السحر الملعون " الجزء الثاني تابع لشيطان زوجي "

الحلقة 18

🕯#السحر الملعون🕯
#شيطان زوجي 2
#صونيا
🤍الحلقة 18🤍
****************
هبط عند يماه وحايب يفهم من عندها علاش قبلت تزوج مع بابا وهي علابالها بلي مزوج بوحدة خرى .....
زليخة : كان متزوج مي قعدو مدة ما جابوش لولاد ايا قال لمرتو نزوج بالحلال نحب لولاد قبلت تزوجت بيه انا حبينا بعضنا بزاف مرتو لخرى طاحت بالحمل مي هو تالمو احبني ما قدرش اطلقني ماتت بنتو لولة ؛ من بعدها جيت انت يا ولدي وكان ديما اقولي بلي عائلة تاعو فيها حاجة ماشي مليحة كي شفتك وانت هاذاك وين خلقت؛حبيت نهزك مي ما قدرتش كنت درت عملية و تعبت بزاف رقدت كي نضت قالولي ما عشتش كنت ضعيف بزاف بزاف ....
بكيت عليك كل دموعي كنت متمنية نهزك غير مرة وحدة ونشم ريحتك.
مي جاو قالولي بلي متت ؛ وباباك قالي بلي العايلة تاعو مضروبة بلعنة المولود لول ديما اموت ...
وانا ما زدتش حملت من بعدك صرالي شوك ما قدرتش نجيبلو اولاد ولا قالي نربو كاش طفل ....
بعد عوام رحنا نحوسو طيحنا ربي في ملاك كانت صغيرة بزاف سقسينا رئيسة الميتم عطاتنا كلشي يتعلق بيها سييتا نحكو مع باباها قال بلي بنتو ماتت ولي قول عكس هاذ الشيء يقتلو وكانو الدموع في عينيه حتى انو كان يعرف باباك ربي يرحمو حكاو مع بعض مدة طويلة وتفاهمو على كلشي ...
والراجل من هاذاك اليوم ما زدتش شفتو ...
مي لزهر حبها بزاف لزينب شغل كانت من دمو ولحمو ؛ شغل جات من صلبو كي كانت تعاني كان ديما يرقد معاها باش ما تخافش ....
مانيش نادمة لي ربيتها هاذي بنتي انا موحال واحد أقول عكس هاذ لكلام ...
النار لي قعدت في قلبي من جيهتك طفاتها طفاتها هي يا ولدي ؛ كنت ديما نحلم بيك مي كنت راجل بشكلك تاع ذرك نفس الصورة عندي عوام وانا نحلم نفس الحلم ....
قعد حسام اشوف معاها قلبو وجعو على يماه ما لقاش كيفاش يتقرب منها هي غريبة بالنسبة ليه ...
هند و زينب كانو مور  الباب يسمعو في كلامهم ودموعهم طايحين كل وحدة شادة في لخرى شعرهم مبشبش وجوهم مقلبة كل وحدة مجروحة في بلاصة باين خرجو الغل في بعضاهم وكملت لحكاية ورجعو خيات .....
حسام قرب ليها بالشوية هزلها يديها . 
حسام : علميني نشوفك كيف ميمتي ؛ خليني نحس بحنانتك؛ خليني نخلق من جديد معاك ؛ مانيش قادر نكره بابا ولي رباتني بويسك عطاتني كلشي حنان الأم وقتها وحياتها كانت تحبني بزاف بزاف موحال نكرها؛ مي ربي عطاني فرصة خرى فرصة هي انت نعوضك على الشيء لي تحرمتي منو ؛ صدقيني عن نفسي تقبلت الموضوع صايي مي انت ثاني لازم تعملي كلشي باش نولو عايلة ونعيشو  مع بعض ذرك راه عندك بنت وكنة و زوج أحفاد يا ماما ....
غير سمعت كلامو قعدت تبكي وتبوس فيه من كل بلاصة تشم في ريحتو لي تحرمت منها طول عمرو ...
حسام هز راسو شافهم واقفين ؛ هند ؛ زينب؛ وزوج واحد طويل بزاف وحدة عادي مي هاذو في زوج ظل لكاش خرين عيا اشوف منين جايين ما قدرش ....
دخلت زينب وهند قعدو مع زليخة .....
شافت معاهم وقالت : وانتوما واش لي صرالكم تعاركتو ...
هند : لا ما زليخة كانت قطة وحنا ما قدرناش نشدوها دارت فينا هاذ الشيء ....
ضحكو كامل على كلامها وقعدو يتكلمو على حياتكم وكل واحد فيهم عندو حماية خلاف .....
هند : غدوة كاين عرضية رايحة تجي حبيبت بني يعني خطيبتو رايحين نتغدو معاها وكامل معروضين ....
فرحت بزاف زليخة اول مرة تحضر هاذ لحوايج ولد بنها كبر وحايب يتزوج ماشي مصدقة الشيء لي راهي عايشاتو .....
************
مراد قاعد في الجنينة يستنا في وائل شوية وتفكر آية....
هز تليفون وعيطلها .....
آية: الوووو شكون معايا ....
مراد : اه اه انااااا مراد كون شفيتي عليا ....
آية: اه لي حايب اموت خطرتين ههههه
مراد : زعقي عجباتك واقيل المرة الثالثة نموت تاع الصح واقيل ....
آية: بعيد الشر عليك طوال لعمر ان شاءالله ؛واش حولك ؛ او هاذيك لحكاية حليتها ....
مراد : لالا والمشكل غدوة رايحين نتغدو معاها واش رايك كون تجي تتغدي معانا هكذا ما تديهاش في روحها ....
آية: كيفاش هاذا نجي طحت على راسك انت ثاني واقيل ....
مراد: مافيها والو انت صديقتي وكون تجي نفرح على الاقل ما نكونش وحدي ثمة اعيشك تجي اه قولي ايه آية ....
سكتت شوية وقالت : اكي نجي بشرط واحد ....
مراد : لي هو !!!!!
آية : تقولهم هاذي حبيبتي قدامها ....
مراد : اكي مشات ......
#يتبع 😈