهمتو ...
مراد : اصلا مكانش مرة جاية ان شاءالله هنا تنقطع العلاقة معاهم موحال نتلاقو مرة أخرى....
جاو خارجين في نص الليل ميسون قعدت تشوف في باباها وخوها رايحين عينيها دارو بالدموع ما لقاتش كيفاش تقنعهم انهم احبسو هاذ الشعوذة....
مراد حكمها من يدها وقال : هايا مرتي نروحو لدارنا الحمد لله لي فاتت على خير ...
طلعت معاه في الطونوبيل تشوف في برا حتى وفجأة لقات روحها في بلاصة كلها نار الدنيا تتحرق شغل رآها قامت القيامة الناس تتعذب مع مخلوقات غريبة وتخوف ...
دار ليها واحد طويل طويل بزاف عينيه حومر هاز شطرب من نار ويضرب كي شافت لقاتو خوها هو لي راه يتعذب وهاذاك عندو قرون كيف تاع البقرة ضحك معاها وقالها : هاي بلاصتك كون ما توليش عندهم ....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
