السحر الملعون " الجزء الثاني تابع لشيطان زوجي "

الحلقة 87

🕯السحر الملعون 🕯
#شيطان زوجي 2
#صونيا
🤍الحلقة 87🤍
******************
متكي عضامو كامل يوجعو فيه ؛ مخلوع من واش سمع من وائل ومراد ؛ طارق اخمم في حل باش يفتح ذاك لقبر ....
لحقلو ميساج في بورطابلو ؛ غير ما شافو قفز من بلاصتو وخرج يجري عندهم ....
طارق : شوفو شوفو واش لحقني يعني ممكن اكون هو واش بانتلكم....
وائل هز البورطابل وبدأ يقرأ:(سلام اذا بغيت نلقاو حل في رحبة ارواح لهاذ العنوان وحدك ) .
مراد : سور بلي راه فخ موحال نخليك تروح وحدك فهمت بابا ...
وائل: انا ما ضنيتش اكون فخ كون عينهم يقتلوك راهم داروها في بالك ما يقدروش واقيل ....
طارق : انا رايي من رايك سور كشما تقلبت بيه الزربية وحايب اعاونا ....
هند : ما تصدقوهش حسام غير هو لي يقدر اعاونا سقسوه راه كل ليلة اجي عندي نحكو لصباح ؛ حتى انو طلب مني نتافقو هكذا نقدر نحميكم كامل ...
وائل قرب منها حضنها وقال: يا ماما بابا ربي يرحمو اما واش راكي تشوفي ماهوش هو موحال اما راكي تتخيلي ؛ وامت هوما حابين اطيحوك .
زينب : راني معاها تبات تهتور مسكينة ...
طارق : لازم نروح لازم نلقاو حل موحال هند دير اي حاجة ....
مراد : وينها سلمى مانيش نشوف فيها ...
وائل هبط راسو مكانش حايب يحكي في الموضوع قدام يماه مي لازم تعرف في الاخير ...
وائل: فض المكتوب بيناتنا طلقتها رجعت محرمة عليا ...
هند حلت عينيها : كيفاش تيتم وليدك قول ما كفاكش بنتك يا وائل....
دموعها طلحو على لولاد لي راهم اخلصو من عمايل والديهم ....
وائل: جنة بنتك يا ماما علابالي تربيها احسن تربية اما حسام ما نقدرش نبعدو عليها راه اجي في النهار اما في الليل راه معاها ؛ موحال نقدر نزيد دقيقة وحدة معاها صايي قلبي هرب منها عفتها الله غالب ...
هند ما حبتش حتى تشوف معاه غاضبة منو عارفة بلي ولدها مدام طلقها موحال ارجعها ؛ خافت انها تكون السبب في هاذ المشكل لي صرت بينهم ....
وائل جا يخرج حتى سمعها تقول : كون انا لي خليتك طلقها ربي ما اسامحنيش يا ولدي حرام عليا ندخل بيناتكم ....
دار ليها وضحك موحال اقولها طلقتها على خاطر ما حتافضتش بأغلى حاجة نملكها وهي انت يا ماما بالعكس خلاها تحس انها بعيدة كل البعد على هاذ المشكل.....
وائل: صدقيني يا ماما ملي ماتت سمية ربي يرحمها وانا حايب نطلقها مانيش قادر حتى نهز عيني فيها يعني انت ما عندو ما دخلك في الموضوع ...
خرج وقاعد يطلب في ربي يغفرلو على الكذبة....
يعني ماشي غير  الوالدين لي يكذبو باش يحمو أولادهم؛ خطرات حتى الاولاد يكذبو باش يحمو والديهم .
طارق : اسمحولي لازم نعرف شكون مور هاذ الميساج قلبي كلاني لازم نروح ...
مراد راه عندك العنوان منا على ساعة إذا مكانش حتى خبر مني جيب الشرطة وأرواح ليه.
زينب مخنوقة ماشي قادرة تقنع راجلها لي رايح للهلاك برجليه ...
مع ركب في اللوطو لمحو واقف قدامو في ملامحو ضحكة خفيفة مي تخوف ...
مع هكذا كمل في قرارو ؛ مشا وين ما قالو وقبل ما اشوف شكون لي يستنا فيه عاود شافو واقف مقابيلو ...
طارق : علابالي انت ماشي حسام ؛ جيت بصورتو غير باش انا نتوقف ما نروحش ؛ اما مانيش مصدق بلي انت خويا نعرف وجهو مليح نعرف أدق التفاصيل فيه وذيك الضحكة الخبيثة لي راك راسها على شواربك مستحيل تكون هو ....
مازر : عندك الحق انا ماشي حسام مي حبست نجيك بهاذ الوجه باش تعرف واش صرالو كي قرب من ممتلكاتي مالة عس روحك والا مانيش رايح نمسك انت نفضل نمس اميرة ولا محمد أمين...
طارق : انا من عندي لي كتبو ربي يلحق راني مامن بالقضاء والقدر ولي عليا نديرو حتى على قطع راسي ...
عاود هز راسو ما اشوف مليح مع وجهو ما لقاهش واقف قدامو راح مي لمح واحد واقف على بعيد في وسط مكان خرابة دار مكسرة مهدومة؛ قرب منو غير بالشوية ما عرفوش شكون هو من ظهرو ...
مع وقف ديراكت موراه  ؛ دار هاذ الراجل وقال : مرحبا خويا طارق الحمد لله لي جيت كنت رايح بويسك طوبت بزاف عليا ...
طارق فتح عينيه وفمو ماشي مصدق بلي راه واقف قدامو ...
طارق : مستحيل تكون حي مستحيل انت لي راك واقف قدامي ......
#يتبع 😈