السحر الملعون " الجزء الثاني تابع لشيطان زوجي "

الحلقة 13

🕯#السحر الملعون🕯
#شيطان زوجي 2
#صونيا
🤍الحلقة 13 🤍
************
وائل راح جاب باباه عارف بلي رايحة تتخلط الحالة بيناتهم ...
دخل حسام يجري ماشي فاهم والو لقى زينب شادة ولدها وتبكي وهند ماشي فاهمة ثاني ...
هند : قولي هاذ الطفل شكون علاش راكي ساكتة احكي سور هاذا اكون من فاميلت بابا اصبري نوريلك الفوطو تاع بابا راه فوطوكوبي تاعو رايحن تهبلوني اه .....
زينب : هاذا هاذا اكون .....
ناض مراد باش اسكتهم كامل : انا ولد طارق وزينب ....
كامل دارو ليه حسام نفتحو عينيه ماشي مصدق الشيء لي سمعو ....
هند قرب منو وقالت : موحال انت ولد هاذاك ولا ولد زينب انت سور ولد بابا انت تكون خويا لا .....
قعدت تمهمه حتى كلامها ماشي مفهوم هبلت هند من لي شافاتو ....
زينب : صح هاذا بني راه كثر من وائل بشوية يعني موحال اكون خوك هند مانيش عارفة واش راكي تخلطي مي ولدي ما عندو حتى علاقة بيك فهمتي ....
شافت معاها وراحت جابت كادر فيه الفوطو تاع باباها .....
هند : هاذا بابا محمود كي كان في عمرو 35 عام زيدي قوليلي ماشي بنك يشبهلو هايا احكو ساكتين كامل ؛ كيفاش اكون ولد الخامج تاع طارق لي كان حايبني نموت انا وحسام قولي ....
راحت عند زينب شدتها من شعرها ...
هند : كيفاش درتي هاذ الشيء وانا لي كنت حاطاتك كيف ختي كيفاش....
طارق كان يرقد مع صوفيا يعني انت كنتي عارفة كلشي وسمحتيلو ادير فينا هكذا ....
زينب غير ساكتة خلاتها تضربها خلاتها تجبدلها شعرها خلاتها تفرغ الغضب لي في داخلها ...
تقدم حسام بالشوية وشد يد مرتو ....
حسام : زينب ما عندها حتى دخل وانا ندير فيها الثيقة حبيبتي بالشوية ماشي هكذا لولاد واقفين وانت تتعاملي بهاذ الطريقة قدامهم عيب ....
مراد شاد قبضة تاع يدو الغضب باين عليه حاكم في روحو تقدم عند يماه وقال : كنت نضن بلي رايحة يتفهمو مي طلعت غالط من خلف وائل لي صح حس بيا ونهار قتلو فتحلي قلبو .... اما انت طاطا هند ما عندكش كامل قلب للأسف كيف ما انت تحبي عمو حسام ماما حبت بابا وهاذا ماشي جرم فهمتي الشيء لي هو دارو مكان لاه تحاسبي يما عليه .....
هند قربت ليه قعدت غير تشوف في عينيه ماشي قادرة تنحي وجها منو .....
زينب جبدت وليدها موراها  ...
زينب: تحبي ديري حاجة راني قدامك مي ولدي لا مستحيل نخليك تقيسيه انا جيت نحكي سري حطيتك ختي مي الله غالب لقيتك ماشي قادرة تسمعيني يكفي الشيء لي درتيه قدام أولادنا.....
شدت مراد من يدو وخرجت من الدار ...
هند راحت تجري من اوراها وتعيط ....