السحر الملعون " الجزء الثاني تابع لشيطان زوجي "

تتمة 13

🕯🤍تتمة الحلقة 13🤍🕯

هند : صايي نسمعك والله ما نقول كلمة زينب ختي ارجعي .....
دارت لقاتها تبكي وتشوف مع مراد شدها الخوف من هاذ الجيهة مي طلبت من وليدها يطلع مع وائل لفوق وهي تحكي معاهم لازم الموضوع ينحل ....
طلعو قلبو مكسور على جال امو مكانش حايب اشوف الظلم لي راه صاري فيها....
رجعت قابلتهم قاعدين وبدات تحكي ....
زينب: انا بنت جيت من الميتم ؛ رباوني ناس تبناوني كي لحقت في عمري 14 عام خبروني بالحقية كانت أول صدمة عرفتها في حياتي حتى اني رحت لطبيب نفساني كنت نعتاقد قالولي هكذا لأنهم ما احبونيش ومع الوقت تقبلت بالموضوع وتعايشت معاه كبرت وبابا مات كي كان في عمري 17 عام ....
يما دارت كلشي على خاطري الحمد لله عندنا المال ماشي محتاجين وغير انا لي عندهم كتبو كلشي على اسمي ...
نرجعو لطارق حبيتو من اول مرة جات عيني عليه ماكنت عارفة بحكاية هاذي صوفيا اليوم لي سمعتها منك ...
اما كنت عارفة بلي كان ادور عليك هند وانت رفضتي مي انا نسيتو فيك زوجت بيه من مدة وكنت بالحمل وضيعتو وشهرين من بعد عاودت هزيت مي مكانش علابالي سافرت رحت نقرا لقيت روحي اونسانت كيف كملت جيت ومعايا طفل في يدي حتى يما شوكات مسكينة وعرفت حكاية تاع طارق بويسك كان مرة على مرة اعيطلي يعني ما قطعش عليا بزاف رحت زرتو وعرفت حوايج من عندو وعرفت حكاية تاع الراقي بكيت وغضبت منو بزاف مي قالي كانت بسيف عليه ادير هاذ الشيء لانو الراقي خيرو بينكم في زوج قالي حسام قادر على شقاه مي انت هند موحال تقدري تتحملي الشيء لي كان رايح يصرالك ثمة وانا صدقتو حسيت الخوف في كلامو وما تنسوش انا ذرك طبيبة نفسانية نقرا الناس من كلامهم .....
مانيش نادمة على الشيء لي درتو واسفة على كلامي ....
اما هاذي هيا حكايتي وانتوما ذرك ديرو الشيء لي يخرج عليكم اذا تحبو من هاذ الدقيقة ما تزيدوش تشوفو وجهي .....
حسام : انا بالنسبة ليا مصدقك ومحال نحكم عليك كيف انا ندير المستحيل على هند عارف بلي انت ثاني مي طارق ما نقدرش تصدقو .....
هند : علاش ولدك يشبه لبابا قولي انا هاذا لي نحب نعرفو ...
اذا رقدتي مع طارق ما اهمنيش فهمتي ....
حسام عيط على هند : شدي قدرك وعرفي واش راكي تقولي هند ....
هي جات تقول حكايتها عامليها بأدب ما نعرفكش وقحة لهاذ الدرجة ....
هند هبطت راسها حشمت كي قالها هاذ الشيء ....
حسام : زينب تعرفي والديك الحقانيين ولا لالا .....
زينب : لا طيشوني في ميتم علاش نحوس عليهم ....
حسام : ممكن عندهم ظرف خلاهم اديرو هاذ الشيء ولوكان تحبي انا نحوس معاك تتعرفي عليهم ....
زينب: يما عندها شهادة ميلاد فيها كلشي مي هوما بدلولي اسمي وكنيتي يعني الاسم تاعهم والكنية غيروها .....
هند حلت عينيها وجاتها في راسها ممكن تكون من العايلة تاعها زينب ماشي غيرب حتى حسام طلع من عايلة يماها ....
هند: ممكن تجيبيه وانا نوقف معاك ونساعدك ....
حبيت نقولك اسمحيلي راني مصدومة من الشيء لي راه صاري مانيش مامنة واش شفت ....
زينب: مكانش مشكل انا توقعت تصرا حاجة كثر من هكذا المهم كي تفهمتو الوضع .....
هبط مراد وقال ليماه : ماما جدة عيطت وقالت راهي تعبانة هايا ازربي نروحو .....
خرجت زينب تجري مع ولدها ولحقهم حسام مع وائل قعدت غير هند واقفة تستنى في كاش خبر عليهم ......
#يتبع 😈