🕯السحر الملعون 🕯
#شيطان زوجي 2
#صونيا
🤍الحلقة 62🤍
********************
دخل لدار خالتو في كرسي ؛ حياتو نقالب في لحظة ؛ ما يقدرش اروح لدارو بويسك كاين دروج ....
وائل هو لي احبو اكون معاه في الدار ...
هزوه حطوه فوق السرير حالتو حالة ماشي متقبل الشيء لي راه فيه جاتو صعيبة ما يقدرش يتحرك .....
غير ما كملو خرجو دخل عندو وائل: مراد حكيت مع ميسون وقاتلي بلي باباها حبسها هاذ العام وراهي حابة تشوفك مي ذرك مستحيل خلي تبرى شوية ونشوف كيفاش ندير نخليكم تتلاقو ...
مراد : جامي ننسى خيرك خويا وائل....
وائل: المهم عندي تكون مرتاح فهمت ....
مراد : معليش نسقسيك على سلمى واش حوالها ....
وائل: نسقسيك وجاوبني بصراحة تكذب عليا موحال ندير فيك الثيقة ...
مراد : انا موحال نكذب عليك ...
وائل: موالك تحبها !!!!؟؟؟؟؟
مراد : والله حبها خرج من قلبي من نهار عرفت بلي راهي معاك جامي مديتلها فرصة ولا خممت حتى اني نحكي معاها مي واش جاز عليها شفتني هاذا مكان ....
قرب ليه وائل وقال : علابالي بلي راك تقول في الحقيقة ؛ هي ذرك راهي بخير ؛ خير من لي كانت تتحسن بالوقت رجعت تاكل وتخرج حتى انها تتهاوش سمية رجعو المشاكل هههههه
قعدو يضحكو على همهم في زوج .....
دخلت زينب لقاتهم هكذا ....
زينب : محلاها هاذ القعدة نحب نشوفكم ديما هكذا ....
وائل: خالتي ماشي ما نحبكش مي لازم ندي سمية عند الطبيب عندها فيزيت اليوم .....
خرج خلاهم يحكو ...
مراد : يما هاذا لي مدلي الكلية شكون اكون ....
زينب : يا بني عييت نعرف مكانش كيفاش كامل ساكتين ...
مراد : لازم نعرف شكون ....
زينب : كنت شاكة في طارق مي هو لحد الان راه راقد ....
مراد : انا شاك في ميسون مي ما نعرف اذا هي ولا لالا ...
زينب : كون نشدها ناكلها بسناني هاذيك الخداعة.....
قعد مراد اخمم ويماه تحكي وحدها .....
************
وصل وائل مع سمية عند الطبيبة دارتلها ايكو وشافو البيبي ....
الطبيبة : كلشي عادي بنتكم راهي مليحة ...
وائل: شفتيها بلي بنت ...
الطبيبة: ايه راني سور باي طفلة ....
فرحو وائل وسمية شافت معاه وقاتلو : قتلك كون نجيبو بنت نسميها جنة واش رايك ....
وائل: سميها كيف تحبي حبيبتي....
دارت شافت واحد واقف عند الباب يتوقب عليهم مي غير خيال ماشي واضحة ملامحو كانت كل مرة تشوفو وكل يوم أقرب منها بالشوية .....
هي غارقة تشوف في جيهة الباب وائل يحكي معاها وهي ما تسمعش فيه حتى شدها من يدها دورت راسها عندو ....
وائل: هايا نروحو خلصت لافيزيت.......
نزلو في الدروج قعدت تخمم في واش شافت تالمو تخمم راطات درجة قريب طاحت شدها وائل من يدها .....
وائل: واش راه صاريلك قولي ....
سمية: لا والو غير تعبانة برك حابة نرقد ....
رجعو لدار طلعت ديراكت باش ترتاح ماشي قادرة توقف على رجليها كامل ......
تسطحت غلقت عينيها قعدت تشوف نفس لخيال تبعها حتى في أحلامها وكل مرة اقولها : خيري يا البيبي يا وائل......
وكل مرة تقولو موحال نفرط فيهم في زوج.......
لحقت الشهر السابع **********
سلمى تعافات ورجعت كيف ما كانت ....
مراد رجع يقدر يوقف على رجليه الوح خطوات برك .....
طارق مزالو في الغيبوبة .....
ميسون حابة تشوف مراد مي مزال ما تلاقاتوش ......
**********
سمية راقدة كيف العادة كرشها عند فمها ؛ جاها هاذاك الظل وقالها : اخر مرة نسقسيك شكون تخيري ورايح اكون اخر سؤال بالنسبة ليك ......
سمية : نخيرهم في زوج مستحيل نفرط في واحد منهم .
ضحك ذاك لخيال وقال : اتحملي مالة العواقب .....
عيط فرد عيطت خلات بزاف أشباح نتاشرو حذاها ؛ تخطفت حلت عينيها ؛ شافاتو واقف عند رجليها وشادها منها .
قعدت تعيط وتبكي حتى جاو ليها يجرو لقاوها غارقة في د.مها هزها حسام وراح هبط داها لسبيطار....
#يتبع 😈
VOUS LISEZ
السحر الملعون " الجزء الثاني تابع لشيطان زوجي "
Horrorحصريا على #🕯chronique-DZ 🕯 🤍#السحر الملعون🤍 #شيطان زوجي 2 #الكاتبة : صونيا #الكوفر : زينب راقد على كرشو يحكي في التليفون والنعاس يدي فيه ماشي قادر يفتح عينيه وصوتها خارج من التليفون: وائل اهدر علاش سكتت وينك .... سمعت شخير عرفت بلي رقد حكمها...
