🕯السحر الملعون 🕯
#شيطان زوجي 2
#صونيا
🤍الحلقة 56🤍
******************
كانت تايهة في أفكارها: واش رايح يعملي الليلة ؛ كيفاش نقدر نسلك روحي؛ موحال نقول على مراد؛ تموت انا ولا اموت هو ....
دخل عليها وهاز شطرب في يدو ؛ مصمم انو ياذيها باش تعترف بكلشي ؛ بالشيء لي داراتو ....
اب ميسون : حطيتك انت العاقلة وتسمعي لكلام مي طلعتي وحدة ماشي ساهلة ...
علاش هكذا انت حابة واحد فينا اموت هكذا ميسون ....
هزت راسها فيه والدموع طيح من عينيها....
ميسون: صدقني كون نقدر نمدلك روحي نمدها ؛ مي ما نحبش نظلم الناس معايا قولو ؛ قولو راهي راضية تموت هيا بشرط انتوما تعيشو وتحبس لحكاية هنا ...
تبكي وتهدر؛ مي هو قلبو قاسح ما فيهش كامل الرحمة ....
طلب منها تنوض ودور للحيط واذا تحركت تخلصها غالية ...
هز ذاك الشطرب ورجع يضرب فيها بكل قوتو وهي تبكي وتعيط تطلب من ربي يغفرلها ذنوبها ...
شوية ودخل خوها وقف بينهم ....
ريان : هاذي بنتك يا بابا حرام عليك تعذبها بهاذ الطريقة...
شاف معاه : روح من وجهي خليها تهدر واش دارت اهرب .....
دخلت ختها لكبيرة وقالت : الشيطان راه يكذب عليك انا مديت دمي لمراد انا لي انقضتو كيفاش تبع فيه وهو راه يستغل فيك ويستغبيك لهاذ الدرجة ...
هز يدو وضربها حتى طاحت في لرض ...
اب ميسون : نشوف وحدة فيكم برا نقطعلها رجليها راني حذرتكم...
ميسون: انا نقرا هاذا عامي لخر موحال تقدر تغلق عليا اقتلني ذرك وهنيني ...
وقف شاف معاهم وخرج خبط عليهم الباب...
ريان حكم ختو وغطاها قعدت تبكي في حضنو هاذي اول مرة ادافع عليها بهاذ الطريقة.....
ريان: بركاي ما تتحداي فيه والله ما يرحمك ميسون شفتي ماما مسكينه ربي يرحمها كيفاش عذبها مالة اقعدي عاقلة ختي ....
كانت تبكي مي في داخلها فرحانة انها ما حكات والو على مراد .....
******************
سلمى نخلعت من واش شافت عيطت لوائل وحكاتلو على لي صرالها جا ليها يجري خاف على البيبي داها لسبيطار قالولو كلشي مليح البيبي عندو تقريب شهر والنمو تاعو صحيح اما لقاو في جسمها بزاف الزروقية حارو كي سقساوها قالت نرقد ونفيق نلقاهم ؛ طلبو منها دير تحاليل دم اشوفو وين راه الخلل ...
رجعها لدار تمدت فوق السرير قعد عند رجليها ؛ هزت رجليها وحطتهم في حجرو ؛ ضحك وائل: رجليك صغار بزاف كيف تاع طفلة صغيرة هههههه.
سلمى : امممممم ماشي عاجبينك واقيل ....
هوما يحكو صونا تليفون تاعو....
وائل: اهلا ماما ....
هند : باباك قالي سلمى مريضة غير الخير ...
وائل: ديتها قالو كلشي مليح اما حبو اديرو تحاليل باش يتأكدو...
هند : راني جاية مع حسام خبرهم ....
عيط لنسيبتو قالها بلي راهم جايين...
فرحت بيهم وراحت توجد القهوة مع القاطو...
بعثت بنتها يسمين في مهمة لي كانت تخطط ليها جاتها الفرصة لحتى لدارها ....
ساعة من الزمان وصلو ليهم دخلتهم يماها ورحبت بيهم ....
وائل خرج قعد معاهم حتى لحقت سلمى تمشي وتتمايل كيف اللفعة .......
هند : ان شاءالله ما عندك والو بنتي ....
سلمى : لا راني مليحة الحمد لله....
قعدو يحكو ؛ ويسمين عيطت لسلمى...
سلمى قالت بلي يسمين ممكن كشما تحتاج وخرجت هكذا ما يسمعوهاش .....
سلمى : صايي درتو كيف قالت ماما ....
يسمين: ايه راني نستنى فيه يخرج من الدار وجيبلي المفتاح....
اكي روحي ديراكت من بعد سمعتي ....
رجعت ليهم سلمى تضحك وتحكي شغل مكاين والو.......
وائل: انا نروح طولت كشما كاين عيطي سلمى اكي ...
خرج وخلاهم هوما مابين قفل الباب عيطتلو سمية ...
سمية : حبيبي خلصت الجلسة رايحة نجي ندي حوايج ونروح ....
وائل: اصبري ندي يما وبابا ونفوت عليك اكي .....
رجع طبطب ...
حلت عليه سلمى : غير الخير مالك رجعت ...
دخل راح عند يماه : ماما سمية جاية قلت اذا راكي حابة تشوفيها ....
سلمى قبضت يدها من الزعاف تغششت من كلامو وباين عليها .....
هند : اسمحولنا حنا نروحو ان شاءالله نولو .....
ام سلمى : مزال الحال اقعدو معانا شوية ....
حسام : انا لازم نروح تعرفي الخدمة ....
خرجو وراحو جابو سمية وروحو لدار .....
غير حطهم قالهم وائل عندي خدمة من بعد نرجع .....
دخلو لدار سمية طلعت ديراكت لقات الدنيا مقلبة والد.م في كل مكان .....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
