السحر الملعون " الجزء الثاني تابع لشيطان زوجي "

الحلقة 11

🕯#السحر الملعون🕯
#شيطان زوجي 2
#صونيا
🤍الحلقة 11 🤍
************
قاعدين يستنو في وائل في الصالو حسام غير اشوف معاها وفي فمو بزاف كلام ....
هند : غير اهدر مكان لاه تقد تشوف وتتهرب مني ....
حسام : شحال انتوما في العايلة جامي سقسيتك .....
هند حارت من كلامو : كيفاش شحال باين انا و خاوتي زوج ....
حسام : لا قصدي إذا عندك كاش خوك ولا ختك ماتو .....
هند قعدت تخمم : اه نشفا خطرة قال بلي ماما كانت قبلي عندها توام طاح واحد تبالي في 4 شهر و لوخر مع زاد مات يعني ما نعرفهمش وزيد كثر مني بعام ....
حسام تخلع من كلامها يعني كلام الشيخ صحيح ...
تفكر كلام زينب علاش قاتلو انا ثاني ماتلي بيبي في 4 شهر ...
مابين تايه في افكارو قدمت ليه هند باساتو وقاتلو : كيفاش حبيبي ما توحشنيش....
حسام : زينب قاتلي عندها هدرة معاك يا درا واش حابة تقولك ....
هند : اناااا نقولك توحشتك وانت تقولي زينب صايي زعفت وقعد خمم فيها 🙄🙄🙄
ضحك حسام عليها كي عاد مزالها تغير عليه حس بلي حبهم شمة موحال تطفا بالساهل ....
دخل وائل لقاهم يضكو جا في وسطهم وقال : كون غير نلقا مرا وتقعد تحبني كيف ما راني نشوف الحب لي بيناتكم ....
هند : انت سيد الرجالة يا عمري وشكون لي ما تقدرش تحبك قول ....
وائل: كنت حايب نقولكم اذا تقبلو تخطبولي وحدة عندي شحال وانا معاها وذرك ما بقاش باش نتخرج والخدمة الحمد لله مضمونة مع بابا واش رايكم  ....
ناضت هند تزغرت وترقص بيدها لمكسرة والفرحة دايرة بيها ....
كامل يضحكو مي حسام دار ليه وقال : كون نهار تجيبها للبيتزيريا نتعرفو عليها قبل ما نخطبوها ماشي تفهم بلي راني رافضها لا بالعكس مي حبيت نعرفها برك قبل ....
وائل: كيف ما تحب الوقت لي ساعدك بابا ....
حسام يومين خليلها الوقت توجد روحها واش قلت ههههه.
وائل: اكي نجيبها نتغدو ثمة وتتعرفو عليها واش قلتو ....
قعدو مقصرين عندهم زمان ما فرحوش بهاذ الطريقة .....
*************
مراد قعد على شط لبحر مع آية يحكو ...
مراد : انت منين جيتيني ولا بعثوك ليا قولي الصح ....
آية : صدقني كنت هاربة من واحد كنا مخطوبين وانا فسخت الخطبة لقيتو مع صحبتي اوكوبل كي عرفت تبعتو بالشوية حتى خرجت عليهم صحة صحة ...
وكي شافني جا مورايا يحلف بلي هي لي قاتلو ارواح وانا شفت كلشي بيناتهم تصاور ميساجات ...
حكيت مع ماما وهي قالت لبابا وفسخنا الخطبة.....
اما اليوم جيت نتمشى شافني لحقني تخبيت من بعد تلاقيت بيكم ....
مراد : اوووووو حكايتك كبيرة واعرة ماشي كيفي انا حبيت وحدة كنا غير امي مع لول مع الوقت حبينا بعض مي هي كانت في نفس الوقت مع واحد آخر واليوم عرفت بلي لي راه معاها صاحبي كيف خويا .....
ما قدرتش نقولو ومانيش عارف اذا نقدر هو احبها بزاف بزاف وخايف ما اصدقنيش....
آية : كون اناااا نسيي نوريلو الحقيقة تاعها مي باش نقولو ديراكت لا تولي في الاخر انت لي ماشي مليح اذا كان احبها موحال رايح اصدقك انت وهي قادر تقولو بلي انت لي كنت موراها ودير بزاف صوالح....
قعد اخمم في كلامها ...
مراد: صح عندك الحق ذرك نشوف كيفاش ندير باش اشوف وجها الحقيقي ....
قعدو اقصرو جتى قاتلو : لازم نروح ذرك يما تتقلق عليا ياك عندك النيميرو نحكو اكي ....
ما خلاتلوش فرصة يحكي راحت ديراكت قعد غير اشوف فيها من بعيد رايحة ....
*********
قعد وحدو اخمم صونا التليفون تاعو هز : وي وائل ان شاءالله طاطا هند راهي مليحة....
وائل: الحمد لله مليحة  كنت حايب نقولك انا هو لول من صحابي لي نقولهم رايح نخطب سلمى بعد يومين تجي اشوفها بابا و يما من بعد يخطبوها ان شاءالله.....
مراد دمو جمد حتى الدموع دارو في عينيه ما قدرش اقولو مبرووووك عليك قعد غير ساكت    
وائل: الووووو مراد وينك ....
مراد: غير هنا مبروك صحبي ....
قالها وصوتو يرجف ..
وائل: حسيتك ماشي فرحان غير الخير ...
مراد: لا والو مي تبالي تسرعت شوية كون تزيد تصبر لا مزالك صغير  .
وائل: قول واش كاين راني حاس كاين حاجة .. 
#يتبع 😈