السحر الملعون " الجزء الثاني تابع لشيطان زوجي "

الحلقة 10

🕯#السحر الملعون🕯
#شيطان زوجي 2
#صونيا
🤍الحلقة 10 🤍
************
جا لي دارلها لبلاطر حسام جبد زينب على طرف ....
حسام : انت تعرفيني هند مم مدة كبيرة قوليلي اذا عندها خوها كثر منها ولا لالا ....
زينب : انا نعرف بلي هي لكبيرة من بعد اجو التوأم ...
علاش حسام واش راه صاري ....
حسام : رحت واحد اليوم وقالي نوع السحر لي راه مداير لينا يعني الطفل الأول ديما اموت باش الباقي اعيشو فهمتي مي هند جامي  قاتلي بلي عندها خوها مات ولا ذكرت شيء كيف هاذا ....
زينب تخلطت عليها وقالت : فهمني بالشوي اكي ....
حسام :رحت مع وائل عند واحد الشيخ حكينا معاه وشرحلي كيفاش هاذ السحر راه داير ....
قالي يضرب العايلة لي معموللها السحر وفي نفس الوقت يضرب عايلة الساحر يعني في زوج ملعونين .....
اما الناحية لي عملولها السحر الطفل لول اموت اروح شغل ضحية باش أفراد العايلة لخرين اعيشو....
كيف انا علابالي بلي ماتت ختي لكبيرة كامل كانت يما في شهرها الرابع ....
وهند ثاني فقدت البيبي لول تاعها ...
مي امها ما علاباليش اذا هي ثاني فقدت بيبي قبل هند فهمتي ....
زينب قعدت حاكمة في راسها لكلام تاع بيبي وربع شهر دارت ليه ....
زينب: انا ثاني كنت اونسانت وطاحلي البيبي كان عندي ربع شهر حسام ....
حسام : علاش انت جبتي لولاد اه ...
زوجتي زينب وما قلتيش ولا غلطة مع كاش واحد قولي .....
هبطت زينب راسها ماتت بالحشمة منو ما عرفتش واش تجاوبو ....
اصلا اندافعت كيما سمعت كلامو وحكات بلا ما تفيق .....
حسام: مانيش هنا باش نحكم عليك هاذي حياتك الخاصة نعتابر روحي كيف خوك على بيها سقسيتك ....
زينب : عندي طفل اكبر شوية من ولدك ما تسقسينيش كيفاش حسام نهار نحكي مع هند نحبك تكون حاضر انت انسان تتفهم وتعذر الناس شفتك في بزاف مواقف اما هند لا نتمنى تقبل ....
حسام شاف معاها ودار براسو ايه ....
تأكدت زينب بلي هند مليحة رجعت كملت خدمتها وحسام رفد مرتو وروحو في الطريق عيطلو وائل.....
حسام : الووووو وينك من قبيل وانا نعيطلك تقلقت عليك ولدي ....
وائل: راني مليح مي عندي واحد الورقة لازم تشوفها ؛قولي يما كيفاش راهي....
حسام : مليحة مليحة مي قاتلك روح حبت تشوفك ...
وائل: شوية ونروح ....
*******
الوقت لي وائل يحكي مع دارهم مراد جبد وعيط آية ....
آية: الوووو عمري علابالك بلي طولت عليا ....
مراد: واش هو اسمك الحقيقي آية ولا سلمى ...
وشكون هو حبيبك مراد ولا وائل؛ ولا لي حكمتلك معاه هو الصح اه طلعتي خداعة كبيرة تعرفي تكذبي على الرجال خليتينا في زوج نطيحو فيك والمشكل وائل راه كيف خويا نوكل عليك ربي فهمتي انا غير انسيني اما وائل يا تقوليلو الصح يا انا لي نقولو خيري ......
قطع عليها ورجع عند صاحبو شاف معاه وائل وقال : صاحبي لازم نروح ماما قبيل طاحت وتكسرت من يدها وانت لازم تروح تشوف طبيب اه نسيت يماك طبيبة ههههه لازم تشوفك اكي ومدلي خبرك ما تنساش ....
تفارقو كل واحد دا طريقو ...
اما آية بعثت ميساج لمراد اه قصدي سلمى كتبتلو : صح انا لعبت عليه هو بويسك كل مرة يرميني ورايحة نكمل معاه كامل مي انت حبيتك صح من قلبي صدقني وعلبالي بلي تحبني اذا تخليني نموت نقتل روحي ......
شاف ميساجها رجعلها : انا موحال نخسر صاحبي على مرا خداعة اما بغيتي تنتاحري تفضلي تموتي كيف الكلبة انت منك كاين عشرة مي هو لا اما تقوليلو ولا نقولو وهنا تحبس لحكاية ......
هو يتمشى ما شافش البوس مع حط رجلو واحد جبدو من لور والبوس فات قدام وجهو تخطف دار لقاها آية لي نقذاتو قبيل ...
اية : انت اليوم مديسيدي تموت في بالي ....
مراد : وانت واقيل راكي تبعي فيا لا ....
#يتبع 😈