🕯️السحر الملعون 🕯️
#شيطان زوجي 2
بقلم : Djamila Bén
🤍الحلقة76🤍
*********************
مجمعين مع سلمى ؛فرحتهم مش سايعتهم على لفرد جديد في لعائلة..
صونا تلفون ميسون تشوف في اسم ختها .
طلعت راسها لزينب
ميسون: ماما زينب نهدر مع ختي ونجي
زينب: ديري بالك على روحك ومطوليش
ميسون خرجت من شمبرة لي فيها تسندت على حيط ورفدت متكذبش تا هيا توحشت ختها
اخت ميسون: الو ميسون صافا؟
ميسون: حمدالله ونتي وريان كيراكم
اخت ميسون: حمدالله حايبة نقولك توحشتك اروحي نشوفك
ميسون: تحكي صح نجيك حابتهم يقتلوني لالا
اخت ميسون: لا اروحي بابا وريان راهم سافروا دك ليل بأه يجو
ميسون: زعما تحكي صح مكيش غالطة نخاف نجي
اخت ميسون: هيا مطوليش قبل لا يجو
ميسون: دك نقول لمراد ونجي
اخت ميسون: الا كون تقوليلو ميخليكش.تجي وانا حايبة نشوفك
ميسون: اوكي دك نشوف كيفاش كوبي دك
اخت ميسون : اوك تلاي في روحك
كوبات عليها قعدت تخمم كيفاش تروح بلا متقولو جات فكرة لبالها انها تخلي خبر عند زينب دخلت شمبرة تشوف فيهم كيفاش دايرين للبيبي وجنة لي لصقة فيه تبوس في وجهو ضحكت وحطت يدها على كرشها تخمم وقت تولد هكا تم فرحتهم بيه طلعت راسها لزينب لي مقابلتها
ميسون: ماما زينب اني رايحا عند اختي كي يجي مراد قوليلو لخطرا عيطتلو تلفونو مبلع
زينب ضربت صدرها بديها
زينب: اخاا علاه ريحا ليهم حابة تموتي ويقتلو لي في كرشك
ميسون : لاالا راهم مكانش في دار سافرو وكاين غير اختي وحايبة تشوفني مش حابة نخليهالها في قلبها منطولش بلخف
زينب: معليش ديري لي تحبي موهم ديري بالك على روحك هاني وصيتك
ميسون: اوك كي جي مراد قوليلو
زينب: اوك تلاي في روحك
قاعدين في بلاصة بحذا لبحر مربع يديه يسمع فيه وش يقول
وائل: لزم نفك هذي لعنة لوضع مولاش مليح ولا عندي زوج صغار مش راح نقعد ديمة خايف حياتي كل
مراد : ولحل كيفاش نلقاو هذاك لقبر بأه تتحل كلشي
وائل: منعرف كيفاش
مراد: يزيك تخمام هيا دك نرجعو عندهم كشما يسحقو ركبو في لوطو ديراكت لوبيتال
عند ميسون لي وصلت بحذا باب دارهم وقلبها مقبوض عليها مش مطمنة وندمت لي جات بلا مراد دقت لباب فتحت قابلتها ختها عنقتها دخلت معاها قعدو
ميسون: متأكدة ميجوش دك
اخت ميسون: لا راحو سافرو منضنش دك يجو
ميسون: كيفاش صاري بعد ما رحت
اخت ميسون: بابا لي مش راح يتهنالو بال الا وما يدمر هذيم لعائلة سمم عقل ريان حتا انو مولاش يعرف من غلط من صح
ميسون: حتا واذا كانت بنتو في هذيك لعائلة وحفيدو لي جاي في طريق
ميسون لي تشوف في ختها وجها صفار تشوف وراها من غير ما ترمش عينيها
ارت بلعرض لبطيئ لوين تشوف تلقا باباها وريان وراها وضاهر من وجوهم سمعو كلش حطت يدها على كرشها لي حست بمغص فيها وهيا تشوف فيهم
عند مراد لي دخلو لشمبرة لي فيها سلمى لقاوهم مجمعين حسام طارق زينب هند دور عينيه عليهم غير هيا لي مكانش عقد حواجبو وحمحم
مراد: وينها ميسون ماما
زينب: عيطتلعا ختها قلتلها حايبة نشوفك وغطيتلك بأه تقولك وتروح معاها مبلغ جن كي سمع منها
مراد : كككيفاش خليتوها تروح وحدها كيفاش علبالك واش ممكن يديرولها راح يقتلوها مع بني
زينب: يا ولدي قالت مكانش خوها وباباها سافرو
حسام: تهدن ابني عيطلها شوفها وين
مراد رفد تلفون عيط يلقاه مبلع
مراد: ميلع مبلع تليفونها سيور كشما درولها
طارق :كيفاش دك نروحو ليهم مكملش هدرتو وصل ميساج أمرا رفدو قراه وجهو تبدل دموع تحرجو في عينه
وائل: شاكين احكي شبي وجهك تقلب
مراد: الحقها قبل ما يفوت لوقت من عند ختها
طارق : واش رانا نستناو يالله
زينب': يا يما على بنتي علاه مشديتهاش بأه متروحش
هند: صاي زينب ميكون غير لخير
ركبو في.طونبيلت مراد وديراكت لدوار لي تسكن في غير وصلو ركز حسام مع دوار يشوف فيه مألوف ليه يحاول يتذكر وين شافو جامي جاه اما يحسو شايفو تفكر بحلم لي ديمة يشوفو فتح عينيه ايه هوا نفسو دوار لي يشفو في منام لي فيه لقبر مدفون فيه سحر....
#يتبع😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
